家後

Open Now

Now Closed

這家小店在深水埗內街，我們大概六時到達，店內已坐滿食客。店內的位置不多，我們等了大概5分鐘有座位。然而阿姨像很忙，我們喊了三次下單，她才珊珊過來。叫下單已等了10分鐘，下單後也等了15分鐘。整個等候過程有點長。我選了雲耳椰菜豬肉湯餃。湯餃子送上時熱騰騰的，餃子皮很薄，豬肉不咸，粉葛赤小豆湯味濃沒味精。味道很好👍🏻只可惜，若非繁忙時間也等候那麼久，我會再給高一點分。食物質素很好，價錢亦很便宜，值得支持！

菠菜豬肉煎餃 (8隻）$40皮薄餡多好足料👍😆牛腩飯配湯 $42牛腩同蘿蔔浸到入晒味，好淋😍飯的份量好多個湯好正，冇落味精，有家的味道芝士蛋糕 $25舖頭自家製的😍，仲要流心超好食店員話因為係即日整即日買先有流心的效果，平常的蛋糕係琴日整今日買，質感比較硬身，咁啱琴日整的蛋糕賣晒，我先食到咁creamy 的芝士蛋糕😆

去開深水埗工作，喺朋友的工作室附近見到呢間餐廳排哂長龍，就去試吓，試咗佢個車仔麵，佢個麵都幾多唔同種類可供選擇的，有公仔麵、油麵、上海、幼麵、米粉、菠菜麵、米線、出前一丁同埋辛辣麵可以選擇,今次就揀咗市面上比較罕有嘅菠菜麵啦，感覺健康啲呀嘛😉😉😉配菜方面呢佢哋都有成三十幾款可以揀㗎，分別有牛腩、牛筋、金錢肚、金錢展、飄香豬手、鮮蝦雲吞、鹵水雞翼、鹵水豬大腸、鹵水雞腎、鹹腩肉、溏心蛋、麻辣豬紅、麻辣爽豬肚心、麻辣滑雞中翼、麻辣雞腎、煎蛋、腸仔、生菜、菜心、白菜、蘿蔔、豆卜、腐皮午餐肉、煙鴨胸、芝心丸、牛丸、香菇貢丸、墨魚丸、魚蛋、蟹籽丸同我最愛嘅長洲魚蛋因為心愛嘅長洲大魚蛋冇曬😭😭😭，所以我今次就選擇咗鮮蝦雲吞、牛腩做配料啦。 鮮蝦雲吞牛腩菠菜麵個鮮蝦雲吞嘅皮都幾薄，牛腩都幾淋菠菜麵好爽口彈牙，下次過嚟試下其他餸先😋😋😋選擇車仔麵可以加$5有嘢飲，咁水晶就揀咗比較罕見嘅熱檸檬利賓納。 點車仔麵嘅時候，突然聽到個個客人都話：「老闆唔該留個芝士蛋糕呀~」水晶就梗係唔執輸留埋一份啦🤤🤤🤤跟住員工話啲蛋糕係由老闆日日親自製造㗎，本身下午的份已經賣曬了😭😭😭，老闆聽到水晶話好想試，就話睇吓可唔可以

真係一食好有屋企媽媽整既味道叫左2個餃子A餐 8隻餃配湯麵同野飲不過男朋友食完好似未夠飽 哈哈1️⃣雲耳椰菜豬肉雙併香菇粟米雞肉湯餃湯餃fix 左跟例湯 今日係粉葛赤小豆湯絕對唔係味精湯 飲落真係好似呀媽屋企煲湯雲耳椰菜豬肉餃相比之下 味道比雞肉餃突出反而唔太食得出係雞肉不過一咬就有湯汁滲出 好正啊2️⃣洋蔥豬肉併菠菜豬肉煎餃洋蔥餃真係一絕必食！本身都幾抗拒食洋蔥 覺得太濃味但真係好好食！煎餃脆卜卜 裡面仍然係一咬出汁菠菜餃相對之下就無咁搶眼 不過都係好食！唯一美中不足係當晚6點幾左右去到全場都無哂菜甫 得返丁屎少少 想添都無留意返佢哋d菜甫比出面餃子鋪偏辣 酌量慢慢加啊！

