新香園 (堅記)

Open Now

Now Closed

平時好少去深水埗搵食, 所以上開飯喇搜集下資料, 見哩間排第一位就去試試~大約6:30pm去到, 其實店裏都坐滿人, 不過啱啱好有人走, 所以立即有位~叫咗三寶 (豬手麵, 蛋牛治烘底, 紅豆冰)紅豆冰先到, 很多紅豆, 正! 可能紅豆用糖水浸過, 所以太多紅豆情況下整杯都變得好甜了~蛋牛治烘底跟住到, 好味~ 外脆內軟!豬手麵最後到, 豬手炆得淋, 容易食但不太覺有南乳味, 豬皮上有少許毛, 感覺不好....麵身太硬, 好似未散開個麵餅就上枱....男友食一碗不太夠飽, 所以再叫多個豬手米加腩汁...豬手同樣有少許毛, 如果可以清潔得乾淨一點就好了...

聽聞這兒的蛋牛治很有名又山長水遠去到深水埗買電腦產品，正好可以試。 五點幾六點去到當然多人但幸好有人剛走便不用等位。茶餐廳來說這兒的服務算不錯，員工都幾友善。 出餐超快！ 話咁快我杯奶茶（$10）同我份烘了底的蛋牛治（$16+$1）便到了。先講奶茶，我認為茶味不夠，味道不夠濃，可能因為近期飲了太多出色的奶茶，所以呢杯比下去就有d遜色。不過好彩食物無令我失望！ 可能因為賣相不太好，所以食落有驚喜。麪包是切了crust的，又烘得好脆。最重要的是雞蛋同牛肉好好食！食得出牛肉是落了醬的，因為淡淡的，不太肯定是沙爹醬或是沙茶醬，總之就好好食啦！Final verdict:如果深水埗不是離我家咁遠，應該會經常光顧。不過就是不是常吃才會滋味吧！以後如果去深水埗都一定要去去。

這次是深水埗覓食之旅，所以不特別不吃；在這店，我們點選了她的招牌二寶：蛋牛治和豬手麵。 蛋牛治＋奶茶（$19） 到茶餐廳怎可不嚐奶茶？畢竟「絲襪奶茶」太深入民心，以這街坊老店應該會有提供的吧 ！哈，抱著一試經典的我們，最後有點點失望 ——奶茶沒有港式的香滑，倒是很神奇地，它有點像台灣某連鎖茶店的茶味 ，嗯，所以它的茶香其實是不錯的，不過好像有點不地道囉！ 好，那蛋牛治呢？也許我太愛荃灣某茶餐廳的蛋牛治了，它有點被比下去！ 嗯，即便不比較，它好像也有點遜色……話說，它的蛋邊已煎熟透，還有點燶（其實是香的），而蛋中間其實還有點滑蛋的迹像 ，所以勉強合格啦！至於牛呢，唔，就有點熟透了 ，於是牛的味道某程度被蛋香覆蓋了。而蛋和牛的整體呢？哈，讓我有童年媽媽給我煎蛋角的感覺 ！而蛋牛和三文治包呢，很配；我們沒點烘底，若點了烘底也許會香口一點；因沒烘底的它好像有點太稔 ，故應該烘底會好一點，下次別忘了！ 南乳豬手麵（$27） 豬手麵上場，嗯，賣相不錯啊！ 肥厚的豬手，加上南乳汁為麵加多一層油…… 將豬手一翻，也沒有一翻即散；而且看到豬手的骨肉脈絡分明！ 向來都是

雖然自己曾經幫襯過這間薄有名氣的「新香園（堅記）」多次，但每次到來，我都是獨自一個來吃東西，來的時候不是早餐，便是午餐時段，而所吃的，也必定是它的鎮店名物之一的「蛋牛治烘底」 。但這一次，卻有所不同。首先我不是獨自前來，而是和太座一起。第二，這次來是晚餐時段。第三，則是這次合我倆二人之力，終於可以一次過 KO「新香園（堅記）」的鎮店三寶 。「蛋牛治烘底」仍然是價廉味美的，熱烘烘的把烘得香脆的蛋牛治送進嘴裡，仍是令人回味的味道 。不肯定是不是太久沒吃過「西多士」的緣故，還是這兒的確做得特別有水準，混和了牛油和糖膠後的西多士，軟熟甜美，不但我覺得好吃，太座更是連聲讚好 。「豬手麵」也是這兒的重點推介。這裡的豬手的確是不錯的，肥大肉厚，肉質軟腍，外皮部分膠質豐富，滑不溜口，雖然稍嫌味道不夠濃厚，都算不俗 。不過豬手外皮部分有些細毛仍未除去，可要扣點分數 。而且這兒的豬手雖好，但麵條只是一般，帶有一點鹼水味 ，也是要改善的地方。不過整體而言，這間集「新香園咖啡奶茶」與「堅記粥麵」於一身的名店「新香園（堅記）」仍是值得幫襯的 ，難怪它可以二十四小時營業，仍然不愁生意

