劉興記生煎包專門店

Open Now

Now Closed

好友約我去位於上環永樂街139號地舖的《劉興記生煎包專門店》食生煎包，環境舒適，坐得舒服。我地點左2個招牌午市套餐：🥢招牌炸豬扒菜飯+原味生煎包（1隻），配豆漿 $54豬扒炸得金黃酥脆，菜飯好食。面頭黑芝麻就係原味生煎包，它爆汁好味；豆漿味濃好飲（可添飲）。🥢招牌炸雞扒拌麵+原味生煎包（1隻），配豆漿 $54雞扒都係炸得外皮香脆可口，雞肉嫩滑，拌麵軟硬適中有咬口。🥢原味上海小籠包（四隻）$40熱辣辣小籠包，餡料豐富入味，湯汁飽滿。🥢蟹黃生煎包（1隻）$20面頭白芝麻就係蟹黃生煎包，它面頭鬆軟，底部金黃脆口，餡料蟹黃味香濃，食落好滋味。

蟹黃生煎包第一次見，第一次食，去到剩返一粒好好彩可以食到。包入面嘅蟹黃濃郁，咬開就有湯汁流出，味道鮮美令人驚喜。外皮煎至金黃脆口，底部焦香，口感豐富。瀨尿蝦生煎包新品推出，用咗新鮮瀨尿蝦，有原粒喺入邊，味道鮮甜，蝦肉彈牙，餡料豐富，湯汁偏少，外皮酥脆，有層次感。酥炸小雲吞有成12粒，外層炸得金黃酥脆，夠薄身，且唔油膩，裡面餡料肉香濃郁，唔算好多，半半比例。上海小籠包即叫即整，需要等候一段時間，皮薄肉嫩，湯汁多，肉汁流出，味道清新，唔會過鹹，配上醋可令整體味道更加突出，食完一籠都唔夠。

喺Instagram 見到有人post 呢間連鎖店，決定去試吓，去到文咸街分店太多人，而且舖入面大部分都係bar 枱，所以轉場去永樂街分店。Order咗蟹黃拌麵，蟹粉小籠包，招牌生煎包。食小籠包同生煎包時，裏面嘅汁只係暖，當時只有我地一枱，應該唔存在趕時間出餐。同埋消費滿$60有免費任飲豆漿，飲完一小杯後叫refill，遲遲都冇加，到埋單走人都冇俾。仲有枱入面嘅櫃桶乜嘢食具都冇，只有枱面嘅筷子桶。整體感覺失望！

我想同你一齊食…平靚正上海風味生煎包 小籠包朝聖人氣爆燈嘅劉興記👀聽聞係招牌上海菜！上海排骨湯麵＋生煎包 $64真係抵食，排骨炸得金黃酥脆，肉質鬆化唔乾柴，湯底清甜，配埋隻爆汁生煎包，一啖咬落去肉汁四濺皮薄餡多，正蔥油雞扒菜飯 $54雞扒煎得香口，蔥油香噴噴，菜飯夠晒地道上海風味。跟餐生煎包，$54有齊主食同生煎包加豆漿，性價比高！原味上海小籠包 $40/4隻皮薄到透光，湯汁鮮甜，豬肉餡夠晒彈牙。跟餐可揀凍豆漿，甜度適中，解膩一流。整體嚟講，劉興記價錢親民，食物質素高，特別係生煎包真係必試！雖然舖面細細，但服務又快，絕對係街坊良心小店！下次要試埋佢哋嘅蔥油拌麵先得～📍溫馨提示：午市勁多人，建議提早到，避開12:30-1:30呢段時間啊！劉興記生煎包專門店📍香港上環永樂街139號地舖#上環美食 #上環抵食 #中環美食 #中環抵食#上環上海菜 #中環上海菜 #中環小籠包 #劉興記生煎包#永樂街

味道好有驚喜，服務態度都好好👍🏻————————————————————💛 蟹黃生煎包（2隻）---呢到嘅生煎包係招牌菜，必點🌟咬落真係超級爆汁，熱辣辣超好食～入面蟹黃好足料，蟹肉鮮甜又多蟹膏🦀外面個皮煎得夠香脆，口感都好得～————————————————————💛 排骨蔥油拌麵---呢道都係推薦菜，惹味之選🌟酥炸排骨炸得香脆，肉夠嫩配好夠蔥油香嘅蔥油拌麵食好正～————————————————————💛 鮮雞湯小雲吞（12粒）---小雲吞皮薄餡靚，又係足料嘅😙鮮雞湯唔會淡而無味，反而幾清甜～————————————————————💛 手功豆沙窩餅（件）---呢道甜點都有驚喜到我！外脆內軟，口感好抵讚！外皮煎得好有層次感，夠脆口😋豆沙餡綿密，整體值得點！————————————————————💛 （凍）低糖豆漿---連豆漿都係非常出色！仲要係可以無限任添，好抵飲！豆味好濃，飲落夠滑，想係咁添飲！————————————————————

