全記點心專門店 (Closed)

見到附近開左間新的點心店，打算入去試，餐廳唔算大，但座位坐落都好舒適， 一入到去，侍應就拎左杯茶比我地。杯茶雖然唔係傳統飲茶的小杯子，又無茶壺，不過咁樣勝在張桌有更多空間可以放食物。佢係用陸羽茶包，茶好香，唔會太濃唔會搶左食物的味道。侍應亦都好熱心咁主動幫我地添茶。 因為太肚餓的關係，一開始就已經叫左個鳳爪排骨飯同埋菜乾豬骨粥。 鳳爪排骨飯 個飯好快就送到，熱辣辣，排骨少少肥多多肉，肉質唔老，整個飯又唔會太咸。份量又唔會太多，仲有空間可以食到其他點心。叉燒腸 剛剛蒸起，腸粉最緊要係要香口嫩滑，皮的厚到適中，咬落去唔會一舊舊粉咁。唔錯的 菜乾豬骨粥 比我想像中大碗好多，個粥軟綿、足料。奶皇包奶皇包是流心的，所以食既時候，一定要小心，否則燙到口就唔好啦。燒賣 十分足料 蝦餃 新鮮即蒸，皮算簿，夾起唔會散哂跌哂d蝦出來是重點，要讚。黑松露芝士灌湯餃就咁聽個名都覺得好fusion ，個湯餃好大個，一打開芝士湯汁爆哂出來，同出名既灌湯餃真係好唔同。食起係同個湯餃異常地夾，而且份量及用料十足。不過如果一個食哂整個會有少少膩。兩個人食就剛剛好。 總結每款點心都唔錯，係水準之作，感覺比酒樓點心乾淨好多

環境不錯, 都幾多卡位, 而且係sofa, 坐得舒服, 枱同枱之間空間夠, 唔會逼. 餐具有d 污漬, 價錢尚算合理, 一籠10 幾至20 幾蚊. 茶葉既選擇比較少, 只得普洱同鐵觀音, 而且係茶包, 一人一個, 味道唔夠濃. 試左廚師推介既黑松露野菌餃同黑松露鳳眼餃, 味道不俗, 幾有創意, 值得一試. 流沙奶皇煎堆仔應該係即整或反炸, 食落口d 芝麻炸得好香, 個皮亦夠Q. 我同朋友仲點左蝦餃, 馬拉糕, 蘿蔔糕, 咸水角等. 味道都ok. 唯素布齋腸放太多油, 豉油亦太淡, 食落有d 滷水味.

荃灣開咗點心店啦⋯⋯由於新開張無奈，裝修好新淨，環境好舒服，強烈介紹大家去食！！！ 首先講吓點心方便，選擇都好多，除咗傳統嘅蝦餃、燒賣、蒸飯之外，全記點心專門店有好多新穎嘅點心！！！必食推介黑松露野菌餃，真係好好食！！鍾意食黑松露嘅朋友，黑松露鳳眼餃都一定要點嚟食！！！ 流沙奶黃煎堆，又有創意又好食，一啖咬落去啲奶黃就流出來 正啊！！！ 其實仲有好多其他特色嘅點心，下次再去試講返啲傳統嘅點心啦，腸粉，皮薄，好滑 馬拉糕，鬆軟甜到啱啱好最後講返服務態度，價錢合理，服務態度超好！！！

見到OpenRice 食評吾錯 夜晚就去左試 過左10點宵夜時段 有點心孖寶套餐 $32任選2款 有飯有粥有點心 都吾錯 2個人叫左10樣野 好似好誇張 其他人見到都o左 不過無辦法 大食就係咁架啦 得我地呢枱d蒸籠疊起哂講反d野食十分推介佢個黑松露芝士蟹子灌湯包超多芝士！好特別 雖然食到最後有少許"溜" 但d芝士超濃郁 溶哂係粒餃入面 正！另外推介豬潤腸粉豬潤有咬口 腸粉比例岩岩好 每一啖都有豬潤 吾會食食下得舊腸粉其他野都好味金錢肚大大舊 幾入味鳳爪都好足料 都好入味棉花雞滑嘟嘟 吾錯菜苗餃 蝦餃 燒賣都大大粒 黑松露鳳眼餃都幾得意嘅 不過d餃個皮有小小厚同好痴鳯爪排骨飯都吾錯 其實$32 如果叫2個都真係幾抵食最後p.s d辣椒油好香好好味整體泥講 十分吾錯 會再去