之前睇到啲食評話蛋牛治同豬手麵好好味,今日出開去就試下.下午3點鐘去到,見到大部份人都係食蛋牛治,豬手麵同奶茶.首先我叫咗個蛋牛治同凍檬茶少甜,等了5分鐘蛋牛治上,第一眼見到同心想有很大分別😰,啲蛋熟曬同麵包睇落去好似隔夜啲牛肉又少😑,食落完全唔好味,我以為啲蛋會係'生生地'漏出嚟果隻好失望😔好難先食完就再叫豬手麵.約5分鐘後麵到個樣都OK不過得2嚿豬手噤大把,一食成嚿豬手散曬😱,得少少肉同骨髓😒完全係得啲骨,之前啲食評又話好味,我話都係名不符實!

係openrice,見到評語咁高,一早就做好哂功課,去到直接叫1)熱奶茶(茶走): 茶夠香和滑!一飲.就知個茶膽花過功夫2)豬手麵: 豬手入哂味~夠哂腍~~好好個麵冇咩"簡"水味!!!good!3)蛋牛治烘底:正呀!!!好足料!!蛋同牛肉都好多,架個烘左底既包~脆呀~~~~個人好buy呢種舊色小店,但係通常舊式小店,都有個小毛病,就係伙記態度唔好,但係新香園,完全冇呢個問題,當日大袋小袋去到,姐姐仲拉多張櫈比我擺野,呢下真係好窩心!!新香園,我一定會再黎食!!!

口碑不錯, 下午茶來光顧, 叫咗五款招牌菜，1)紅荳冰: 細杯但足料、紅豆大粒，唔會太甜, 2)絲襪奶茶: 沖泡茶和奶均勻, 3)蛋牛治烘底: 脆口、蛋同牛肉好多, 3)西多士: 厚身, 4)豬手粗麵: 豬手夠腍、大大件; 雖然人多較迫, 環境唔算舒適, 上菜速度快！

一次過試左四樣招牌菜，遂樣講下：紅荳冰：雖然細細杯，但係好足料，味道啱啱好，唔會太甜！蛋牛治烘底：一啖咬落好味到未吞已經想食第二啖，蛋同牛肉都好多，必叫烘底，脆脆口感更好！西多：西多亦無令人失望豬手粗麵：豬手大大件，勁抵食！新香園一試愛上，已經成為我一家人最新嘅寵兒。雖然環境唔算舒適，但起碼乾淨企理，上菜速度勁快！

唔怕老實講，我成日聽人講深水埗食蛋牛治好出名，但其實我一直都唔知到底系邊 ，真系一次偶然機會系openrice見到，我先至知道原來間野叫 ‘新香園’ 同埋就系正北河街市政大廈對面！不過四圍都系街市，所以日頭去既話條街都幾多人！我日頭同夜晚都去過，但我會覺得夜晚好feel的（不過會雜的lo）！日頭既話出面會嘈的同熱鬧的！ 而夜晚出面會靜的（街市收擋），但入面會嘈的（食宵夜）。 本身深水埗就系龍蛇混雜既地方，所以你好容易就睇到個頭既眾生相  ，特別系呢類普普通通既茶記……我通常都叫個蛋牛治加大可樂！ 唔系講笑！個三明治100分真系值99分（個1分系衛生方面）！ 個蛋好滑，牛肉好嫩，味道岩岩好，唔會太鹹，又唔會太淡冇味！一咬落去仲D的汁tim！ 真系正啊！ 加埋大可樂真系爽啊！ 但我本人就中意普通蛋牛治，好咬同軟綿綿的，烘底太硬了！但中意脆既你就一定要試烘底！下次有機會真系要試下個豬手面（除左蛋牛治第二勁多人叫既食物）！

住左深水埗甘多年 附近既茶記同餐廳都食過好多次 甘岩系北河街市政大廈打完羽毛球 原本諗住周圍行下睇下有咩食 行行下就見到呢間新香園 都有d人排隊 即刻上open rice睇下有咩好食 呢間好似都幾出名 所以就排埋一份〜蛋牛治真系幾好食 原本會驚牛肉太咸 但系食落去吾會 反而系好足料同好厚 塊面包同輕輕烘過 仲系稔稔地脆脆地架：p碗豬手麵幾好食 d豬手又大舊又夠稔 起馬吾系求求其其整左就算 同埋無咩油 吾會好肥膩 食左都無罪惡感xd價錢都幾平 而且份量吾算少 食左都好飽架 個人泥講第一次食豬手麵 好味好味（＾∇＾）

