愛文生

Open Now

Now Closed

朋友為我慶生，一星期連續不斷的吃了好多蛋糕和生日飯，很感謝。正日就來了這邊，共3人做完gym後專程來這間沒喊面的大排檔，一嘗風味。work out後2小時不宜吃太多，3人點3樣菜就夠，先來一隻乳鴒，再加一碟生炒骨和通菜炒牛肉，就此。先上乳鴒，炸得香口，不是大大隻的size但做到皮薄，可是不是肉嫩，論做得出色的乳鴒這裡不是priority；生炒骨，真的炸得香脆又好吃，那個汁酸酸甜甜的，而且彩椒洋蔥也下得重手，芬香撲鼻；通菜炒牛肉，很普通，通菜真的好un，不時不吃，這個真的老了，牛肉明顯是梳打牛，稔得實在過份，牛肉味也不知走到那裡去，早知點就西蘭花。turnover很快，旨因做事快手，一晚最少可做兩至三轉生意。連埋兩碗白飯，都不過200，很抵吃。叫我回味的，都只是那碟生炒骨。

由細食到大,根本就係飯堂一個,但就係忘記寫佢,真係因為好似自己屋企咁....又點會醒起^=^今次同同事及其Bfo黎食(佢地早已被我導左*_*),只得三人,所以都唔叫得多,由佢o地發板(不過都估到叫乜,雖然佢o地住係屯門,因為都幾經常食,今次都係緩他們念掛)。先來炒蟶子:隻隻肥美非常,豆豉及辣椒既份量o岩o岩好,唔會太辣或過咸。再來咕嚕肉:雖然無“晶輝”做得咁脆口,但味道調校方面係唔差o家,唔會一味得個酸字。跟手o黎個椒絲腐乳通菜:佢o地係用粗身個隻,並唔係幼身廋蜢蜢o個隻,因為我覺得粗身比較爽口,而幼身有一陣泥味;腐乳味夠咸香.......最後係椒'嚴'九肚魚:粉漿唔會太厚,亦不會太多軟骨,整體唔錯而呢個價錢亦包括2枝燕京及3碗飯o勒

老友由阿布達比老遠工幹回來，幾個月無見，呢晚先到老尖飲兩杯之後再等埋友人放工一齊來愛文生吃飯﹗呢度燕京最平，15蚊支，未坐低都已經叫定兩支，吹水點可以無啤酒助興﹗先來椒鹽魷魚，脆漿夠薄，吃落香脆，魷魚未算濃香卻彈牙爽口，佐酒不錯﹗再來灼東風螺，$60碟都有三四十隻，也是慢慢挑挑吃吃，肉質是新鮮實淨，但不知是否來貨關係未有平日吃到的鮮甜。小炒王材料有韮菜、土魷、蝦乾及菜鋪等，夠惹味炒得亦有鑊氣卻未算乾身。香煎芙蓉蛋味道著通材料亦不算多，茶記比他還要做得好﹗最後來個楊州炒飯作結，呢個反而簡簡單單用料夠多啖啖有蝦又乾身，有飯落肚自然飽哂。本來都好好地，可惜最後佢調我地出去向馬路的地方坐，看到幾個阿姐在用三盤水洗碗，真係睇到眼都突，明明最後過水的一盤好應該開足水喉卻用極都係0個盤水，即係話之前成碟泡係咁易放入去過一過又再用來上碟，無咩可能洗得淨﹗其實大排檔食飯有幾乾淨大家心照，不過眼不見為乾淨，眼見則總有點戚戚然吧﹗

上次同女友食過一次, 今次食過番尋味1., 例牌-鼓椒炒聖子: 夠香夠辣, 但不蓋過聖子鮮味, 鑊氣十足, 必叫之選 連朋友唔係太食辣都咀lamlam2. 生炒骨 : 味道比上次失色, 細碟左, 攪到女友有d唔滿意 3. 椒鹽鮮魷 : 炸得夠香, 色澤金黃, 但脆口感好似爭少少3. 茄子炒牛肉: 朋友介紹, 第一次食, 冇諗過兩樣野可以咁入味, 缺點係多油得滯價錢合理, 份量亦夠, 下次仍然會再去,

我們兩個人想食大排檔, 見愛文生 多d 人, 便試下.豉椒炒聖子, 肉身肥美, 吃落飽滿鮮甜,豉椒汁惹味椒鹽鮮魷, 味道唔夠香口，而且亦炸得唔夠脆口沙薑雞, 雞炒得好滑，味道亦唔錯. 三道小菜味道唔錯，份量足, 絕對係好 抵食!

