全記點心專門店 (Closed)

聖誕節同嫲嫲飲個茶食個包😛飲茶飲茶又點少得一杯茶，一入到黎就問要普洱定鐵觀音，我地都簡左要普洱但呢，見到係茶包有d失望 冇咩茶味睇埋點心又如何我地叫左五樣野炸雲吞好脆好香口，點埋酸甜汁好好食,不過都幾油，間唔中食下就好喇😂蝦餃併粉果一籠有兩粒蝦餃同兩粒粉果,蒸得太耐一夾就散晒🤦🏻‍♀️味道可以既係一夾就甩皮甩骨有d唔係甘滿意🤷🏻‍♀️藥膳雞腳雞腳燉到好淋好有骨膠原，會漿口，除左唔夠咸之外都幾好飲流沙包唉，流沙包但唔流既餡🤦🏻‍♀️又冇咩奶黃香味，失望失望黑椒金錢肚幾爽口，不過不失，但舖底既蘿蔔唔知點解苦苦地🙄

早上到過圓玄學院之後撘小巴下到荃灣，找個平靚正午餐，經過此店見$42又有飯，又有點心，又有菜，仲有嘢飲，不用加一，以現今消費指數，夫復何求，再看店內裝修企理，也下過一點心思在布置上啊，客七成滿，最怕等位，不用多想了，入。點了煎蛋牛肉飯，珍寶蝦春卷，菜心及豆漿。春卷明顯剛炸的，勁熱，所以夠脆，中間原隻蝦就沒有了，是夾了些蝦肉，味道ok。不過個飯其實幾細。久違了的牛肉飯味道，美中不足是煎蛋，不是窩蛋，而且煎得太熟，害怕沙門氏菌吧！豆漿只有凍，沒有熱，我ok，如果不喝冷飲的，只好選熱茶了。還有很多點心想試，唯有下次到荃灣再嚟過。

如果真心想飲茶，但又唔想太貴，呢間嘅午餐都ok!1個點心 + 1個飯 + 1碟菜 + 1 杯豆漿不過，點心方面，粉果皮太軟 同 黐牙，不太好食！飯方面，份量不算太多，還尚可接收，食埋點心和菜心就足以飽肚！然而，在中午時候來吃，就一定要排隊，所以建議在12:30pm來會好一點！

原本諗住喺兆和街搵間茶餐廳食早餐，見到有間點心店，早餐33蚊選兩項點心，就入去試下。點知...... 員工態度十分差，特別嗰位啡色頭髮的阿姐。食物更差，叫了一個飯一個菜苗餃。飯淋到一個點，菜苗餃一夾竟然全部黏在一起，再夾，爛哂，啲料跌哂落個籠，個籠仲要污糟到黏住疑似叉燒包的皮，食得極之狼狽。食咗三十幾年點心，第一次見到咁差既餃皮，究竟係點造? 茶價收人3蚊，用的卻是廉價茶包。真心不明白，為何這間店會有這麼多好評，而相片展現出來卻......

🔶先唔講食物的質素，如果一間店舖10分鐘內與三個人客駡戰，而且是伙記主動撩交嗌，勢不罷休，你還會吃得愉快嗎？🔶至於食物水準是遠差於預期，他們標榜「用心」製造，與別不同，的確是即叫即蒸，熱騰騰的點心非常好看，但內涵卻欠奉，食材也是次等的～～～～❎腸粉皮十分軟糯、厚，口感不好，沒有香味。❎蒸飯的飯底水份很多，飯變成欄欄的。❎炸雲吞很多油，碟底也很多油，也有油益味。。。。。。。這。。。都算是「用心」嗎？✅最正常都算是燒賣，可以一試。🙄大概不會有下次了。。。。

