Video
4-min walk from Exit A2, Sheung Wan MTR Station
continue reading
Telephone
91885093
Opening Hours
Today
18:00 - 00:00
Mon - Sun
18:00 - 00:00
Above information is for reference only. Please check details with the restaurant.
今日收工同朋友喺中環搵食，之前聽同事講有間串燒店好好食，價錢唔算貴叫我得閒去試吓，今日終於有時間嚟食吓，餐廳幾有格調嘅串燒店，門面有日本居酒屋feel。墨魚滑紫菜大蝦將墨魚滑釀入大蝦，上面鋪紫菜，創意同味道兼備。海鮮方面，蒜蓉欖角燒蟶子（微辣）鮮甜彈牙，連埋粉絲、蔥、蒜一齊食，吊出蟶子嘅鮮味，味道濃郁。主食明太子忌廉烏冬creamy得嚟唔漏，明太子鹹香恰到好處。跟住嚟嘅燒雞心同鹽燒雞腿肉都係水準之上，雞心爽脆冇異味，雞腿肉嫩滑得嚟帶啲焦香。韓風燒牛肋肉肉味濃郁，燒得剛好唔會韌，好香牛味。首先上枱嘅係鹽燒西班牙五花腩，肥瘦均勻，咬落去油脂香爆出嚟，肉質唔會過韌。最驚喜係鹽燒雞皮，燒到脆到好似薯片咁，食落脆卜卜送酒一流！紫菜鵪鶉蛋卷好得意，紫菜包住流心鵪鶉蛋，一啖一粒味道出奇哋夾。焦糖菠蘿鵝肝多士係邪惡之選，鵝肝配上焦糖菠蘿同脆多士，口感豐富，鵝肝入口即融，有菠蘿中和咗油膩感。山椒鰻魚汁燒白鱔皮脆肉嫩，山椒香味好突出。最後以焦糖蛋糕三文治作結，甜而不膩，冰火交融嘅感覺好正，焦糖多士好香脆，好好食😋。
continue reading
上次食過旺角店 今次就試埋中環店 睇下係咪一樣咁正😏Menu價錢一樣咁親民 串燒都係由$10起 中環做到呢個價真係幾少見🙌🏻🍢串燒❥︎泰式墨魚鬚 ($10)⭐墨魚鬚厚肉得黎爽口唔韌 撘配辣辣地嘅泰式醬汁 好味又扺食👍🏻❥︎豚肉荔枝卷 ($15)⭐每次食串燒必點嘅item 豚肉嘅油香加埋清甜多汁嘅荔枝真係不敗嘅組合🫶🏻❥︎鹽燒雞腿肉 ($20)⭐雞皮燒至焦脆 內裏嘅雞肉都仲係嫰滑juicy👍🏻❥︎鹽燒西班牙五花腩 ($10)❥︎麻糬豚肉卷 ($20)❥︎鹽燒和牛牛小排 ($48)🍜小食/主食❥︎明太子忌廉烏冬 ($58)⭐彈牙嘅烏冬 撈埋明太子、蛋黃、忌廉一齊食 creamy又滑溜☺️❥︎咖哩牛舌手抓餅 ($58)⭐咖哩甜甜地有好香椰奶味 手抓餅索汁一流😋牛舌軟腍入味 份量都唔少❥︎墨魚滑+紫菜+大蝦 ($68)⭐薄脆嘅紫菜卷住墨魚滑同大蝦 好有創意食落外脆內彈牙 鮮味十足❤️❥︎芝士年糕 ($38)❥︎日式淮山 (配世一蛋黃醬)($48)🍦甜品❥︎焦糖雪糕三文治 ($48)⭐焦糖多士烘得啱啱好 夾住雲呢拿雪糕一齊食 冰火交融超級正！🥺🫰🏻🍹飲品❥︎荔枝檸檬梳打 ($28)❥︎菠蘿可爾必思 ($28)兩杯野飲都係大大杯 仲有勁多果肉 好扺飲！😆唯一美中不足係餐廳樓底比較高 冷氣唔係好夠不過食物方面就依然都咁高質 性價比好高唔怪得平日夜晚都座無虛席 仲要等位添😌
continue reading
舖頭新裝修好有日式風格，但最估唔到中環都都有呢個價錢，真係極度親民！環境舒服，仲有多款日式串燒同啤酒🍻🪄明太子忌廉烏冬兩者加埋好夾，烏冬好彈牙🪄鹽燒雞腿肉價錢又平又好食嘅雞腿肉，就咁用鹽燒已經好好味，啖啖肉好滿足🪄免治雞肉棒蛋黃汁再加上雞肉棒，每次都係必點，呢一個組合真係無敵 🪄味醂魚干每次佐酒都必叫，充滿甜甜地同鹹香🪄蒜蓉欖角燒蟶子肥美大隻蟶子鋪滿蒜蓉同欖角，微辣惹味，肉厚無沙，$38一隻性價比高🪄 白酒忌廉煮蜆全部都好新鮮冇沙，配上白酒忌廉真係好夾，份量都幾多🪄豚肉荔枝卷呢個都係推薦，荔枝同豬肉一齊食都好夾，豚肉包裹住新鮮荔枝口感豐富嫩滑，有甘甜荔枝味道🪄泰式燒墨魚鬚魷魚鬚笑得好多汁，一啲都唔硬身，重點有個泰式酸辣醬即刻成個泰國🇹🇭味返晒嚟🪄紫菜鵪鶉蛋卷鵪鶉蛋本身都幾好食，用咗燒汁加埋沙律醬，感覺有啲似章魚燒😎🪄香燒翠玉瓜翠玉瓜都係必叫，可以中和肉類嘅油膩，配上調味料好爽口🥂本坊梅酒、Highball梅酒加冰夠晒爽口，🥃，好適合用嚟送串燒，唔想飲太甜嘢嘅朋友都可以試highball 一樣咁正人生有限杯.