🍎又入咗荃灣搵食啦😋，🍎今日真係：🍎蘋果食在荃灣之中菜篇，lunch time 食完上海菜，茶點就食點心❗️而今次去食點心嘅餐廳就係：全記點心專門店！·🏠全記點心專門店，採取簡單中式裝潢，天花仲吊掛著些點心蒸籠，增添幾分情懷❗️·同朋友仔食完lunch無耐，仲有啲飽，所以點得唔多～第一決定點嘅就係🍎心頭愛：奶皇流沙包💕雖知奶皇流沙包真係賣少見少，🍎去開嘅酒樓一係無流沙包，一係就係其他餡料，所以奶皇流沙包係🍎嘅首選❗️·❣️奶皇流沙包用力掰開個包時，雖然熱辣辣嘅奶皇流沙無澎澎聲咁爆出黎🌋，但啲奶皇流沙就佈滿成個包！🍎見到啲奶皇流沙時已經😍😍正呀😆奶皇流沙包嘅餡料用咗咸蛋黃調配而成，所以餡料雖然濃稠但口感細滑並帶點「沙沙」嘅滋味😋，但都因為咸蛋黃，味道既甜但亦帶點咸蛋香！·📣 有時想食點心，但酒樓嘅供應時段又過晒時可以點🤷🏻‍♀️全記依樣就好啦，開朝早7點🕖到凌晨2點🕑，你話正唔正😆💡 奶皇流沙包都係肥膩點心之一，食時可以配搭中國茶☕️，「消濟」之餘又可以減輕流沙包嘅油膩感！·❣️黑松露鳳眼餃，$29～3粒雖然只有3粒，但size都比普通蝦餃較為大！而依個黑松露鳳眼餃其實就係一粒大粒啲啲嘅蝦餃，用咗黑松

流沙奶黃煎堆仔外層脆卜卜，芝麻增添幾分香味。內層奶黃夠哂流沙，時間掌握得幾好，試過食過一間係乾哂。黑松露鳳眼餃晶瑩剔透嘅皮，唔會太厚。包住勁大隻鮮蝦，淡淡都彈牙爽口。黑松露令味道進一步升華。黑松露芝士蟹子灌湯餃好大個灌湯餃，入面充滿邪惡嘅芝士同淡淡蝦肉。邊食邊品嚐到個湯嘅鮮甜。叉燒腸粉腸粉嫩滑，叉燒肥瘦啱啱好，配甜豉油一流。香芋排骨芋頭夠哂粉，而且有滿滿芋香。排骨蒸得啱啱好，又吸收哂芋頭嘅精華，好味道。

今日同同學食飯，同學不嬲都鐘意食點心，佢話係荃灣有間點心夜晚都有得食而且價錢都吾貴，就話不如去試下，大約7點左右黎到吾多人，裝修都好特別喎，好有中國特色又夠光猛，餐紙方面都有吾少選擇而價錢都幾抵食喎，我地2個最後叫晒成桌野食仲有要少少食吾晒每人都係$130。我諗我下次可以再帶爸爸黎試下這小店！～沒想到這裡的點心堅新鮮而且好快手熱呼呼黎到桌面，但因為吾食得凍野，只可以下次再試芒果布甸～！喜歡吃燒賣的我當然叫啦...這裡燒賣有牛肉和蝦..肉和蝦都好新鮮又足料。朋友叫左鳯爪，份量吾少味道夠濃郁而吾會太咸，沒想到連下面的花生都入晒味，吾錯喎。牛肉球好多地方都好實，但這裡好軟熟而有牛肉香和香茜香好味道，但如果下面係腐竹就更好啦。蘿蔔糕食落去好多蘿蔔絲係入面超足料而個面又有少少脆味好味！～當初諗住瑤柱粥係白粥黎，點知入面勁足料，有白果又有腐竹都幾大碗。鳳眼餃入面材料堅多菜又夠嫩，之後朋友見到海報有個叫芝士餃，我地2個一人叫左一個黎試下，黎到已十分香，入面芝士驚喜勁濃郁而入面肉都吾少，食完這個再加上清湯其實都幾飽肚下，如下次黎一人一半就剛剛好！～流沙包普通正常啦，幸好吾太甜，但流心吾夠多。义燒腸好味