  黎到深水埗，點都要試下呢間好多人推介既餃子店家後。鋪頭細細，但係就一路都好多人排隊。咁多捧場客一定有佢吸引既地方🤩餃子種類唔算好多，但係基本既韭菜餃、椰菜餃呢啲都有，餃子有得揀要湯餃定煎餃，亦都有得揀雙拼、跟麵底、飯糰、雞翼，有唔同既搭配。最特別既係呢度仲有好多款唔同既小食同甜品賣😳小食有日式炸雞、大腸羹、炸肉丸等等。而甜品就有芝士蛋糕🧀️焦糖布甸😍同傳統餃子店好唔同！  1️⃣湯餃：雲耳椰菜豬肉餃 + 菠菜豬肉餃（$38） 湯餃配上老火靚湯，正啊🤩湯係粉葛蓮藕豬骨湯，感覺上好足料，個底仲有啲豆，應該冇落味精，飲曬都冇問題。餃子皮薄，餡唔算特別多，正常份量，個人比較鍾意菠菜豬肉餃，比起雲耳椰菜豬肉餃味道出啲👍  2⃣️煎餃：洋蔥豬肉餃 + 香菇粟米雞肉餃（$40） 煎餃表面煎得好香脆，配埋醋同辣菜脯食真係一流！大推佢地既洋蔥豬肉餃🤤紫洋蔥煮得偏淋，甜甜地，好好食！香菇粟米雞肉餃都唔錯，入面好多粟米、雞肉，味道清清地但係都幾豐富😌  3⃣️日式手作芝士蛋糕（$25） 呢個絕對係驚喜之作！首先價錢已經極抵食！出面好難搵到廿幾蚊有得食芝士蛋糕。呢度既巴斯克芝士蛋糕唔會好甜，食落有流心軟滑既效果🤤作為飯

呢日黎到深水埗，突然想食煎餃，發現到呢間小店，見到呢間小店好特別，有埋芝士蛋糕賣，決定試一試，估唔到全部都超出想像咁好食😋【芫茜豬肉餃】【白菜豬肉餃】以上煎餃$40/8隻煎餃一上枱就嘩一聲了，煎得咁靚嘅😍 最煎喜係咬落去果下係會爆汁架！！食到d 肉汁夠哂鮮味，皮又夠薄，餡料都算幾多，菜同肉嘅比例剛剛好，外層煎得好脆，重點係唔會油淋淋，係好高水準嘅煎餃👍🏻👍🏻👍🏻加$15轉套餐叫左一個【菠菜麵】麵係扁身偏腍，最正係湯底可以叫例湯，果日係粉葛湯，唔洗飲味精湯！再加$3 可轉【辛拉麵】麵會先用豬骨湯，另加辛辣粉，可以按自己喜好加幾多粉，辛辣麵配煎餃真係一絕！【日式手作芝士蛋糕】$25（必食）雖然呢間係餃子店，但一邊食一邊見到有唔少人黎買芝士蛋糕，決定要試一試佢，食落真係夠滑夠軟綿，超級出色！！芝士味亦夠香濃，小店做到咁高質嘅蛋糕真係令我好驚喜😆【麻辣雞翼】$25雞翼係滷水，加上麻辣汁，肉質比較腍身，味道夠香夠麻，辣得過癮。

一早已經聽過呢間小店今次終於抽時間返工過嚟食晏😻朋友真係冇介紹錯 大家一定要嚟試吓呢間😽舖頭喺深水埗內街 唔太近地鐵站黎幫襯嘅應該都係附近做嘢舖頭入面裝修行懷舊風 唔好期望有咩位打卡😹但完全唔影響佢嘅質素！舖頭除咗有比附近打工仔既大碟飯之外主打煎餃、湯餃、其他手作小食網上見其他人話芝士蛋糕係必食 就諗住叫下🎃不得不提佢呢間餐廳嘅套餐性價比實在太高!!!!!!!一個套餐都係$40已經包煎餃或湯餃 可以加錢加湯麵或者飯或者飯團同小食我一個唔太大食嘅女仔食八隻煎餃只係剛剛好而佢包埋小食實在太貼心了🥺🥺男仔就咁食餃子應該真係唔夠 但個原因唔係唔足料！係調返轉！因為佢嘅皮好薄，入面嘅下好足料啱啱整出嚟嘅熱辣辣食，一咬開啲肉汁就沖曬出嚟芫荽冇奇怪嘅草青味 芫荽同豬肉嘅份量啱啱好雖然女仔可能會覺得有少少油膩 但不得不說，食完八隻完全唔覺得飽飽濟濟.麻辣雞翼呢個都係一定要試！一開始冇諗住叫小食但係店員好熱情咁叫我揀套餐，就揀咗麻辣雞翼鍾意食辣嘅朋友一定好鍾意食 嗰種麻辣嘅刺激同雞翼真係勁夾 唔係譚仔嗰種🤣🤣兩隻夠晒喉㗎啦😽呢個芝士蛋糕又係不得了！佢係類似而家好興嘅焦烤巴斯克芝士蛋糕但$25來講可以食到

