嚐喜大不同特色餐廳小廚

Open Now

Now Closed

本身係諗住食附近嘅一間餐廳但係冇開到 臨時轉食呢間 點知又幾唔錯喎😆✨臘腸滑雞煲仔飯 $88啲雞都滑同幾多舊 臘腸幾香👍 個飯焦做得啱啱好 唔會太燶 脆卜卜👍✨啫啫芥蘭煲 呢個都好好食 啲芥蘭整得幾乾身 軟硬度啱啱好👍 有啲蝦乾味道好香✨芥末牛柳粒 呢個幾特別 個芥末味都整得幾好 好濃郁 牛肉幾淋 仲有啲腰果 洋蔥 椒等顏色好靚好吸引😋口感都好豐富總括黎講味道都好好👍 我地平日兩個人坐一張大枱 佢多數都係啲大啲嘅圓枱 適合一大班人黎聚下味道❤️❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔晚餐人均～$190(收+1)

門面唔算特別，侍應佈局好有大排檔feel，繁忙時間需要等位，等位時間有啲長，但係非常值得。好正！食物質數出奇地有驚喜，試咗脆皮牛腩，啫啫芥蘭煲，臘腸滑雞煲仔飯。脆皮牛腩，半肥瘦，油脂香濃，炸漿脆皮非常鬆脆，撈埋鹹蛋黃，味道層次豐富，口感鬆脆肉質軟滑，令人有入口即溶嘅錯覺。啫啫芥蘭煲用芥蘭苗，配埋蝦乾，惹味爽脆。臘腸係廣東臘腸帶甜，好味，煲仔飯飯質啱啱好唔啱唔軟，有勁多飯焦，鍾意飯焦嘅人必食，煲仔飯豉油味道適中唔太鹹，非常之好食。姐姐們好細心，係上菜時間慢啲，等嘅時間比較長，因為太多人嘅關係，但係好嘅食物係值得等待嘅。

每次想食煲仔飯+小菜就想起嚐喜大不同，天后有煲仔飯的餐廳不多，是家煲仔飯也是非常有風味，夠火喉。不過因為即叫即做，等待時間長，要當天非常有空才行，也要碰運氣，在沒人排隊時才幫襯。真的非常街坊🤭…油鴨滑雞煲仔飯 - 白飯未乾就上枱，放豉油再焗一分鐘就熟得剛好。油鴨的油滲進飯粒，非常有油香，亦好滋潤滑雞，整體非常美味。有一點飯焦，不過燶，剛好，想吃飯焦得來算健康一點。剁椒排骨 - 微辣，排骨肉質軟熟，回味香酥腐皮墨魚卷 - 墨魚以腐皮包裹再炸。頭一兩啖腐皮酥脆，不過墨魚肉比較薄，不夠口感。但放久了腐皮開始變得有點過硬，最後只好放棄腐皮淨食肉。所以必須即食，而且人多一點分享會更好。

今日上午與家人去食早餐，點餐時已經話冇炒蛋都算，原本點左沙嗲牛肉麵，之後又話冇，要改食五香肉丁麵，但追左好多次先比到我。要多士又冇多士，要改餐包。之前點左凍咖啡，一直都冇黎過，最後家人衝左去水吧問佢地拎。其實同一時間亦有好多客投訴啲食物好長時間都冇比到佢地食到差唔多走之前，仲要比個侍應串，唔鍾愛食可以走😡😡😡雖然大不同早餐係比較抵食，$33起，但這不是應有的服務態度。未試過早餐要食超過1個鐘。沒有下次。