有時係想去點心專門店食下點心，覺得整體好食過酒樓果d😂 全記點心有好多款點心選擇！價錢合理，仲有新出既黑松露系列！煎堆仔 $20 /3個 好香，吾算好油膩，個餡係奶黃呀！😍正呀！小妹喜歡吃奶黃😋豉椒蒸排骨 $19好香蒜香同埋豉椒呀！排骨肉質嫩滑👍🏼咸水角 $19 正常水準😋鵪鶉蛋燒賣 $21比較少地方食到呢個，味道比較淡，覺得鵪鶉蛋同燒賣吾係話好match 🤔脆皮蝦腸粉 $29大蝦新鮮爽口，夠味道，有層係油炸鬼，脆卜卜，好好食！真係皮薄餡靚呀！👍🏼

像我這些夜貓族，閒時想去茶樓飲茶嘆一盅兩件，可謂沒有可能！所以要介紹一下夜茶好去處給各位像我這種三點不露之人，荃灣兆和街全記點心，地點好方便，有卡座有長枱，冷氣和光線充足，環境衛生，夜茶來說真心好過坐街，荃灣友必試！ 點心種類不少，心癢癢想吃的都有（啊，想吃叉燒酥但這個就沒有了）價錢和茶樓大中小便宜一點，茶即是茶包，無限添熱水，三元一位茶芥，合理，愛茶之人就可能「不是你杯茶了」（笑） 點心方面，味道不可說很突出，就是街坊味道，好過吃微波爐點心。蝦餃蝦腸全部大大隻蝦夠彈牙！鮮竹卷內裡有鮮筍，口感爽脆又浸滿汁，肥都管不了那麼多。 菜苗餃蝦餃配辣油是人間美食！我相信大部份人都和我一樣對點心有種情意結，這是小時候和祖母飲茶的味道。 蘿蔔糕煎得夠香，內裡有不少蘿蔔，比例做得不錯，比不少茶樓的「粉餅」蘿蔔糕好，讚！ 特別點心有這個黑松露鳳眼餃，我喜歡黑松露味，內裡有兩三隻蝦，一啖鯨呑，非常好味！舊味道之中帶gimmick，索價要$29三隻，我覺得值得一試。店子營業至零晨兩時，深宵以後不只有M記了！

放工同屋企人食飯，唔想又係食快餐，見到呢間食點心ge,大家異口同聲話不如食點心！咁就入左去喇。由於太餓，眼闊肚窄ge 我們叫左好多野蝦餃-蝦大大粒，非常彈牙而且好有咬口鳳眼餃-個名好有特色，賣相都真係好似隻眼 而且仲好好食tim!!野菌餃-好食足料，菇份量多而且又唔油膩 唔食肉製ge 餃都可以好好食生菜-鮮綠色 非常新鮮健康 食番d 菜balance 下例湯-足料份量多，完全無味精 料多所以都好好飲馬拉糕-超鬆軟！！唔算太甜 我地都忍唔住 encore 左一次，大大推介流沙包-熱辣辣 流心程度好高，食前要試一試溫度 因為比佢熱到咀😂燒賣-賣相好掂 大大粒 好足料鳳爪-好夠味 唔會好咸 食得好滋味 炸雲吞-炸得好鬆脆 餡料有蝦 係大大隻個d 蝦春卷-有特色 大大條 大家都搶住食蘿蔔糕-煎得唔錯 厚薄適中 蘿蔔味好香芒果布甸-最後食番個甜點先 呢個好呀 又唔算太甜 芒果味好出 必食！！煎堆仔-炸得好香口 一定要試 出面比較小餐廳有食完真係十分滿足 屋企人個個都大讚又平又好食！一間又好食 價錢又貼地ge 餐廳一定會再encore!

