劉興記生煎包專門店

Open Now

Now Closed

劉興記開到嚟上環點可以唔試吓佢‼️ lunch比我想像中冇咁多人 勁驚要排長龍😂🦖超驚喜竟然有豆漿任飲 試左佢嘅豆漿勁好飲💯‼️❣️皇牌SI：招牌上海排骨菜飯＋生煎包一隻 $54呢個價錢真係橫睇掂睇都咁平🤪 以為佢咁出名會貴少少🥹 本身以為佢嘅排骨係滷排骨 原來係炸嘅😆 份量超大 我係完全食唔晒打包第二餐🙂‍↕️排骨好厚唔會好韌 亦都唔係加咗鬆肉粉嗰隻假🐖 睇住佢即刻炸食嘅時候可以加啲醬汁更惹味✅好耐冇食過菜飯啦🥬 都係要攝取下啲蔬菜😂 煙靭嘅飯盒中間食到爽脆清甜嘅清江菜係唔錯👍🏻仲要搭咗隻生煎包真係勁飽肚😂 爆汁嘅程度極高要好小心食💦 好高質真係超級平民嘅 comfort food🦫🥰 肉汁好濃郁🐖❣️皇牌 S2 ：蔥油雞扒拌麵＋生煎包一隻 $54+10加$10轉咗拌麵 但覺得菜飯更出色‼️ 蔥油雞扒原來都係炸 超級大份幾滑🐓 拌麵好夠味 但又唔係好鹹~面嘅質地出色 超級煙靭 好似沾麵咁♨️加埋粒生煎包真係幾肚餓都食得飽😂❣️豆漿任飲係嗌滿$60或者套餐就有得任飲 cls💯 豆漿第二道冇飲過呢隻味 豆味濃又唔會太甜 又夠滑冇渣👍🏻 夠膽講係飲過最好飲嘅豆漿🥹 我應該有一半都係豆漿飲飽😂

蟹黃生煎包（2隻） $38生煎包真係好出色‼️‼️一咬即刻噴汁，肉汁多到你唔信🤣 仲要加埋蟹黃🥰味道更加濃郁同埋好鮮，都幾值得一試！S1上海排骨湯麵+生煎包（1隻）配豆漿 $64佢套餐有一個主食，一隻生煎包加一杯豆漿都幾好，佢豆漿仲可以無限添飲👍🏻原本係菜飯但可以加錢轉湯麵，排骨我覺得炸得幾好食，肉質唔會鞋啱啱好，不過有少少睇彩數，因為有啲位置連住啲脂肪或者筋位就會好硬😂😅S3 麻醬手撕雞絲粉皮+生煎包（1隻）配豆漿 $54粉皮都滑嘅，但係我嫌佢唔夠味😹整體會推薦排骨飯多啲🙌🏻手功豆沙窩餅 $28$28就食到都幾抵食👍🏻👍🏻份量幾多，個餅皮唔會太厚，豆沙餡份量都OK又唔會太甜👍🏻下次再食都會encore😋

喺上環同朋友食晏，竟然見到呢度都有劉興記分店，午飯時間仲有王牌套餐，唔使$60 ！睇真啲餐牌，仲要豆漿無限添加！超抵！生煎包有分招牌生煎包，同埋蟹黃生煎包。兩款都超級爆汁！咬一小啖，飲減少少汁，咁就夠晒安全蟹黃生煎包，蟹粉味勁香！蔥油豬扒飯，係炸豬扒，上面有少少乾蔥菜飯走嘅路線係比較清新簡約，冇乜調味或者油，感覺清新健康無限添加嘅豆漿，豆味幾香濃，幾好飲午飯時間黎到，座無虛席，所以要預留少少時間等位，或者外賣自取，夠晒經濟實惠嘅選擇

再訪劉興記生煎包，上次食過對佢哋嘅生煎包念念不忘，今日同奴才爸去第二間分店試吓🤭佢哋嘅生煎包同埋蔥油拌麵，真係好正！首先講下生煎包，當服務員上枱時，都會提醒要小心啲，因為包裡面好多湯汁，真係一咬下去就爆汁！🤩呢啲生煎包嘅皮薄到不得了，咬落去口感特別好，底部仲煎到脆卜卜，簡直係一流🤤每一口都可以感受到佢裏面的湯汁，滿足到不得了，根本停唔到口😋🤭上次食過蟹黃生煎包🦀超正，今次叫夠四個，真係好過癮！同普通生煎包一樣咁多湯汁，加上濃濃嘅蟹黃味，咬開時唔單止有湯汁流出，仲有豐富嘅蟹黃，絕對係蟹蟹愛好者嘅福音😍而且一個只係$18，真係唔貴，感覺好抵食！🤤上次食過好食，今次奴才爸話要再叫蔥油拌麵，麵條保持住一種彈牙的口感。上面淋上咗啲香噴噴嘅蔥油，每一口都好香，蔥香味十足，令人食得津津有味！蔥油拌麵嘅醬汁唔會太油膩，食完之後唔會覺得厚重，反而令人胃口大開，真係可以話係一個好簡單但又好美味嘅選擇！ 🤑 人均消費：～$80🤩 推薦指數：9 / 10📍 餐廳資料：劉興記生煎包專門店 (上環)上環永樂街139號地舖☆.。.:*・°☆.。.:*・°☆.。.:*・°☆.。.:*喜歡我的食評請Like & Fol