之前幫襯開隔離的,聖誕節的今晚一於試吓呢間,只不過是七點,已有九成滿.先叫個豬潤啫啫雞煲,個煲唔熱,豬潤唔係太爽,雞還可以,不過個汁咸咗啲.至於菜心炒斑片,斑片只有雪藏味,無鮮味,食落口好似食拖羅咁入口即溶,好攪笑!完全食唔出係斑片,反而菜心有驚喜,幾新鮮,雖然比較條,但食落口很爽.最後一碟琵琶豆腐,好的是有十二粒,每粒都很大,但味道只是一般.整體上餸菜只是麻麻,但隨檯的大壺茶,卻是熱騰騰的.

友人愛妻離港工作，無王管的情況下約食飯，一行三人又來到愛文生連續兩個星期都來，真係好捧場﹗講到明今晚飲酒盡興，一坐低已經叫定個小炒王做佐酒小吃，真的很欣賞呢個菜用料豐富，蝦乾特多，同其他大排檔相比呢度的最有鑊氣亦大碟﹗膏蟹10蚊兩，貴係貴左0的，不過難得一聚叫左兩隻，25兩盛惠$250﹗蟹膏頂哂蓋，多到不得了，味道甘香郁厚，一粒粒黃澄澄灑落成碟真係回味無窮﹗膏外蟹肉未算實淨，不過都鮮甜，值得一試﹗仲有食左椒鹽吊片，魷魚就成日食，吊片椒鹽都算係第一次，炸得乾身，入口香香的惹味非常，呢個餸我今餐最鍾意﹗三個人一陣就掃哂﹗傾計飲酒興起得濟，行過對面士多買左副啤牌返來三公廿一點，輸左當然係飲啦，玩到最後仲連骰仔都出埋，玩七八九，真係有人飲到嘔﹗迷糊中點埋椒鹽雞軟骨，思緒不清的只記得腰果即炸夠哂脆口，呢道0的椒鹽食物確係很不錯﹗七點食到十二點，到底自己點返屋企既呢？無人知..............因為大家都唔知.....只記得三個人清左廿支大獅威..............

上上星期日是陪客食飯0甘大個人第一次 -- 陪客食飯鬼叫個客係我跟　鬼叫個台灣妹愛上我咩.... (說笑的）如果唔係個客話要食香港地道野食我相信我無這個機會來這裡吃飯D食物好有鑊氣 - 讚由於是晚太餓　太多說話都忘記同D食物拍照+問佢地叫咩名　就比我地食落肚食清光

自問最愛就係去大排檔開餐，取其風味一流，環境氣氛絕佳，不過身在九龍區的我卻遺忘左呢間野﹗石峽尾街的愛文生，兩三年前來過一次，不過那次感覺麻麻所以在我的腦海已沒有印象，近日睇番BLOG友Lioncity推介決定俾多次機會佢﹗就係呢間喇﹗石峽尾道一號，地址好易記﹗比起我三年前來好明顯有裝修過，而家有間鋪頭有冷氣的﹗今日我就坐左入去喇﹗有電視睇添，我當然叫左啤酒先啦﹗飲燕京有計傾﹗今日來係因為好想食蟹，先來一個薑蔥炒肉蟹﹗一兩九蚊，呢隻佢話十二兩喇﹗確係多肉，關節位仲帶有少少膏添﹗肉身比較腍不過好重蟹味，超級鮮甜入口豐膄滿足，薑蔥吊味吊得岩岩好，惹味得來不會嗆走蟹鮮，好正呀﹗個鉗成個碗咁大架﹗正啊﹗呢碟叫做麻辣雞絲，本來仲以為係乾身既菜，點知咁多汁呢﹗$40一碟份量很多很多，入口真係麻辣好鬼惹味。雞肉以為普通點知佢整得出奇地鮮嫩，仲要滑滑溜溜，加埋0的粉絲如你愛吃飯的話真係送兩碗飯都仲得呀﹗試大排檔我有一個執著，就係一定要試下佢地既小炒王﹗每間大排檔都一定有的小菜，用料同埋味道都好反映間野下次仲洗唔洗再幫趁﹗愛文生的小炒王味道很不錯啊﹗韮菜炒得又香又爽口，仲有鮮香既韮王做襯底，最緊要一樣野係