[ 最伏呀！食到黑哂面🌚]••我係勁鍾意食點心，每隔一陣子條點心癮就會起🤤有日接男朋友放工，突然又想食，就Search到附近呢間好多好評👹-🔹叉燒腸粉、菜苗餃⭐️2/10啲皮又厚又硬，叉燒腸粉每舊入面得一兩粒叉燒😨菜苗餃入面得一兩條菜，仲要完全無味道，成口都係個外皮超厚🤢我真係未食過d腸粉可以難食到咁💀🤢🔹鵪𪂹蛋燒賣⭐️3/10我最愛既鵪𪂹蛋燒賣！！！入面d肉粉紅色架😱豬肉唔可以生食掛😱？但粒鵪𪂹蛋就好硬，好似人地豬腳薑d蛋咁硬😂點解可以搞成咁？🔹炸雲呑、芝士松露灌湯餃⭐️6/10比較好的👌🏻炸野點都好食😂雖然個餃配搭幾奇怪，但味道都ok，但入面都係無乜料🤷🏻‍♀️🔹奶黃煎堆仔⭐️4/10勁So呀陣味😖😖食左半粒投降🤢-🔺茶係就咁比個茶包我自己加水😰感覺好求其，不過男朋友話咁樣成本仲高喎...🔺對於點心，我幾乎係焚化爐🔥好低要求，乜都覺得好食...但呢間真係食到我黑哂面🌚

荃灣除了是購物天堂，也是美食花花世界所以拍拖選擇的晚餐地點，就決定在荃灣可能平日吃西餐太多，今天想嘗試一些中國風味，而且想要一些新鮮感就來到朋友介紹的這間位於荃灣兆和街名為全記點心專門店的餐廳侍應建議我們入來，立刻安排位置我們坐下，送上餐牌和熱茶，非常有禮貌店內乾淨清潔，光線充足，座位也十分舒服全記的點心每日都新鮮出爐，每一款都是自家用心製作，非常有誠意我們立刻便點了他們的招牌點心—黑松露野菌餃，野菌餃不但皮薄，裏面的菇份量也很多，黑松露味濃郁，適合喜歡黑松露的朋友再來的就是黑松露鳳眼餃，餃子上面的蟹子和黑松露非常吸引，而且大大粒，但價錢只是港幣＄29 ，性價比極高這個黑松露芝士蟹子灌湯包也是招牌菜之一，芝士味濃郁卻一點也不肥膩，配上黑松露的味道，簡直是食過返尋味香港不是每一間酒樓也有炸雲吞，來到點心專門店，炸雲吞成為必試的菜色雲吞大大粒之餘，更是香胞可口奶皇流沙包對幫襯開茶樓的人一點都不陌生，但時間和火候的控制對流沙包影響甚大，明顯全記的流沙包控制得非常完美平日喜歡食補品的我點了一個藥膳鳳爪，可以見到湯底有不少藥材，但價錢只是＄24 ,抵過在外邊飲碗湯我和朋友都喜歡吃鳳爪燒賣，但又想

午飯時間想食點心，記得呢度有間點心就行黎睇下，叫左個餐，覺得幾大件抵食，又多款式選擇。柴魚花生豬骨粥好夠味，好大碗，但食唔晒，因為一個餐都幾多野食。油菜心，好大碟，跟埋餐都真心抵。可以簡生菜/菜心。菜苗餃，好大舊好多料，個辣油好香。茶可簡潽洱或鐵觀音（茶包黎，水自己添）唔要餐加3蚊有得飲。咁多野$40，值得食。環境舒適出餐又快。侍應做野爽快。見佢有點心孖寶，$32/兩款。會再黎幫襯👍🏻見到其他食客點既野都好吸引。

