新香園 (堅記)

Open Now

Now Closed

從來沒有想過要為一件蛋牛治烘底而寫一篇食評但嚐過後我一定會這麼做使命感會推使你很想和大家分享食到滋味東西的心情簡單一份蛋牛治烘底可以這麼完美地呈獻出來令你不禁嘩然一定要烘底那香口的多士和蛋來了個大對比使口感更豐富雖然牛肉的鮮味不是很出但我覺得和蛋是天衣無縫現在的我已經在懷念頰甲留香的一剎那

大熱天時,最好吃返D清淡少少既野,雖然知道食粥係好熱,但因為好吃,決定要ENCORE!價錢唔算太貴,用料又十足!值得一試新香園幫襯數次,每次都覺得D粥好綿,好好味。今次叫左艇仔粥,粥料都十分新鮮,無味精,食完唔覺得口乾。另外叫左蛋牛治。真係好厚,D蛋同牛肉都整到好滑。吃落口好滿足。一份蛋牛治已經夠飽!店員服務都十分勤快,上菜速度都很快!但個人唔建議吃牛腩,雲吞麵, 始終都係劉森記好D!

呢間野真系超好味呀~~~首先,叫左最出名既蛋牛治烘底,雖然攞番屋企嗰陣D麵包林哂,不過都勁好食,蛋牛5孤韓,超厚!Eat 落去有好香既牛同蛋味。5試過U就走寶la~~~

見呢度多係蛋牛治..仲要係烘底..一於去到扮識貨就咁叫左la..先講門口巳貼有馳名蛋牛治..令人期望更高了..點知..食第1啖..只係覺新鮮...並唔係指d牛..而係第1次食蛋牛治...但講返牛..無想像中咁新鮮...加上比d蛋味遮左..食落有點兒覺得可能自己都整到既感覺...又唔係滑..或其他獨特之處..食既中途見牆上貼報話炒法係致勝關鍵..幾自吹自擂下..嗯..環境都比較迫..見有新光頸令文員帶同妻子黎度..好似都係特登試下..但食完都即走了..

自從朋友仔帶過我黎食佢既蛋牛治(烘底)同紅豆冰後成日都心思思想再食結果上星期6去開sham shui po又食左件蛋牛治(烘底) 熱辣辣, 辣親條利添啊 xd之後返到屋企同媽咪講話好好味第2日又去食過(lunch)叫左公司治(烘底), 豬手麵, 牛腩麵, 紅豆冰同凍檸茶(少冰少甜)公司治(烘底)($22+1) : 好味! 但d 蛋牛就無普通蛋牛治咁滑豬手麵 ($16) : 豬手入味又夠淋! 仲細心到比埋隻骨碟你lur骨 牛腩麵($16) : 牛腩入味, 唔會un, 唔肥紅豆冰 ($13) : 甜左少少, 但好多紅豆, 紅豆夠淋!凍檸茶(少冰少甜) ($12) : 無試到之後唔多夠飽叫多個蛋牛治(烘底) ($15+$1)今次d蛋牛就非常juicy喇!!埋單 $92 (3人)

在好友介紹下，光顧新香園這間街坊小店，一嚐多款名物。首推馳名蛋牛治，食材填得滿滿無欺場，碎牛選料調味亦不俗，倘若雞蛋能煎得生一點，多一點蛋汁會更滑更佳！另一名物西多士，除了牛油多外，未見得比其他店舖有何突出之處。菠蘿冰亦是推介之一，喝下和喝糖水無異，菠蘿清香沉寂，都係好普通咋喎！

睇到呢家OPENRICE 很高評價， 所以黎食食D招牌野。蛋牛治：果然系好好食， 特蛋選了吾烘底， 試嚇D面得吾得, 雖然比吾上澳洲牛奶公司，但尚算OK。牛肉系鮮免治牛肉, 吾系罐頭鹹牛肉， 有D創意。豬手面: 吾得紅豆冰: 一般水準西多士： 幾好食，但無咩特別

4月22日, 隔幾日又嚟到深水埗~ 今日食該區數一數二茶餐廳新香園堅記, 蛋牛治紅豆冰呢d招牌野都食過, 今次睇下有乜其他好食~::: 潤牛面 ::: $19嘩! 一塊豬潤完全冇切過咁, 成塊手掌咁大, 只能夠成塊咬開, 已經唔太合格… 有豬潤嗰種爽口感, 都算新鮮, 但係味道就冇乜, 有少少似食緊牛栢葉… 牛肉反而比豬潤好, 味都多d, 不過有少少鞋口. 湯底亦太清, 冇豬潤清甜味又冇牛肉味… 總括呢度嘅潤牛面唔合格…::: 蛋牛多 + 凍檸茶 ::: $25雙層蛋牛餡夠晒厚! 牛肉份量勁慷慨~ 係d蛋煎得熟咗少少… 但仍然比其他地方嘅蛋牛治出色~ 好味!!凍檸茶夠甜, 又夠凍, 正!各有千秋來比喻深水埗龍頭食店, 真係貼切不過~ 下次嚟都係食番招牌野好過~

