名人館

Open Now

Now Closed

今次到觀塘名人館品嚐正宗潮式粵菜。餐牌上有好多菜式，價錢有平有貴，樣樣都好想試。今次點了幾道經典菜式,絕對值得一試。首先上菜嘅就係金絲煎蠔餅,外層金黃酥脆,入口口感豐富,裡面的鮮嫩蠔肉都幾鮮味。跟著嘅潮式炸蟹棗,個個外酥內軟,蟹肉鮮甜。仲有韭菜鵝紅煲,濃郁鮮美。蠔仔粥,粥質滑溜,飽滿嘅蠔粒好正。緊接住嚟嘅香茅乾煎大虎蝦,大蝦真材實料，蝦肉QQ彈牙,配襯香濃入味的香茅醬汁,真係暖到心坎裡，食完回味無窮。

原來喺觀塘呢邊都有間坐得舒服主打潮州菜嘅地方，嗰日上到姐姐勁爆nice嘅服務好窩心，知道風口位問我哋坐得o唔ok，見到佢哋對每個入嚟嘅客人都笑容滿分而且有問必答。坐低咗睇咗陣餐牌花多眼亂，最後揀咗休閑二人餐，咩都試吓啱哂選擇困難嘅我哋。首先嚟咗個竹炭脆豆腐，佢外層炸到香脆乾身入面就滑嘟嘟嘅豆腐。之後就上咗個冷盤拼盤，有大大甩鮑魚，海蜇同鴨舌，酒味香濃係一個唔錯嘅開胃前菜跟住見姐姐拎住兩個茶壺原來呢個係功夫湯嚟㗎，我哋兩款湯都試咗，杏汁白肺啲白肺乾淨成啖湯好濃好香，另一款係姫松茸燉雞湯，啖湯望落清清哋一飲香甜雞味好濃，飲完嘴仔癡住癡住嘅膠質感。到咗重點點點啦係滷水拼盤，大大碟面一層係鵝片左右係牛𦟌，吸收哂鹵汁的香仲保留到自身的鮮美口感。跟住到主菜佢哋嘅招牌撈麵，麵身爽口帶少少辣，配埋櫻花蝦同乾蔥啖啖香口好正，原本以為我哋食唔哂都一啖接一啖

上星期同bff食飯 當然要花d心機去揀餐廳🍴bff提議食中餐 所以就揀左一向口碑唔錯嘅名人館係位於觀塘帝盛酒店入面 環境舒適最重要嘅係食物質素唔錯👍🏻 我地叫左個二人餐 🔸香蒜竹炭豆腐竹炭豆腐炸得外脆內嫩👍🏻 外層嘅竹炭炸皮超級脆身香口，內裏嘅豆腐keep到好嫩滑，每人得一件真係唔夠喉呀😂🔸冰鎮鮑魚、海蜇、醉香鴨舌冰鎮鮑魚同鴨舌都散發住啖啖酒香 超級開胃🤤 鮑魚口感彈牙 又夠大隻，再食埋爽口嘅海蜇 超正👍🏻🔸 杏汁燉豬肺湯 / 姬松茸燉雞湯我揀咗杏汁燉豬肺湯 而朋友揀咗姬松茸燉雞湯大家都可以share試吓😊兩款燉湯都超級好味同暖胃👍🏻 杏汁燉豬肺湯 好濃郁嘅杏汁味，一啲腥味都無 好滋潤！而朋友嘅姬松茸燉雞湯，湯色好清澈 但入口好香濃🤤兩碗湯都好足料 好鮮味 我哋都勁鍾意飲👍🏻👍🏻👍🏻🔸滷水鵝肉雙拼雙拼可以選擇拼元蹄、大腸、五香牛展、鵝掌、鵝翼、腩肉、豬頸肉、滋味雞 超多選擇我地揀左拼五香牛展 滷得好入味👍🏻份量超大 鵝肉肉質嫩滑底下仲有少少滷水豆腐 必食😊🔸 米湯杞子浸時蔬我哋當日係食白菜仔 好新鮮鮮甜🥬🔸 招牌撈麵依個撈麵真係有驚喜 微微地辣味好惹味🌶️麵條爽口彈牙 在配上蔥絲、芽菜、

