217
73
12
8-min walk from Exit A2, Sham Shui Po MTR Station
continue reading
Telephone
23939315
Opening Hours
Today
16:00 - 23:00
Mon - Sun
16:00 - 23:00
Public Holiday
Closed
Public Holiday Eve
16:00 - 23:00
Above information is for reference only. Please check details with the restaurant.
Recommended Dishes
一爿裝潢粗疏的路邊小炒，居然勞動到可用GULU機取票，着實大開眼界。原來是捧場粉絲多的是，而且有「咪諸連」推介美食加持，縱使當日及翌日皆非公假的一個普通不過的星期一，剛好晚上七點，三間相連舖位幾乎已座無虛席，好不容易攝到張大枱隔板搭枱，沒椅背圓凳，枱有點歪斜，隨身大包小包幾乎沒位放。沒有不點炸物的理由。最理想是可雙拼，椒鹽鮮魷拼大腸$188，就是還好是雙拼，其中一味失準也叫做「止蝕」，此回失準正落在鮮魷上，無鮮無味，類近似嚼硅膠；炸大腸倒板回劣勢，脆口、不靭、褪掉多餘肥膏，多嚼亦不覺牙累油膩熱氣。豉椒炒花甲$108隻隻開口，肉質脹滿。金牌乳鴿王$72件頭偏大，非孤雛格，食前有點擔心肉質粗糙，一啖之下，熱烘烘得來皮薄脆、肉質嫩滑，調味已夠而棄用淮鹽。因為同行有縮水阿伯，因而點了老少平安系列——鴛鴦炒飯$90，收費比平常太極鴛鴦飯收過百算比較經濟，份量稍減但夠4人份，汁和料幾乎𢳂兩𢳂都溢出碟外，要挑剔是菜心切粒可能煮過頭或沒走油顯得啞色。大概知自家多炸物，加上做火鍋等上火之物，所以提供竹蔗茅根等涼茶系列，每支$15、350ml左右，清清潤潤幾抵飲。環顧四週，客源不局限叔父輩，反而有不少西裝友OL、大學生模樣大夥兒開懷暢吃，構成一幅大排檔眾生相。
continue reading
椒鹽鮮魷拼九肚魚 - 可以雙拼啱哂人少又食到多款, 鮮魷外皮非常酥脆, 肉質彈牙; 相比九肚魚就炸得比較乾身, 唔係魚肉軟嫩果種, 下次再嚟會試埋鮮魷拼炸大腸桂林炒生腸 - 幾有驚喜, 桂林炒比豉椒炒多份辣椒醬味, 生腸爽脆入味, 正過食豉椒炒海鮮咕嚕肉 - 唯一比較失色菜式, 粉漿同肉質比較實, 傳統口味Xinomavro係希臘西北部原生葡萄, 地位彷如意大利酒王葡萄Nebbiolo, 不過Xinomavro香氣更特別, 呢支Kir Yianni Ramnista 2017除咗帶有紅莓果、梅子醬, 仲有花香、蕃茄、煙絲、茴香、胡椒同乾香料味道, 入口唔算霸道, 酒體適中, 單寧同酸度都算高, 個人覺得配中菜大牌檔幾好, 夠鑊氣夠香口惹味, 同Xinomavro特性杷得益彰🤭
continue reading
呢間深水埗嘅大排檔長期爆滿，就算係星期一至四佢都好多人，建議去之前用GULU APP攞飛先就唔使等咁耐，呢度每一碟小菜都超級大碟，非常抵食，而且好有鑊氣。避風塘虎蝦 $208雖然食得出係冰鮮蝦，不過炒得非常有鑊氣，避風塘嘅辣椒同埋炸蒜炒得勁香，直頭有少少辣，非常惹味。椒鹽炸鮮魷 $138啲魷魚炸得超級香脆，同時又唔會好油，仲要非常彈牙，而且椒鹽份量落得好夠，餸飯一流。黑椒薯仔牛柳粒$138薯仔同埋牛柳粒都非常之多，牛柳粒唔會好韌，加埋用蜜糖同埋辣椒去炒過，兩樣一齊食超級夾。
continue reading
最鍾意呢啲充滿香港特色嘅街邊大排檔，一班人食住小菜飲啤酒吹吓水，輕輕鬆鬆又過一晚～.嚟到呢度梗係要食佢出名嘅黑椒薯仔牛柳粒，但係比我預期中失望，薯仔唔脆口牛柳一般般，下次未必會嗌啦。.至於個豉椒炒鵝腸，味道正正常常唔錯。咁啱見到有乳鴿就叫一隻試試，反而外脆內嫩滑多汁，比想像中好食🤤 .椒鹽鮮魷都係一如既往咁出色，每次必嗌。再叫咗個我好堅持想食嘅西檸雞。堅持係有回報㗎，因為個西檸雞炸得好香口，個汁都好開胃食完就知冇伏！.傳統嘅大排檔鑊氣好足，但一要預咗環境唔會好好，但係都別有一番風味～
continue reading
今日一班人唔知食咩好，黎開深水埗一於就食下啲地道野啦鑊氣小炒呢啲野真係可遇不可求架啦🥘🛎 $138 黑椒薯仔牛柳粒雖然薯仔多過牛柳就一定架啦🤣但啲薯仔真心好食煎到外層都有啲焦脆感👍🏻牛柳粒易咬，唔會靭記得要趁熱食🔥🛎 $108 豬潤啫啫雞煲雞煲爆得好香識食一定係豬膶夾埋啲蔥頭&洋蔥配料一齊食🥢呢啲鑊氣野屋企煮唔到，黎到點都要食下～🛎 $68 蒜蓉炒芥蘭食左好多肉，一定要叫碟菜平衡一下🤣芥蘭都幾靚🥬少少咸香咁～普普通通～🌐 環境/服務而家啲大排檔環境已經好咗好多，乾淨左，又冇咁逼但我反而幾享受喺街邊開張枱，大家圍埋一齊食嘅風味😳呢到有啲室外位依然係咁～呢啲有得用Gulu拎飛，但其實感覺上店員都唔係好跟啲飛派位😂
continue reading