明記海鮮潮州菜館 (天保大廈)

Open Now

Now Closed

今天到荃灣，睇完戲諗住去食打冷, 上OPENRICE睇下附近有冇, 見明記消費滿$300送滷水雜拼一碟，有鵝腸，腎，豬大腸等潮州滷水配料。於是去試試。潮州滷水拼盤內鵝腸彈牙，配上浸滿滷汁芽菜，一口放入口簡直一流。京都炸大腸炸得外皮鬆脆，夾件菠蘿片去一齊食,意外地好味,加上兩者數量相約。用來送酒一流。碧綠炒蝦球可話蝦球處理得唔錯，乾淨，爽口彈牙又保留蝦球清甜，老少皆宜的西芹炒蝦球岩食。火喉掌握得夠镬气。瑤柱蛋白炒飯做得不俗，飯炒得夠乾，見飯粒，又夠美味。整體而言，環境夠大，價錢合理，值得一試。 而且冷氣十分充足。明記係一個群聚好地方。

和朋友在荃灣吃晚飯，朋友選了主打潮州菜的明記。門口擺放的海鮮超吸引，適合和一大班朋友分享。明記荔枝骨，比一般生炒骨多帶一份果香，味道清新。荔枝已去核，酸酸甜甜又多汁，配上排骨，能中和一下肉類帶來的膩感。海皇一品煲配料豐富，有海鮮又有菜，豆腐更沾滿了整煲精華的湯汁。主角帶子鮮甜，質感爽脆有彈性，口感滑嫩。除了帶子還有斑片，蝦仁，魷魚等海鮮，魚片夠大塊而且厚肉。豉椒炒蜆大大碟，豆豉和青紅椒絕對是炒蜆的最佳配搭。蜆肉粒粒都很飽滿，調味惹味非常，用來配白飯吃最滋味。消費滿$300送滷水拼盤一碟，有鵝腸，腎，豬大腸，腩肉，魷魚等經典潮州滷水配料。鵝腸爽脆彈牙，配上芽菜一口放入口最滋味。豬大腸，脂肪比例適中，不會有異味，口感軟滑有嚼勁。點幾個小菜再加配白粥和白飯，更有潮州菜風味。

實在太耐未食過打冷了, 所以放工即刻去了<<明記>>味道好當然是最大原因, 而消費滿$300就送一碟鹵水拼盤亦是吸引我的地方當我上到1樓的時候, 發現久違了的半場爆滿(現在限聚令這時候, 不會全場爆滿了)雖然半場爆滿, 但每張枱都分得開開的, 還有擋隔, 都十分令人食得安心<<鹵水拼盤>>雖然是送的, 但份量絕對沒有在慳而且依然鹵得十分入味, 材料新鮮,你可以食到魷魚片的彈牙, 食到鵝腸的爽口消費滿$300就送一碟鹵水拼盤, 真的讚<<鹵水鵝片>>鹵得入味, 份量滿足, 鵝片肉質嫩滑,而我最喜歡就是她可以讓我享受啖啖肉的快感是我每次到<<明記>>必點的菜式<<辣酒煮花螺>>因為朋友對她有興趣, 所以我都是第一次點花螺菜式, 竟令我意外的發現陪酒的最好菜式辣絕對是你會感覺到的第一種味道, 但她並不是辣麵的那種死辣而是那種令人想吃多一口的那種香辣, 還有你嚐到辣之餘,你亦會吃到花螺的鮮甜. 讚!<<京都炸大腸>

秋風起，突然好想食打冷，便到明記走一轉，果然水準依舊好味又抵食😋 顧客需先量度體溫才能進店。店舖提供了很多孖寶套餐，三四百元已有魚蝦蟹龍蝦等供選擇。金牌滷水鵝片入味，肉質嫩滑，加點點酸汁一齊進食簡直是絕配。豉汁蒸白鱔份量大，白鱔肥美，配以大量豆豉蒸煮美味可口。豉椒炒蜆也是打冷必吃之選，大大碟隻隻都有肉，炒得很有鑊氣👍🏻 現在更有堂食優惠，惠顧滿$300會送滷水拼盤一份，仲係例牌的份量，有墨魚大腸鵝腸紅腸豬耳等等，絕對有誠意！而服務員態度也非常和藹親切，抱有濃濃的街坊人情味，實屬難得。

今晚黎到荃灣晚飯!一早BOOK定明記海鮮潮州菜館，晚飯時間接近全場爆滿，好好生意~有孖寶套餐亦可散叫，款式種類選擇多。凍烏頭肥美鮮甜，油質豐富，肉質嫩滑，完全無泥味。配以豆醬一同食用，更能提鮮。XO碧綠炒鮮魷西芹清脆可口，鮮魷鮮香軟嫩有咬口，以XO醬同炒非常惹味。滷水鵝片薄厚適中，鵝味濃，啖啖肉醇和豐厚，肉質香滑且入味。蠔仔肉碎粥蠔仔粒粒飽滿，份量多夠足料，加入肉碎、冬菜等，提升味道層次。堂食滿300元，送滷水拼盤一份，好抵!滷水拼盤有齊豬耳、豬大腸、墨魚、腩肉、紅腸及大量芽菜等，滷得入味，鮮香可口，正!

