新香園 (堅記)

Open Now

Now Closed

深水埗 蛋牛治之王不用罐頭咸牛肉，自成一格，改用經調味後的碎牛肉加略為微燶的煎蛋，非一般的蛋牛治，烘底後更覺美味..舊式老店傳承手藝已經買少見少，難得深水埗仍然尚有保留，未試過應該要試下，日後就算不被業主加租趕走，棟舊樓都唔捱得幾多年...其實咖啡、奶茶都唔錯，祇不被蛋牛治風頭蓋過了吧...三十一蚊連凍飲，不愧窮人美食...日後逛完鴨街不妨順便歇一歇，嘆個靚下午茶，樂事也...

平時經過新香園,門口一定有條大人龍,今日去到咁岩無人排,咁就當然要去試下,同朋友兩個人入去,都好彩有位,不過都係爆哂場。佢細細間,唔算多枱,不過就有好多位,平時爆場應該都幾迫,今日依個情況應該係未爆。不過地方真係算乾淨,起碼唔會令你覺得佢好唔舒服,之後睇左睇就揀左個蛋牛治同埋熱奶茶。好快就有得食,等左大約兩分鐘,真係快,講下個蛋牛治先,平時都記得烘底,因為鍾意脆口,不過今次唔記得左,就咁睇個蛋牛治就覺得佢好足料,D料突哂出黎,個蛋就正常表現,不過都有少少口感, 好似有少少脆脆地,不過個牛肉就真係正, 平時D茶餐廳通常都用罐頭既鹹牛肉去整蛋牛治,個D會好鹹無咩牛肉味,不過依度就食得出唔同,佢係有醃過之外應該係用新鮮牛肉,真係唔錯。個牛肉係正既,抵讚,加埋好夠熱份量又夠多,整體黎講唔錯。

經朋友多次力推去吃旦牛治,話說非常好吃。那天跟朋友約好一起去吃,每人柯打咗一客旦牛治及涷/熱奶茶各一。不消一會端上枱時赫赫有名的旦牛治賣相已經打了很大的折扣。原來是預先弄好的並不是即叫即做,旦邊太燶且旦牛份量一般,入口不夠豐厚,感覺唔到吃緊鮮碎牛只感到很濃的調味料在作祟。非常一般的出品。至於奶茶就不夠熱跟一般的茶餐廳一樣,所以就無乜特別。總結來說光顧只此一次,不會再去嘗試其他的食品了,聞說最棒的旦牛治都已經這樣糟糕,其他的都應該不會有驚喜...。

 素聞新香園馳名的蛋牛治和豬手麵，奈何小妹和C並不吃或不好此名物。因此，本欲隨意在附近搵間餐廳食肆填飽五臟廟而矣﹗奈何，C遲了約半小時才到。我們早已饑腸轆轆，且附近又沒有較合適食肆，故決定捨遠取近 – 幫襯新香園。稍候片刻，已被安排入座。餐廳向算企理整潔，待應的態度蠻有禮的，頗有親切感。先來兩枝細樽裝可樂，盛惠十四大元，喝得極暢快，超爽﹗一客兩件的奶油多$8烘得表皮焦黑的，賣相不甚討好。咬下，多士微熱、夠香脆鬆軟，配合夾在中間的煉奶和牛油同吃，簡單、不太甜膩，卻滋味無窮﹗西多士$17較花功夫，故身價較高，索價是奶油多的兩倍有多。西多士沾上蛋漿同炸，炸得金黃香脆鬆軟，蛋絲連連，蛋香撲鼻，煞是誘人。切一小塊放入口，西多士盡吸炸油，拌入牛油和蜜糖同吃，雖十分軟熟甜美香口，然也油膩非常。好味嗎？特別嗎？對小妹而言，新香園西多士與坊間茶記無異。只是用了鹹味牛油罷了﹗有種甜中帶鹹之味道。從橫切面，可見西多士中間也塗有牛油。C原想吃粥，奈何午市未有提供，只好改吃以甜辣濃味見稱的京都炸醬麵$19。可惜，貨不對辦，炸醬味淡且不甜不辣，肉丁又乾硬。套用C的話：「極差﹗」伴麵上的清湯，早已被我們置之一旁而不