今次係我既第一次打食評，有啲緊張-w- 今日諗住去李鄭屋漢墓，點知去左深水埗先發現係長沙灣行過去好似近啲，但已經出左閘，唯有上地面搵下有咩美食本身想買個坤記砵仔糕，點知佢地仲放緊假，19號先開返周圍行既期間就比我發現新香園，出名既蛋牛治加上我又未試過，就係咁我就入左去。一入去，我就發現企係水吧入面果個人好熟面口。。。。原來係　做開兒童節目既伍文生！見佢都會好有禮貌又風趣咁去serve客　其實真係好想同佢講我係睇佢既節目大  其實我都係今日先知佢係新香既太子爺-_-今次我同友人一行二人，叫左三樣食品：西多，豬手通，蛋牛治烘底　加一杯凍奶茶兩份飲落單無耐，一分鐘之後就泥杯凍奶茶係屬於高水準奶茶，茶同奶既比例係調較得唔錯，有奶既滑茶既香，不過飲多啖就覺得過甜。。下次可以嗌返少甜。等多陣，豬手通同西多都到了。我的西多，來的時候係脹卜卜既，一切落去就發現唔係鬆軟既，食落口，一如預料，唔係鬆軟。但係佢個皮就異常地脆食落就有啲似炸饅頭咁。　crack一聲  而味道係不過不失既 整體都係ok既友人既豬手通，第一次食豬手lol，所以我落唔到咩評價，但係由於我一向都唔係太喜歡食啲膠質重既食物，而我今次又食

深水埗桂林街除了香港豬腸粉一哥「合益泰」之外，還有另一名店「新香園」（堅記），也是吃早餐的佳選。「新香園」（堅記）的鎮店出品，首選是即叫即製的「蛋牛治」。雖然「蛋牛治」看來平常，無甚特別之處，但這兒的「蛋牛治」既能成為店中名物，當然有它的獨特之處。一方面，這兒的「蛋牛治」是即叫即製的，所以新鮮熱燙是必然的，而在另一方面，這裡的「蛋牛治」也並非一般的蛋還蛋、牛肉還牛肉的模樣，而是把雞蛋和鮮牛肉粒煎得融為一體，變成為一道香、味俱佳的鮮牛肉蛋餅。把三文治原來的白麵包加一塊錢換成烘多士，那一口脆身多士與柔軟鮮牛肉蛋餅軟硬兼備的口感，使這「蛋牛治烘底」變得更加吸引。也許這看似簡單的「蛋牛治烘底」未必稱得上是頂兒尖兒的美食，但才花上十來塊錢，便能吃到這樣質素的平民美食，再加杯冷熱飲品，不已是十分不錯的早餐了嗎？值得一提的是，這間單看門面，看來平平的茶餐廳，竟是廿四小時營業的，要是半夜三更肚餓，也可以立刻來這裡吃件馳名蛋牛治。此外，這裡就連早餐也有粉麵米可吃的，假如一早起身，就想食碗價廉味美的「豬手麵」的話，也可以來這裡吃碗店中另一馳名出品「豬手麵」呢！

Sham Shui Po is one of my favorite places in HK with they're best local eats and they're cultural facade. Other than always coming to this area for the vintage ceramic hot pots, I am a HUGE fan of this restaurants beef & egg sandwich I came here again for a nice afternoon snack today and even though it felt like I was going to die from the heat, I still made it and ordered my favorite with my family (SO WORTH IT!).There was a short line up but it was alright. The turnover for these local restaur

深水埗是從早到晚都那麼熱鬧的地方，難得來到當然要試試「地道」美食。二十四小時營業的新香園雖然以蛋牛治馳名，連我落單要蛋治 ($10) 阿姐都要再三肯定我不是點「蛋牛治」（我不吃牛的）。另外要了杯奶茶 ($10)。烘了底的麵包幾香脆，塗了牛油，裡面的煎蛋脆口但不是我最愛的滑溜口感，可能真是要有牛肉才能發揮傳說中的化學作用啦。奶茶要了少奶，然而茶味不夠濃，整體的感覺是水汪汪的。又，烘底是要加一文的所以埋單是廿一元。由於價錢相對便宜所以仍然值得一副笑臉。

踢完波，來到深水埗補充體力！來到新香園時間剛剛好（差不多下午茶時間），遲10分鐘也大排長龍 馳名蛋牛治真的很馳名，差不多每個客人都有點初初未見真身，以為只是罐頭鹹牛肉，我真是太天真太傻了 新鮮煎好的牛肉蛋餅熱得冒煙，中間蛋汁若隱若現 一啖咬下去，頓見粒粒鮮牛肉，加上已烘脆的麵包，一脆一有嚼頭再一啖麥精，好像回到了沒甚麼連鎖餐廳的年代，很有香港特色豬手麵有很多豬手，童叟無欺肉已被煮得很稔，但食不出南乳味麵質爽口彈牙，絕不拖泥帶水，鹼水味不重只售19大元，抵到爛