🌟名人館🌟位於觀塘帝盛🕝，以手工潮州菜作為招徠，滷水鵝更加係招牌菜！🪿休閒二人套餐 $688/2位套餐原價$988，平咗$300，抵食！⬛竹炭脆豆腐外脆內水嫩嘅炸豆腐，水準之作！🐚冰鎮南非鮑魚南非鮑魚嘅size都幾大隻，會跟埋wasabi同埋刺身豉油，提升鮮味！👅海蜇拼醉香鴨舌爽口嘅海蜇，仲有滿滿花雕酒香嘅鴨舌，係好醒神嘅冷盤！🍄姫松茸燉雞湯姫松茸嘅香氣真係唔講得笑！燉湯足料又夠滋補！🪿滷水鵝肉雙拼餐廳嘅招牌菜，滷水鵝肉吸收晒滷水汁嘅精華，軟嫩得嚟仲要甘香！雙拼滋味雞同樣嫩滑入味！另可自選拼鵝掌/鵝翼/牛展/元蹄/大腸/豬頸肉/腩肉！🥬米湯杞子浸豆苗米湯濃郁，令豆苗更見可口！🍝招牌撈麵超多櫻花蝦，令成個麵都係蝦嘅鮮味同埋鹹香！

呢餐潮州菜，夠晒地道風味！由頭盤到主食，樣樣都做得出色，最緊要係夠新鮮😍首先金絲煎蠔餅，煎得金黃香脆，蠔仔又夠大隻，咬落去口感豐富，外脆內軟，蠔夠鮮味，完全唔會腥，調味又啱啱好🫰🏻香茅乾煎大虎蝦有驚喜😋兩隻大虎蝦，個size真係好霸氣！蝦肉鮮甜爽口，乾煎嘅方法保留晒蝦嘅原汁原味，加上香茅嘅獨特香氣，好味🤤之後潮式炸蟹棗，份量夠多。炸得金黃酥脆，滿滿蟹肉。韭菜鵝紅煲好惹味。蠔仔粥熱辣辣，蠔仔鮮甜肥美，粥底綿滑，味道鮮美。

最近去咗觀塘的名人館，點咗幾道菜，感覺不錯，分享一下我的體驗。第一道是香蒜竹炭豆腐。豆腐外脆內滑，竹炭的味道不會太重，剛好有點香蒜的香氣，開胃又不油膩，還不錯。然後試咗潮式凍鳥頭。一啖咬下去，肉質好彈牙，搭配的醬汁也挺有味道，真係讓人想再來一份。椒鹽鳥頭皮就更吸引，外脆內嫩，椒鹽的味道剛剛好，吃的時候非常開心，值得推薦，必點之選！醉香乳鴿是我最期待的。鴿肉鮮嫩，酒香味不會太強，適合喜歡這種口味的人。搭配的醬汁也不錯，整體味道和諧。蠔仔粥的米粒煮得恰到好處，蠔仔的鮮味讓粥更有層次，每一口都很好吃，是粥迷的福音。最後是香芒大蝦球脆窩巴。蝦球外脆內嫩，香芒的味道清新，讓整道菜有了不少夏日的感覺。整體來說，觀塘的名人館是一個不錯的選擇，菜式多樣，味道也好。如果有機會，大家可以去試試！

觀塘區想食有質素嘅中菜或者潮州菜，可以黎呢間酒店中菜餐廳試試，裝修得好高雅，非常適合一大班朋友或者親戚朋友嚟聚餐！💫休閒二人套餐💫- 香蒜竹炭豆腐 二件- 冰鎮鮑魚2隻拼海蜇醉香鴨舌4條- （雙拼）滷水鵝肉（鹵水鵝翼）- 杏汁白肺燉湯- 杞子米湯浸菜苗- 招牌撈麵辣二人套餐$688份量真係唔少，三個人都絕對夠晒食！先嚟兩款前菜，竹炭豆腐又脆又嫩滑，口感豐富！冷盤嘅鮑魚鴨舌同埋海蜇，充滿酒香，令人回味無窮！杏汁燉豬肺湯真係超級正！湯料好豐富又清甜，杏仁香氣濃郁，豬肺炆到好軟腍，仲有雞腳同埋螺片一齊煲，飲完成個人暖笠笠！潮州菜之中最鍾意食滷水鵝肉，滷水鵝肉拼鵝翼，仲有滷水滑豆腐墊底，滷水汁唔會太鹹濃度剛剛好，呢盤滷水拼盤已經值回票價！個撈麵都好出色，麵條爽口加上海量的櫻花蝦，令平凡的撈麵口感更豐富！注重健康又點少得米湯杞子浸時蔬，蔬菜鮮嫩鮮甜，可以中和一下肉類嘅油膩感，真不錯！

