明記海鮮潮州菜館 (天保大廈)

Open Now

Now Closed

今晚黎到荃灣晚飯!一早BOOK定明記海鮮潮州菜館，晚飯時間接近全場爆滿，好好生意~有孖寶套餐亦可散叫，款式種類選擇多。凍烏頭肥美鮮甜，油質豐富，肉質嫩滑，完全無泥味。配以豆醬一同食用，更能提鮮。XO碧綠炒鮮魷西芹清脆可口，鮮魷鮮香軟嫩有咬口，以XO醬同炒非常惹味。滷水鵝片薄厚適中，鵝味濃，啖啖肉醇和豐厚，肉質香滑且入味。蠔仔肉碎粥蠔仔粒粒飽滿，份量多夠足料，加入肉碎、冬菜等，提升味道層次。堂食滿300元，送滷水拼盤一份，好抵!滷水拼盤有齊豬耳、豬大腸、墨魚、腩肉、紅腸及大量芽菜等，滷得入味，鮮香可口，正!