在網上看到這間點心店好評甚多，於是來了這邊一試。不用等位，門口也沒有人在等。卡位座位挺有趣，設計得像算盤一樣。但是說到食物，這間點心店的名茶就相當不吸引。雖然你一坐下，店員便會問你要什麼茶，然而你在普洱與鐵觀音之間選擇，但結果來到的，卻是陸羽茶包😨山竹牛肉沒有什麼特別，內裏好像有陳皮，因為吃到一粒粒的東西。珍珠雞味道不錯，雖然聞起上來有點酸酸臭臭，輕微的臭味，但是吃起上來，又沒有了聞到的臭味。菜苗餃，不算太好，蝦肉與菜肉之比例還好，但是餃的外皮實在太厚，無論在籠子內或是碗子內也會黏着。鮮竹卷，味道相當普通，首先我比較喜歡厚大、大件的鮮竹卷，這兒少少一條，就像濕了的春卷一樣，肉不多，而且外邊的腐皮有點兒不太夠熟。鵪𪂹蛋燒賣的外皮沒有那麼厚，鵪𪂹蛋非常有趣，通常平時食鵪𪂹蛋都是很熟，這兒的鵪𪂹蛋反而有少少流質。流沙包算是比較出色，但是面頭的皮，其實也整塊可以連着不掉，也不太吸引，內裏的蛋黃流沙，雖然蛋黃味道不太足夠，但是流心的程度也可以接受。棉花雞也極之普通，雞肉比較乾。由於上點心店，其實主要目的都是嘆茶，但用陸羽茶包好像失卻了意思，而且點心也不是特別出色過人，再到全記吃的機會不大。

很多點心專門店不論衛生，環境，食具都不太理想。但荃灣全記就各方面都十分理想。而且還有花心思設計的裝潢，簡直是一種享受。今次第一次食，完全沒有令人失望。食物質素不錯，即叫即蒸也不用等到天荒地老，都可以食到熱辣辣的點心，味道很好。煎蛋牛肉飯，牛肉的牛肉味十足，煎蛋大過我塊面。鹽水角又香又脆，也是熱辣辣，一定要試。還有蝦餃拼潮州粉果，十分抵食。蝦餃又新鮮又彈牙。潮州粉果餡料豐富，沙葛又脆又甜，芹菜香十足。

環境很整潔乾淨，有卡位雅座，裝修頗有特式，照明光亮，有懷舊感覺，也不失時尚。店內播放著兒童音樂，father fingers ，甚感輕鬆愉快。食物方面，種類不算多，但總算有齊最經典的喝茶必食點心。今次點了我最愛點心，鮮蝦炸雲呑，真的不能不大讚它。我本來打算用手吃，怎知，這原來是正正宗宗即叫即炸，熱騰騰的，完全不能直接下手。除了，這熱騰騰已吸收人萬分。還要，一口咬下，脆得連隔離枱都可以聽得見。大讚還不止，鮮蝦餡料，除了用料十足外，鮮蝦新鮮又入味。

飲茶，或者係一種情意結 係兒時好憎飲茶，覺得要坐係一個地方 坐粒幾兩粒鐘，然後個阿媽又要你幫手搶點心 最多比你食個椰絲Jelly糖或者椒鹽魷魚絲？ 時代變，搶點心呢樣野已經冇左 改為畫紙仔叫點心 同時飲茶已經唔係只係酒樓同要日頭先有得食 好似早前我有個舊同學係外國番黎放假 問佢番到香港最想食啲咩 佢即刻話要飲茶,係外國飲既茶點都唔及係香港食咁好味 既然係咁，我就決定帶佢去荃灣呢間 全記點心試下啦 全記點心，其實係之前葵芳番工個陣都有幫襯過 之前成日係地鐵站口個間連鎖點心店 好多時都話冇呢樣冇個樣 所以夠時間既話都會兜個圈去買 咁岩前排行街個陣見到原來仲有一間全記係呢頭 就一於帶朋友黎試下啦， 餐廳既裝修好光猛同時亦做得好懷舊感覺 牆上掛有不少點心既名稱 而卡位上仲有特別既設計 就係好飲算盤上既珠珠 小PQ玩得幾開心，但會嘈到人地 唔知點解人愈大反而更愛飲茶， 飲親茶又唔知點解好似唔洗錢咁叫 但係又係食得曬架啵... 分別有左上 鳳眼餃$29 這兒的鳳眼餃是招牌菜之一 佢地既餃整出黎比較酒樓的是皮薄通透點 加上啖啖蝦肉,蟹籽及黑松露 難怪是它家的招牌茶之一呢 牛肉球 $18 小妹我本