好耐無食過打冷知道荃灣人氣明記潮州打冷款式夠多元化，決定今晚晚餐就係呢到👅 炸鮮奶$98人氣首選必點菜式🌟原來份量咁巨型大嚿之餘數量好多，外層炸得夠脆裏面鮮奶都保持滑溜家鄉鹹菜豬肚湯 $128豬肚湯嚟到被份量嚇親！超級大碗😳應該有4-5人份量，湯料都好足夠，清新胡椒味即使飲多碗都唔會口渴黃金海中蝦 $178滿報鹹蛋黃的海中蝦香濃惹味🦐唔錯唔錯👍👍鹹菜炆門膳$88呢款菜式挺有家鄉風味，鹹鹹地幾滋味😆滷水雜拼有紅腸、墨魚、腩肉、豬大腸、豬耳、芽菜等等，大碟爽口彈牙，謝謝♥️總括來說呢到菜式多元化鑊氣夠，價錢公道而且份量十足，一班人黎飲下啤酒吹住水咁食最好不過🍻📍荃灣鱟地坊72號天保大廈1樓 Tel: 28666929

中菜最吸引的地方是鑊氣夠， 上次朋友介紹去荃灣明記潮館， 點了三個菜式：水煮魚片一向也喜歡吃辣的我，當然要點水煮魚片。 水煮魚片的水煮汁最為重要。 這個水煮汁落足料，有花椒，麻辣椒，辣椒等等， 淆製多時，麻辣香味撲鼻。 魚片新鮮嫩滑，配上水煮汁，十分入味。芝士海蝦伊麵這個芝士海蝦伊麵份量十足， 感覺有四人份量。 海蝦是很巨型的， 十分鮮味。 芝士汁 十分香滑濃郁， 芝士味滲透了整個伊麵底， 所以每一注面也沾滿了芝士汁。蜜汁薯仔牛柳粒這個經典薯仔蜜汁牛柳粒，簡單而好吃， 鑊氣十足。牛柳粒經過醃製，非常嫩滑，蜜汁甜甜的，再配淋淋的薯仔， 非常惹味。地理環境餐廳位於荃灣， 地鐵站行過去幾分鐘就到，交通非常方便。

店舖位於樓上一樓，行到上去有很多海鮮鋪出黎。食飯時間，差不多全場爆滿。由於人多的關係，周遭都會好嘈。店員稱叫滿300元，送打冷併盤。肉碎蠔仔粥，滿滿一大鍋，勁多脹卜卜的蠔仔，又有米粒既香味，食落去又甜又鮮味，係我喜愛的潮州食物。清炒油麥菜，炒得都幾油，但係好味既。打冷併盤咩都有，紅腸，芽菜，腩肉，就係無豆腐凍大眼雞，肉質正常。炸白飯魚，酥脆惹味，食到唔停口。唔記得呢個叫咩名，跟想像有點出入，感覺似蝦餅。炒蜆新鮮熱辣，夠鍋氣，個汁都好惹味。餸菜份量十足，一定會好飽肚，適合人多一齊叫多幾樣分享。

上完音樂堂，等埋個朋友，就去明記打冷天氣太熱，當然要嗌d冰冰涼涼嘅餐前小食老闆好好人，見我地2個女仔，又想食螄蚶，又想食生蝦，所以就整咗個雙拼比我地❤️。螄蚶好鮮味，洗得好乾淨，絕無腥味，生蝦好爽甜，奄得夠入味元朗烏頭，充滿黃油，一梳梳肉，肉質結實，魚肉有陣陣檸檬香味，醮小小豆醬仲可以畫龍點睛鹵水鵝片，大大碟，好甘香，鵝皮唔太肥，肉質唔會太老，正啊老闆好慷慨，仲送咗碟鹵水拼盤比我地，鵝腸爽脆，腩肉充滿油香，豬耳脆骨好味最後啫啫通菜用熱鍋上，慢慢食都唔怕會變涼，通菜用蝦醬炒過，夠曬鑊氣！

見咁多好評就梗係要試啦，心諗打冷係平民美食理應價錢合理，原來一啲都唔平民，大部份餸要一百蚊以上，如果好味都唔緊要，點知係極失望😓果度環境極嘈😩只聽到隔離每枱都係好大聲講話，可能實在太嘈唔大聲根本聽唔倒，真係聾咁際😟入正題喇，就係食物水準同價錢嚴重唔不成正比，本打算叫滷水併盆，伙記話叫3百蚊餸送併盆，咁好易啫大部份都百百聲，叫左大眼雞、鼓椒炒大蜆同椒絲腐乳通菜送併盆，本來想叫鼓椒炒蜆伙記硬銷大蜆，好啦比多40蚊試下，見隔離好多人叫睇落唔錯，中晒伏啦😢大蜆係好大....個殼囉😒肉同普通蜆差唔多仲要部份有沙，根本食唔倒，而且冇喱味道好淡; 併盆望落幾靚丫，不過😑冇滷水味，咁點解叫滷水併盆呢🙄 條大眼雞唔平架但又乾又鞋😓 最後通菜係最正常同埋🍺囉😑所有食物只食左一半，實在令大家冇晒食欲🤢埋單時嚇一嚇😱兩人食左6百幾蚊，呆左😨終於見識到咁貴嘅平民冇味打冷，真係食到一肚氣😤😤😤😤😤😡😡😡😡

