Kyoni Ramen (Closed)

突然間好想吃拉麵，再加上之前有雜誌，電視台節目推介食品唔錯嘛~當然要慕名而來試試吧! 其實我都係見講到咁多明星去食，想博下撞到明星先去食，一入去覺得幾逼．ｄ位ｄ檯都幾細．食物方面一般而已~不是特別出色。加上一粒星都撞唔倒、超失望。同埋得好少野食．我和幾位朋友點了叉燒鹽味拉麵、牛舌鹽味拉麵和牛尾鹽味拉麵，另一客餃子。湯底越淡，叉燒牛舌牛尾冇乜味道，餃子好多油、完全冇日本菜的質素，炸雞dry過我亞婆快面。服務方面，無意見，算係咁。總括黎講，其實可以有更多更加好既選擇。唔會再光顧！…Read More

西環高街呢間拉麵店已開了一段日子，我哋成日都去高街開餐、不過就係一直冇去試呢間、原因是對明星效應開嘅拉麵沒多大信心，但留意到該店係OPENRICE的人比評論幾好，開業一排都現吓人龍，現在當然人龍不再，昨晚心血來潮想吃拉麵又不想跑太遠便入去一試，踏進該店的感覺認真麻麻，點餐紙又花呢花碌似漫畫店多過食店。我選了個叉燒湯拉麵，朋友選了牛舌拉麵，麵係來得很快，可惜量也很小得可憐，我哋來到拉麵先嚐一口湯，味道很淡似鹽加水又唔熱又油，:(覺得一碗好的拉麵唔係咁掛，麵是比較粗的拉麵似超市貨，叉燒肥瘦不適中又太乾，牛舌切得厚。吃的時候沒什麼享受可言，好像在吃一個車仔麵只求飽肚，下次我還是去吃車仔麵算了吧，價錢也平多了！，咁貴價食唔正宗拉麵，唔值！講真寧願比貴D去嘆正宗用心做嘅拉麵店都咪去靠明星效應賣廣告嘅食店、唯一可讚是服務態度幾好！…Read More

我地住上環區，睇到d 間嘢喺明星開，雜誌又賣廣告讚不錯, 咪一班人專登去試吓dinner. 估唔到咁難食，差過味千，唔怪冇乜客，只有小🐱幾隻在堂食. Order 後重要等 20 - 25 分鐘.牛舌和叉燒又鹽又乾, 叫左吉列蟹肉忌廉餅等成半粒鐘, 都冇出黎. 吹先話落漏單.  香港好多拉麵好正，呢間難食. 好乾,  湯底唔掂冇味, 呢間野, 簡直係唔ok,又唔正宗，揾明星成日吹水賣廣告讚話又幾正，我地都唔會再去呢間不知所谓嘢！揾自己笨又贵！…Read More

星期六的巨二真的幾多客，但都幾快有位，我們三人點了叉燒鹽味拉麵、牛舌鹽味拉麵和牛尾鹽味拉麵共三碗，及一客餃子。大約十分鐘左右便上麵了。嘗一口湯，感覺比較清甜的湯底，加上柔軟口感的叉燒，都幾配合，有在日本吃的質素，朋友的牛舌和牛尾都好好味道，用牛舌和牛尾做拉麵真的好少有，還有餃子大家一定要試試。之後侍應告訴我們，他們的叉燒、牛舌和牛尾都是自家醃製的，而湯頭是雞湯底，所以可以這樣清甜，沒有豬骨湯這麼油膩感，而拉麵都是日本廠製作的。聽購炸雞唔錯，下次要試試。如果打分，我會給八分。…Read More