今晚放工肚餓，黎到荃灣兆和街充斥著連鎖快餐點、米線、茶記。難得見一間係食點心，而且店面光鮮亮麗，即刻要試試⋯叫左好多款點心，有唔少仲係第一次食既自創點心，加上平均點心$2x一款，都算係合理價錢。1行4人；叫左好多正點：脆皮虾腸粉$ 29好特別的腸份，難得虾腸是用上新鮮下，好有虾味，接著會咬到脆口卜卜脆包著虾和腸粉皮一齊吃，滋味滿分鮮蝦炸雲吞$ 19個餡（虾肉）嫩滑不過同一般雲吞出面油分較多，食落香脆好食，加上雞醬實是好吃！鵪鶉蛋燒賣 $21一粒燒賣有一整粒鵪鶉蛋，第一次食，有夠過癮好吃，配上鮮味豬肉，料靚又抵食👍🏻黑松露芝士蟹子灌湯包 $38這款創意點心又是自創點心，喜愛「芝」味朋友不要錯過，有手掌心大size嘅嘅灌湯包，啖啖充滿香濃芝士味，但食到尾有點漏。 白灼油菜心 $16這菜心鮮甜，不油膩且份量多，叫一份增加食物纖維黑松露鳳眼餃 $29又是第一次食有松露味的蝦餃，蝦的份量多，上面有黑松露同蟹籽，賣相好吸引。可惜美中不足是餃皮蒸的時間久了，入口餃皮較淋。新鮮爽口，灼得啱啱好!醬皇蒸鳳爪 $18一般連鎖酒樓嘅鳳爪蒸得過時會皮骨分

其實和男朋友一直都是年輕的身體老了的骨子。特愛飲茶食點心。今日想推薦的是環境非常好的全記點心專門店。不像一般的老茶樓，設計走誇張趣味性的風格。就算是港女也可以拍一下照。店員也很用心，馬上送上熱茶。還記得當日天氣有點涼，所以一入坐便叫了碗例湯。湯頭清，大大碗，完全沒味精。暖胃一流。男朋友說還不夠暖，我們立馬叫點心。本來叫的是豬潤腸，不過意外地上了個蝦腸，不知是否該感恩呢？讓我有機會吃到鮮味蝦腸。看圖片都知道很好吃吧？擺放也非常用心，用了長牒。有氣勢。其後男朋友點了這個流沙煎堆，算是新派點心吧？似是煎堆的感覺不大，反而似是類似芝士波的炸物？很有趣。不過似乎是我們放太久，天氣也較冷，煎堆冷了，流沙效果一般。另外不得不大讚是這牒菜。田園的風味。以往外出叫菜通常都會太油，這裡卻沒有這個問題。男朋友第一口已經叫了出來！高質之選。其實來到新派點心一定要吃點新款食物。全記的黑松露蟹籽芝士灌湯餃，絕對會給你新的感受。芝士香黑松露味剛好，湯濃。而且價錢實惠。最後賣單都只是二百多元。那份飽足感難以形容呀。哈哈！夠抵食吧？