又同同事周圍搵野食，經過見到生煎包好多人就試下。招牌生煎包生煎包入面好多湯汁，熱辣辣小心爆汁，肉餡都好多配上微微焦的包，好香口。秘製上海炸排骨見到好多人都叫炸排骨就試下，外皮唔會太厚，豬肉肥瘦適中，配湯面或者湯會更好，無咁熱氣。雞絲酸辣湯酸辣湯有雞絲，木耳，冬菇，筍。我覺得生煎包配劇酸辣湯好夾，酸酸辣辣的酸辣湯可以解生煎包同豬排的油膩感。麻醬青瓜雞絲冷麵呢個亦都係清爽之選，夏天熱熱地好岩食，仲可以另外配汁，可以自己決定口味，份量都唔少。仲有豆漿任飲，一個人食lunch都好適合。

黎劉興記一定要食佢嘅爆汁生煎包！！！🧡【招牌生煎包（6隻）】（$50）好味指數：⭐️⭐️⭐️⭐️⭐️真！係！好！好！食！！！！！！送到上黎熱辣辣！！！包底煎到好脆口！！！！一口爆汁好Juicy😋真係好好食🥹💯因為真係新鮮熱辣辣！所以食嘅時候都要小心唔好辣親😜🧡【麻醬青瓜雞絲粉皮+生煎包（1隻）】（$54）好味指數：⭐️⭐️⭐️⭐️⭐️大大碗好足料！粉皮好爽滑🤤撈埋凍食好fresh🥰🧡【生炸雞扒湯麵】（$42）好味指數：⭐️⭐️⭐️⭐️炸得香脆！肉質嫩滑😍🧡【酥炸小雲吞（12隻）】（$35）好味指數：⭐️⭐️⭐️炸得鬆脆🥹夾埋入面蝦肉一齊食有兩個層次嘅口感👍🏻👍🏻

今日喺上環放工見到有間餐廳，叫劉興記主打上海菜生煎包🥐之前喺沙田食過一次而上環呢間有點唔同就係可以掃QR code 落單✨招牌上海排骨湯麵 + 生煎包一隻🍖🍜排骨係新鮮炸出來🔥🍖食落香脆可口啖啖肉👍🏻湯麵湯底唔鹹👍🏻有落麻油同埋乾蒜調味飲落都幾香口麵亦好大碗🍜一個男人食就剛剛好麵條易夾又唔易斷生煎包咬落皮脆香口食落真係會爆汁💦💦生煎包個底煎到好脆🔥皮薄又多汁，而且肉味濃郁👍🏻得一個又真係唔夠喉✨低糖豆漿🥛豆漿飲落微甜，而且係可以無限任飲🤟🏻🤟🏻同店員講就有得refill餐廳舖面唔算大但都坐得好舒服👍🏻店員對食客好有笑容👍🏻👍🏻餐廳內部通風亦好充足食碗熱辣辦嘅麵都冇流過汗最鐘意佢個煎到好似餅乾咁脆口嘅生煎包🤟🏻會繼續幫襯

約咗朋友嚟上環交收，順便一起吃頓午餐。友人愛吃生煎包，所以特意選了這間人氣爆燈嘅「劉興記」。餐廳主打上海美食，除咗招牌生煎包、小籠包外，仲有湯麵、菜飯及涼拌、小食等供應，選擇夠多，價錢又親民，所以都好受附近嘅上班族同街坊歡迎。點咗招牌生煎包、原味上海小籠包、麻醬青瓜雞絲粉皮 同 生炸雞扒湯麵。生煎包皮薄餡豐，入面嘅豬肉餡非常鬆化，肉質鮮嫩又 juicy，包底煎到金黃焦脆，配上濕潤煙韌嘅包身，啖啖滋味。小籠包水準亦唔錯，外皮厚薄適中，肉餡用新鮮豬肉炮製，食落鮮甜又有油脂香，加上滿滿嘅湯汁，美味可口。雞絲相當滑溜，粉皮晶瑩剔透，青瓜翠綠清爽，撈埋啲麻醬一齊食，好醒胃。雞扒即叫即炸，外皮薄脆，雞肉嫩滑；上海麵煮得啱啱好，麵條爽滑，同湯底好夾。餐廳而家做緊優惠，惠顧任何套餐 or 食滿 $60 或以上，就可以任飲豆漿，豆漿好有豆味，入口唔會太甜，味道剛好。

今日在劉興記門口排了15分鐘，剛等到有張4人檯離開，我正準備上前，座位已被兩位女仕坐了。這兩女仕是比我們遲來的，但她不理會門口排隊的客人，就直入舖在內等....我便跟店員說：唔該！係我地來先...冇理我....再有兩位男仕入店，我再跟這兩位男仕說：係我來先....最攪笑事情，該男仕回應我地同老板訂了位....我心想！原來劉興記有得訂位..