這是一間荃灣老字號，朋友話去食，我咪一齊去law。叫了螄蚶、春菜排骨、南乳炸雞件同埋滷水鵝。螄蚶都算乾淨，可惜只係唔夠鮮味。春菜排骨的春菜好入味，而且好多春菜，讚呀﹗滷水鵝的滷水好夠香，而且好入味，仲有就係隻鵝唔太肥，值得一讚，因為好怕要係咁咬走D肥膏。我同我D朋友都覺得南乳炸雞係全晚最好食的一碟，雖然D南乳味唔係好濃，不過我就覺得啱啱好，雖然係炸，不過又唔會太厚粉漿，好食。

今天朋友特意帶我去試一試潮州打冷，就是在荃灣的，我也沒有去過所以很期待。這裏的小菜有很多，選擇也有很多，所以令我們目不暇給，我們選了幾個小菜，而且還送了滷水拼盤給我們，很優惠呢！首先來的是菠蘿咕嚕肉，這裏的份量也挺多的，味道酸甜很開胃呢，而且咕嚕肉炸得很脆，顏色鮮艷令人食慾大增。接着就是蒜蓉蒸開邊蝦，這個份量也很大呢！一上來就聞到震震香味，蝦肉鮮甜爽口，而且還配合埋蔥及粉絲，粉絲很入味呢！想不到送的東西也是很大的，這個就是滷水拼盤，有墨魚、鵝肉、紅腸等等...滷水味道濃郁，而且很入味呢！

我係想食打冷嘅時候， 朋友就話上次食過荃灣有間又平又抵食，可以去試下咁啱嗰日去開荃灣，就同朋友去試下啦。估唔到竟然有前菜，仲要有泡菜都幾開胃本身都諗住嗌鹵水拼盤，原來呢度叫夠300蚊就會送一個，真係好抵！油鹽水大蜆率先上場，大蜆隻隻都好飽滿鮮甜，而且冇沙，底下仲有少少粉絲索曬湯 ，完全係精華所在。打冷點少得椒鹽鮮魷，估唔到份量好多，放入口熱辣辣，外脆內軟，鮮魷非常新鮮冇得彈。椒鹽茶樹菇真係不得了，一樣都係大大碟冇偷雞，炸得酥脆，菇味濃郁。最後點少得炸蠔餅，好多隻蠔，而且size都唔細，蛋漿好香，perfect match。

同Fd一共5人去食，食左$580，多人食嘅話，除番開都覺得ok，我地食晚市，每枱叫滿$300，送一碟鹵水拼盤，價值$8x我地總共叫左4個餸，不過不失咁啦炸蠔餅：面頭啲蠔好大粒，個餅都炸得ok脆，不俗！但係食到底差唔多全部都係炸漿，啲蠔又細粒，所以食到最後碟野無人夾。啫啫雞煲：係好普通嘅雞煲，無特別無特色，可以唔洗叫。雞鞋口，洋蔥多過雞，有豬潤，得個兩塊。荔枝生炒骨：其實只係普通咕嚕肉入面加左荔枝去炒，啲荔枝幾新鮮大粒同甜，啲肉有荔枝味，覺得係正常水準。椒鹽田雞：呢個餸係我最驚喜嘅，田雞炸完都仲係好滑好好味，我平時唔好田雞，但我都覺得香口好食。唯一缺點係田雞細隻，點左好多炸漿去炸，無乜肉咁。鹵水拼盤：雜錦咁，乜都有啲，其實都係送嘅，無乜要求，多人食叫滿$300就送，係幾抵，當多個餸咁，正常味道，唔會話好好食咁間野我覺得環境同食物都ok，入面多大枱，好適合一大班fd去食，坐晒咁多人，我地都係食大排檔餸為主，無試到潮式冷盤同打冷，有機會可以再試埋。

和父親母親來到這間位於荃灣的大排檔, 似乎裝修完，明亮及乾淨了很多。老人家先叫了個傳統小菜，鹹菜炆門鱔。 一上到來便說這個小菜非常少見，很少店鋪會提供，更話很入味好吃。我就叫了個薑蔥魚雲煲， 薑蔥魚雲煲炸得非常脆，外面的炸粉沾了汁， 很好吃。 重點魚雲很多， 有七大塊， 這個價錢物超所值。最後叫了個侍應推介的石窩海鮮炒飯， 一上到來香噴噴， 有海鮮，飯粒分明，還有份量極多， 最後分開有七小碗。 價錢不便宜，但重點是份量多，火㗋夠，比茶餐廳好味太多。