嚐喜大不同特色餐廳小廚

Open Now

Now Closed

今天晚上去了大不同吃晚飯，坐下不久，附近枱的客人跳起來尖叫，有猫一樣大的老鼠躲在他門枱底，餐廳員工拿着掃把趕走老鼠去後門。後來才知道後門就是厨房。我們已經想快點吃完離開。點知更離譜係我地煲牛三寶煲仔菜，個煲蓋上面有至少三條白色的幼虫生猛地轉來轉去，應該係蒼蝇的幼虫。我地叫員工看看，他用手指整死幼虫然後話冇嘢，另外一個員工來話换過一煲比我地。成晚食到提心胆跳，每件肉都睇清楚至敢食。趕快食飽就走，以後唔敢再返去！

31號預訂咗清湯羊腩煲，訂咗六點半過去攞，諗住放工攞完即刻搵朋友食飯，啱啱好7:30，點知我6:30嗰啲去到，佢都話仲未有，咁我預訂嚟做乜嘢，侍應態度差，愛理不理，問多幾次就發脾氣，最尾等到七點幾先有，一早訂咗清湯去到連乜嘢湯佢都唔知，亂到咁唔好學人開餐廳，我買嗰個清湯羊腩煲外賣，總共$402，佢分咗一兜湯一兜肉同埋一兜腐乳，首先講兜羊肉，好似橡膠咁咬極都咬唔開，硬到痴線，啲湯唔知係咪倒瀉咗定係佢比得少唔夠浸過啲食材，最離譜係羊肉，夾埋唔夠10舊有冇離譜啲，$402但係唔夠10舊羊嘢即係$40一塊，比水魚食。唔建議有人去食呢間野。態度差食物櫃俾唔足唔好食。最後係兜垃圾腐乳第一次食到咁難食。完全冇下次

💛係附近行開，見到下午茶炒粉麵價錢都唔太貴再跟一杯野飲，就決定一試揀左頭抽燒腩仔炒飯（叫左多飯），份量就絕對適合大食既人，食完都好夠！加上係即炒，夠熱夠香😆燒腩仔唔會只係得瘦既，食落唔會只係覺得乾，亦唔會太鹹；而炒飯入面都加左生菜，口感上有唔同之外亦都令成個飯健康左😂最欣賞係就算擺底左一陣再食，有燒腩仔都唔會太油仲可以再食，值得一讚！唯獨少少失色就係有部份飯未完全炒透，有少少痴住，如果做埋就正！😛但都會再encore！

姪仔下個月要結婚了，因為疫情所以不能擺酒，所以約埋一齊食晚飯慶祝。一行8人，老細叫我分兩枱，預先訂了湯，同幾個餸。老闆好人分兩枱都很接近 的方便一齊食。訂了杏汁豬肺白菜湯，味道很濃，燉得救火喉，夠滋潤。英䱽魚兩食，椒鹽、炒球，好香，好味😋蔥油新鮮雞，好香雞味，正。上湯窩巴蝦，一人一隻，蝦夠厚肉，窩巴加埋啲味，好味。其他小菜，味道不錯。不用多提，一個字，正，好味。只可惜沒有甜品，老細話要訂先有甜品，如果有碗甜品，咁就完美啦😁

放寬晚市堂食之際打算同屋企人食返餐好，點知中哂伏，掛羊頭賣狗肉，份量少得可憐，比乞衣都嫌少！！！椒鹽鮮魷冇椒鹽，用豆角扮四季豆，海皇雜菜煲得一粒蝦米，比麥兜仲過分，離哂大譜！！！同樓面反映，佢地仲扮無知，夾硬將豆角講成四季豆，又話出面冇得買，即係擺明呃人姐，簡直係奸商！！！如果大家唔想比人當水魚撳，就千祈唔好幫襯！！！！！！！！！！！！！！！！！！！！！！！！！！！！！！

天氣轉凍，想食羊腩煲。 拉咗个朋友去到天后， 呢間店都幾容易揾。 味道唔錯，肉质够淋，雖然啲肉就幾細塊，不過有皮有小肋骨，枝竹入味，冬菇切片有唔少，但冬笋就只得唔多几片，马蹄隻得一粒，生菜好新鲜，浸咗湯汁漉到安安熟，顏色翠綠，又靚又好食。腐乳汁另計錢，有啲辣。两個人食咗三碗白飯，飲两枝啤酒，開心午餐。行過去周身凍，食完煲嘢就暖咗好多，值得一試。另外，羊腩煲起咗價，清汤398， 雙冬448加白飯，有例汤送。 

叫左外賣臘腸排骨飯臘腸半條都唔夠 排骨得三舊 仲要多骨飯無焦香唔似煲仔飯第一次寫食評 梗係唔好食先忍唔住寫啦⋯⋯想去食既要三思雖然話係連煲拎走 但係個煲新到唔似用黎整過煲仔飯 似換殻不可一不可再

呢間店嘅煲仔飯喺北角天后區都算有小名氣，北角都有間店嘅。煲仔飯我就未食過，今日未食午餐就過嚟買一買下午茶先。下午茶時間無乜客，選擇都好多，正常茶餐廳食到嘅呢度都有，佢所有炒粉麵飯都一律$35！❤️ 櫻花蝦炒飯連飲品 $35個飯同食午餐分量一樣，都裝滿哂個飯盒。但餸就唔多😕 蝦得幾粒，櫻花蝦都唔多，個炒飯唔太食到蝦嘅香味，所以keep住食成件事好單調。擺耐咗仲有陣油膉味。好食度：⭐️⭐️ (2/5)餐廳推薦度：⭐️⭐️✨ (2.5/5)今次炒飯有少少失準，可能下次再嚟食真係淨係試佢個煲仔飯算，炒飯我就唔太推介喇。