住在西半山, 其實都是因為看到 openrice 的食評不錯, 所以特登行去試試, 作晚餐. 點知, 就中伏了... 一路食時, 一路懷疑看過的食評是真是假. 太難食到, 我本來無 open rice account, 都唔抵得要開番個. 回家即刻寫呢篇o野, 去提醒其他食客不要中伏. 下單時, 叫了三樣o野. 叉燒鹽味 ramen  (本人 ordered 的), 牛舌鹽味 ramen (朋友 ordered 的) 和吉列蟹肉忌廉餅. 冇乜客, 唔計我地兩個, 當時只有四人在堂食. ramen 都要等 20 - 25 分鐘. 然後等到食完, 吉列蟹肉忌廉餅都冇出現, 從入門到o個時, 已經成個鐘, 都未o黎. 再 check o下, 先發現落漏單. 心想算了, 反正ramen 都咁難食, 再對呢個餅冇期望. 真係好難理解, 下單時特登o向 waitress 面前指住前面 order sheet 上有兩個 ramen, 後面有一個吉列蟹肉忌廉餅 3 件. waitress 說 ok, 知道了. 咁都會漏, 重睇住佢即刻入機的... 講返 ramen, ramen 我由日本九州食到北海道, 香港同美國, 好多地方, 都冇呢間o的叉燒咁難食. 好乾, 瘦肉還瘦肉, 肥膏還肥膏. 除了叉燒算叫大份, 真係冇乜值得讚的地方. ramen 是 ok, 但同你去日本超市自己買的一樣. 湯底唔掂, 我其實覺得自己唔係食緊 ramen, 係扮 ramen, 扮日本o野. 有樣, 冇一樣有靈魂. ramen 要彈牙, 有軟硬之分; 叉燒要入口即融, 唔會瘦還瘦, 肥膏還肥膏; 湯底要入味, 精製. 開 ramen 店, 看似很易, 如 sushi 一樣 (一舊魚生, 一舊飯), 但要精, 和整真正的日本 ramen, 實際功力、心機、食材, 缺一不可. 呢間o野, 簡直係 failure. 去太古的山頭火, 雖然沒有日本旭州咁正, 但都算做合格. 一生最好吃的ramen, 是日本的龜王ramen (當年在京都). 假如, 你覺得呢間o野合格, 請你下次去日本試o下, 乜叫真正的 ramen. 我以後都唔會再去呢間. 我朋友係對食冇乜要求的人, 佢話牛舌還可以, 但 ramen 同湯都唔掂.假如你想試試, 祝你好運!…Read More

今日去左對面海見客人。。。工作完成後，已經日落黃昏，，便到西環附近搵下好野食可能平日關係，成條街有不少食市，但全都冷冷清清，冇咩客無意中發現有間拉麵店，當時剛過七點，只有兩枱客人在看看餐單，見每日都有不同拉麵或都飯食特價，但留意一看，發現只適用於16: 00前好，，，不要緊，叫左個叉燒鹽味拉麵發現叉燒份量比平時拉麵店多，而且肉質滑而淋，不錯不錯拉麵不太硬，岩晒我口味，唯一有點美中不足系，湯底吾算太熱，有點失色但總算不錯，下次有經過，一定會再來！！…Read More

近年香港真的多了很多拉麵店~間間都各有特式甚至大排長龍!最近西環高街亦多了一間"巨二麵堂"~近年這條街真的開了不少食店,感覺就像第二個SOHO吧~相信到港鐵通車後這裡會更加旺場,身為西環人的我, 都蠻期待呀!一進入麵堂,日本師傅會以日文向你問好, 感覺好親切!店內的環境雖然不算好大,但都感覺乾淨舒服~一到下午1時午飯時間,更多了不少客人前來幫襯~餐牌有淨中文字版或圖片兩款~而拉麵的賣相都幾吸引喔!原來午餐有特價的lunch set~而且天天都有不同的款式~不過最後我當然要試麵堂No.1推介的"巨"牛舌蔥花醬油拉麵!而我的好友就揀了"巨"牛尾醬油拉麵!我這碗賣相非常對版的"巨"牛舌蔥花醬油拉麵,撲鼻的香味未食已經覺得好正!醬油湯底濃度剛剛好, 完全沒有傳統的濃膩感或重味精, 讚!而拉麵口感亦很適中, 不會過軟或太硬!至於另一主角牛舌也煮得入味腍身,竟然真的有入口即溶的感覺, 好驚喜!至於好友的"巨"牛尾醬油拉麵亦狂讚拉麵和湯底一流~而牛尾也是軟腍入味沒有渣!他只嫌麵底不夠喉吧,否則也是滿分之作! 哈哈...我地也試了其中一款小食"吉列蟹肉忌廉餅"~兩件連一罐汽水HK$26都不算貴!熱辣辣兼脆而不膩的薄身外皮,內裡是軟滑清爽的蟹肉味道,新鮮感十足呀!雖然這次午餐埋單扣除3周刊剪出的85折coupon都要二百幾蚊,但食物完全是有水準的心機作,而招牌拉麵實在做得出色,下次我一定會再encore,試下其他人氣之選先得!…Read More