今日lunch 諗唔到食咩，決定食d輕d既野食。揀左間生煎包。先試左佢哋迷你雞絲酸辣湯，d酸辣好清爽，而d雞絲又超級鮮嫩，喝落去好鬼過癮。跟住試左生煎包，金黃酥脆的外皮包裹住好鬼多汁又香嫩既內餡，每一淡都係好滿既滿足感。葱油拌麵簡單得黎又唔簡單，麵條又爽又彈又正，再搭配埋葱油既香氣，入口令人簡正回味無窮。最後試左炸醬拌麵，而d醬汁鮮香又入味，再加上有有口感既麵條，直頭令人欲罷不能。食完之後已經好飽。

一開始俾佢吸引到嘅就係堂食豆漿任飲，仲要價錢唔係貴$54就可以有個午餐仲有任飲豆漿 。種類嚟講都算係幾多，今日同同事就揀咗招牌上海排骨拌麵＋生煎包1隻，蔥油雞扒菜飯＋生煎包1隻 。同埋另外再叫咗小籠包 。拌麵同埋菜飯嘅份量勁大份，中午時段如果大食嘅話唔使驚唔夠食 。另外就係最令人吸引係生煎包小籠包同埋豆漿啊！！生煎包咬嘅時候真係要小心因為真係會唔小心噴到對面，但係講緊肉汁嚟講真係叫做好多。個人覺得超級值得推薦。另外就係再叫咗小籠包，小籠包真係個個都好多汁， size真係一啖一粒好正。豆漿嘅話個人覺得如果唔鍾意飲好甜，就可以揀佢啦，本身冇留意到寫住低糖豆漿，點知飲落去真係低糖豆漿先發現原來個牌已經寫咗。個人嚟講唔鍾意咁甜就非常之啱啦，豆漿嚟講超級濃味，值得加分 。

最新上環見到有主打爆汁生煎包嘅劉興記，晏晝經過所以同朋友去試吓。食物種類都幾多，除左包仲有各種上海麵食同小食，亦有套餐可供選擇，套餐有一款肉、一件生煎包、飯或者麵、飲品豆漿。生煎包包底煎得香脆，一咬立即湧出唔少湯汁，連埋豬肉一齊食好正！雞扒蔥油拌麵嘅味道比較簡樸，如果多啲蔥就更好，至於雞扒炸粉好薄，炸到好脆身。朋友叫咗另一個套餐，揀咗豬扒菜飯，豬扒都炸到相當之軟腍，而菜飯粒粒分明，都係一個唔錯嘅選擇。另外仲叫咗小籠包，值得一讚係個皮完全冇穿，咬落去勁多湯汁👍🏻套餐包豆漿，充滿豆香味，亦唔會過甜。價錢幾親民，難怪咁多街坊幫襯啦！

🍱餐廳：劉興記生煎包專門店 (上環)🍽️類別：中餐💯回頭率：8/10大力推薦店鋪的山煎包，底層煎至金黃色，口感十分香脆，裡面的湯汁挺香濃，看起來相當飽滿，而家味道清甜鮮香。小編最喜歡的是蟹粉山煎包和原味山煎包，價錢方面亦頗實惠，$45有6件。擔擔麵的味道亦有驚喜，濃郁的湯頭充滿啖啖花生香氣，麵條口感軟彈，好有口感，而且只需$42。小籠包亦不過不失，裡面的湯汁熱騰騰的，咬下去爆汁好滿足。😍整體評分 味道：🌟🌟🌟🌟🌟性價比：🌟🌟🌟🌟環境：🌟🌟🌟服務態度：🌟🌟🌟🌟

由荃灣做到出名嘅劉興記生煎包，而家喺上環都有得食😋 午餐嚟食有套餐($50+)，性價比好高，今日點咗炸豬扒菜飯仲有隻生煎包👍🏻生煎包個皮煎到好脆，入邊啲湯爆汁，新鮮出爐果然最新鮮 ，不過記住食嘅時候要額外小心💯再貪心咗蟹粉生煎包，好少見到係蟹粉肉嘅餡料，入邊有滿滿嘅蟹肉，食落去又額外一份嘅海鮮鮮甜，配上傳統嘅豬肉一齊食都好好味😌主食方便有炸雞扒或者炸豬扒同配上菜飯或者上海麵，呢啲都唔少人鍾意嘅選擇☺️ 今日食咗個炸豬扒新鮮炸起同大大份，食得好滿足中午時間比較繁忙，服務嘅姐姐忙過不停又能夠keep住良好嘅服務態度，十分之欣賞🫶🏻如果想慢慢嘆返一隻新鮮嘅生煎包又唔想同人迫的話，就建議過咗中午時段嚟食就比較好👍🏻

劉興記生煎包專門店 地址: 上環永樂街139號地舖===================== 攞有多間分店的生煎包專門店，上環區都有兩間舖，今日去食lunch 都好多人，勁多外賣，不過外賣拎回去會影響口感溫度，還是等堂食吧！中午有套餐必食生煎包是要了6隻（$45 煎到單邊金黃脆身，餡肉多熱湯汁爆出，新鮮熱辣辣好好食，咬開一小角再倒入醋。$22 炸雞扒來豐富一下餐點，卜了粉炸至金黃$8 加杯低糖豆漿,perfect !

