新匯聚餐廳小廚

Open Now

Now Closed

今晚食在「新匯聚餐廳小廚」，餐廳與小廚的佳餚，匯聚在此工廈飯堂裏。食堂大、冷氣夠、員工好招呼，是顧客首先接觸到，接著是品嘗夠鑊氣小炒。脆炸鹹豬手~切得大大塊長條型的鹹豬手，排列整齊，十分吸睛，咀嚼脆皮的聲音十分清脆俐落，豬手肉質香滑濃郁，齒頰留香。豉油王龍鬚炒麵~彈牙魷魚鬚不是主角，豉油王炒出香噴噴麵條，才是主角，也盡顯大廚巧手功力。鹹豬手和炒麵份量很足夠，胃納再沒有多餘空間，其他美食留待下次再嘗吧。自家檸檬薏米水~檸檬果酸很解膩，清甜的薏米水也有質感，有熱飲/凍飲，我們楝熱飲，非常清新可口。

早幾年返觀塘區就有同事介紹呢間地道鑊氣小炒，一食已經愛上，之後自己都嚟過幾次今次再嚟，地方環境依舊，呢到類似大排檔，不過都算坐得舒服，閒日都坐滿人，一枱難求，相信都係經常嚟食嘅老顧客老闆仲滿場飛，每枱都招待又傾偈，十分親切，老闆仲介紹我哋食呢到嘅招牌菜🥢招牌蜜糖薯仔牛柳粒$138呢個就係老闆介紹嘅招牌菜，好有鑊氣 薯仔勁腍又香，外面少少脆，牛天係又腍又入味，必食🉐🥢金銀蛋浸時菜$85吾揀娃娃菜或芥菜，金銀蛋都多，同菜一齊食好夾好好食，我最愛❤️🥢椒鹽九肚魚$105好耐無食九肚魚，炸到勁脆，好多炸蒜🍋檸檬薏米水$20老闆特意推薦嘅檸檬薏米水，自家製，味道濃郁，清甜解暑🚩新匯聚餐廳小廚 (觀塘)📍觀塘成業街15-17號成運工業大廈1樓1室

如果你搵緊地道鑊氣中菜，甚至想包場嚟個一家人、朋友、 Farewell 聚會，【新匯聚餐廳小廚】都係一個好選擇，佢哋嘅中菜都好有驚喜！夜晚喺觀塘搵食，如果人氣旺啲熱鬧啲，梗係揀啲中菜啦！圍埋一班人開開心心，今晚就去咗【新匯聚餐廳小廚】，貪佢放工喺附近夠就腳加上好多小菜選擇！大大話話嚟呢度食野都食過兩次，今次第三次都一定會叫啲唔同嘅野食試一試下個廚嘅手勢，加上多選擇，真係可以做到次次唔同嘅效果添！今餐兩個人都唔知死叫左個潮式蠔仔泡飯-大版，個個都睇食我地食唔晒，點知我哋係食得晒既！哈哈！◼️潮式蠔仔泡飯飯粒本身煲到粒粒分明有咬口，而佢用嚟泡飯嘅潮式湯都好好味，唔似味精水，配上滿滿嘅肉碎同飽滿嘅蠔仔粒，一啖一啖咁一路食落去，竟然6-7碗嘅份量都食得哂！如果中意白胡椒粉嘅話，佢都會俾樽白胡椒粉你去調味，為呢兜鮮甜嘅泡飯加上少少辛香感！◼️啫啫炒芥蘭中菜鑊氣嘅代表作之一！芥蘭喺鐵鍋中翻炒，以極高溫嘅熱能一下釋放落去啲芥蘭入面，口感爽脆得嚟又鮮甜多汁，表面仲有少少微焦嘅狀態錦上添花！而配菜仲有啲肉碎同辣椒仔，如果唔係食咗咁多碗泡飯嘅話，絕對係要嗌碗白飯嚟送飯！◼️椒鹽鮮魷配欖角骨呢兩味都係中菜小炒館常

