Café de Coral (Festival Walk)

多年前在九龍塘附近讀書返學，我們一班同學都會三五成群到又一城的food court食個下午茶之後回家做功課或在又一城行街逛一下。時至今日又一城很多商店、食肆已經不同了，唯獨大家樂依舊在此。今天星期日陪老人家到又一城消費之後，就決定來到大家樂稍作休息，並回味一下學生時代的回憶。話說如此，又一城的大家樂比出邊的大家樂餐牌選擇的確較遜色一點。但仍有我喜歡的雞翼粟米套餐。一如以往，食物不是太出色的。但還是會令我回想起學生時代開心的回憶。 蜜糖雞翼粟米：雞翼都煮得很軟腍，可以用刀叉分開到雞肉出來。蜜糖味就不是太突出，但都食到有甜味。粟米如果都是焗的，一定會更加美味！現在都吃到有少許牛油味的。雪菜肉絲米粉(加$6.5)：因為套餐只有雞翼粟米實在吃不飽，唯有加多一個米粉。米粉的硬度都可以，不會太硬，雪菜肉絲個人就不太喜歡，但又沒有其他選擇，唯有將就下。一個$28.5的下午茶，在又一城都可以接受的，又可以很容易在Food Court找到位坐。…Read More

話說仲未出糧，荷包乾竭，今日下午茶，去左食窮人精選今日有福了，雖然係星期六，但唔多人光顧，因為是日係自由行最後一日假期呢!!呢個下午茶餐，有烤得脆身無得挑剔既厚多士，店員今日大方給了足夠的煉奶在有點牛油香的多士上，十分好吃:)今日無米粉下，員工告知將以通粉替代，更合我心水！！！雪菜肉絲通跟平日吃到的不過不失，紐紐粉則加添幾分在沒煮過火上，而紐紐形狀亦幾可愛實在令人有點開心……今日叫了的紅豆冰走冰了，店員亦願意，沒有“”炸“”型，唯豆沒煮淋，有咬口起來，這點不怎喜歡！飲品甜度也適中，下午茶吃光其實好飽肚的了，吃完努力再戰鬥去:)…Read More

比完賽有點肚子餓，到附近的又一城看看。上到foodcourt，到大家樂叫了個雪菜肉絲米線配蜜糖雞排。雪菜肉絲米線：肉絲的韌度剛剛好，米線非常滑，而湯底吸收了雪菜的獨特味道，味道變得跟肉絲非常配蜜糖雞排：雞肉太過結實，費很大的力氣才能切到（膠刀）但番茄醬不錯。餐包：一般，都算鬆軟，但它成正方體，牛油味不突出，令我覺得它很乾，我還是較喜歡方包。…Read More

因睇戲關係食快餐.叫左:焗豬扒飯原先個飯一開出來居然得一半,即時去換回一個,這就叫做服務質素.:)豬扒好大件又好味,肉質好淋,個飯係蛋炒飯底,好香好美味,蕃茄酸酸地好開胃.整體:唔錯,意料之外.…Read More

那天要去九龙湾看演唱会，中午和朋友在又一城集合就来大家乐吃午饭。点了芝士肉酱意粉套餐，等待时间很短，。一直很喜欢肉酱意粉，有芝士覆盖味道更赞，不过量有点大没吃完。…Read More

一直都覺得大家樂的咖喱，可以站在前列位置，AMC的food court，能找吃的不多，反正要趕入場睇戲，簡單一餐就算了。大家樂的牛腩炆得夠腍身，咖喱汁不會太黏，埋芡夠薄，飯跟牛腩分開上，澆點汁在白飯上，份量可以自己調教，總好過不理一切，全部都放在飯面上，微辣的口感，雖未至於有層次感，但都非常送飯，三扒兩撥又一餐。…Read More