餐廳：劉興記生煎包專門店地點：上環菜式：上海菜餐牌：皇牌推介、健康菜飯類、湯麵類、拌麵類、蟹粉類、小食類、涼拌類、餅類、飲品，都有人氣熱賣皇牌套餐。落單掃QR code。人氣熱賣皇牌套餐可以選擇唔同配搭加唔同數量生煎包。麻醬手撕雞絲粉皮 + 生煎包2隻 $54生煎包生煎包熱辣辣上枱！一咬入去就爆汁，而個湯唔會太油，啲肉都鮮，份量唔少。個底好脆，面頭灑上蔥花同黑芝麻粒。可以加枱上面黑醋食，更好味又可降溫。麻醬手撕雞絲粉皮麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，灑上白芝麻粒。叫左麻醬另上，自己加最好。迷你雞絲酸辣湯 + 生煎包6隻 $59迷你雞絲酸辣湯果然迷你，大概飯碗份量，不過都好多料。除咗雞絲，仲有冬菇，黑木耳，豆腐粒，味道酸酸辣辣，唔錯。皇牌套餐奉送豆漿一杯。豆漿用茶杯裝，係凍嘅，都幾好飲。雞絲酸辣湯小雲吞 $36雞絲酸辣湯小雲吞就係正常大碗size，小雲吞6粒，塊皮又薄又滑，都唔算太細，質素唔錯。袐製上海炸排骨 $22袐製上海炸排骨一開6件，炸得外脆內嫩，一級棒。手工豆沙窩餅 $28手工豆沙窩餅一件切開八小件易入口，皮脆唔太油，如果再多啲豆沙餡就正啦

食物只係得生煎包好食啲，個皮脆但好厚，上海排骨原來係炸豬扒嚟，菜飯同雞絲粉皮一啲都唔好食，豆漿好細杯，餐具同碗碟有啲污糟，而且環境都坐得唔係咁舒服，試過一次都唔會再去。

同朋友一齊嚟咗呢間生煎包專門店諗住簡單快脆食個晚餐🤣呢度有幾款「人氣熱賣皇牌套餐」，揀咗 $59「迷你雞絲酸辣湯＋生煎包6隻」，套餐包「豆漿一杯」😋「招牌生煎包6隻」全部都爆汁🤣，一咬落去唔止爆到成口都係汁，仲爆到連張枱都有，真係控制唔到🤣「迷你雞絲酸辣湯」：酸酸哋辣辣哋🤣「低糖豆漿（凍）」：唔係好甜😋$42「排骨蔥油拌麵」：排骨幾香口😋；「拌麵」叫咗「少汁少油」，不過都已經好夠味🤣$28「百步香蔥油餅（件）」：「蔥油餅」都係幾香口😋$30「鮮雞湯小雲吞（12粒）」：細細粒一啖一粒，容易食😋

今日就食下平民版既米芝蓮🤩上環永樂街呢間分店係新鋪，鋪頭細細但係都幾好坐！食物點評✍🏻✍🏻✍🏻麻醬手撕雞粉皮套餐$54（跟生煎包*2豆漿*1）一大碗手撕雞粉皮，粉皮煙煙韌韌，將粉皮同手撕雞用麻醬撈勻，仲有啲青瓜絲，咸香味十足，岩晒夏天食，夠清新🤓生煎包生煎做到外脆內軟，包底煎到好脆，一咬開就爆汁，係熱辣辣既湯汁，肉餡都好香，一個餐包佐兩隻，超級抵食😍秘製上海炸排骨呢個真係秘製，好惹味，炸到外脆內軟，排骨肉質柔嫩，勁香口，絕對會食唔停口呀🤩鮮雞湯小雲吞小雲吞有12粒，皮薄餡靚，雞湯香濃，唔會好咸，岩晒健康人士呀😚豆漿呢個都真係要特別講一講，豆味超濃，真係有啲豆渣咁，真材實料😎

上環食飯時間等10-15分鐘係OK正常既。不過係咪堂食就可免則免：第一：午時炒檔樓面得一個人做哂所有野，個伙記都做到黑口黑面搵客人出氣第二：店舖位置唔大，亦好迫，重點係冇冷氣。天氣咁熱，坐係店入面熱過係街，好焗。食物漏單前後等左半個鐘先上得齊， 無奈。食物份量以$5X令蚊來講 OK 既生煎包真係多汁好食不過店舖同人手就真係好趕客