串燒店 (中環)中環九如坊6-10號地下C號舖#addifoodie #addifoodie中環#旺角美食 #hkfood #hkfoodie #foodiehk #hkig#hkg #foodie #香港餐廳推介 ＃香港餐廳 #foodstagram #香港美食#吃貨 #香港美食指南 #量角美食推介 打卡熱點#打卡 #香港小店#中環餐廳 #日式串燒 #情侶好去處 #聚會好去處 #串燒 #人生有限杯
continue reading
同班friend收工行左陣PMQ然後佢地話附近有間串燒店好抵食就係呢間「人生有限杯」串燒店個名改得好有詩意而且仲係「生啤買一送一」嘅牌所以我地二話不說就推門入去店內裝修走日式居酒屋風格木系枱凳，燈光柔和先嗌兩杯日本生啤杯身凍凍地，啤酒泡沫綿密入口清爽帶微微麥香買一送一真係抵到爛飲多兩杯都唔肉赤串燒陸續上枱嚕鹽燒西班牙五花腩肥瘦相間燒到外皮微焦，咬落去油脂爆出，香到不得了鹽燒雞腿肉就真係要特別讚下師傅火候控制得好好雞皮燒到乾身香脆但入面啲肉仲保持到超嫩滑全晚最驚喜係鹽燒鮮雞皮真係脆到好似薯片咁「咔嚓」一聲，仲要唔會油膩師傅先將雞皮炸過再燒，難怪咁脆口焦糖菠蘿鵝肝醬多士厚厚嘅鵝肝醬塗滿多士上面放咗塊焦糖菠蘿鵝肝同菠蘿嘅清新意外地夾一啖咬落去鵝肝嘅油脂香同菠蘿嘅甜酸喺口腔爆炸邪惡但真係好滿足 免治雞肉棒配日本蛋雞肉棒燒到外脆內嫩蘸埋蛋汁更滑溜 黑松露燒雞肝本身我好鍾意食雞肝所以我一口氣食左兩串松露好香濃，雞肝入口即化 蒜蓉燒蠔蠔肉肥美，蒜香十足 墨魚滑+紫菜+大蝦創意組合，墨魚滑彈牙，大蝦鮮甜 最後以港式蜜糖多士夾雪糕作結多士烘到金黃脆口，淋上蜜糖再夾住一球雲呢拿雪糕冰火交融，甜而不膩，為今晚畫上完美句號
continue reading
人生有限杯.串燒店🦋@lifewithfinite.cup上手串燒店 #陀地燒 一向出名價錢貼地，好彩原址新開嘅 #人生有限杯 亦延續親民定價👍🏽店名有詩意，帶出活在當下嘅灑脫人生觀🚬 見到手寫字體嘅menu，先發現原來係燒烤堂副線👣 仲有更平嘅選擇🤓 口味配搭新鮮有趣，menu以價錢區分，最平$10一串❗️簡單清晰🙂↕️鹽燒西班牙五花腩 🥓五花腩就係要夠肥，帶焦香味，性價比爆燈！黑松露燒雞肝 🐦🔥黑松露醬作點綴，帶香氣但又唔會搶味⚫️鹽燒雞中翼 🍗鹽燒牛舌芯 👅調味啱啱好，穩陣必嗌✔️免治雞肉棒 配日本蛋🐣超多汁雞肉棒！拌埋蛋汁一齊食😋豚肉牛油果卷🥑平時好少見牛油果串燒，卷上豚肉片🥓 再加上蛋黃醬同海苔絲，幾日式fusion🎌蒜蓉欖角燒蟶子（微辣） 🐚蒜蓉菜脯燒茄子（微辣）🍆舖滿晒蒜蓉都未夠重口味🧄 再加上欖角/菜脯😈山椒鰻魚汁燒白鱔 🐠唔使嘍骨啖啖肉，已經好加分💯 口感爽口，輕輕帶啲香辛味🫑焦糖菠蘿鵝肝醬多士 🍞一開始冇睇清楚係鵝肝醬😂 滑滑地帶少少鹹香，配上燒菠蘿同脆多士🍍墨魚滑紫菜大蝦 🍤創意菜式💭 紫菜包住墨魚滑再夾隻大蝦，點上creamy帶微辣嘅醬🌶️港式蜜糖多士夾雪糕 🍯好經典嘅BBQ蜜糖多士🔥 中間夾上雲呢拿雪糕🍨 夠甜！Sapporo生啤🍺食串燒當然唔少得啤酒啦，最正係副線都維持返買一送一優惠🍻抵飲到傻🥲平靚正依然係重點🥳 難怪分店越開越多，仲要間間都係銅鑼灣尖沙咀嘅旺區📍放工約食飯夠方便📱
continue reading