新匯聚餐廳小廚//差不多一年沒吃打冷，適逢今天約了很久沒見的朋友，於是便約了在觀塘的新匯聚餐廳聚一聚。大約7:30到餐廳已經有很多人在等候，好彩一早訂了位，可以順利入座。蠔餅 ($88) (8/10)可以看到門口有位姐姐專門炸蠔餅🦪～每塊都是新鮮即炸的 上菜金黃色大大塊 蠔的份量很慷慨 每塊都會有大大小小的蠔仔 有些蠔仔都挺肥美～沒想到吃蠔餅都會有這個size的蠔 粉漿份量混合得剛好 不會覺得是在吃一口口粉 點上魚露很好吃👌🏼整體很不錯!!潮式蠔仔泡飯 (小) ($85) (8/10)問了店員說小的能分成3-4碗 那兩人吃就非常足夠了！這碗蠔仔泡飯無論是份量還是味道都剛剛好 沒有過淡亦沒有過鹹 調味恰到好處！蠔仔粒粒飽滿 每啖泡飯也能吃到蠔仔 很滿足🫶🏻加上胡椒粉更好吃喔～避風塘茄子(蝦膠)（8件）($115)(8.5/10)一上檯是剛剛炸好的👌🏼有八大件 每件就是正常吃釀的茄子大小 每件茄子上慷慨地塗上了一大塊蝦膠 熱辣辣 很脆口 超好吃!! 外面脆口蝦膠彈牙加上茄子的軟腍 口感很豐富 調味加上了炸蒜 有微微辣味 令味道更多元 整體很高分的一味菜另外加了兩罐可樂～(每罐$11）吃了那

男友接我收工, 就來到公司附近~新匯聚餐廳小廚食晚飯。約7點多已差不多座滿人 。店以中式裝修,地方寬闊有多張圓台及卡位座選擇。.點了佐酒餐前小食  雙拼$120【鹵水掌翼】鹵水掌翼夠入味, 鵝肉易咬開,鹵水香味四溢,可沾上醋或潮式辣椒油後味道不錯。.【南乳豬手】南乳豬手好夠入味不會過咸,特別好腍好食,食到不停口。..【剁椒蒸新鮮大魚頭】(例) $125一來到要趁熱食,早已拆散大魚頭方便食,入口肉質鮮美無腥味,口感層次鮮明,香辣適中,很好吃惹味！,,【欖菜肉崧四季豆】 $80這菜好有鑊氣, 四季豆炒得剛剛好,配咸咸地欖菜味,肉碎頗多,撈白飯吃一流,好滋味呢!.高高興興食嘢,必選飲啤酒啤一啤佢呢!.

放咗工過嚟食飯，餐廳竟然坐滿哂，好彩有早少少book位，如果唔係walk in都可能未必有得食。招牌話梅骨 $115外面薄薄一層炸粉，食落好薄好脆，裡面嘅肉好軟好嫩，肉汁都好豐富。秘製嘅話梅醬好獨特，酸酸甜甜嘅味道好出色，好開胃，食落去真係好好味啊！椒鹽九肚魚 $105呢道菜係大牌檔必叫菜式！九肚魚炸到好酥脆，而且用椒鹽調味，多咗一啲微辣嘅味道，好香口。啱啱炸好嘅九肚魚一入口，咬落去有入口即溶嘅感覺。潮式蠔仔泡飯 (小) $85入面有新鮮蠔仔，味道好鮮甜，有啲蠔仔size都唔細隻。飯煮得剛剛好，粒粒分明，食落去，啲蠔仔嘅鮮味同埋飯嘅香氣，加上有肉碎吊味，落少少胡椒粉，令到味道更加豐富。青檸薏米水 $20係夏天飲最正啦！好解渴同埋好開胃。青檸嘅酸味同薏米嘅清香一齊飲，清熱解毒。

