十八座狗仔粉

Open Now

Now Closed

店內位置大概有20多個，墻上貼滿了明星合照，看來狗仔粉的名氣吸引過不少明星光顧。但是大熱天時，店內明顯冷氣不足，風扇也解決不了侷促的問題，個個都大汗搭細汗，看來要專心品嘗美食有一定的難度。人人都推介的辣菜圃，辣度十足，撈在狗仔粉會提味不少，不妨一試。早前外賣過一次大雜燴 (豬皮，蘿蔔，大腸，豬肚)，味道不俗，這次也點了相同的份量。味道卻和以前大不同，大概是醬汁的味道變淡，不夠入味。馳名狗仔粉入口黏糊，粉仔軟糯，但筋道欠奉，配上菜圃調味提鮮，還是不錯的，$20的價錢，足矣飽肚。火鴨髀有分上髀$22，下髀$30，豐儉由人，要食當然要食最好的。味道咸香，肉質結實，咬下去一絲絲的質感，但口感偏鞋，整個鴨髀大大一隻，半隻已經夠喉。

叫左個大狗仔粉，先食一啖，好香蝦米味，啖啖熱辣辣去食，但好正再到重頭戲，落埋辣菜浦。辣菜浦偏辣，食唔到辣者見議落少啲！爽脆菜浦狗埋狗仔粉，由鮮蝦米味變左刺激辣味！越食越過癮！話咁快食完一碗，未夠喉！

好耐都冇食個狗仔粉就去試吓狗仔粉-好多冬菇，冬菇鮮味但狗仔粉太淋，湯底味道都不錯⋯⋯最喜歡佢哋嘅菜譜，尤其是辣味，好正，令我不斷不斷咁加落去火鴨絲碗仔翅-呢個真係有啲失色，同埋價錢唔係好平，只係覺得有普通嘅鴨絲，碗仔翅冇出邊啲碗仔翅咁好食，有待改善

突然好想整碗翅，就想起十八座了，首先黎個細火鴨翅先啦，個翅雖然叫做細，但份量一d都唔"細",鴨肉絲木耳絲好足料呀，加埋辣菜甫是絕配吧！之後仲叫左個細雜燴,先講個汁,甜甜辣辣幾特別, 蘿蔔豬皮豬腸都好林好入味,而個豬肚好有咬口！好味

呢間係旺角同荃灣都有分店，而且好出名嘅18座狗仔粉！佢哋除咗狗仔粉仲有火鴨翅，同埋好多其他嘅小食碗仔翅就食得多，用鴨整嘅火鴨翅就未試過，成個翅有濃郁嘅鴨味，一啲都唔蘇！同埋都落足料，淡淡鴨絲佢哋嘅辣菜譜超級正辣得好過癮！就算唔食辣嘅人都可以食佢嘅菜譜呢個就係佢哋最出名嘅18座狗仔粉，狗仔粉淋左dd，口感差左少少，但味道非常好味

狗仔粉狗仔粉，個名就聽得多，但就未食過，難得黎到緊係試下招牌野火鴨魚肉翅 : 個翅味道好濃好結，用料都好足，食得出鴨本身既鮮甜味，至於魚肉就無咩特別，同本時食到既都一樣馳名狗仔粉 : 粉條既長短岩岩好，個湯底好甜，配料有啲冬菇絲同菜脯粒，食得辣既人，可以試下加勁辣菜脯，辣到勁刺激黑白炸丸 : 4款唔同既丸，黑椒牛丸，香菇貢丸，豬肉丸，墨魚丸，即叫即炸，除左個皮有少少特別之外，四款丸都無咩特別

夜晚11點幾收工去食荃灣狗仔粉，我地坐左一陣睇食咩，之後個男人就大叫「有冇要落單架」，我地見拒甘樣米叫拒黎落單咯，我都講快啲要咩啦，之後我朋友唔食菜脯同蔥，我就話走蔥走菜脯，甘個男人就好唔耐煩，話「我唔理啦全部同妳地走曬拒」但我講漏左要大雜燴，我朋友就講話「我地仲食唔食呢個架」個男人就開始鬧我地「妳喃好咩先叫我啦」我同朋友對望一下（好無奈啊）我地叫左細狗仔粉，翅撈粉，仲有大雜燴，大眾化黎講普通咯，冇話特別好食，又唔係難食既，但個大雜燴個醬就真係頂唔順啦，好有一種藥水味，食左幾次都中伏……我都係做飲食業，我都明白，但妳態度可唔可以唔好甘啊，妳地以為做起個勢就打橫黎啊？做起個市，黎食妳野，要受妳氣？甘唯有唔再黎食咯，仲有啊，啲啊姐平時都係甘鬧人

本人同老公第一次試，叫左1碗招牌火鴨翅加料，馳名狗仔粉，黑白炸丸，鮮味魚皮餃!第一樣感到不快是魚皮餃超難食，個醬改名改得好(千味醬)就係唔知咩味，之後食食下碗火鴨翅有不知明物體在碗內，問店員係什麼來的，不情願回覆是木耳扎住嘅野，就行左去，我只能放低手，唔會有下次光顧

今日同屋企人黎荃灣食下野，之前聽過呢間野，好受歡迎咁，咪入去試下。佢個餐牌講到d野好好味咁，我就叫左魚蛋，大雜燴，狗仔粉，炸墨魚丸，另加豬皮走醬(因為爸爸不吃醬，佢又得將醬分開上)。魚蛋真係辣而且又唔係真係好彈牙，炸墨魚丸大雜燴同d醬都好普通，狗仔粉d味令我好唔開胃，食左幾條唔想食。真係無下次，唔知點解咁出名但咁難食。