很久很久沒有來吃了, 對上一次已經是年頭的時間.前幾天突然之間宵夜時好想食蛋牛治, 於是重臨舊地.地方都冇咩點變, 叫了一客招牌蛋牛治, 再加上一杯熱奶茶!!味道依然沒有改變, 美味非常, 奶荼依舊十分香滑!滿足的一夜~~

先生一直推介!這次就專門去吃~ 一吃就有驚喜!!一食難忘的蛋牛治必吃!!!!內餡十分滿足、豐富，不會只有少量牛肉!啖啖肉，再加上未全完煎透的蛋，會留出蛋汁，很滑嫩~還叫了兩份.. 超飽!!我覺得還是有一股那豬潤味..我有點接受不到..但口感還是不錯的!煮得剛剛好,不會很硬.. 蠻滑的~普通菠蘿冰..沒有太大的特別!很好喝,酸酸的,鹹鹹的~ 有顆話梅!飲下去,蠻開胃的^.^我很喜歡~~

jun 14, 11晚叫咗 :1) 豬膶肉丸粥 (hk$22)-有次嚟開餐先知>5pm會有粥食-豬膶1d都無煮老到,入口表面微脆,裡面嫩,只喺略嫌有筋啫-而肉丸都扎實,有肉味,調味不錯,唔會重手-粥底無明顯味精,唔會過份夠味,可以的

朋友推介呢道既蛋牛治, 完全驚喜呀! 以前係街邊小販檔食過既蛋牛治, 因為係小販檔, 家吓已經冇得食喇.非常驚喜, 呢個似十足呀! 好味好好味!!同一時間有試埋豬手麵, 梘水味係重啲, 但豬手麵都唔錯.下次會試埋公司治, 紅豆冰同西多士

某日上班之前，特地來到這裡吃個早餐。這裡的招牌食品，包括有豬手麵、蛋牛治、西多士和紅豆冰等。這個早餐，當然離不開這些。「蛋牛治烘底，唔該！再加杯熱奶茶。」因為這裡是沒有早餐的，所以唯有這樣叫啦！烘底的蛋牛治與熱奶茶很快便送到。這天的「蛋牛治」令自己有點失望，烘過的麵包只是微脆，不夠香口，麵包裡的主角----鮮牛肉炒蛋的質素雖然仍比一般的好，但因為不夠熱的關係，給自己的感覺只是不過不失而已。至於那杯「熱奶茶」，茶味雖有，但不算香濃，也未算是真正上乘之作。總括而言，這次特地往訪是令自己頗為失望的，希望下次再幫襯的話，假如再試它的招牌出品好像西多士和紅豆冰的時候，可以令自己更加滿意啦！

上幾星期已到這兒試過蛋牛治了, 今天特意帶立立B 黎試吓我們叫了紅豆冰, 公司治, 灼鮮牛河粉 紅豆冰真的很不錯, 雖然不是很大杯, 但有很多紅豆呢~~~~ 紅豆大大粒, 很有口感 $12我和立立B 都很喜歡~~ $22 公司治是立即做的, 很夠熱我叫了"滑蛋" , 蛋汁都流出來了, 很正!!!!!公司治夾著蛋牛, 火腿和午餐肉, 愛肉之人應會很開人吧~~ 但如公司治加入少少生菜, 沙津醬, 那就更好了!!($15) 灼鮮牛河粉: 忘了拍照, 湯底清清的, 有著幾件鮮牛, 都不錯~但喜歡濃湯底的立立B就不太喜歡...... 最後我們都想再encore 一客蛋牛治, 不過要留肚食晚餐, 留待下一次再去品嚐吧

上次嚟食咗紅豆冰同蛋牛治.........不過無帶相機..........mar 30, 11晚再試埋其他名物,叫咗 : 1) 南乳豬手麵 (hk$15)-唔大碗,不過只喺收$15,咁個份量就差唔多啦-睇番上次record,友人都喺叫呢個-豬手炆得腍,不過唔多食到南乳味-麵都爽彈,不過鹼水味都明顯2) 西多士 (hk$13)-嗰晚都幾好胃口,所以叫埋個西多士先~~~~-新鮮熱辣到出晒氣泡仔-將牛油推開,很快就泛成油海-索過蛋汁嘅麵包經煎過後,外小脆,裡面好軟熟* 裡裡(堂食)外外(外賣)都是客人 * 順帶講番佢嘅蛋牛治同紅豆冰,前者個麵包烘得熱鬆脆,蛋邊亦煎得脆香,只是食唔到有牛味,而紅豆冰真喺好有豆味,起晒沙,好有水準