見到網上有不少好評，抱住一試心態。一開始叫了兩個小菜，椒鹽骨，及避風塘茄子。及後餐廳職員推介黃金煎蝦，幾分鐘後通知鹹蛋賣晒，建議改為豉油煎蝦，我同店員講再諗吓先，店員話老闆誠意推介豉油王煎蝦，既然老闆推介，就試吓囉….食物質素：椒鹽骨：肥肉很多，急凍肉味避風塘茄子：香口，味道不錯豉油王煎蝦：7隻中蝦 （$240），急凍蝦味，蝦肉黏殼，百分百中伏 😑😑餐廳環境：環境擠迫，比較嘈雜埋單2人$500 ，以餐廳環境及食物質素，性價比不足，冇下次！！

名不副實的餐廳，沒有以前大排檔的質素！餐廳本身需要賺錢，不提供茶水，焗你叫酒水，唔緊要，薏米水成為$20一杯，係好飲嘅，但$20又唔係好值。兩個人叫咗三個小菜，其中一個豉椒炒花甲，上碟時見佢細碟，但係明知呢一類菜都係咁，所以算數，點知食吓食吓發覺，有啲蜆殼根本就冇肉，佔大概三成，大概一半沒有開殼，即是成碟沒有一半能夠可以食！眼見另外一台客人同樣叫了豉椒炒花甲，見到同我哋差不多嘅情況，未食就即刻叫佢拎走，我只可以怪自己沒有其他人那麼狠心，結果苦了自己以及－肚氣走！以後都唔會再去！

非常適合帶長輩嚟食每次帶我阿媽出去食飯，無論食啲咩佢都會嫌三嫌四， 呢一餐係唯一一餐佢對嘢食冇咩意見仲講得出好食嘅一間餐廳因為第一次食，上到去門口大開但見到堆咗一堆雜物，令到我哋懷疑呢個唔係入口，我覺得可以改善， 入到去有一陣煙味同某啲香味混合嘅一個味道， 唔難聞但唔算好聞，不過坐耐咗就會習慣（不過餐廳有煙味都唔係特別出奇）坐低咗D店員好熱情，有3、4個輪流過嚟問：係唔係第一次嚟、我地個XXX唔錯，社恐嘅我有D唔知點應對，不過都尚算ok我哋叫咗四個餸：芝麻雞、椒鹽九肚魚、蒜蓉炒菜芯同埋蠔餅我個人唔太中意食蠔，但我覺得佢地處理得唔錯，我都食咗一兩隻椒鹽九肚魚幾好食，我媽咪都讚不絕口菜芯就不過不失啦不過芝麻雞我地都覺得一般般，雖然係招牌菜，但係佢冇咩雞咩最後係我地食飽後仲送咗甜品比我地食，老闆話唔夠可以任加整體嚟講呢間野食得過，除咗個芝麻雞，其他野我地都覺得唔錯，仲有甜品送，呢間野真心可以翻兜不過呀媽就表示冷氣唔夠，食餐飯食到出汗，我諗呢個餐廳都可以改下佢

態度差！食物質素一般…由我哋坐低開始, 催我哋叫嘢飲、叫嘢食、食完即刻要你埋單走人，仲攞埋你張單出去，話有人等緊枱。但佢哋又唔敢催隔離枱飲到醉晒啲大叔去埋單。估唔到大排檔都唔俾人吹水，仲以為自己食緊快餐店。熱潮會退…剩下來的就只有優質的服務和食物質素才可留住客人…但我哋絕對唔會再幫襯下一次！

觀塘區食午飯已不再從前一個午餐動輒就$5/60 難得搵得間抵食 份量足既餐廳 試完令我有意外 份量超大份 而且午餐$40-50今次試左呢個焗飯$47 送特飲 不過特飲佢set 好左 係水蜜桃茶 不過環境就有待改善 地面太滑了但食物質素係唔差 所以都可以再試下其他野食

