216
30
7
| Restaurant: | 新匯聚餐廳小廚 |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, http://www.foodwisehk.gov.hk/en/food-wise-Eateries.php
4-min walk from Exit B2, Kwun Tong MTR Station
continue reading
Telephone
31042200
Opening Hours
Today
18:00 - 00:00
Mon - Sat
11:00 - 00:00
Sun
18:00 - 00:00
Public Holiday
18:00 - 00:00
Above information is for reference only. Please check details with the restaurant.
Recommended Dishes
屋企人鍾情鑊氣小炒，剛巧電視節目介紹這間我曾經也光顧過數次，位於觀塘廠區內的食肆 ，印象也不錯，所以便提議帶他們來試試。餐廳環境和以前沒有大分別，老闆依舊會親自走到每一檯，和客人打交道，交流煮餸心得，遇上眼闊肚窄的客人， 偶爾會給予溫馨提示；夥記也很勤快，會主動提議今天有哪些撚手小菜，新鮮食材。【 滷水鵝片 $ 120 】喜歡這裏的鹵水鵝片，片片均等，厚薄適中，滷汁清香、入味，肉質軟嫩得來又有嚼勁，蘸少少醋，風味絕佳。底層還鋪了厚身綿滑滷豆腐，將豆腐完全揸乾水後再滷，故此非常入味。【 煎蠔仔餅 $88】非常大份，足料，滿滿一整碟，彷彿食極都仲有。 蠔仔粒粒飽滿、鮮味，金黃香脆，粉漿炸得很乾身，完全沒有油膩感，蘸漁露或胡椒粉最合適 【 乳鴿 $70 】老板話一日來貨約廿隻以內，即叫即炸，香味隨熱力四散，令人垂涎。較普通乳鴿大，多肉之餘，肉味亦濃，醃得入口，皮薄甘香、肉嫩多汁，質素不俗。【 招牌話梅骨 $115】話梅骨一口一顆，肉質纖細富彈性，醬汁稀稠適中，夾雜著話梅肉細碎，所以每一口都酸甜有致，老板話經過篩選，才決定用這批味道較為中容的話梅，不會太搶味，没有糖醋骨那種甜酸霸氣，亦更顯話梅生津止喝的特質。話明招牌菜，果真實至名歸。【 瑤柱蛋白炒飯 $100】熱辣辣，好好味，配料有瑤柱絲，蛋白、葱花、蝦仁等等，炒飯粒粒分明，不會過乾或太濕，口感非常好，有蛋香，老父也添了好幾碗，吃得津津有味。【 餐後甜品馬豆糕】雖然是免費，但味道也不錯，有椰汁味，糕糕馬豆，軟滑清甜飯店今天依然客似雲來，論食物質素、份量，絶對得到在座客人的認同，屋企人對今晚每一道菜也很滿意，若一大班朋友聚首，這裏確是一間經濟實惠的好選擇。
continue reading
聽說觀塘工業區有一間大排檔風味的餐廳，經常都想來，終於約到朋友。餐廳位於工廠大廈一樓，但也十分容易找，老闆很熱情，我們坐下後亦介紹很多招牌菜，我們只有兩個人，老闆亦建議人少不要叫太多，吃完一樣才叫另一樣，不用急，實在難得。藥膳雞腳我其實對雞腳情有獨鍾，由其是藥膳，但朋友不吃，也不敢叫，老闆知道後便送我們一細碟，十分感動呀🥺雞腳軟糯口感，輕吸一咬便能脫骨，而且完全吸收了湯的精華，濃郁藥香，最後一定要喝湯底，超級清甜呢，火喉十足，一試難忘。滷水拼盤(細)雖然是細份，但份量超驚人，墨魚，豆腐，豬腸，紅腸，鵝肉，豬耳，全部都很入味，爽口，脆爽，香嫰，豐盈，彈韌，全部集結在一碟內，令人齒頰留香，滷汁不會太鹹，配啤酒白飯簡直一絕。