基隆街除左有好多好chill嘅文青cafe之外，我發現仲有一間零負評嘅餃子店，由於本人非常喜歡食餃子，就決定黎試一試。「家後」係閩南語「妻子」嘅意思，的確呢間小店係家庭式經營，老闆負責打理店裡店外、老闆娘整甜品、長輩們負責包餃子……一入到店裡面，店員們都好好招呼，有一種親切嘅感覺。店鋪主要係賣手工水餃、小食同甜品。當日朝早11點就到，嗌左湯餃、煎餃、雞翼、炸雞同芝士蛋糕試一試。本來仲想試飯糰，但太早到仲整緊，應該12點後先有。芫茜豬肉、菠菜豬肉湯餃 （套餐$53）湯餃嘅湯底比較特別，係蓮藕湯，味道清甜冇味精。 餃子皮厚有韌性，似北方餃子，所以浸落湯度都唔容易爛，可以完好地包住入面嘅肉汁。餡料份量好多，豬肉同菜比例剛剛好，而且非常新鮮。鹵水雞翼、麻辣雞翼（跟餐）雞翼都好大隻，雞皮薄而且爽口，非常入味。麻辣雞翼係小辣，麻未唔太重，唔太食得辣嘅朋友都可以試試。日式炸雞（$25）雞件外皮炸得脆而且乾身，一咬落去係熱辣辣出煙的，雞肉嫩滑多汁。洋蔥豬肉，雲耳椰菜豬肉煎餃 （套餐$57）呢度煎餃真係非常之好食，餃子係生煎成金黃色，望落已經好吸引，一口咬落去有卡滋卡滋嘅酥脆聲，然後餡料食到美味多汁嘅餡

🌟白菜豬肉餃（煎餃）$40 （8隻）餃子包到大大粒，皮薄餡靚，每隻餃子都煎至金黃色，十分香脆，咬落去仲好多汁🌟雲耳椰菜豬肉餃 （湯餃）$36 （8隻）雲耳豬肉餃較為爽口，食湯餃可以飲埋靚湯，一啖餃子一啖粉葛湯，感覺好健康好養生識食一定要食埋佢哋自家製嘅菜脯，辣辣地好惹味 🌟套餐 （小食連飲品）+$15/套餐🌟麻辣及滷水雞翼各兩隻雞翼整得好入味，肉質好淋🌟凍華田🌟凍奶茶🌟是日油菜 （上湯津白） $20本身諗住都係得蠔油生菜/菜心，估唔到老闆話有津白，仲要煮出黎好好味，連個菜都好用心煮🌟日式手作芝士蛋糕 $25呢款係巴斯克芝士蛋糕，係由店主老婆每日新鮮製造，口感綿滑creamy，入面仲有小小流心，入口即溶，唔會太漏，推薦！有衝動想買多兩件帶返屋企，但可惜已經賣曬🥲有人情味的小店，非常貼地抵食，小店有好多食客，做到踢曬腳但食物仲保持到好高水準👍🏻