聽人講話呢間蛋牛治出名,為食既我當然要黎試試食三文治我例牌要烘底 一出到黎見到個賣相已經好吸引 加上牛肉個香味已經撲鼻令人更加垂涎三尺!!從照片所見,材料十足,牛同蛋的分佈亦都好均勻一咬已經知道個方包烘得好靚 好脆岩岩好要烘到呢個效果相信唔係間間都做得到另外我都試左西多士同奶茶 但無咩特別感覺 不過不失 可以不試下次會試過食出名的豬手麵和試下個公司三文治相信也會令我有驚喜!

咁岩去到深水埗，唔知食咩好，係openrice 見呢間第1位，就特登google map揾呢間點去，諗住可以有相傳juicy 蛋牛治食。因為星期5 3點，無乜人，勁快有位坐，唔睇餐牌，即刻叫左一個蛋牛治hon底同一碗豬手面，好快就有齊，跟住就一口咬落去個蛋牛治…um... 其實唔係唔好食，不過就好似普通d，唔知係咪咁岩啦，我個份蛋牛治真係好薄，仲以為好似睇相咁勁厚身！至於個豬手面... 有少少咸，不過豬手都ok！係抵讚既係真係用牛肉粒整，同埋員工既對客態度

上星期日途經深水涉，見其他食家形容到呢度既蛋牛治係全港最好，就來試下，好好彩好快有位，我地叫咗蛋牛治烘底，豬手麵，西多士，奶茶＆熱央我冇食過晒全港蛋牛治，唔知係咪最好，哈哈，但呢個確係我食過最好，所以今日要來深水埗買嘢，都要來個蛋牛治下午茶，正！！！

同兩個仔，老婆出左深水搵野食，突然醒起想試下佢地，二話不說就行入去，閒日，下午1730左右，唔算多人，睇左陣餐牌，我叫左田雞粥加豬潤加油炸鬼 ，老婆食牛腩面，仔食西多士！先講粥，好香，唔算稀，加上油鬼，正！至於牛腩面，牛腩好林，基本上唔使點咬就食到！ 最後西多士，果然係馳名，一放低果D蛋香超吸引，即刻引到我食左仔仔碟西多幾舊，老婆又忍唔住食，結果好簡單，黎多碟西多唔該！總括黎講，食物好味，環境較窄，價錢比一般茶記貴，不過我會再去，試下個蛋牛治先！

回頭率80% - 新香園（堅記）味道 ★★★★☆好食：蛋牛治烘底 - 烘包脆, 蛋邊脆香, 蛋心流汁, 牛肉非罐頭貨, 是新鮮牛肉切粗粒服務 ★★★★★雖是街坊格局, 但阿姐們超親切, 笑容滿面。見我影相仲會叫我慢慢影 (加窩心微笑)環境 ★★☆☆☆圓枱圓櫈, 有可能背貼背。跟同枱兩長輩食客閒談起來, 大家都對食物讚口不絶, 萍水相逢, 卻滲出濃濃人情味, 「老香港」氛圍, 叫人懷念。

行山行到落深水埗，經過好多次都未試過呢到嘅名物蛋牛治，今日就黎試下啦閒日五點呢到係全場坐滿，勁外賣個蛋牛治黎試下，17蚊，都唔平噃行入去俾錢，見到已經有一大堆煎好哂嘅蛋牛餅，所以好快就有得拎喇蛋餅個邊有啲燶燶地，香口。牛肉唔係平時嘅罐頭碎牛，而真係一塊塊嘅牛肉切到一粒粒所以食落有蛋香之餘仲有口感。不過麵包太薄所以放左蛋牛餅上去之後好快林或者下次叫烘底會好啲門口見佢放左一盒油炸鬼係到好吸引所以又買左條黎試，盛惠九蚊唔係即炸所以已經凍哂，不過都依然脆得得又有返煙un嘅口感呢個下午茶好滿足

Came here after shopping at the computer center.Beef & Egg sandwich (10/10)The beef has a bit of satay on it, the egg moist and fluffy, making it taste amazing - Must try!!It was so good I had 2 (and a half)! For the price, I couldn't ask for more!

