新香園 (堅記)

Open Now

Now Closed

一向都唔會去茶餐廳食三文治 , 唯獨是新香園o既蛋牛治佢地o既牛肉係新鮮剁碎再炒香 , 再加入蛋漿煎起 ....就係蛋牛喇 , 面包烘底就香口 d , 唔烘就軟熟 d價錢都唔平 , 出左名就係咁o家喇 ...份量唔算大 , 好在有幾多牛肉 , 尚算飽肚個人好唔鍾意食鹹牛肉 , 而事面上o既蛋牛治偏偏就九成九都係用上罐頭鹹牛肉 , 一 PAT 野咁味道硬係奇奇怪怪咁 , 諗起都得人驚 ..所以呢個用鮮牛肉碎黎整 , 幾乎係唯一我會食o既蛋牛雖然牛肉肉味夠濃但無乜咸味 , 連蛋都只係少少鹽調味 , 不過優勝o既就係呢份原汁原味 , 自己加少少胡椒同鹽就 ok la## 新香園除左蛋牛治出名之外 , 仲有豬手 ...不過我無乜興趣 , 今日睇到其他食家有提到 ..呢度 d 牛筋腩似乎都頗有水準 , 一於擇個吉日去試試佢 !!

黎深水埗買珠仔，買完見攰攰地，就是但搵間茶餐廳入去坐低等下。入到去其實都要等一陣，因為實在太多人啦，一張枱都坐左5、6個人，都有D誇，但D人照樣食得好開心一坐低就叫左碗雲吞河加豬手河，過左陣都有得食偷左舊豬手黎食，最初見到佢「黃甘甘」都唔係幾夠膽食，因為唔多鐘意南乳，但見到其他人食得甘滋味，自己本身又鐘意食豬手，就咬左一啖，，真係好好味，，好入味，而D豬手又夠「Lum」，真係話甘快就食完一舊至於個雲吞，都係甘好食，D蝦好爽，又係一佳作，仲要一碗有4粒，正下次黎都會繼續黎呢間食，實在太好食啦!! 而且呢到好有人情味，，

自從經過某雜誌專訪後店子知名度又再提高 生意當然更好了同步地 價錢也升高了不少像以前三文治烘底是免費的 現在都要加$1沒有套餐供應 若散叫食齊名物﹝蛋牛治 細淨豬手 紅豆冰﹞也要大約$50我愛這裏的餐蛋治烘底蛋不會煎至熟透 吃時還能感覺到那份嫩滑還有那頗厚身又熱辣辣的午餐肉脆身的麵包 一切都咬在嘴裏滋味到不得了﹝不吃蛋牛治的原因 是師傅有時為了顧及牛肉的關係 把蛋也給煎過熟了﹞﹝只煎蛋的話 師傅更專注 沒有一次失過手﹞

籌劃左好多日終於黎到新香園食蛋牛治同婆婆深水埗掃街之旅就由哩度開始。。。兩個人點左一份蛋牛治（$15），一杯熱奶茶($10)，一杯紅豆冰($14)，再來一碗豬手麺($18)（本來想要凈豬手，可惜menu冇寫出來，就冇嗌。。）熱奶茶同紅豆冰好快就上左，奶茶婆婆話唔甜所以加左糖，佢話好滑好香，唔錯紅豆冰2/3杯嘅紅豆，好綿，d奶好夠，滿到d冰都就來倒出來，好正！！蛋牛治我想試下唔烘底，可以品嘗到麵包嘅鬆軟。果然冇令我失望 鮮牛肉配上煎得啱啱好嘅蛋，咬落去連蛋汁都濺埋出來。鬆軟得來又夠juicy，掂啦~婆婆話如果可以系牛肉入面加入少少胡椒味就更perfect啦豬手麺豬手好淋，南乳味幾夠，麺又夠爽，不過因為我不嬲食豬手唔多，所以唔識分好唔好食。。婆婆讚不絕口，應該系屬於好好食嘅豬手。。總嘅黎講，哩餐好抵，而且又好好彩咁人少唔催我地落單。隔離同台嘅哥哥仔就唔多好彩了，點左紅豆冰，點知個杯整到好邋遢，而且奶同豆上來果陣就已經溝埋一齊。。賣相唔多好。。所以佢就投訴，阿姐就拿拿臨換個只杯俾佢。。住得咁近真系要多d黎食！！

晚上＋一時多, 和朋友走到深水埗鴨寮街一間新開的鷄煲店食鷄煲. 兩人食了三百多元的食物, 仍感到好像沒吃東西一樣, 於是我們便決定去食蛋牛治. 到達門口, 店裡面還是擠滿人. 我們等了＋分鐘才能進去, 而且還要跟別人共用一張枱. 這家二十四小時候營業的茶餐廳，真的造福不少為口奔馳的人, 一來是隨時想食就有得食, 二來是價錢便宜, 而且好味. 非常入味既柱侯牛腩跟濃郁腩汁, 好美味. 牛腩和牛筋炆得好淋, 而且不會難吞下. 牛腩用了生菜鋪底, 菜吸了濃郁的腩汁. 吃下很滋味. 店裡最出名的蛋牛治, 令人回味再三的蹺妙, 用了剁碎牛肉, 落鑊加調味料爆香，然後加雞蛋再煎至八成熟，食落一粒粒口感又有質感. 非常好吃.茶也冲得很香濃, 不錯.

