家後

  黎到深水埗，點都要試下呢間好多人推介既餃子店家後。鋪頭細細，但係就一路都好多人排隊。咁多捧場客一定有佢吸引既地方🤩餃子種類唔算好多，但係基本既韭菜餃、椰菜餃呢啲都有，餃子有得揀要湯餃定煎餃，亦都有得揀雙拼、跟麵底、飯糰、雞翼，有唔同既搭配。最特別既係呢度仲有好多款唔同既小食同甜品賣😳小食有日式炸雞、大腸羹、炸肉丸等等。而甜品就有芝士蛋糕🧀️焦糖布甸😍同傳統餃子店好唔同！ 

 1️⃣湯餃：雲耳椰菜豬肉餃 + 菠菜豬肉餃（$38）
 湯餃配上老火靚湯，正啊🤩湯係粉葛蓮藕豬骨湯，感覺上好足料，個底仲有啲豆，應該冇落味精，飲曬都冇問題。餃子皮薄，餡唔算特別多，正常份量，個人比較鍾意菠菜豬肉餃，比起雲耳椰菜豬肉餃味道出啲👍 

 2⃣️煎餃：洋蔥豬肉餃 + 香菇粟米雞肉餃（$40）
 煎餃表面煎得好香脆，配埋醋同辣菜脯食真係一流！大推佢地既洋蔥豬肉餃🤤紫洋蔥煮得偏淋，甜甜地，好好食！香菇粟米雞肉餃都唔錯，入面好多粟米、雞肉，味道清清地但係都幾豐富😌  

3⃣️日式手作芝士蛋糕（$25）
 呢個絕對係驚喜之作！首先價錢已經極抵食！出面好難搵到廿幾蚊有得食芝士蛋糕。呢度既巴斯克芝士蛋糕唔會好甜，食落有流心軟滑既效果🤤作為飯後甜品好滿足。黎到一定要叫黎試下！  

日式手作芝士蛋糕