蠔餅口感鬆化香脆但又帶點煙韌，蠔餅煎到兩邊金黃色，脆卜卜還帶點蛋香，每口都有肥美的蠔仔，吃時沾點魚露或辣醬，鮮味更提升，多重滋味。沙薑炆芥菜芥菜新鮮，初嘗時是有一點像苦瓜的苦味，但慢慢便嘗到苦中一點甜的感覺，回甘味香，沙姜太能提香開胃去油膩了，清爽極了。起初還想吃蠔仔粥，被老闆正確地回絕了，幸好真的沒有叫，不然一定吃不下。🙈最後老闆還送我們甜品，椰汁馬豆糕，不會太甜，透涼心。人情味十足的一間大檔排風味餐廳，每樣都是大大碟，下次再來要叫多點人😆
continue reading
突然想去大排檔，朋友就介紹尼間室內嘅大排檔。環境有啲老舊，一睇就唔係覺得好乾淨同整潔嘅餐廳，門口地氈黑蚊蚊，走廊位仲有兩個爐頭。不過冇所謂啦，咁先有大排檔嘅氣氛😆啲叔叔阿姨都好熱情好客🫶🏻。因為係晚市時間無卜位，所以被安排到一個比較狹窄嘅位置，出入都有啲辛苦啊😌。有興趣嘅朋友，建議先卜位啊。▪️招牌話梅骨排骨炸得好香脆👍🏿肉質有啲硬，雖然唔會好柴，但都唔係好Juice囉😌味道酸酸甜甜禁好開胃。有啲似咕嚕肉，係白飯小偷啊😆▪️椒鹽九肚魚炸得好酥脆，但係入面啲肉好軟同嫩滑，連骨都可以食埋👍🏿。雖然灑咗好多炸🧄，但唔算重口味。另外，每一分都配有一碟豉油同淮鹽。▪️豉椒炒花甲花甲都好大隻，肉都算大塊啊。食左好多隻都無沙既👍🏿豉椒味唔係好重，但又未到無味既。▪️金銀蛋浸時菜係成餐飯既清泉😂材料好豐富，有鹹蛋，皮蛋，肉碎同娃娃菜。湯雖然好清，但有少少鹹蛋嘅鹹香，一啲都唔清湯掛水。娃娃菜好清甜，中和左成餐飯既油膩感。▪️馬豆糕臨走時餐廳亦會送佢哋自製嘅甜品🫶🏻。上一次係桂花糕，今次係馬豆糕，所以應該係會不定期更換既😆甜品既質感好挺身，動L動L禁😆。椰奶味好濃又唔會過甜。口感軟熟Q彈🫶🏻總括而言，個人覺得尼間大排檔略嫌鑊氣唔夠，但食物質素就不過不失啦。份量算大份既，價錢合理，但唔覺得係抵囉😌。如果想帶父母長輩👵🏻🧓🏿👴🏻出街食飯，除左酒樓，呢個都係幾好嘅選擇👍🏻地理位置方便，加上比較乾淨（對比傳統大排檔😆），有時想食中餐（厭咗商場餐廳，Cafe😝），應該都會返兜尼間既。
continue reading
食物係幾好食,而且價錢都算平幾抵食沒有收加一的但是!都忍唔到手要俾「喊喊」差評1. 入口好污濁門口好污濁,因為近廚房位,所以放滿晒D 碗碟雖然未到行路好濕滑,但地下都好污糟我一入去以為係後門...2.坐位好迫環境吵,超多人坐位好迫,我坐個位係侍應會行黎行去既位而且貼到好近,好多次佢都企到我好埋同我後面枱既食客落單之類,我要特登縮向我隔離朋友方向避開佢先得,好反感3.催唔停(最大問題,最差)有一個極大扣分位係,佢地催唔停total 5個人, 我地約左19:003個朋友準時到, 我19:10到,仲有一位黎緊3位朋友坐低先,朋友話D侍應已經不停問佢地「朋友黎未」朋友話我未黎個陣,洗緊茶杯個陣,侍應又問「你地飲唔飲茶架?唔飲唔好洗wo」...到我黎(19:10)了, 因為仲有一位朋友未黎,所以我地都係睇左一陣MENU 先我地都打算叫食物先,因為始終朋友遲到,唔會等佢黎先食野但係,睇緊MENU 既時候,好快手已經前後有5個老闆/侍應輪流問:「叫定D 野食啦」「朋友未黎呀?」「叫住D 小食先啦」真係冇吹水,真係所有侍應都問齊,真係!真係頂唔順,其實佢一係一開波就限時,唔好不停催不停迫我地俾錢食野,但覺得好有壓力,好似佔用佢既座位阻住佢咁......咁住我地叫了一個拼盤,一個豬肺湯先落完單跟住再係有5個老闆/侍應,見我地枱上冇食物, 又開始問「叫左野食未?」