最近去開上環 天氣好凍想食熱野 又去劉興記生煎包專門店食上海菜酥炸小雲吞 （12隻）每一隻雲吞外層金黃酥脆 內餡鮮嫩多汁 細細件 每一隻都係可以食幾啖就食晒既份量😍正麻醬青瓜絲粉皮麻醬香濃 青瓜絲爽脆 粉皮滑嫩 味道均衡高湯上海麵湯底鮮美 麵條彈牙有嚼勁 招牌生煎包係呢到既招牌菜呀 皮薄餡多 底部煎得焦脆 係到見個個人都會至少叫一份午市套餐上海排骨菜飯配上生煎包和凍豆漿上海排骨外脆內嫩滑 菜飯香 凍豆漿係任添 仲要免費 抵到爆手功豆沙窩餅這款甜品外酥內軟 豆沙餡料綿密細膩 甜而不膩提提大家真係要早d去呀 今次想食埋小龍包 但已經賣晒試唔到

原味生煎包個底係煎到好脆, 味道係好食,不過食完兩隻之後已經好口渴, 叫咗個蔥油豬扒伴麵都食唔晒, 豬扒炸得好平均, 香口, 但係豬扒好肥, 適合鐘意食肥豬扒嘅人🙂蔥油拌麵味道適中麵質都係我鍾意嘅, 好可惜味精濃厚嘅生煎包已經令到我食唔完碗麵！三個鐘之後嘅表示仲係好口渴!而家堂食做緊promotion叫套餐或叫$60+以上野食仲送free flow 豆漿(冇糖, 凍嘅, 好飲) 不過唔知promotion 會做到幾耐! 如果唔怕味精嘅, 可以一試!

今天的午餐簡左位於上環的劉興記，呢間家餐廳出名食上海小吃😍招牌生煎包（2隻）生煎包的皮薄而且煎到酥脆，咬下去時，內裡的湯汁瞬間流出，豬肉餡鮮嫩多汁，搭配少許醋，味道層次豐富蟹粉小籠包（4隻）小籠包是係即叫即蒸，皮薄透亮，可以從外面睇到入面既湯汁，蟹粉味道都算好出麻醬手撕雞絲冷麵冷麵既麻醬醇厚，搭配清爽的手撕雞絲同埋青瓜，味道清新🤤秘製上海炸排骨排骨外皮酥脆，內裡肉質鮮嫩，搭配特製的醬汁，口感相當出色。這道菜既調味恰到好處，唔過於油膩而用餐滿60元就可以得到一杯豆漿，豆漿的口感滑順，飲完仲可以叫店添加

上環永樂街嘅劉興記真係好正！如果你想食啲地道又好味嘅上海小食，呢度真係唔可以錯過。🍜蟹黃生煎包真係一流！包皮薄厚適中，咬落去就有蟹黃嘅鮮味爆出來，口感超級滑。😍跟住係雞絲酸辣湯加生煎包，呢個組合真係完美！酸辣湯好夠味，雞絲嫩滑，配埋生煎包，真係食到停唔到！🍲最後，上海排骨湯麵都好好味，排骨軟腍，湯底清甜，麵條吸收咗湯汁，真係一啖接一啖食。🍜整體嚟講，劉興記嘅食物質素高，加上服務友善，真係值得一試！

新年將至，來到上環辦年貨，試了這家生煎包專門店，店面不算大，約有二十個座位，每枱貼有QRcode自助下單，很方便。蟹黃生煎包 2隻 店家以招牌爆汁生煎包最為受歡迎，我哋就點了蟹黃版本，生煎包皮脆肉熱上海小籠包 即點即製，約等十數分鐘，新鮮出籠，滿滿湯汁排骨蔥油拌麵 酥脆排骨，既香口又不會太乾，不錯！手工豆沙窩餅 很久沒有吃過，難得遇到便想吃，餅皮煎得脆口，豆沙甜度適中豆漿 堂食套餐或單點滿$60就送豆漿一杯，無限添飲，這家豆漿是低糖的，豆味濃厚