之前聽媽咪話荃灣有一間點心店好出名，喺條美食街嗰度，地鐵站行過去好近。今日就做孝子同媽咪一齊去食野。黑松露芝士蟹籽灌湯包＄38媽咪就唔係太鍾意食芝士，不過我就超鍾意，呢個灌湯包雖然湯唔算多，但係裏面有好多芝士，令我諗起芝士通粉係超級好味！除咗芝士之外，裏面仲有啲蟹子同埋黑松露，估唔到配搭比想像中更加好味，食完好飽飽，因為實在太足料。蝦餃王＄28食點心必須食蝦餃，燒賣都只係其次，蝦餃嘅蝦好爽口，大大粒，外皮又唔會好厚，質感唔錯。瑤柱珍珠糯米雞＄24珍珠糯米雞雖然細細粒，但係裏面都有好多材料，包括豬肉，冬菇等等。調味適中，而且啲飯唔會太硬，媽媽年紀雖然開始大但係都一樣可以食到，唔似其他酒樓或者點心店整到咁乾。黑椒金錢肚＄23金錢肚比想像中整得更加入味同埋軟林林，特別係黑椒，提升咗整體嘅香味，調味亦唔錯。蠔王叉燒包＄18叉燒包就係媽咪最鍾意食嘅包，裏面有好多叉燒肉，甜甜地，不過就唔可以食太多，因為實在太高糖分啦！

​ 同屋企人夜晚食飯，又唔想食普通嘅晚餐，就選擇左全日點心。 黑松露鳳眼餃＄29 黑松露野菌餃＄29 兩款嘅外皮相差不太遠，也是有濃郁的黑松露味，但是其中一款裏面就是有蝦肉，很爽口；另外一款就有很多細細條的野菌，口感不錯，而且配搭也是很好的，黑松露也不是次貨。 滋補藥膳鳳爪＄24 這個是非常推介，因為藥味很香濃，不是大集團的那種求奇，藥材味雖然香，但是不會像飲藥，反而似飲足料老火湯！所以我們encore了。 鮮蝦炸雲吞＄19 炸雲吞，外脆夠香脆，裏面的鮮蝦同樣爽口彈牙，配搭起來相得益彰。 珍寶蝦春卷＄25 春卷也是一個脆口的食品， 同樣裏面也是蝦，相比起雲吞，春卷的材料豐富得多，但其他分別不大。 鮮榨豆漿＄9 本身每人都要比茶位，但是最近想健康一點，點了豆漿，甜甜的，大大杯。

今晚約咗媽咪食飯，唔知食咩好，經過呢間叫全記，媽咪就話好想食點心，其實我未試過夜晚食點心，咁就試吓啦⋯⋯真係打破傳統咁我同媽咪就order左幾款，呢度嘅點心全部即叫即蒸，熱辣辣份外好食蝦餃---蝦餃脹卜卜，皮薄，有成三隻蝦喺裏面，哈好爽口，超讚跟住我哋就每人食一隻湯餃--剩係得一隻餃冇湯，係有啲奇怪，一口咬落去，滿口芝士流出來，好好食，芝士味好香濃，冬菇味好重，蝦都係爽口跟住媽咪叫咗個藥膳鳳爪---係幾特別嘅藥膳嘅味道好豐富，食完感覺好滋潤，媽咪好讚黑松露蟹子餃--其實同蝦餃差唔多，多咗香濃嘅黑松露味最後就係呢個奶黃流心煎堆--其實我平時唔係好食奶黃，但係呢個真心好食，煎堆外炸得好香脆內軟，一口咬入去，奶黃汁即刻湧出來，味道好香而不膩👍🏻呢間嘅點心好過好多酒樓，如果唔介意冇傳統嘅氣氛其實絕對可以一試👍🏻👍🏻👍🏻