大排檔常讓人有一種錯覺，覺得它食物質素低下、環境惡劣、客人品流複雜等等。其實，大排檔在另一個層面上，是標誌著香港人大部份的飲食文化，那就是價廉物美、快、靚、正。此次飯局起因是在那天吃過天祥之後而衍生出來的，作為首次的"攪事者"，心情有點戰戰兢兢，始終想一切順利而令各位參加的食友都能盡興痛快的吃一餐為目的。而在菜式方面，反而不會太著重，始終在大排檔點菜是以當天有甚麼新鮮材料便做那個菜的方式去決定的。有沒有特別的東西，那就要看各位的食緣了~是晚七點許，大家也差不多到齊了，也是點菜的時候了。我們分別要了豉椒炒蟶子、豬潤啫啫雞煲、桂林炒生腸、生炒骨、椒鹽豆腐、蒜蓉炒莧菜、銀山砵酒焗鱔球。而在最後，店員說著今天有個較特別的小菜 - 紅燒炆班尾 說也慚愧，我還沒吃過這個小菜的，我當然是點頭了同意耶~豉椒炒蟶子出奇地美味，首先是蟶子肥美爽口彈牙，帶微辣的豉椒汁惹味得很，令我跟兩位食友都忍不住要來一碗白飯來撈豉汁，這個豉汁的味道直到今天仍能清楚記得有多美味呢，正﹗豬潤啫啫雞煲把剛才的好印象差不多一掃而空，因為雞肉嚡口韌度十足外，豬潤只是緊緊合格而已，對比其他大排檔的水準，這道菜明顯偏低了許多，此煲仔菜

香港的大排檔已死?你死佢地都仲未死.在三十多年前不再發大排檔牌之後,到今天,仍有數十個牌檔,繼續在這個小島上,散發著夕陽的餘暉.在舊區石硤尾,已經有好幾間,耀東街的幾間大家也許已去得多.在石硤尾街尾,近大角咀的兩間大排檔,天祥同愛文生,前者去過兩次,後者就未試過,這一夜,由Dragonfire帶隊,率大家到愛文生,一同感受香港風味.長期也是愛文生食客多過天祥,後者依舊坐街邊,而愛文生就已入舖,環境比天祥為佳.在大排檔點菜模式,一向以鑊氣小炒,香口味道為主導,見店員說有炆班尾,未曾在大排檔吃過班尾,為食的人通常充滿好奇心,就要一尾試試,其他菜式,不外乎椒鹽豆腐,鮮魷,炒聖子等等大排檔味道.最快上就是豉椒炒聖子,不是聖子皇的"黑鬼"size,中中等等,肉身肥,吃落飽滿鮮甜,碟上的豉椒汁惹味,引來三個"靚仔"入室.跟著的煲仔系列豬潤啫啫雞煲,熱騰騰端上,如果在冬天吃,感覺更佳.煲內的雞肉很鞋,結果最後吃豬潤多過雞.再來的桂林炒生腸,名叫桂林行頭,理應味道刺激一點才對,可是只有蜻蜓點水的刺激感.生腸本身只有爽口感,而沒有味道.這兩味菜式,在水準之下.去到椒鹽豆腐,又開始挽回一點聲譽.炸得金黃,