今年疫情嚴重，同家人商量決定提早在家做冬至。在屋企附近訂咗啲外賣。胡椒豬肚包雞、油泡笋殼魚、冰鎮咕嚕肉、秘制瓦煲雞。先講，豬肚包雞，有啲藥材一齊燉，飲完胃暖暖地，驅寒一流。笋殼魚，食嗰陣仲脆，不過記得要豉油另外分開。咕嚕肉，啲冰分開咗，啲汁酸甜啱啱好，正！隻雞一流，師傅唔知用乜嘢香料，焗到好香，食落極之好味😋不過價錢就⋯⋯，一年一次食豪DD🤣下次再試下煲仔飯，老細話可以原煲外賣，不過係要收按金

今日買咗個外賣生炒糯米飯 糯米飯炒得乾身配料又好均勻 份量仲好足 味道唔錯 唯一就係臘腸少咗啲 個外賣盒細咗啲 令到糯米飯un得好實 有啲唔夠完美！下次再試下其他 夠80個字未！！

冰鎮脆皮咕嚕肉外面脆卜卜入面又熱又juicy仲要外凍內熱酸酸甜甜真係幾多都食得落呀🤤.因為太鍾意所以突登order 大碟嘅🤩你哋見唔見到我超滿足嘅笑容呀??!!.呢度之前告急過如果有經過就幫襯吓等我可以繼續嚟食咕嚕肉💛

很久也沒有接女朋友下班, 在這秋意漸濃的晚上, 簡單的一餐煲仔飯晚餐, 最能填飽我倆的心靈和肚子, 因為時間不早, 想找間方便我們回家的餐廳, 所以選擇了這家在天后, 主打炭燒煲仔飯的嚐喜大不同. 這家和西環的嚐囍是同一個集團嗎? 我也不知道, 但說到這裏的炭燒煲仔飯, 我覺得一般而已. 飯焦成形但飯身過於濕潤, 而且配料如白鱔及排骨, 份量偏少也不夠入味, 整個煲仔飯味道淡然, 唯有透過豉油去提味, 炭烤味也不太香濃, 以八十多元的定價應該有其他更好的選擇. 反而另一道煲仔小菜, 黑椒牛仔骨更合我胃口, 煲仔的熱度, 以及舖面的錫紙, 令黑椒醬的香濃味道更為撲鼻, 牛仔骨肉質和口感還可以, 比起煲仔飯的處理更為簡單, 但更得我心.

今日黎到天后區享負勝名既中菜館：嚐喜大不同，呢度最出名係煲仔飯，主廚當年係由西環坤記過檔而黎，但今日因為要買番屋企食，唯有下次先😂😂頭先講到最出名係煲仔飯，另一樣出名既野就係呢個冰鎮咕嚕肉，呢個係細板，但一d都唔細，咕嚕肉炸到好香脆，冰鎮令佢保持外表既脆，必食之選👍🏻👍🏻👍🏻而另外呢個順德焗魚腸又係另一特色，依加香港地好難食到，呢度魚腸唔會太腥，但又有魚腸既鮮味，高質既魚腸👍🏻👍🏻整體來講好出色👍🏻👍🏻

冰鎮脆皮咕嚕肉 （小） $98雖然整體份量不多，包裹在肉外的粉漿比例較大，但皮脆內軟 而且外面冰凍內部還是暖暖的。 椒鹽鮮魷魚 $80粉漿較肉大，椒鹽味道足夠，不會太鹹，整體十分脆口，惹味。炭燒豬頸肉 $98風味和串燒店吃到的炭燒豬頸肉不同，有香矛味，燒得剛剛好，不會太乾，有驚喜。錦繡海鮮豆腐煲 $75豆腐數量多，海鮮較細小，醬汁味道美味。香酥腐皮墨魚卷 $88墨魚卷炸得剛剛好，十分香脆，肉質彈牙，只是份量較少。窩蛋牛肉飯 $75牛肉佈滿飯面，鼓油味道不會太鹹，有飯焦，既有咬口又甘香。蒜茸炒菜心 $58二人份來說，尚算足夠，有蒜容味，油份不多。 整體來說，份量較少，若多人進食要多點幾款菜式。 如想看更多食評可到以下網址, 歡迎 follow foodie_ghost_x2:
(Instagram) https://www.instagram.com/foodie_ghost_x2/ 作者：(Openrice) 食小鬼

有晚收工同朋友食飯，當時仲未有限聚令，當清風街有一半餐廳唔開晚市嘅淡市底下，呢間都有7成滿，算係幾受食客喜愛其中一位朋友喺附近返工，佢話呢度剁椒煲仔飯好出名，我地叫咗個肉餅嘅食剁椒嘅辣度幾勁，肉餅幾鬆同肉味意外地鮮甜，淋上豉油後成個組合好惹味豉椒炒蜆配香煎米粉好食，唔會蜆還蜆汁還汁，蜆肉都幾漲卜卜同甜但最精彩嘅係個煎米粉💪🏻未食過咁好心機煎嘅米粉，酒樓收同樣或更貴價錢都食唔到咁勁有耐性慢慢煎先做到咁脆而又唔燶，雖然唔平但真係值👏🏻👏🏻👏🏻仲要咗個菜，正常發揮員工們都幾熱情，反應好快，上菜速度都幾好，價錢正常水平，食物唔錯，值得一試👏🏻