3.30am 有點餓，見 openrice 對新香園的正評很多，亦24小時營業，一試無妨，駕車到深水埗找找看。驟眼看，新香園和堅記是兩間店舖。但原來粉麵類是從堅記拿過來的，而三文治是新香園煮理。怪不得舖名叫新香園(堅記)。蛋牛冶烘底可能我冇乜期望，三文治看似普通，以為大路野，吃過一口後即改觀，蛋唔太特別出色，但原來用來包住一粒粒的免冶牛，夾住一齊熱食幾好味，再加上選用茶餐廳必用的 cheap 牛油，好本土茶餐feel。最好趁熱食，凍了味道即180變。牛筋腩米太過普通，未見出色。筋不夠嫩，腩不夠稔。可不試。最後二樣野加杯飲品 $50 只應街坊店先有。有時正評不一定全去食物。論健康，論食材，新香園絕對不合格，但香港難得還有舊式茶餐廳，其風味、原味已值回票價。

十八元一份三文治，對吃慣大學平價早餐的我來說確是天方夜譚－－十八元可以在大學買到兩份午餐呢。但經過食友之間鋪天蓋地的宣傳，卻又覺得真的非試不可。既然來到深水埗，就姑且一試吧。位置在鼎鼎大名的桂林街，早上十點當然沒有夜市，但寒風之中，一樣有中氣十足的菜檔嬸嬸和肉檔叔叔。招牌大而鮮明，很快便認出來了。叫了一份蛋牛治，烘底。付過十八元，在外等候。客人不算多，也沒有前人口中大排長龍的盛況。等了數分鐘，三文治就製好了。多士雖未至燙手，但外脆內軟，塞滿蛋汁肉汁，還有層層牛油香味，很好吃！中間的牛肉蛋餅也不得了，味道濃香卻不油膩，滑溜之中帶點彈牙的牛肉碎，如黃金的脆邊配合多士簡直天衣無縫。美中不足是不夠熱，燙口的質感在寒天之中是最佳的感覺，不過十二度之下要保持溫度的確不容易，所以我亦不多強求。因為之後去喝早茶，所以把另外半份給了朋友。這份三文治無疑是飽肚的，卻會令人一要再要。從來三文治只求果腹，新香園能做得到色香味俱全的功架，這十八元的確是值的。

前幾日去開黃金個頭就黎呢間甘出名既新香園食野 第一次黎 睇左推介系蛋牛治烘底同熱奶茶 就叫左啦 過左冇耐就有野食 講左蛋牛治先啦 烘底烘得好鬆化 肉碎好香 味道幾好 但系就冇蛋汁 好干 同埋都幾多油 牛肉味就好突出啦 但系蛋就冇咩特別 都系中意澳牛既蛋多d 而奶茶就好普通 可能因為不嬲都吾系特別中意飲奶茶 杯奶茶系滑 有茶味 但系太苦 起碼分別落左兩次糖 加埋都四-五匙

As I was tasting in the area, I decided to try this famous eatery.This place serves simple macaroni, noodles and toasts.One of the items was quite interesting!FRIED NOODLES, I wonder if it is noodles literally deep fried!The chili sauce was quite funny, the lid was a sauce dish.Anyway, ordered the famous beef and egg toast from the ex-TV actor.The toasts were prepared in the tiny kitchen.★☆★☆★☆★☆★☆★☆★☆★☆★☆★beef and egg toast:It was the usual wonky shaped toast without the edges because no one ea