之前天氣突然轉凍，又餓又冷，我突然想起煲仔飯，於是在開飯 App 上找到了一家在天后站附近的煲仔飯專門店。這家店叫做「嚐囍大不同冰室特式小菜館」看起來很不錯。我點了一份煲仔飯和一份招牌菜「𣲙鎮脆皮咕嚕肉」。煲仔飯裡面有著香噴噴的飯香，米飯煮得剛剛好，加上煲製的特殊風味，讓我吃得非常過癮。而「𣲙鎮脆皮咕嚕肉」也相當美味，外皮酥脆，內部熱騰騰的，口感非常棒。此外，我還點了一份雜菜煲，裡面有各種新鮮的蔬菜，煮得十分入味，口感清爽又下飯。店員的服務態度非常好，讓我有一個愉快的用餐體驗。這家煲仔飯專門店的菜品豐富，味道也很不錯，值得一試。如果你也想品嚐正宗的煲仔飯，不妨來這家店試試看。

世界級早餐見係33蚊份早餐，香港地都冇乜，炮台山更加唔洗講，真係好少有。膽粗粗入到去，想搵個位都幾容易嘅搭枱就得啦，入面有好多圓枱好多街坊喺度食緊早餐。揀咗一陣，想食嘅蕃茄通就冇啦，求其食咗個早餐呢，即係火腿鮑片通粉加杯凍檸茶。另外再嗌多個沙嗲牛麵。等咗10分鐘終於到咗個沙嗲牛麵，哇真係不得了，好老式嘅沙爹牛麵，牛肉霉晒，仲要係凍嘅，要沙嗲味冇沙嗲味，要牛味冇牛味。真係好耐未食過咁難食嘅沙嗲牛麵。跟住到火腿鮑片通粉，諗住呢啲實冇死難食極都有個譜掛，點知又係凍，又冇味，啲通粉變晒型，擺明烚咗喺度好耐，唔知有冇幾日幾夜，真係世界級難食。已經冇招呼，又等得耐，雖然平，唔代表要俾啲咁難食嘅嘢客食㗎。下次比多幾蚊去隔離間茶仔食仲好。

哈囉大家好，今日小編嚟到特色餐廳小廚試嘗佢哋嘅招牌菜式－冰鎮咕嚕肉同鮮蝦炸米餅。首先，冰鎮咕嚕肉非常爽口，口感唔會過份油膩，仲有淡淡的甜味，更加提升咗食欲。而鮮蝦炸米餅就更加驚艷啦，外層炸得香脆，鮮蝦鮮甜彈牙，好開胃呀！加埋啲辣椒醬一齊食，令人難以忘懷。不得不提小廚嘅服務，員工態度親切，令人好有家的感覺。環境亦好舒適，令人放鬆。總括而言，小廚嘅招牌菜式真係好味，啱晒啱晒嚟到試下，大家有機會一定要黎試下呀！

天氣突然又轉凍，好肚餓又凍又想起煲仔飯！用開飯App搵到天后站附近水星街有間好出嘅食肆: 大不同冰室特式小菜館(前身名叫嚐囍），好似好勁咁！點知一推門入去見到櫃枱有位才俊，佢答煲仔飯好早賣晒，又唔早啲訂？我話啱啱先搵到，點知會賣哂？既然－心來帮襯，睇吓菜牌有咩好食？一眼便揀左煲仔小菜加白飯，然後撈埋一齊扮食煲仔飯咪得囉！果然是自己想要嘅味道，下次早些來，才試吃有飯焦的煲仔飯。

難得過左海，同行朋友又極力推薦呢間小菜館，就決定一試，晚上入到店內好熱鬧，好多食客吹水飲酒，難得有最後一張細枱俾我地。朋友食過話上菜速度好慢，所以唔諗太耐隨便揀左幾個小菜。🐷冰鎮咕嚕肉🐷（細）$108最快上菜，見好多人叫，但份量唔算多，而且好鹹‼️‼️‼️夠脆但肉唔夠腍，麻麻地。❤️豉椒炒蜆配香煎米粉底❤️$168呢味餸就好唔錯，蜆肉好大隻好入味，而且冇沙，米粉底好脆口又唔會太乾身！🥦海鮮粉絲雜菜煲🥦$88呢味餸等左好耐！！！！份量係正常，但就係冇味，水晶蝦帶子好細粒，菜偏硬身。評語上菜時間較長菜式選擇多，有特色小菜