經常都會喺深水埗太子旺角食嘢，因為行街買衫放便，搭地鐵一陣就到，問吓朋友深水埗附近有咩好嘢食，佢極力推介我去食餃子，同埋一定要食嗰個日式芝士蛋糕。坐地鐵去到深水埗地鐵站，A2出口行過去都係幾分鐘，我哋大約6:00到，門口已經排滿人，要等一陣，不過都好快大約3分鐘。舖頭名 家俊 手工水餃靚湯粉麵雖然地方唔大，但係座位空間都夠，而且仲係好整潔，俾人感覺好家庭式，店員好有禮貌招呼我哋坐低，望一望個餐牌都有好多嘢食，餃子可以跟餐，加麵，仲有好多特色嘅甜品小食。豬手飯 豬手蚊到好淋，而且仲好入味，入口肉質非常嫩滑而且帶有少少軟骨，豬手皮好香滑，呢個豬手真係好正，口感同味道都係一流麻辣雞翼 雞翼煎到好香，而且仲係金黃色，熱辣辣入口皮香肉滑，仲係好多肉汁，加上個調味少少辣，特別惹味 滷水雞腎 鬆脆爽口，又有咬口，而且滷水味入晒落個雞腎到，仲要好大碟真係又抵食又好味 都係$20煎餃子就係我嘅最愛，今日就試咗兩隻款式，洋蔥豬肉餃，餃子香噴噴咁上枱，而且都係煎到金黃食，色香味俱全，入口熱辣辣餃子皮非常香脆，而入邊餡料仲係保存好多肉汁，洋蔥令到豬肉味更加突出，真係好好味另外一款餃子都係好好味，芫荽豬肉煎餃

本人都好鍾意食餃子，喺荃灣都有幾間餃子店，食過都覺得唔錯，今次特登過嚟深水埗試吓呢間餃子店，佢哋除咗餃子出名之外，仲有佢哋嘅芝士蛋糕都係話好好食，但係由於今次叫嘅份量太多，食得太飽，食唔落芝士蛋糕，所以決定下次再嚟試過。餃子店位於基隆街，店內嘅座位唔係好多，我四點幾去到嘅時候，都有幾多人食緊，裝修都比較舊式，同埋傳統，俾人有一種好家庭式嘅感覺。我哋叫咗四款餃子食，每款餃子四隻，我覺得最好嘅地方係可以一個餐有兩溝，需耳椰菜豬肉餃、香菇粟米雞肉餃、洋蔥豬肉餃同埋芫荽豬肉餃，首先要欣賞下佢嘅湯底，佢嘅湯底係用咗赤小豆扁豆豬骨湯，個湯底完全唔係味精湯，飲完唔覺得口渴，仲覺得好鮮甜，我覺得呢個係佢好出色嘅地方，再講下餃子，餃子普遍都幾大隻，個人比較鍾意食芫荽豬肉餃，芫荽味比較重，每隻餃子大概兩啖食完，放入口充滿着整隻餃子嘅餡料。我哋仲叫咗一個上海麵同埋辛辣麵，驚死唔夠飽，點知份量多得滯🤣🤣🤣另外叫咗一碟油菜同埋豬大腸，豬大腸好入味， $20其實都幾抵，大概有10件，好好食。最後要欣賞下店員姐姐，姐姐好殷勤咁介紹嘢食，佢忙緊嘅時候，都會同我講話落單可以叫佢，另外食緊嘅時候都同我推介話叫我試吓個芝士

近年深水埗多左好多文青小店，決定扮吓文青周圍走走，更展開了尋覓美食之旅。係基龍街發現一間小店「家後 Homey」食手工水餃，網上評價高好，決定要試下。除了手工水餃外，還有粉麵、飯餐、小食和甜品。我同朋友仔都好鍾意食水餃， 於是叫左兩份湯餃和一份煎餃，總共叫了六款味道。雙拼餃需要另加$2，好抵。首先講吓湯底，今日例湯係粉葛赤小豆湯，完全冇味精，真係有家的味道。韭菜豬肉餃+洋蔥豬肉餃 （煎）$40（8隻）餐廳很體貼，會把同一味道的餃子放在一起。我很欣賞煎餃不會煎得太油膩，而且皮薄香脆。曾經食過其他店舖的煎餃太過油膩。此店的煎餃值得推介。比較特別嘅係洋蔥豬肉餃，紫洋蔥很香口，很爽口。雲耳椰菜豬肉餃+香菇粟米雞肉餃 （湯）$36(8隻）雲耳椰菜呢個配搭真係冇得輸，帶有少少麻油味，餃子皮很薄。香菇粟米雞肉餃，雞肉很滑。菠菜豬肉餃+白菜豬肉餃（湯）$36(8隻）餃子餡很足料，比較喜歡食菠菜豬肉餃，味道很濃郁。+$15套餐，包凍熱飲品。叫了兩個飯團。麻辣雞腎$20 ，麻辣豬肚$25。不會很辣，好鍾意食麻辣豬肚，很彈牙。兩個人食好似多得滯，但係我哋又識得晒😂😂食完係時候要去做運動啦。

