原來香港都有野生海鮮食!! 呢間「蟹仙」主打即蒸野生海鮮，老闆做咗40幾年海鮮入口商，所以世界各地都有漁船專門捕獲野生海鮮，搜羅世界各地的海鮮空運到港價錢仲平一截！而家有4間分店—尖沙咀、銅鑼灣、九龍城、鯉魚門，幾時想食都好方便啊。
今次嚟到有360度靚海景嘅鯉魚門分店「蟹仙野生海鮮蒸氣石碢」食，全程有專人幫我哋蒸海鮮好細心，按每款野生海鮮控制蒸煮時間。唔使自己諗，就可以由淡至濃味海鮮逐款蒸、逐款食，全部都熱辣辣勁鮮甜。
鯉魚門分店有無敵大海景。
同大海零距離咁近。
食到中途可以出去露台望海景飲杯cocktail唞吓氣，嚟拍拖或朋友飯聚都好有feel。
難得嚟到，緊係揀啲平時好難食到嘅海鮮啦～ 好似近千深水海域生活嘅太平洋饅頭蟹、野生琵琶龍蝦等，因為仲未有得養殖，所以身價高又罕見㗎。仲有秘製原隻南非乾鮑、大西洋野生青口、加拿大野生海虎蝦等等，超多矜貴海鮮！
而家「尊貴海鮮套餐」5折，只係$449(原價$898) 。全店海鮮保證生猛游水，有啲放入蒸鍋前仲郁緊㗎。
「尊貴海鮮套餐」5折，只係$449(原價$898) 。
太平洋饅頭蟹全年得幾個月有得食，深水野生海鮮特別重海水味呀。
【尊貴海鮮套餐5折】超值海鮮優惠！
罕有藻食綠膏蟹 / 野生膏仔蟹
【其中一款】 野生琵琶龍蝦 澳洲青年龍蝦
【其中一款】 太平洋饅頭蟹 韓國釜山野生鰻魚
秘製原隻南非乾鮑 大西洋野生青口 加拿大野生海虎蝦 韓國釜山蠔
【是日精選2款】 紐西蘭刀貝蚌 黃金翡翠螺 蟹皇大元貝
有機蔬茶籃 |
【即刻睇吓套餐有咩食～】
罕有太平洋饅頭蟹
長期生活於深海水域，海水味特別濃郁。蟹膏爆多又甘香鮮甜，肉質好似魚肉咁嫩滑。每年要等佢哋產卵季節，游上淺水區繁殖先捉到，所以坊間好少見到真係可遇不可求。
秘製南非乾鮑
估唔到蒸氣海鮮都有乾鮑食～ 而且唔係敷衍煮熟就算，食得出係長時間炆煮先有嘅柔韌帶嚼勁口感。乾鮑同冬菇都炆到入晒味，醬香甘醇，第一啖有中式醬汁嘅鹹甜味，後續滲出鮑魚海洋鮮味，味道奢華。
【食完南非乾鮑，就係一連串濃味嘅貝類、虎蝦環節啦～】
加拿大野生海虎蝦無受海洋污染，食得更放心之餘，蝦味都濃好多。食韓國釜山蠔前，員工仲好細心提我哋飲埋啲汁，真係幾鮮。蠔肉都好飽滿，係有彈性爽脆嘅口感。
大西洋野生青口蒸之前，員工特別介紹野生青口比雪藏青口鮮甜濃味好多，蒸嗰陣仲有海草𠻹。
因為每日野生海鮮到貨都唔同，「蟹仙」會依當日來貨決定2款貝類。紐西蘭刀貝蚌偏向濃海水味，貝肉好滑和爽彈。黃金翡翠螺就特別彈牙，而蟹皇大元貝就加咗師傅自家炒製蟹膏，特別惹味甜香。
有機蔬菜籃
食完一系列海鮮，員工會放埋有機蔬菜、粟米蒸畀我哋食，蔬菜甜味都滴晒入海鮮粥底。
海鮮粥
最後最後!! 呢個零味精海鮮粥集合咗成個套餐嘅海鮮精華，粥底少少綿又有飯粒口感。食咗幾啖粥都唔會太綿太膩，咬開飯粒嗰陣仲有啲海鮮味爆出嚟。
訂座熱線 WhatsApp: 57903967
蟹仙海鮮蒸氣石碢(香港)
地址: 香港油塘鯉魚門崇信街三家村渡輪碼頭東翼
電話: +852 91368016
蟹仙海鮮蒸氣鍋 (九龍城龍崗道)
地址: 香港九龍城龍崗道2-4號地舖
電話: +852 23609718
蟹仙海鮮私房．蒸氣石碢 (尖沙咀天文台圍)
地址: 香港尖沙咀天文台圍2號環海大廈2期地舖
電話: +852 91368969
蟹仙海鮮蒸碢大公館(銅鑼灣)
地址: 香港銅鑼灣謝斐道500號維安商業大廈1樓
電話: +852 91368072