早段時間吃過豚王,是好味,不過環境唔舒服,在同事提議下,便一起來了巨二麵檔試試她們的牛舌拉麵。味道不錯。美中不足是餐牌沒有寫明有黑椒。我是不喜歡的,另外原來湯底是不可以走蔥,也令我有點失望。份量十分足夠。以平均100元一碗的價錢,不會令你唔夠飽。另外待應是十分高質素的,服務絕對可媲美酒店。起碼比豚王好很多,亦算係小有地坐得舒服的拉麵鋪。另外男待應的語言能力令我驚嘆。我的同事是法國人和台灣人,他的美式英語和普通話比他的廣東話更流利,另外他竟然可以用流利法文和我的同事溝通。交談了一會,感覺到他是很重視顧客的。我們快離開時,一位女侍應回來,我們聽到她用流利日語和廚師溝通。我們三人頓時感覺,這家餐廳很國際化。算係不錯的食物,一流的服務。…Read More

There are so many new eateries in High St, it's really hard to keep up. A few weeks ago Kyoni Ramen opened with much fanfare, and very soon, another Hong Kong institution Czarina will be open on High St.People keeps saying Hong Kong ramen is not that great compared to Japan. Well duh, ramen came from Japan - but compared to Australia, Hong Kong ramen are mostly sensational.I ordered the oxtail shio (salt) ramen $100 and added $44 for Gyoza and drink. The oxtail ramen was super tender, although it's not super flavoursome, there is a dollop of garlic cream to make it interesting. The soup base was nice and peppery. Kyoni Ramen also departs from the traditional ramen condiments in place of cracked pepper only. Very interesting.Most importantly the noodles and the egg. The egg was cooked to perfection and was flavoursome. The noodles are the wriggly ones that I love, but sadly it was overcooked so it was a bit limp and soggy.This is the Gyoza from the set meal. The meat and veggies are all mushed up together and the skin was a bit hard and chewy. The soy vinegar sauce wasn't that great either which was a bit of a disappointment.Overall, the service was quite good and I am happy to give 巨二麵堂 Kyoni Ramen another go, but will certainly ask for more al dente noodles next time. 7/10…Read More

我鐘意坤哥，所以去試吓坤哥有份開嘅拉麵鋪！試過牛舌拉麵，牛尾拉麵！肉質鬆軟，味道香濃！湯底都好好味！饅魚飯條饅魚大大條！d 醬油撈埋d 飯好美味！小食款式多選擇！試過餃子同炸雞！兩樣都唔錯！價錢又唔貴！總括嚟講！好有水準！一食上癮！…Read More

一開始已知道是由明星開的日式拉麵，所以都慕名而來， 但到達店舖後知道由兩位日藉 廚師全程煮麵，分數再加一點。本人喜歡坐吧枱位，因為咁樣先至有日本feel ，我們一行二人order左最出名的「巨 · 牛舌蔥花鹽味拉麵」， 牛舌分量不少， 欣賞大量的「蔥花」和會令人心動的「流心雞蛋」， 湯底不太濃烈，有鹽的香味， 麵條煮的時間掌握得剛好。 眼見兩位日藉廚師對每碗拉麵都一絲不拘，就連如何放一隻匙羹在碗上也非常嚴格，直得讚許。（Like）友人order左最新出的「鰻魚飯」， 呢一個饅魚份量，相比起其他的日式餐廳可以係一個 double , 非常重本， 再配上蛋絲 、紫菜 同日式鰻魚汁5分鐘之內不知不覺已經食哂 ><”至於小食方面「炸雞」同「 餃子 」同樣出色， 即叫即炸， 熱辣辣的送上，特别是「 炸雞」外脆內juicy ， 令人回味。總結：I'll be back …Read More

看到附近開了新的拉麵店，看門面十分ｏｋ，也有點期待，進去才發現是無記巨星幫開的麵店。當晚無乜人，可能我們進去的時候還早，才晚上六點多，店面都幾好，看看餐牌，只有文字的餐牌，如果可以有些有相的餐牌會好一點囉。叫了這個好像叫叉燒壽司，品道是ｏｋ啦。還叫了一個餃小。譞點了叉燒醬油拉麵，味道一般，要成＄９２蚊，我會期望好一點囉。後來叫了一個叉燒飯，我覺得下了太多醬油，不太好食。這裡沒有我喜受的豬骨湯底有點失望，以這個價錢，真係好一般囉。…Read More

