家後

Open Now

Now Closed

Good staple food but busy even at 2pm.Would come again during tea time as the portions are not large but expected with the price.The flavors are nice, not too salty. Homey feeling. Would come again if around but not as a destination.The mala chicken is not that mala as the sauce slides off but the chicken is still regardless.The cheesecake is nice and soft, not too sweet, just right. The crust isn't as crunchy as preferred but would eat again.

今日晏晝約左朋友食飯，佢帶左我去佢公司附近既呢間家庭式小店，主打住家餃子同埋家庭菜式，12點半門口已經好多人等緊位，不過都唔算等得耐，坐位唔多，但乾淨企理，老闆好好人，貼地唔造作。我地叫左兩個套餐同兩款小食再加甜品。全部都好好味，好滿足！就算排隊等一陣都係值得嘅。煎洋葱豬肉餃配是日飯糰-飯糰用既係靚米。另外洋蔥豬肉餡料出面好少有，呢度用左大量紫洋蔥，香甜唔辣有咬口，再煎到外皮脆脆地。有益健康又好味。湯菠菜豬肉餃配鹵水鷄翼兩隻-餃子唔使點任何醬汁，食佢原汁原味就好，隻隻都脹卜卜好足料，湯底竟然係用老火湯做湯底，今日係赤小豆煲粉葛，我飲晒啲湯，好有家既味道。淨豬手-一共有五件，入味淋滑，啖啖骨膠原。麻辣雞腎-爽脆唔硬既雞腎配返個乾身既麻辣醬，惹味又唔會浸住油淋淋。日式手作芝士蛋糕提子冧酒味-呢個係日籍老闆娘制作，正宗香滑濃郁，我另外仲外賣左原味同焙茶返去同家人分享。熱菜蜜/熱杏仁霜

今日同老公一齊去同BB覆診，之後我哋去深水埗食午餐，這間之前新開食過一次，質素服務都幾好，今日想回味下，但午餐真的太多客人，而且地方唔算太大，所以我哋決定下午茶時間再來我哋下午茶時間來還是要等待差不多20分鐘才入去，真的好多客人來品嚐我點了煎洋蔥豬肉餃加飯團煎洋蔥豬肉餃好香好靚，外面脆卜卜、內面是滿滿肉汁及洋蔥甜汁，老公覺得唔錯（佢本身唔好餃子）這個飯團深得我心，好香又健康，味道好好，配有牛蒡絲老公點了莞茜豬肉湯麵麵是比較軟身，但我鍾意這個莞茜豬肉餃，好軟又足料，正日式炸雞點了這個小食，老公愛食炸雞，粉不是太厚但味道淡了點，但都唔會好乾身甜品：開心果芝士蛋糕都算香滑唔會好甜，但比較喜歡硬身一點的口感，但自家製更健康

🥟朋友仔極力推薦我一定要去試吓呢間係深水埗好出名嘅餃子店@家後💕🥟就係咁，我就走去試吓啦💜6點半去到，佢哋嘅門口已經有一堆人喺度等緊位喇😋果然係長期人氣餃子店🥟要食好野喎😋我都係先係門口個牌度留低個名✍🏻然後再乖乖係門口等候嚕❤️❤️😋😋..🥟香煎🔥雲耳椰菜豬肉餃子配波菜麵..😋每隻豬肉餃都係「真材實料」仲脹卜卜🥟個皮煎得香香脆脆❤一定要趁熱食呀😋真係超級好味😋怪唔知得🈶️咁多人「慕名而來」❤要排隊食都係值得呀👍👍..🥟洋蔥豬肉湯♨️餃子配上海幼麵..😋餃子不論係「煎」定係「放湯」🥟我真係揀唔到邊個好食啲😋因為兩款都實在太好食😋所以我建議大家兩款煮法都一定要試吓❤❤️仲有係佢個上海幼麵我覺得同出面食開嗰啲有啲分別☺️呢個上海幼麵嘅口感比較有彈性同有咬口👍煮完唔會係「林bad bad」嘅口感，仲係超好食添😋..🍙日式住家飯團..😋呢個飯團真係好有家嘅味道❤用保鮮紙包住個飯團呢個做法🍙我喺網上面嘅YouTube成日見啲日本人係屋企都係咁樣做❤所以佢哋整嘅手法真係好傳統好正宗👍所以味道一定唔會令大家失望呢❤️😋..🍰日式開心果芝士蛋糕..❤️日本師傅精心製作嘅甜品😋呢個係我覺得嘅一個驚喜位👍因為我真係冇諗過