早前食友的一篇叮叮飯為食評界(自己界定出來的) 帶來一點聲音，個人認為想寫就寫，從來也沒有不可的，總有人會碰巧看到的，總有人有這樣的需求。寫不到波仔，我可以寫寫大家樂的。想起大家樂，也會想到他們在定價十分進取，我依然記得它們在中環賣的貴價燒味，而是次吃到的厚切焗豬扒飯也要四十元，在foodcourt 也如此定價也真的算高了，因為我們的潛意識下，也都認為快餐店就應該是平價的，如貴價一點的，選擇多的是，那需來吃快餐? 大家樂的盈利一向不錯，今年是八年間第一次有盈利倒退，是賺少了近8% ，其實還算不錯的，有4.7億的盈利。今年開幾十間分店，又與85℃合作開7間麵包店/咖啡店，相信大家樂將來收入有保證，我不相信加價是唯一的解決問題的方法。說回吃的，是次吃到的厚切豬扒其實不厚的，肉質沒有以前的過淋可怕的現象，現在的是較為正常，也不會太乾太硬吧，是那面層加的蛋有點求其。而飯粒是加了蛋，飯粒是有點過淋，了無生氣，不太理想的，好的是蕃茄汁的酸甜度倒是對胃口。奶茶的茶味算多，有點複雜，奶相對來說偏少，少許澀，個人覺得還算可以的。我相信不停說大家樂的加價加不停，依然有不少基層會繼績吃的，要不是他們也不會有如此的信心多開幾十間分店，在此只想他們不要賺得太盡，因為我們的人工還未追到通賬。…Read More

是日又係係呢個美食廣場開飯的日子, 吸取上次經驗, 今次決定揀d平民化的食店。同樣, 美食廣場呢度都已經坐無虛席, 為左搵位等位都要用上一段時間, 所以想要吃一餐安樂茶飯都唔係咁容易。係揀野吃ge時候, 發現原來大家樂提供了"千層香咖喱"系列, 並且有"千層香咖喱燒雞飯＄32"及"千層香咖喱豬扒飯＄31"。凡惠顧千層香咖喱系列都可以加2蚊配樽裝可樂, 是次所選的為千層香咖喱豬扒飯。係落order的時候, 店員都會問咖啡係微辣定激辣口味, 佢地出餐ge速度都好快下, 眼見前面果幾位都係選擇千層香咖喱系列, 睇黎呢個系列都應該幾受歡迎。可能因為太受歡迎關係, 所有加2蚊的樽裝可樂都轉為用紙杯裝, 不過呢個細節都唔係太重要。千層香咖喱豬扒飯配微辣口味：咖喔有獨立的碗仔盛載, 客人可以自行決定咖喱的份量, 呢方面的確夠體貼。係黃褐色咖哩面上浮滿紅棕色的辣油, 咖喱味都滿濃郁的, 係色香呢兩方面表現的確不錯。而咖喱裡即慣常地加有幾件大塊薯仔, 可惜係薯仔煮得唔夠熟, 咬下口呈硬身得黎少了那粉般的口感。再者, 咖喱度為左香味卻犧牲了口感,落左好多薑絲, 係送飯或者豬扒事口感甚怪, 好似吃緊浸滿左汁的毛毛, 仲會有癡牙情況出現。飯的份量都係一碗有多, 飯質偏軟身夠暖。豬扒每一件的大細都差唔多大, 面頭係乾身但哎落去都滲出肉汁, 再加上冇咩肥肉, 肉質適中易咬的確不錯。講到果d配菜, 菠蘿雖然係罐頭貨, 但都唔會乾身有汁。豆角就爽口得黎帶有點甜味。蕃茄仔就偏酸, 甜味唔夠突出。總括黎講, 竟然係以千層香咖喱為主, 雖然做到了香味的環節, 可惜就缺少了味道的享受, 有點顧此失彼的感覺。…Read More

見到新出霸王雞....即刻試試....再加$換爆珠巨蜂冰.....第一眼見到已經心知不妙....什麼"香飯"只係普通白飯.....霸王雞鹹得十分霸道......不過有足半隻....都算係咁....伴碟既菜吸曬霸王雞既"精華"....鹹到好緊要...爆珠巨蜂冰...味道好假...…Read More