這裡也是入了舖的大排檔，保持在排檔出面的，就只有執菜位及兩個爐頭，不時也炒至火光熊熊的，維持大排檔的特色。但鑊氣夠又不代表味道好，是晚試吃了好幾味，老實講，只一般。這裡佔了石峽尾街一邊的幾間舖位，座位也不在少數的。我們就在其中一間舖最埋邊的一張大檯，看到電視的，還算可以。拿著餐牌，九個人就點九味菜，應該夠吃的了。沙薑雞很大隻，看來浸得不錯，賣相不錯的。吃起來雞肉嫩滑，連胸肉的部份也不韌的，不過就明顯的是凍鮮雞，沒有什麼味道。索價一百八十大洋的，有點貴吧！紅燒乳鴿似乎是這裡的一味名菜，但骨硬得很，肉薄且韌，香港地吃燒乳鴿，好的數來也只三幾間，一定不會是這裡；又來生炒骨一碟，卻又不錯，酸甜合度，也加入了紅椒同炒，帶點辣辣的，幾冶味，而排骨也炸得脆口，可惜有幾件肉質頗韌的，算是全晚最滿意的一味菜色；椒鹽鮮魷炸得脆，但魷魚非常之薄身又韌韌的，食才水準差，又怎會吃得滿意？豉油王雞軟骨炒得無厘火氣，也過鹹，似乎是要椒鹽好一點，不過是落單的伙記推薦這個吃法的；桂林炒生腸絕對遠離水準，生腸只是一些給疏打粉揦得索然無味的爽口物體，跟醬汁互不相干，吃剩了不少；黃金蝦推得不算油，蛋黃也香口，可惜蝦殼炸得不透

呢間大排檔係我數一數二最中意去食０既鋪頭，呢度基本係樣樣嘢都好有水準，鑊氣十足．．．．推介：鹽水雞，炸大腸，薑沖魚雲煲必食首選係乳鴿（不過都幾油），可能唔係個個啱．．．

是日為娜姐賀壽，一行9人點了9碟小菜，喻意長長久久。9碟小菜有沙薑雞、燒乳鴿、羊腩煲、生炒骨、黃金蝦、豉椒生腸、椒鹽魷魚、紅燒豆腐及椒鹽雞軟骨。沙薑雞-入味又濃郁，肉滑不鞋口，生炒骨-雖然炸得新鮮脆口，可惜骨肉偏韌；醬汁除了有甜酸之外，還帶點點辣椒，增加惹味。燒乳鴿-燒得皮脆但肉質不夠嫩滑。黃金蝦-每隻都被蛋黃茸包著，蛋黃香濃、蝦肉彈牙。椒鹽魷魚-雖然炸粉薄，像是缺乏鑊氣，不夠鬆脆可口。羊腩煲-南乳汁夠香，但羊肉不夠稔身及入味，肉質還帶點實。豉椒生腸-主角的生腸而被製到過份的爽脆，椒鹽雞軟骨-是各人至喜愛的一味，而個人認為略鹹了少少。雖然食物不是什麼美味佳餚，環境也是街坊的大排檔，但當晚的氣氛，各人的開心心情，是沒法代替的。在此祝娜姐生日快樂。

冇飯開嘅一晚,想起住深水埗嘅獨居女同事. 佢提意去大排檔啤啤佢,當然啱哂我啦!! 去到唔使等就有位,真係好彩!!豉椒炒蟶子味道一流.雖然唔係蟶子皇,但起碼夠鮮甜,少少咁夾夾吓,要嚟送啤酒,唔錯.炸乳鴿肉質嫩滑,外皮香脆,難怪同事極力推介.椒鹽雞軟骨更加一流,夠哂鑊氣,十分香脆,又要叫多支啤酒送嘅小炒.再嚟多一味辣酒煮花螺,螺嘅大細適中,辣酒又夠香辣,我當湯飲得津津有味!!!雖然環境一般,又要搭檯,但勝在鑊氣夠.不過亦見好多人食蒸魚,下次都要試試.