深水埗桂林街有兩間名店，一間是以全港最佳豬腸粉馳名的「合益泰小食」，另一間則是以「蛋牛治」和「南乳豬手麵」等為馳名推介的「新香園（堅記）」。這間傳統的茶餐廳，門面與陳設都十分簡單，與一般的茶餐廳沒有兩樣，但卻生意滔滔，光顧的客人不少，就連餐廳面外都擺放了桌椅，可見生意多好。這天早上因事要來附近，想起很久不曾來過吃東西，預早一點時間前來吃個早餐。吃的是馳名「蛋牛治」與「熱奶茶」。這天的「蛋牛治」水準仍能保持，三文治雖沒要求烘底，沒有那麼香脆，但蛋與牛肉兩者融而為一，蛋香與肉味俱備的感覺依舊良好，味道也見適中，但因整份三文治只是微暖而非燙熱，稍感美中不足。「熱奶茶」茶味尚可，但微帶苦澀，也稍嫌未夠順滑，未算很好。在深水埗桂林街的兩大街坊名店中，我還是比較喜歡「合益泰小食」多些。

晚上去了博覽館聽完concert 後也差不多十二點, 和2個朋友走到這裡吃宵夜.叫了碗牛筋面，牛筋份量多，炆得非常淋而且夠入味， 麵好幼細，亦十分爽口彈牙，而且係無鹼水，真係好味。非常好！豬手燜得好淋好入味，食落黏黏而不覺膩.白灼牛肉雖然這道菜式很普通，但是味道一流, 沾着秘製的豉油，别有風味, 牛肉又嫩又好食.

見到咁多好評 , 所以即管一試 **** 蛋牛治 **** 由於尋日時間關係 , 叫左個 TAKE AWAY * 感覺上 : 收銀係老細來的 , 禮貌上不太好 , 唔知係咪做起左唔憂做啦 ~ 環境不太好 -___-食物感覺上 : 到手時間係熱既 , 相信唔係微波爐既做法 , 三文治略細 , 所以應該試左一次唔會試 , 計落 $ 15 都幾貴下 , 食落去牛肉相信唔係雪左好耐果啲牛粒 , 有牛肉鮮味 , 但佢落既馬芝連牛油太太太多啦 ! 第一次打食評 , 打得唔太好呀 >.....<

上次中午時分來已經有小龍出現, 要等位就唔好啦...今日早上下雨天一早到來, 見到店內無咩人就更係唔好錯過這個機會入來食個蛋牛治先返工.蛋牛治+熱檸茶($25)作為一個早餐算合理價錢只係睇到個蛋牛已經死心一半, 蛋煎過火又點會有蛋汁呢?好彩此店用上新鮮牛肉, 雖然沒有滑蛋既口感, 但內裡充滿牛肉香味,而且麵包鬆軟美味.現在好多食店已經好少有鮮牛肉蛋治, 加上價錢合理唔怪之得咁多人為這個三文治到訪.檸茶不苦澀有茶香..好飲

星期二到深水埗工作 , 原本會到常去的華南食 LUNCH , 路過新香園 , 一直知好多人話佢蛋牛治好冶味 , 就去買一份黎食啦 , 等左約五分鐘 , 响門口一拎到就即食 ,點知一拎上手已經覺佢搵笨 , 食落仲發覺名過其實 , 因為一份蛋牛治賣 $15 , 烘底加 $1 , 即係 $16 , 加 $1 唔係問題 , 問題係烘左同冇烘只差一點點 , 完全冇食多士果重乾身脆口感覺 , 揸上手係軟(淋淋) ,至於個蛋牛 , 蛋只有微微蛋香 , 牛就完全冇咩味道 ,不過 , 可能呢次黑仔啦 , 下次路過比多次機會佢 !

今日放工後去左深水埗試試新香園出名嘅烘底蛋牛冶，佢咃用了鮮牛肉片代替一般茶餐廳用嘅免冶牛肉，牛肉嘅鮮味配滑蛋加底方包，真係好味到不得了!!加埋杯冰紅豆冰，即刻醒神番曬! 遲吓得閒必定要再Encore!!深水埗果然係美食集中地!