今天下班想吃得簡單點，跟友人來到深水埗，友人是個餃控🥟，我們便來到基隆街一帶，發覺附近都有很多地道美食，大排檔的風味我們也很喜歡，但這次我們來到一間手工餃小店。到達門外已經有一些人在等候，我們也等了十多分鐘才有座位安排。這裡雖然有飯有麵選擇，但似乎餃子是必吃的，我們看到大部分賓客都是點湯餃煎餃，友人這個餃控當然急不及待點了一碗雙拼韭菜豬肉餃拼香菇粟米雞肉餃湯麵，我就點了煎餃，有推介手勢的雲耳椰菜豬肉餃和白菜豬肉餃菠菜麵再加幾個小食。韭菜豬肉餃拼香菇粟米雞肉餃湯麵，湯餃皮薄餡靚，咬下去時餡料多汁，配上湯麵，十分滿足。至於雲耳椰菜豬肉煎餃和白菜豬肉煎餃同樣多汁，餃子底煎得不會太燶，點上醋汁，有另一番風味；菠菜麵個人很喜歡，感覺很健康。另外點了幾項小食，滷水豬大腸和麻辣雞腎味道不錯，滷水雞翼還可以，滷水汁可以更入味。職員下單時問我們要不要點芝士蛋糕，可是我和友人吃得肚子滿滿的，最後沒有點，我們離開時外面還有不少人繼續排隊等候，證明這間手工餃🥟小店很受歡迎👍🏻

晚上6:30 左右到達，門外等位的人不算多，自行在輪候名單上留下姓名、電話。 等了15分鐘左右便被安排入內。洋蔥豬肉煎餃，用上紫洋蔥，比普通洋蔥更清甜。豬肉沒太多調味料，可突顯洋蔥的甜及肉類的鮮。餃子煎得金黃，香脆惹味，不太油膩，難得。雲耳椰菜豬肉湯餃，蓮藕湯吃出家的味道。來「家後」不能不吃這裡的日式手作芝士蛋糕， 下單時謹記一同下單，吃罷主食再通知送上，否則售罄就太遺憾。原味及開心果芝士蛋糕，分別吃出濃厚芝士及開心果，滿分之作。

家後湯底係粉葛湯 好飲之餘冇乜味精味 飲完都冇好口渴雞翼滷水同麻辣各叫咗兩隻不過原來麻辣係滷水加辣麻油🤣不過都幾好食嘅 不過推薦滷水多啲去到主角餃子好食餡料足！煎餃都煎到好脆口啱啱好🥰推薦！

上星期五晚同朋友嚟咗深水埗呢間餃子店食晚飯，未黎之前已經聽講呢間餃子店嘅芝士蛋糕好出色，期待期待。我同朋友比較早嚟，所以當時雖然多人但唔駛等好耐，老闆安排咗間房仔俾我哋坐。因為餐廳就係一間餃子店，所以選擇唔算多，但對於目標明確嘅我哋來講已經好足夠。我同朋友分別叫咗雲耳椰菜豬肉餃拼香菇粟米雞肉餃湯餃，芫荽豬肉餃配洋蔥豬肉餃煎餃，雙拼餃子只要加兩蚊，就可以試多啲味，又幾好喎～另外我哋仲叫咗麻辣雞翼、酥脆炸肉丸。本身想叫一件芝士蛋糕加焦糖布甸，可惜當時布甸已經賣晒，所以我哋就叫咗一件原味芝士蛋糕+1件開心果味芝士蛋糕。無論係餃子定小食味道都相當唔錯，唔知呢啲係咪叫塞翁失馬焉知非福，雖然試唔到佢嘅布甸，但係食咗兩件非常好味嘅芝士蛋糕，不得不說佢係一間比餃子埋沒左嘅日式芝士蛋糕店！好好食呀！一定會為咗佢嘅蛋糕再返嚟😋

深水埗基隆街一間家庭式嘅餃子店價錢都唔錯 佢主打係食餃子見到位婆婆勤力地包餃子環境唔可以高期望 做既都係街坊生意佢地有芝士蛋糕賣見有人訂蛋糕Tim炸雞翼都ok25有四隻

深水埗家後長期比餃子關注組吹奏，一於去試下，睇下佢咩料。七點左右已經full house要排隊了，見佢外賣單都好多，做唔停手，睇黎人氣旺盛。等左大約半個鐘都入到了。小店細細，但係好整齊乾淨，仲有木枱，影相靚。餐牌上除左餃子，仲有啲日式甜品同埋飯團。我地叫左個湯餃子+飯團餐。湯餃有粉葛湯，十分有家的風味，可以成碗飲晒。佢既韭菜餃同菠菜餃用料好fresh，蔬菜好新鮮，味道濃👍🏿另外叫左個煎餃子麵餐。佢既洋蔥餃用左紅洋蔥，洋蔥味鮮又出，好好食👍🏿椰菜雲耳豬肉餃比例岩岩好，咬果陣啲肉汁彈出黎，整到成枱都係😹但真係無誇張。飯團標旁使用日本米，味道唔錯，有日式高湯同鼓油味，加入昆布，巨有日式風味。仲叫左菜，大大碟，健康之選。仲叫埋佢出名既巴斯克芝士蛋糕，入面cream cheese好滑，唔會太甜，唔怪得啲人會訂定個cake。亦都聽到好多人入黎諗住買佢個cake，如果有興趣最好訂定。最後，依間小店係全家總動員係鋪頭，各司其職，呀爸整餃子，呀媽負責煮，呀仔做樓面。好耐都無係香港見到依種家庭式小店，超正，價錢平，值得支持下！