呢間十八座狗仔粉應該好多人食過，我見佢成間舖都痴住同明星嘅合照，而且好多荃灣嘅朋友都話好味，所以我都終於要試下佢。叫咗碗狗仔粉同埋辣魚蛋（留意返，我唔係食狗😂）個辣魚蛋就真心辣過dee dee，唔算彈牙，主要係個辣汁辣，而唔係本身嘅魚蛋味。食到我鼻涕都流哂，要hi走佢面頭啲醬先食到😳至於個狗仔粉我就幾鐘意，佢嘅粉條食落去唔會好多面粉，咬落細細條幾好味，最緊要係啲菜脯好香，少少辣，係幾match架喎！佢個肉湯都幾正，夠鮮味，雖然你會feel到係有啲味精重，但試問出街食野邊度冇味精，飲返多啲水咪得😂😂😂最緊要好味😛💦平平地一個人食碗細嘅，味道唔錯又飽肚，一支公嘅時候推介！

狗仔粉是1950年代至1960年代於香港出現的一種街頭小吃，以粘米製成，麵條形狀與狗的尾巴相似，並製作成粉麵販售。雖然狗仔粉在香港一直被認為是一種低下階層的食品，其命名也難登大雅之堂，但著名的飲食雜誌米芝蓮指南，卻把這種香港粉麵收錄為推介食品。好！係時候講返碗狗仔粉，普通啦無咩特別，唔覺好食又一定唔難食，就係廢話一句：普通啦😂😂可能係因為我食左2次都係微暖唔熱既關係啦，大減分！食狗仔粉，一定要熱騰騰！同埋啲粉太工整，表達唔到狗仔粉既懷舊味道😞我鐘意堂食多過外賣，因為可以喪加菜脯😆菜脯是最棒棒的！🎉我好鐘意食辣菜脯，是有點辣啦，但愈辣愈愛吃，雖然一辣鼻水就不停流😂至於呢碗咁少辣菜脯既，就肯定唔係我食架啦，我會落勁多辣菜脯，直到我就快辣死為止😎老實說，是失望了。作為最應該熱辣辣上枱享用既火鴨翅、狗仔粉，竟然是只得微暖，一點熱氣騰騰的感覺也沒有，頓時食慾減半，期待之心破碎💔已食了2次，2次印象也這樣，尤其是額外叫的下鴨脾真是想不到原來如此的細隻呢，發育不良的可憐鴨，好失望原本是對招牌火鴨翅寄予厚望的，感覺上材料也不算少，聞下去也有好香火鴨味，但嗅還嗅，食還食，吃下去就覺普通了，可能因為食物不

今日第一餐唔想食咁HEAVY所以食小小-->小食只係想...嗌左個魚蛋我諗其實間間都唔同架D辣既程度元朗果間辣到痴線...SSP果間接受到荃灣呢間帶甜架..我都唔知點解...但魚蛋依然彈牙...之後再嗌火鴨翅嗯...好失望隻鴨脾....冇味架..唔知咩事...唔咸但又唔淡...好似用白水煮咁樣之後個翅>>我係食到同見到都有好多料係到....但又係冇味...呆...完全同元朗,SSP果間係2個分別黎...><

好鍾意食粉仔，所以去年佐敦十八座入選為「米芝蓮街頭小食店」，就一直心思思想試。今日路經荃灣海壩街，本來想去雄記整碗春卷河，赫然發現旁邊有十八座，於是二話不說轉軚。膽梗係馳名狗仔粉，大碗$27，細碗$20，我叫咗大碗，朋友叫咗細碗，碗粉一到我就起筷，到朋友提我要影相，我已經食咗好幾啖，所以以下呢張相，係朋友嗰碗：講返轉頭，碗粉一到，我一望，就知它只是而家坊間好流行的烏冬扮粉仔，而唔係廣州傳統用粘米粉與米飯搓均，再用筲箕「瀨」入熱水煮的粉仔，質感根本完全不同！湯底比較深色，亦沒有傳統粉仔那股香味，衰啲講其實似車仔麵湯，複雜，鹹，但問我究竟係咩味，實在講唔出。聽見我開口埋口「傳統粉仔」，各位可能覺得我好煩，咁堅持傳統口味，自己整啦笨，返廣州食吖笨！我唔係唔接受新口味的食品，我只係覺得，你叫得自己做「狗仔粉」，顧客就有合理期望，等如你叫豉油皇炒麵，師傅用意大利粉加豉油炒碟麵出來，可能都唔難食，但怪囉，同你預期落差好大囉。細雜$23，有四味餸，點睛係個千味醬，有點沙茶味，又有點沙嗲味，入口香到撲鼻，但又唔會一味死辣，好正！唯一缺點是這味醬油份好重，之後追加的魚皮餃，油份掛晒上餃皮面，好誇張，好似

與老友吃完車仔麵，意猶未盡，經過十八座狗仔粉，就被吸引著，原來店內都有好多坐位，可以舒舒服服服吃一下街頭小吃 細粉仔 ($20)， 加了菜甫真是太惹味了 細鴨肉碗仔翅 ($20)，鴨肉都煮茸了。但我都是比較喜歡傳統的碗仔翅，可以加點紅醋吊吓味，我太愛呷醋了！ 細燒賣 ($10) 及細魚皮餃 ($10)，端出來都是熱得燙咀的，亦彈牙。不得不讚這些醬汁，少少辣，滋味無窮

鋪頭都算細 座得好逼 不過都係諗住平靚正 所以冇所謂啦d野食都算黎得快 得一個呀姐做野算係咁 呢間既火鴨翅真係一試愛上 好香既鴨味 d料好足 好多木耳絲 假翅同埋鴨絲 好濃味 好似飲緊湯咁 呢隻係大碗 我覺得食細碗唔夠皮😂😂