跟住我地重複答左5次,真係答左5次「叫左D 啦」真係好痛苦,好辛苦......我明白做生意想翻枱,做多D生意都無可厚非但要不要做到咁?還是可以訂枱時直接限時會好D?或者限人均消費?咁樣會唔會好D?而唔係不停NON STOP咁催?我見隔離枱食完想坐下傾計,佢已經不停催人走最尾人地屈服左,埋單走人4.好快賣晒/冇潮州靈魂菜叫左蠔餅,隔一陣話沒有7點20分左右叫左一碟鵝肉拼盤幾好食,想encore7點50分左右再叫一碟淨鵝片佢話鵝片賣晒其實時間好早,鵝片呢D 靈魂菜咁快賣晒蠔餅就隱弱聽到「樓下冇開」之類(因為佢地有一間原裝應該係地下,但裝修冇開,我地原本想訂地下個間都冇,跟住聽電話個人就叫我地黎呢間1樓,係一樣的;我冇估錯既話係,應該係地下個間先做蠔餅)朋友黎食潮州野就係想食蠔餅,所以好失望5. sell 野我地第一次落緊單個陣,有個男侍應問我地食唔食鴨舌,我地話唔食跟住叫完野,等緊個陣,同一個男侍應又黎問多次問我地食唔食鴨舌......我地又重複話唔食....跟住等等下有侍應埋黎話冇蠔餅,跟住同一個男侍應又行黎問我地食唔食斑...我黎食潮州野就係想食返靈魂菜,朋友話食斑不如去酒樓啦**********講返食物,其實真心,係幾好食好有獲氣,味道都幾正而且價錢都幾抵食雖然單價樣樣都一百左右或者再多D但其實個量都幾多幾大份所以我地5個人食左唔夠$1000其實我地已經叫左糖水,但唔好食,如果唔叫糖水,可以慳返$110,仲平但是!基於以上5點,不會再幫襯➽鹵水拼盤(細) $140好大份我地問侍應幾大,佢話細份都夠5個食,都幾老實好食個鹵水好入味鵝肉都好食,好腍身其實底盤既花生都好軟身有味所以我地想ENCORE再叫鵝片，可惜賣晒➽杏汁豬肺湯(小) $270好大,我地5個人都飲到10小碗左右個肉同肺都唔少肺好腍好食個湯係好清甜,唔咸杏香都係清清地,我個人覺得岩岩好,太重杏味唔好有個位要讚下,侍應驚會涼,會放個碟蓋住個湯➽上湯浸時蔬(勝瓜) $80都係好大份勝瓜都幾硬身,我覺得再煮奈D 會好D但朋友話佢覺得咁岩岩好➽潮式蠔仔泡飯(大) $98蠔仔幾大粒,幾多,粒粒都幾飽滿落左好多豬肉碎粒,帶肥肉所以成個飯湯都好鮮幾甜唔咸好食➽乳鴿 $70皮算幾脆肉都唔乾唔錯➽椒鹽鮮魷併欖角骨(5件) $155鮮魷幾新鮮,唔韌,入口都算爽彈欖角骨OK➽椰汁馬豆糕 免費侍應放左碟馬豆糕落黎,話好好食入口好清甜,唔會太甜椰汁味又真係幾香好食,我前後都食左3件估唔到免費既好食過要俾錢既糖水➽糖水 $22我叫左紅豆沙太太稀甜度太高,食唔到紅豆香或其他香味食左幾啖就冇食朋友有叫芝麻糊同杏仁糊但佢地都食幾左一半左右就停手,話麻麻地
continue reading
來到觀塘，選擇了食成業街的新匯聚餐廳小廚。餐牌有較多大排檔中式小菜選擇。蓮藕羊腩煲$220， 送啤酒一支/ 汽水兩罐。現在是秋冬季節，是食羊腩煲的好時機，餐廳也正是推出了蓮藕羊腩煲，跟爐上。蓮藕煲份量都不少，裡面有蓮藕、腐竹、馬蹄、冬菇、香芹菜、芫茜蔥……等。羊腩切得較大件，炆得夠腍，也很入味，尤其喜愛連皮食，腍滑有膠質。蒜蓉蒸大元貝 $106大元貝面上有很多蒜蓉及粉絲，粉絲吸收了大元貝的鮮味，很入味。元貝是少見的大隻，大大粒又厚肉，味道很鮮甜。合桃糊，要了熱的，不會太傑，也不太稀，不太甜，口感帶點滑，好香合桃味。杞子桂花糕是餐廳免費送的飯後甜品，又軟又滑，而且很香桂花香。不愧是老牌大排檔起家，味道及菜式都頗有質量，而且食完後還送上免費甜品，無怪乎這麼多客。
continue reading