第一天到深水埗工作，早餐就來到了這家 24 小時營業的新香園 (堅記)。openrice 上十個有九個食評都是說它的蛋牛治，這次來就試試了呀。說來，早餐時分人客佔滿了整家餐廳，非常熱鬧，還剛好有人離座才能佔上個位。下單以後不用五分鐘就上桌，要了蛋牛治烘底，麵包薄身也烘得脆口，不過也因為有點薄的關係，最後被餡料汁弄得有點糊掉；不過這三文治的亮點，絕對是入面的雞蛋 & 牛肉，碎牛肉用上的是新鮮貨，入口有肉汁，而且分量不少，吃下去滿嘴牛肉香；蛋炒的外面有點焦，但入面竟然還是鮮嫩狀態，而且弄得較厚身，吃起來讓人很滿足。蛋牛治沒套餐，另點了一杯齋啡，沒平時茶仔來的酸，感覺還不錯。又，這蛋牛治基本上可以很 tailor made：烘底/唔烘底/唔好烘咁燶、滑蛋/老蛋 (？)、走油/多油 etc，侍應跟水吧下單，多是用嗌的方式，光是要記 order 便是一門學問呀。***另外一次跟同事去吃午飯，這次要了一碗豬手米，意想不到的好吃！豬手燜得非常夠火候，外皮燜得軟膩，入口黏呼呼的，帶著濃香南乳味，很精彩！肉的部分不算多，但一碗足足有兩三大塊，吃後還是很飽足。***'結果這裏的蛋牛治成了我好幾天的早餐，那

新香園已經成為每次出深水埗必到的餐廳，為的就是蛋牛冶和南乳豬手。烘底多士夾住厚厚的餡料，一上枱就香味撲鼻，煎香了的蛋味，配合埋烘左底的多士，多士不會太硬亦不會太軟，剛剛好。聽到姐姐跟客人傾談，原來這裡是用上新鮮的牛肉，聽到後就明白為何會這麼出名了，在其他地方，我一定唔會叫蛋牛冶，因外面餐廳大部份都係罐頭免冶牛，太咸了，味道又怪怪的，就只有新香園沒有罐頭味，鮮味好多，咸度又適中。再來南乳豬手，今次叫了細的淨豬手，有3件豬手，大大件，豬手好入味，燜得好淋，豬皮好滑，滑到用筷子都差少少夾唔穩，而且豬手多筋少肉，但食落又唔會太膩，食多幾件都得 。

是日已是第三次到訪了。店內的名物蛋牛治確實出色，鮮牛肉切成細碎混和於蛋漿內煎香，食落仍有啖啖蛋汁不會煎得乾身，實在是一款輕怡的美食。今次試了非烘底的蛋牛治後，覺得不烘底更能品嘗蛋牛的美味，與麵包的鬆軟口感更搭配，個人覺得烘底雖然比較香口，不過進食時會增加油膩感，亦不能享受麵包原有的鬆軟，所以還是較推介無須烘底的蛋牛治。今天店內除了一如以往，迴響著食客柯打的蛋牛治($15)/蛋牛治烘底($16)外，發覺多了人柯打餐肉或餐蛋治。其實上次曾品嘗過店內的公司三文治(烘底)($24)亦相當美味，頂層是餐肉，下層是蛋牛，比純粹吃蛋牛治的味道層次更為豐富，一次過滿足味蕾的多個願望，值得一試，如果店方可以加點蔬菜在公司治內就更完美了! 飲品方面，飲了兩次店內另一名物紅豆冰($14)，水準依然，紅豆及奶各半的份量剛好，紅豆煮得帶點起沙，亦煮得夠淋，配上碎冰味道不俗，雖未至於驚為天人，但以其價格已比一般茶餐廳優勝。作為舊式茶餐廳，環境可預期是不太理想的了，因此外賣也是不少食客的選擇。

吃過超差的日本菜, 打算要去溝貨, 晚上10時, 想來想去想不到那裡有好吃的又比較輕巧一點突然想到這裡, 有好吃的蛋牛治跟粥麵, 就跟男友坐巴士到深水步冰奶茶有點過甜, 但茶身香濃, 質感也蠻滑的蛋牛治有名的原因是因為用上了新鮮牛肉, 雖然切得超細, 但仍然能吃到牛肉的味道混入蛋漿一起煎, 外面很脆身, 所以不要烘方包, 外軟內脆的質感會更加好吃我吃過更好的鮮牛治但索價$37, 這裡的只要$15, 我們已經覺得很美味了豬雜公仔麵, 湯頭跟麵沒有什麼過人之處, 但豬雜很新鮮每件都有獨特的質感跟新鮮的豬雜味道, 食材新鮮就能蓋過其他的不足潤牛粥, 豬肝跟牛肉也是超新鮮的, 質感豬肝是帶爽的, 牛肉則是天然的嫩味道已生滾粥來說是接近滿分, 好吃為了他們的蛋牛治跟粥品, 一定還會再來