這間新進駐高街的日式拉麵店，剛剛在星期天正式開幕，大量的粉絲擠滿店前，為的就是跟幾位巨星幫老闆們拍照。麵店其實早於個多星期前已經進行試業，每次經過都看到客人不算太多，可能是這條小街上已經滿佈不同食肆，選擇很多。雜誌上亦報導過，這間是繼位於佐敦的"巨一"後的第二間分店，故稱為"巨二"，期望有巨三..巨四...的把業務延伸下去。這夜經過看到店內沒太多客人，反正也有些日子沒有吃拉麵了，便推門進去，店內的裝飾跟其他日式拉麵店的格局差不多，門口位置設計了一個大的煮麵工作間，圍著工作間是一排坐位，旁邊則放了幾組4人坐位，最特別之處是工作間掛了許多"許願"的日式小木牌，看到木牌上都寫著各樣的祝福句子，一個一個的，看上去蠻別緻的。此外，店內亦掛了幾個大紙燈籠，增添了幾分日本風。餐牌設計得像幅圖畫，以手寫字體列出各項食物，蠻有意思。此店主打北海道的拉麵，還從日本聘請了拉麵師傅駐守，很有誠意。小店提供的拉麵款式頗多，亦有其他日式小食及飯類等。最後我們分別點了個●"巨"牛舌葱花醬油拉麵●及●叉燒味增拉麵●。●"巨"牛舌葱花醬油拉麵●牛舌的拉麵我還是第一次品嚐，碗的邊上還刻上了"巨二"的字，湯身呈現油光色澤，呷一口湯，醬油味不算很濃稠，雖然麵的中央放了一小團牛油，跟湯融和後，口感仍有點稀薄，可幸湯裡配備了大量的葱花粒及黑胡椒粒，雖則加強了湯的味道，但蔥花應是本地出品，其帶出的葱香味不算重。麵條方面，個人不喜太軟身的味道，特別叮囑麵要硬身一點，這個要求是做到了，麵吃起來有點嚼頭，軟硬度是個人喜愛的，只是麵的蛋香味不強，沒有驚喜。反而牛舌的份量頗多，共有6片，都是薄切的，可能用在放湯的原因，牛舌味不太重，煮得太軟腍沒甚咬口感，個人較喜愛厚切版，所以覺得這個有點遜色。至於那半只溏心蛋，半凝固的蛋黃流著濃郁的蛋香鮮味，蛋白部份亦滲著幾分煙燻香味，是整碗麵個人最欣賞的部份。●叉燒味增拉麵●這碗麵的碗上刻了"巨一"的字，深色的湯底看上去同樣是油光滿面，湯面佈滿葱花粒。配料方便，有幾片叉燒及一小片日式魚片，還有附於碗邊的大片海苔。湯底味道偏向於濃味，算是味增的正常味道吧，麵條跟牛舌麵用的是同款，只是煮得較為軟身，我嚐了一片叉燒，厚身的叉燒用上了五花腩的部份，經炆煮後醃得入味，肉質雖不算嫩滑，但煙煙韌韌的有點咬勁，亦算不錯。早前多間日本著名拉麵店到本地開業，各有賣點，經過一輪衝鋒陷陣後，港人對拉麵的熱情似乎減退了不少，聽說銅鑼灣區的人氣拉麵店已經長龍不再，要努力穩住地位，必須要依靠食物的素質及水準，小店雖有點明星效應，但落腳於地點還不算太方便的高街，面對同街其他食店的競爭，雖則以"牛舌"作為麵店的遽頭賣點，但著實還需把出品做得更具特色。…Read More

這天與同事來到巨二麵堂，聽聞是巨星幫開的，店裡亦有頗多明星的合照。這間店開了約2星期，巨一在佐敦，而這間巨二則是第2間分店。午餐時間座滿許多客人，幸好還有一張大桌足夠我們八人座。點心紙裡的字體細小且有點亂，點菜較難看，反之餐牌上有圖文並茂，更易吸引眼球。店員給我們冰茶，真好！熱辣辣拉麵配一杯凍凍的冰茶，很爽也！其中一位同事想要熱茶，店員也可隨時遞她一杯熱茶，很體貼！看網站說這裡出名「巨舌」，但因我不太愛吃牛，所以沒有點選。反之詢問店員哪碗拉麵較受歡迎，他推介特製醬油拉麵~看這碗$96的特製醬油拉麵，有肉丸、有蛋、有叉燒、紫菜鳴門卷，餸很豐富很吸引！但吃下去則有點失望了...另一方面，身邊同事點了「特製麵豉湯拉麵」，看似吸引，可以留待下次有機會的話再試。P.S. 在午餐時段，加$15有多一些小食。這裡價錢與一般日式拉麵差不多，質素卻是十分的一般，在同樣的價錢下，我會選擇其他吧~ …Read More