深水埗不嬲係好多覓食天堂，之前聽屋企人講去左間鋪頭食左3件cheesecakes,今日終於有機會去拜訪呢間被餃子擔誤既甜品鋪雲耳椰菜豬肉湯餃（$36）有8隻肥美飽滿既餃子，入面餡料都幾充足，最有驚喜係湯底，唔係味精湯，而係粉葛老火湯，飲完係唔會頸渴。洋蔥豬肉餃拼芫荽豬肉餃（$42）一樣係大大隻勁足料，外皮一面煎得勁香脆，但入面仲算juicy，點醋相當開胃加$15轉套餐跟日式飯團同飲品另有一個套餐就跟麻辣雞翼鍾意麻辣嘅人就一定唔可以錯過呢個雞翼，因為真係唔惹少，麻辣味勁濃超惹味！最後係萬眾期待嘅甜品據稱本身有好多種味，但我1830到都已經買晒其他味，得番原味😭😭😭喊出黎，唯有下次再黎食啦！呢款原味cheesecake味道超濃郁同creamy,入面仲要流心添，真係好好好味😭😭

這家小店在深水埗內街，我們大概六時到達，店內已坐滿食客。店內的位置不多，我們等了大概5分鐘有座位。然而阿姨像很忙，我們喊了三次下單，她才珊珊過來。叫下單已等了10分鐘，下單後也等了15分鐘。整個等候過程有點長。我選了雲耳椰菜豬肉湯餃。湯餃子送上時熱騰騰的，餃子皮很薄，豬肉不咸，粉葛赤小豆湯味濃沒味精。味道很好👍🏻只可惜，若非繁忙時間也等候那麼久，我會再給高一點分。食物質素很好，價錢亦很便宜，值得支持！

菠菜豬肉煎餃 (8隻）$40皮薄餡多好足料👍😆牛腩飯配湯 $42牛腩同蘿蔔浸到入晒味，好淋😍飯的份量好多個湯好正，冇落味精，有家的味道芝士蛋糕 $25舖頭自家製的😍，仲要流心超好食店員話因為係即日整即日買先有流心的效果，平常的蛋糕係琴日整今日買，質感比較硬身，咁啱琴日整的蛋糕賣晒，我先食到咁creamy 的芝士蛋糕😆

去開深水埗工作，喺朋友的工作室附近見到呢間餐廳排哂長龍，就去試吓，試咗佢個車仔麵，佢個麵都幾多唔同種類可供選擇的，有公仔麵、油麵、上海、幼麵、米粉、菠菜麵、米線、出前一丁同埋辛辣麵可以選擇,今次就揀咗市面上比較罕有嘅菠菜麵啦，感覺健康啲呀嘛😉😉😉配菜方面呢佢哋都有成三十幾款可以揀㗎，分別有牛腩、牛筋、金錢肚、金錢展、飄香豬手、鮮蝦雲吞、鹵水雞翼、鹵水豬大腸、鹵水雞腎、鹹腩肉、溏心蛋、麻辣豬紅、麻辣爽豬肚心、麻辣滑雞中翼、麻辣雞腎、煎蛋、腸仔、生菜、菜心、白菜、蘿蔔、豆卜、腐皮午餐肉、煙鴨胸、芝心丸、牛丸、香菇貢丸、墨魚丸、魚蛋、蟹籽丸同我最愛嘅長洲魚蛋因為心愛嘅長洲大魚蛋冇曬😭😭😭，所以我今次就選擇咗鮮蝦雲吞、牛腩做配料啦。 鮮蝦雲吞牛腩菠菜麵個鮮蝦雲吞嘅皮都幾薄，牛腩都幾淋菠菜麵好爽口彈牙，下次過嚟試下其他餸先😋😋😋選擇車仔麵可以加$5有嘢飲，咁水晶就揀咗比較罕見嘅熱檸檬利賓納。 點車仔麵嘅時候，突然聽到個個客人都話：「老闆唔該留個芝士蛋糕呀~」水晶就梗係唔執輸留埋一份啦🤤🤤🤤跟住員工話啲蛋糕係由老闆日日親自製造㗎，本身下午的份已經賣曬了😭😭😭，老闆聽到水晶話好想試，就話睇吓可唔可以

真係一食好有屋企媽媽整既味道叫左2個餃子A餐 8隻餃配湯麵同野飲不過男朋友食完好似未夠飽 哈哈1️⃣雲耳椰菜豬肉雙併香菇粟米雞肉湯餃湯餃fix 左跟例湯 今日係粉葛赤小豆湯絕對唔係味精湯 飲落真係好似呀媽屋企煲湯雲耳椰菜豬肉餃相比之下 味道比雞肉餃突出反而唔太食得出係雞肉不過一咬就有湯汁滲出 好正啊2️⃣洋蔥豬肉併菠菜豬肉煎餃洋蔥餃真係一絕必食！本身都幾抗拒食洋蔥 覺得太濃味但真係好好食！煎餃脆卜卜 裡面仍然係一咬出汁菠菜餃相對之下就無咁搶眼 不過都係好食！唯一美中不足係當晚6點幾左右去到全場都無哂菜甫 得返丁屎少少 想添都無留意返佢哋d菜甫比出面餃子鋪偏辣 酌量慢慢加啊！