去開天后食野多數都係居酒屋/糖水/串燒，呢排天氣都涼涼地，就揀左暖笠笠既煲仔飯食😆🥢呢間小菜館單單係煲仔飯都有二十幾款選擇😂再有好多特色小菜真係花多眼亂🙈🍚鴛鴦腸煲仔飯 $80招牌炭燒煲仔飯一定要試！🔥開煲蓋時臘腸潤腸勁香，白飯乾爽甘香，粒粒分明，飯焦仲可以成塊刮起！食起好似食餅乾咁😮香脆唔痴牙，食煲仔飯就係要食呢啲飯焦🤤冰鎮咕嚕肉（細）$108正常發揮，咕嚕汁甜甜酸酸，外脆因冰鎮後變得更脆，外冷內熱，美中不足係肉質較實淨，唔夠腍身🐷豉椒炒蜆配香煎米粉底 $168大排檔名菜🥢愈來愈少地方會食到煎米粉底😍煎米粉會有啲似米粉pizza，一塊塊切成三角形咁😆外脆內軟，再加上豉椒汁好惹味，蜆肉大隻，鮮味十足！海鮮粉絲雜菜煲略為遜色既一道菜，雜菜煲份量十足，粉絲都好多，但味道較淡😂無論係蝦仁🍤章魚🐙小帶子定係菜芯，都係冇乜味😂

今日天氣凍凍地，除左打邊爐外去食個煲仔飯都唔錯啊…以前食煲仔飯都係去廟街食，今日就去下其他地方試下新野😊😊😊朋友話推薦呢間話好食，既然有建議，仲等咩啊？收工立即起行去食啦.窩蛋牛肉煲仔飯 煲仔飯即叫即整，飯焦唔會好燶食落脆卜卜，飯唔會太濕岩岩好，牛肉腍再配上生蛋撈飯食好match !

難得不用上班當然要嘆返個靚早餐。傳統嘅港式早餐搭配：一碗一碟一杯點了五香肉丁米線、餐蛋多士，熱奶茶。米線份量足湯夠熱，餐肉煎得香口，蛋是流心荷包蛋，多士烘得夠脆。唯一不足係個奶茶，奶嘅份量唔夠，茶膽沖爆左有苦澀嘅涼茶味。33蚊有咁足份量嘅早餐，抵啦！

這家茶餐廳在我2,3個月前就很想去的了，當時看到這家店的時候已經吃飽了，看到餐廳的餐牌真的又便宜又吸引。看到了很多茶餐廳沒有的東西，例如:蒸陳村粉。但再次來到這邊工作已經是2,3個月後了。今天點了這兩個餐一個是豬排炒伊麵，另一個是蝦頭油鮑魚雞粒炒飯這兩個也是可以配菜/蛋的。論性價比我認為真的不錯，其他的茶餐廳不會有蛋/菜加。其他店單單是乾燒伊麵已經賣50以上，這邊有豬排、有蛋而且份量也多才49。感覺性價比高。價錢也不貴。可惜的是我已經沒有很到陳村粉了...

求其買個午餐，阿姐推薦左福建炒飯，話超抵食。$50包嘢飲、烚菜同福建炒飯。味道OK，不過不失，炒飯有少少油膩，最大嘅敗筆就係啲蝦唔夠新鮮，有陣霉味。抵唔抵食就見仁見智啦。

原本约了很久一行八人的飯局， 點知啱撞正8號風球，(個政府吹得咁勁)🙄🙄諗住要取消，點知下午出到街一D風都沒有即刻如常飯局，上次去完北角，今次再去返天后，如有一圍怡朋友，天后真的舒服很多，一行人很久沒見，有說不完的話題，心想，一班朋友齊齊整整己很開心先來冰凍啤洒🥳🥳，之後再來個王金脆皮牛腩，當然吾少得冰鎮咕噜肉，王金焦煲仔飯，清湯牛三寶，清酒慢煮元貝皇，炭燒牛仔骨等等，水準依舊不設加一，茶錢，值得支持