媽咪鍾意食中菜，我成日都會帶佢黎觀塘酒店既中菜餐廳食晚飯，坐得舒服而且服務又好，見到有個休閒二人餐就啱晒我地.✨休閒二人套餐✨ $688香蒜竹炭豆腐 賣相已經好靚！黑磚豆腐真係好脆，入口保留住豆腐好滑的口感，真係外脆內軟。冰鎮鮑魚拼海蜇醉香鴨舌鮑魚好大隻，充滿酒香，口感好爽彈！仲配埋鴨舌和海蜇，入味好食，呢個前菜一流！滷水鵝肉雙拼呢度潮州菜好出色，一定要試試！份量十足好抵食！雙拼有好多款式選擇，我就揀咗我最鍾意食嘅鵝翼。鵝肉鵝翼肉質嫩滑，夠晒入味！姬松茸螺頭燉竹絲雞 / 杏汁白肺燉湯兩款燉湯好難選擇，所以兩款都要試晒！燉湯非常足料，味道很鮮甜，絕對係秋冬滋補之選！招牌撈麵炒麵賣相都好靚，面層有好多櫻花蝦，麵條爽口彈牙，味道帶微辣好惹味！杞子米湯浸菜苗白菜仔好新鮮，用米湯烹調，更能突出鮮甜味道

觀塘帝盛酒店嘅名人館，係一家主打手工潮州菜嘅中菜廳！設獨立房間，一家大細嚟食飯就啱晒！閒日晚市都爆場，人氣旺盛！休閒二人套餐 $688竹炭脆豆腐豆腐炸到外脆內軟，同時充滿蒜香！冰鎮南非鮑魚｜海蜇｜醉香鴨舌南非鮑魚大大隻富彈性！海蜇爽口開胃！鴨舌酒香怡人！姫松茸燉雞湯燉湯滋潤美味，而且香氣四溢！以功夫茶壺上，勁保溫！滷水鵝肉｜滋味雞名人館嘅招牌滷水鵝，充滿光澤，軟淋可口，滷水汁甘香美味！滋味雞同樣高水準，滑嫩入味！米湯杞子浸時蔬是日時蔬係豆苗，同米湯好夾，杞子甜美！招牌撈麵麵質爽彈，成個麵都係蝦嘅鹹香，加上有少少辣，好惹味！茶水 $15/位｜餐前小食 $18

約咗同事去觀塘食晚飯，由於有啲感冒又唔想食太熱氣嘢。就搵附近有咩中餐食。誤打誤撞嚟咗呢間，食潮州嘢。 諗唔到叫咩食，佢有個二人餐，就試吓。頭盤炭色豆腐，口感都幾得意。佢個皮脆脆地入邊啲豆腐都幾嫩口。凍鮑魚海蜇，個鮑魚都腍厚身。不過個味道比較淡口啲。 ，海蜇就爽口，同埋粗身。杏汁豬肺湯，佢用過小茶壺裝住啲湯。有儀式感😂。湯料都幾重，但湯份量比較少。呢個撈麵好似平平無奇，但出奇地有驚喜。認真好爽彈口。佢上面耍曬好多櫻花蝦，配埋啲面一齊食口感特別。

呢間前身係阿鴻小吃🥢嘅名人館，絕對可以講得上係🚇觀塘區嘅名人飯堂，入面裝修得好🥰高貴典雅，有好多中式元素，啲細節位處理得👍非常仔細，感覺好似置身豪宅餐廳咁。呢度嘅🇨🇳潮州菜質素十分之高，佢哋嘅🤩休閒二人餐只係$688，真係超抵食💰呀！呢個杏汁燉豬肺湯🥣真係一絕！杏仁香氣濃郁，🐖豬肺炆到好軟腍，湯底極之清甜，入面仲有🐓雞腳同埋螺片，飲完真係好滋潤🤤。竹炭脆豆腐係呢度嘅😍名物，豆腐外脆內嫩👏，竹炭外殼超脆令成個豆腐更有層次😋！個餐原本係包🧊冰鎮南非鮑魚，不過咁啱今晚賣曬😅，佢哋就轉咗椒鹽鮑魚，椒鹽好惹味🤩而且上面仲有唔少黑松露醬🍄，鮑魚漬過鹹香鮮味並重，而且咬落超級軟腍🥰，真係十分之好味！海蜇🪼拼醉香鴨舌入面啲海蜇好爽脆，🦆鴨舌醉香撲鼻，兩者配埋一齊食，🤤非常之開胃。滷水鵝肉拼滋味雞🐓份量十足超乎我想像，🪿鵝肉大大片滷得好入味，雞肉嫩滑又滋味，👍最正係個滷水汁有少少藥材味而且唔會太鹹味道好有層次👏，成盤啖啖肉好滿足！招牌🏅撈麵上面有唔少櫻花蝦🦐，麵條爽口彈牙，調味得啱啱好，🥢真係一試難忘。米湯杞子浸時蔬🥬都幾有特色，米湯好清香☺️，杞子增添咗啲自然嘅甜味，😍蔬菜鮮嫩，係非常健康嘅一碟餸。