《手工水餃》一向鍾意食水餃，我會周圍去食香港出名嘅水餃，之前去過銅鑼灣、荃灣、太子嘅舖頭食水餃、煎餃，星期六嚟到深水埗，一嚟到門口就大排長龍，等待嘅人客起碼有10幾枱，粗略估計大約20幾分鐘先入得去，大家肚餓就要早啲嚟啦～🥟雲耳椰菜豬肉湯餃🥟💰$36/8隻好多水餃舖湯餃最緊要就係個湯底，呢間湯底好好味，係自家製蓮藕老火湯，清甜無味精👍🏻水餃就一向我favourite，呢間水餃好大粒，入面好多菜同肉😍調味啱啱好，好好食🉐推介🉐🥟芫荽豬肉煎餃🥟💰$40/8隻本身諗住清清哋都係食湯餃，但老闆(應該係老闆)極力推介我食煎餃，所以又聽吓佢講試吓啦～老闆話用生煎方法所以煎餃更脆更香口，最緊要係一啲都唔油，我試過食一啲煎餃係成口油嘅... 好欣賞呢間餃子店，煎得好靚👍🏻芫荽又係我favourite😍好香芫荽味，一樣多菜肉，口感豐富👍🏻大愛🉐推介🉐老闆話枱面嘅醋都係佢哋鄉下自家製，叫我哋試吓，醋味道好濃，沾上煎餃好味好多👍🏻🇯🇵日式手作芝士蛋糕🍰💰$25又係老闆介紹嘅，我都見好多枱都有order，開頭諗住餃子舖都有甜品？仲要係巴斯克芝士蛋糕～老闆好真誠咁推介，咁我哋又試吓啦，賣相吸引，芝士味濃郁好香，

太子深水埗呢頭好多出名嘅餃子店，本身我就係餃子迷🤩最近朋友推介話呢間餃子好食，一定要試，所以今晚就去決定去試一試🤩🤩果然有驚喜🥳呢間餐廳以為主要食餃子，無乜其他選擇🙈餃子有八個選擇之外，仲有各款唔同嘅小食滷水，麻辣小食，日式炸雞都有😂而且最特別係有日式蛋糕😋😋仲有車仔麵🤣配搭非常特別😆而且飲品方面竟然有唔少手調飲品俾你揀😌而我揀咗比較少有嘅凍檸賓😍由於餃子有八個選擇比較多，我哋又想試多啲味道，所以揀咗煎餃同湯餃雙拼，可以食多啲唔同選擇！粟米雞肉餃子同洋蔥豬肉餃子煎起上嚟個皮好脆而且咬落仲好Juice☺️湯餃方面嗌咗韭菜餃同椰菜雲耳餃，菜肉比例適中，唔會好多肉🙃我最鍾意呢個配搭！

星期五食好西，之前聽朋友介紹一間餃子店而今日又去開附近，決定試下呢間。店舖唔算好大，裝修係木系，好有家嘅感覺，店內貼左好多poster 講餐廳係用心去煮野食仲有好多食物相同推薦。店內野食唔算好花巧，主要餃子（湯及煎），小食（雞翼，大腸個d),仲有幾種ABC嘅飯。 店舖位置唔算好多，好在我地早入，老闆見我同老公每人背住一個大書包，佢比左4人枱我地，因為之後開始慢慢多人，之後要搭檯，點菜個時老闆仲好細心咁講特色菜同推薦我地一定要食煎餃。韭菜及香菇雞肉栗米湯餃雞肉好滑，雞肉餃子好特別，好鮮甜，唔係好多地方有得食；韭菜同肉嘅比例一半一半，剛剛好，餃子皮係厚個種，唔會煮得太爛而好容易穿。餃子都算大隻。最特別係個湯，佢係用每日例湯做湯底，今日係赤小豆湯， 個底勁多豆同粉葛，仲要無味精，飲完唔會口乾，好似屋企煲嘅老火湯。 洋蔥豬肉煎餃一上檯就望到金黃色嘅外皮，裏面用咗紫洋蔥，食到好香嘅洋蔥甜味，諗住叫老公試下煎餃，佢試都唔肯試，話佢坐我對面都聞到好勁嘅洋蔥味，因為佢係唔食洋蔥嘅。由第一隻到食晒全部，d 餃子仲係熱辣辣，再配埋佢特製嘅菜譜，唔會好油膩。麻辣雞翼雞翼好滑，麻辣味唔算好重但雞翼滷得唔錯，雞