見到荃灣新開左間點心店，又有芝士餃食幾特別，所以去試下。裝飾似以前茶樓，飲茶都有卡位，同肥仔叫左好多野食！1.鮮蝦炸雲吞雲吞即叫即炸，炸到脆卜卜，蝦仲好大粒2.香煎蘿蔔糕蘿蔔糕煎得不夠金黃，但有蘿蔔絲 3.鮮蝦燒賣皇 $28燒賣很大粒，非常抵吃4.牛肉球$18牛肉球的牛肉味十足，和普通酒樓溝粉的不同。5.鮮竹卷$18材料有甘筍、芹菜、木耳、豬肉，醬汁調較得偏稠。6.土魷肉餅飯蒸飯非常足料，每一啖肉餅也有土魷。7.流沙奶黃煎堆仔 $20推介！咸蛋黃做奶黃餡!。煎堆炸得外脆内軟，好香芝麻味，流沙餡唔會太甜，記得要趁熱食。8.黑松露鳳眼餃推介！第一次見黑松露的點心耶！鳳眼形狀的餃子，上面有蟹子和黑松露，好吸引!食落去多左層黑松露既味道，好正9.黑松露芝士蟹子灌湯包$38推介！超大個！似係放大版既黑松露鳳眼餃，材料有鮮蝦、蟹柳、豬肉，重點係有超多超濃郁芝士流出！服務好好，D姐姐會提你邊D食先，邊D好熱一陣先食。仲叫我下午茶黎食,好抵

今晚收工去左千色店買嘢，買完都八點幾，咁就喺附近搵間餐廳醫肚啦。經過呢間食點心嘅餐廳，裝修幾新淨企理，於是就入咗去開餐。間餐廳吊左啲蒸籠喺天花做裝飾，唔睇munu都知道呢度有點心食睇下張點心紙，點心嘅款式唔算超級多，但係傳統嘅點心以外都有創意點心，睇得出小店嘅心思！我哋order咗好多點心，最先上枱嘅係可以即時喺雪櫃拎出嚟嘅桂花糕呢個杞子桂花糕細細件，但入邊杞子嘅份量都唔少！不過略嫌質感淋身咗少少，可能加多啲啲魚膠粉會正啲。呢個藥膳鳳爪係廚師推介，又真係幾好食喎！侍應一拎上枱已經可以聞到陣陣嘅藥膳香味，而且鳳爪煮得好淋好入味，係必食推介呢個黑松露鳳眼餃係另一款廚師推介，即叫即蒸，上枱嘅時候非常之熱辣辣！鳳眼餃外型飽滿，入面有好多蝦，面頭鋪左蟹子同黑松露醬，口感同味道都非常豐富呢個係老公指定要order嘅飯，佢話晚飯點都要有啲米落肚！呢碗飯唔算好大碗，不過餸嘅份量都足夠，而且啲排骨醃得幾好食，送飯一流！棉花雞係我飲茶必食嘅點心之一，因為好鍾意食嗰舊發水魚肚。魚肚吸晒啲汁好肥膩，不過我又唔係成日飲茶，唔緊要啦食完咁多咸嘅點心，點都要食返啲甜野啦！流沙奶黃煎堆仔真係好流沙，要小心熱唔好辣親個

泰國同事遠道而來帶他到荃灣吃晚飯一直在想有什麼好推介給泰國同事點心一定是不錯的選擇。全記由地鐵站一出過天橋，再過一條馬路便到，地鐵很方便。環境算是乾淨的。招牌指名一定要試3樣特式點心：黑松露芝士蟹子灌湯餃黑松露鳳眼餃黑松露野菌餃我們選了灌湯餃和鳳眼餃。新穎配搭，黑松露芝士蟹子灌湯餃湯底是濃濃的芝士汁，配上黑松露醬的點心還是第一次試。愛黑松露的一定超歡。相比之下，我更喜歡鳳眼餃，黑松露和鮮蝦很配，而且非常足料，惟鳳眼餃皮蒸久，太黏和易散。另外亦點了西生菜，本以為平平無奇，其實重點在醬油。醬油是自己重新調配煮過的，味帶甜。簡簡單單不又有點不平凡。鳳爪排骨飯原來是泰國同事的大愛。配料跟白飯一起蒸要配上豉油我們平常都吃慣，但他說以前沒有試過，一次吃了兩碗呢！