觀塘酒店一間潮州菜真係好值得追捧，前身 #阿鴻小吃 ，由我細細個係和富道已經開始覺得好食既潮州菜，換左手之後依加改左名叫名人館，食物質素依然保留高水準。兩個人廢時諗食咩就直接叫 #休閒二人餐 $688 ，冇諗過份量超滿足，兩個男人去食都食唔哂，套餐好適合3-4人食！#竹炭脆豆腐算係特別招牌小食，黑色香脆外皮包著內嫩豆腐，每一口都感受到脆同嫩交融！#椒鹽鮑魚重重黑松露鋪滿炸香鮑魚，鮑魚還要非常之易咬，啖啖爽勁。#海蜇拼醉香鴨舌非常開胃冷盤前菜，尤其是海蜇淡淡爽口帶彈性，再加上料理酒既香溢浸滿鴨舌，好吃非常！#杏汁燉豬肺湯 不得不讚嘆呢間餐廳嘅老火湯，非常之濃鬱鮮甜，鮮白色嘅豬肺湯帶滿滿的杏仁味，湯料雞腳、豬肺都仍然保留材料應有味道，推薦！#滷水鵝肉 拼滋味雞意想唔到非常之大份，尤其是我哋雙拼選擇咗滋味雞（即白切雞但浸在香濃滷水汁），最低層仲有鹵水豆腐，最主要滷水滷得入味而且雞肉鵝肉都易咬口，優秀！#杞子米湯浸菜苗一大碟菜以杞子湯浸滿，淡淡香味令菜不單調。#招牌撈麵撈麵麵質非常之乾身及彈牙，再配上一啲秘製香料，撈起嚟都份外好吃！總括而言，呢間餐廳絕對唔會令人失望，尤其是滷水、湯品真的非常推

今日我去咗一間新開嘅食店，試咗幾樣菜式，真係令人驚喜。金絲煎蠔餅外脆內嫩，餅皮金黃香脆，咬一口就能感受到鮮甜嘅蠔肉。每一口都好滿足，配上少少魚露，味道更加惹名人炒飯小辣呢碗炒飯粒粒分明，香氣撲鼻，炒得恰到好處。雖然有少少辣味，但唔會過火，反而增加咗風味。配料新鮮，仲有蛋香名人老火湯 - 合掌瓜排骨湯湯底清甜，排骨煮得非常入味，肉質嫩滑，湯中嘅合掌瓜更添清新感，飲落去非常舒服，湯味道均衡，唔會過於油膩

同化妝師朋友到觀塘工廠區工作, 放工正好係晚飯時間, 所以就順便係附近搵食。最後去咗呢間主打潮州打冷中菜餐廳。餐廳環境闊落, 寧靜舒服, 岩哂同朋友邊食邊閒聊。我地點咗好幾款潮州菜必點嘅菜式:【金絲煎蠔餅】HK$138蠔餅口感非常酥脆, 蠔仔份量多, 每啖入口都食到蠔肉, 鮮香味濃, 食得滿足。【豉油王鵝腸】HK$148鵝腸煮得入味, 鹹甜剛剛好, 口感爽滑, 還有些少芽菜墊底。【蒜蓉龍躉荷葉籠仔蒸飯】HK$208賣相既有份量又吸引, 荷葉上嘅蒸飯加入了蔥蒜、蛋, 輕輕炒過, 粒粒分明, 面層佈滿了龍躉肉, 以些少蒜蓉點驟調味提鮮, 龍躉皮爽肉厚, 整體性價比高。 【清心綠豆爽】HK$28/位綠豆爽熱食暖胃, 綠豆好林, 清心丸帶微微煙靭, 有些少爽脆馬蹄, 整體層次豐富, 味道偏淡, 感覺滋喉。

女女考完試，爸爸帶我哋去食晚飯慶祝下，我哋去完觀塘買小提琴，由係附近揾好嘢食。老公話記得之前同事生日去過觀塘帝盛酒店一樓名人館食飯，食物不錯又坐得舒適。坐低無耐，就有兩位招呼週到嘅待應推介小菜比我哋，由於我女好鍾意食咕嚕肉，就試下個冰鎮咕嚕肉啦，估唔到呢道小菜看似普通，但呢度嘅冰鎮咕嚕肉竟然一反傳統，唔只有菠蘿做搭配，仲有藍莓，士多啤梨，哈密瓜等，又酸又甜好好味。而爸爸就叫左個三葱爆汁牛小排，呢味真係無得頂，牛小排鮮嫩多汁，味道夠濃，加上有少少麻辣味，十分開胃🤤而我，當然要清清地叫左個上湯杞子浸菜芯，杞子好靚好大粒，菜芯又嫩綠又靚，仲好甜😍要值得一讚嘅係佢哋中菜廳嘅服務態度非常友善，對自己的食物好有要求，亦都會問客人攞意見，希望食物質素可以再好啲。計我話，食物質素已經好唔錯了，唯一缺點就係無分店🤣🤣希望呢種咁優質嘅中菜館可以開多幾間分店，我哋啲食家又有多啲選擇😉😉😉