點解叫九評大家樂, 不是因為這是第九次評大樂. 亦不是想引入名著 "九評共產黨"在內. 原因其實好簡單. 而呢個食評又會好簡短. 因為, 是次既經歷, 係我食咁多次大家樂中, 最差既一次.是日端午節, 下午出左街看電影. 散場時, 因為電影院既出口就在food court. 二人就決定嘆返個Tea. 而我就沒有多吃. 因為之前買了東西入戲院食一所以只是陪太太食.簡單的輕食, 叫了一份西多士. 平時係出面既大家樂, 份西多係要等既. 呢次, 即叫即有, 果然奇怪. 預炸起等有人叫就即serve既西多, 已經預左佢唔好食.首先, 我地份西多, 係明顯地由兩塊不同既麵包組成. 一塊炸得濃D, 一塊炸得剛好金黃. 當然按常理, 金黃的一塊一定好食D. 而事實, 的確既 (就只用呢兩半麵包去比的話). 雖有分別, 但兩者都有一個共通點, 就是兩半麵包只是微暖, 而且比較乾. 兩半片麵包應該被那counter保溫燈照到乾哂. 搞到硬硬地, 完全不能接受. 好少大家樂會咁樣失手, 下次入大樂食tea. 如有同樣事件發生, 相信我會要求即炸......…Read More

下午茶時到又一城大家樂的food court點了一客$19的豬扒包及熱奶茶. 既然是food court, 對服務也不會有特別要求, 不過真的無想過, 佢地d服務會差成咁. 果日, 我想買個豬扒包到妹妹家跟她兩份食. 到取包時, 叫個阿姐幫我用刀切成兩半, 佢居然答: "哩度無得切架, 個袋裡面有隻膠刀, 你自己返去切啦", 雖然有點錯愕, 我還是很有禮貌地回答: "ok". 事實上無諗過佢會咁答我, 個豬扒包咁厚咁實, 有乜理由用隻膠刀會切得到? 其實廚房係後面, 佢連遞一遞入去廚房都唔肯, 我真的不相信其他大家樂分店也不肯替客人切開包. 只不過10分鐘的路程, 豬扒包己經是皮裂開晒了, 賣相一點也不討好. 麵包還是微暖的, 不過成個包己經頗硬了.再打開麵包的內層, 發覺豬扒很薄, 比我的尾指還要薄. 咬一啖豬扒, 豬扒實在太死死實實太硬了, 沒有肉味.豬扒太薄關係, 跟本吃不到外脆內軟, 更談不上肉汁豐腴與否. 熱奶茶倒還可以接受. 下一次要吃豬扒包, 我一定不會再去大家樂, 前一個月才到太古康怡的大快活吃豬扒包($19配飲品), 人家的豬扒包就真的外脆內軟, 肉味夠肉汁又多, 連醬汁都好過這兒很多很多. …Read More

去到哪裡的大家樂....首選仍是餐包炒蛋餐 + 奶茶, $18.5! 但也不是間間分店出名也穩定, 例如這間的炒蛋有點凍, 餐包也不是鬆軟新鮮, 麥片還不錯, 仍舊細綿可口, 奶茶茶味略重!PS 遇到困難不用怕, 我們一家人去面對, 雨天過後晴天會來臨!:)…Read More

今日晚上和莊員仔去了食個兩式的焗飯是南瓜雞和茄汁焗豬的MIX, 都OK 啊!!不錯!!!個南瓜雞的雞都好嫩滑, 之前以為會好老, 但食了下去發覺都好好食, 好滑, 又大舊!!個南瓜都好大塊, 焗到軟綿咁, 好似綿花咁....好好食!!個忌廉汁都幾好, 有D芝士在面,送飯幾好!!!個茄汁焗豬就同之前一路食開的都是一樣,不大分別, 塊豬好鬆軟, 它有加了蛋汁去煎再去煱,但是可惜是就食不到個脆的感覺, 只有軟綿的肉, 有一點失色,(無法啦,焗了咁長的時間是咁的啦), 茄汁送飯都OK! 汁中又有幾粒茄和洋蔥! OK 夾!…Read More

豬軟骨豚骨拉麵($29)--湯底話係用豬骨湯底,味道都不錯,幾夠味,豚骨則只有三至四舊(細細舊),食落還有啲肥肉,味道一般.還有半隻蛋,味道不錯,而拉麵就唔可以話好食,因為始終唔係拉麵店,普普通通咁啦!…Read More

之前食左個冇鰻魚既炒飯嬲嬲地咁岩過幾日大家樂就出左鰻魚飯套餐於是黎試下不過都唔係太滿意鰻魚汁太甜有少少蓋過鰻魚既味道而鰻魚真係好細塊...兩啖一定食得晒...配菜果幾粒一口豬扒亦都唔見凸出係杯紅豆抹茶算ok但係個餐要成$34...但質素唔見得值呢個價囉...…Read More