新輝聚食廳是一間位於觀塘的滷味海鮮食肆。雖然店名聽起來頗具規模,但事實上該店的環境十分狹窄且缺乏衛生,在裝修和空間方面需要改善。首先,滷水食物的價格偏高,與其他食肆相比缺乏競爭優勢。該店主打滷水皮蛋、滷水豆腐等滷味食物,但價格過於昂貴,性價比不太理想,難以吸引更多客人。其次,環境而言,該店空間過於狹小,桌子緊密排放,座位也不太舒適。地方又髒亂不已,令人感到不太衛生和舒服。另外,該店的蠔餅和話梅骨雖然是招牌菜式,但質素一般,並不算是其他食肆無可比擬的頂級美食。蠔餅的皮薄餡少,美中不足。話梅骨的話梅味也不太突出,難以成為推薦的菜式。總括來說,新輝聚食廳最大的優勢是提供傳統滷味和海鮮食物,但環境和食物質素都需要改進,特別是價格方面更需要適當調整,才有可能吸引更多食客和重建口碑。希望該店能在這些方面作出改善,提供更理想的食肆用餐體驗。

同事Farewell飯特登上OpenRice搵吓好食嘅大排檔，見到「新滙聚」呢間好多好評所以去試吓，結果冇令我哋失望。😎我哋叫咗豉椒炒蜆、椒鹽鮮魷、滷水拼盤、黑椒薯仔牛柳粒、蠔餅等等。 每一樣嘢食都好好味，好有獲氣而且好新鮮。每樣嘢都係即叫即整所以熱辣辣！特別欣賞佢嘅炸嘢，佢嘅椒鹽鮮魷同蠔餅都係即刻炸起，好鬆化而且好香口！🤤飲品方面我嗌咗杯「有氣鮮檸蜜🍯🍋」，好正，好解渴！因為有檸檬同蜜糖，食啲齋嘢飲呢個就啱晒啦！食完晒之後個夥計仲請我地食桂花糕！清清甜甜咁可以解油膩感👍🏻呢間餐廳嘅位置位於工廈入面，所以帶啲難搵。同埋餐廳入邊嘅座位都比較想迫，所以多人嘅時候覺得有啲太嘈同埋好窄好迫。

一直聽聞呢間餐廳啲野大份又抵食，午市時段長期爆滿。前排到訪時的確座無虛席，需要同多位客人share同一張大圓枱，環境較擠逼及氣氛急速，比較適合速食，下午1點已經有機會部分是日午餐選擇已經賣哂，炒飯極大碟👍🏻成年男人都一定夠飽。今次叫左沙嗲羊架飯，羊架有2件，沙嗲味偏甜惹味，有大量花生碎👍🏻整體味道都唔錯不過見到同枱其他食客有漏單情況，可能因為太旺場人手未必夠，所以有啲混亂。餐廳重有做外賣比附近既公司，唔遠既話一個飯都會送上門，適合唔想行又搵唔到人夾份叫外賣既打工仔

之前睇電視介紹觀塘大排檔，見到呢度家庭式小廚，好有風味咁，已經想試下🤭。可惜一直都無時間，今日終於同朋友去附近做野，第一時間話去呢度食飯，果然無令我失望😋！由於地點係工廠區，格局真係好似大眾食堂，不過安排我哋坐卡位，所以坐得都好舒服🤗。因為天氣太熱，一坐低即刻叫杯檸檬薏米水 $20，消下暑，估唔到又幾好飲，淡淡檸檬味，用料好足，少少甜飲落好舒服，應該係自家制既。食物選擇都唔少，樣樣都想試，可惜得兩個人，眼闊肚窄😅，唯有試左最想食既芝麻雞同話梅骨先。話梅骨 $115天氣開始熱，我覺得呢個餸好啱依家食，排骨炸得酥脆，外層掛上話梅汁，酸酸甜甜好開胃😋😋，越食越想食🤤。芝麻雞半隻 $155再來梗係招牌芝麻雞，就係為左佢而來🤭。之前見電視介紹，真係心機菜，依家唔係好多地方有。果然名不虛傳👍👍，雞皮加左芝麻好香脆，好似食薯片咁，雞肉又唔會好鞋，仲有少少雞油香味，好惹味🤤🤤🤤，必食推介👍👍👍，好彩我地早左去先有得食，因為7點嗰陣，聽到好似已經賣晒😅。最後竟然有甜品送，椰汁綠豆糕，椰汁味香濃，質感軟滑，唔太甜，成為呢餐飯最好既結尾😁。其實仲有好多野想試，但已經好飽，依家咁有風味既食肆已經唔多，下次一定