XIHEYAYUAN

行完山後，畀個籍口去刷餐好😆...朋友介紹呢間，不受疫情影響其中之一餐廳👍🏻甜甜地及啖啖肉，好好味流沙金黃配嫩滑豆腐，感覺好fresh，味道一流，有小蠟燭陪住，不怕凍，唔錯。蝦🦐球爽配伊麵，睇落份量好似少，但還是要打包🤪肉絲浸津白，好大窩，味道係唔錯，但我對個湯底較為偏鹽左一點，不過朋友說ok，整體係可以㗎。…Read More

為咗搵仔仔嘅百日宴場地， 行遍了尖沙咀， 疲勞嘅我極需要美食cheer up, 就揀咗海港城呢一間之前聽人推介過嘅京菜式。一入去見裝橫極似北京上海嘅新派餐廳， 揉合了古典及現代美， 侍應嘅服務都好好。我哋首先叫咗半隻北京烤鴨， 一個湯，一個菜， 兩款主菜，一個主食，最後再叫兩個甜品， 嘴刁的我們飽到撐破了肚皮。半隻北京烤鴨， 分成了三小碟， 鴨皮 ，鴨胸, 鴨腿肉， 片片分明， 很考刀功。一食是鴨皮點爆炸糖及藍莓醬，二食是鴨胸肉點餐廳自家調配嘅芥末醬(呢個我最愛， 芥末醬有小顆粒，似美式及法式芥末混合)， 三食是傳統嘅包捲皮。 三種食法各有特色， 豐富味蕾。酥皮酸辣湯， 揉合了中西特色， 爆足料， 加上酥皮 ，需要兩個人share,否則會太飽。青梅一字骨，酸酸甜甜超級開胃， 而且面有新鮮青梅，很解膩。乾扁四季豆， 這道菜很常吃， 特別在於這加了梅菜， 混合起來加上肉碎及四季豆，口感豐富。乾炒牛河，大大塊牛肉片，惹味乾身。宮保大蝦球， 分量很大， 有5，6隻蝦球，辣而不燥，帶甜酸味道甜品雖然高質但價錢略貴， 楊枝甘露普普通通，薑汁紅棗桃膠是出面比較少有，製作需時，要等十分鐘，但很滋潤.總括而言美味嘅一餐，適合大夥兒食，下次會再約多些人再光顧。…Read More

和友人相約係尖沙咀食野已經係慣例大家都喜歡食中菜訂位時已經預先訂左一隻北京填鴨 環境係靚既朋友發辦 每樣嘅價錢唔係好清楚桂花蜜山藥 好細碟 似送既前菜既份量 清清地 味道幾好 可惜好少蜜汁脆芋絲 幾香口 就係炸芋絲加扭麻花上面既蜜糖 蒜蓉粉絲娃娃菜 似乎係sell樣多d 實質菜唔係好多 但靚又唔係好靚金磚豆腐塊 都香口豆腐好滑 幾好食青梅一字骨 濃味左少少 還可北京填鴨 要全隻 $5百幾但係切出嚟嘅片都唔係太多 仲幾肥反而朋友喜歡吃肉 但係就乜肉可以食 想食 又要加錢 就無要喇佢哋搵咗一個盒 放咗暖包係下面 唔知加咗什麼 但係製造左煙霧效果維持短短一陣子 但又未上曬 得一碟放好曬已經無煙 好似好唔實際 一個大大八寶盒 只可以話用嚟影相 說真的 味道的配搭比較牽強原本佢哋嘅鴨已經冇咩鴨肉味道用藍莓醬就冚晒鴨味道 就係甜甜地芥末漿又唔係好襯都係傳統嘅配搭比較正常爆炸糖係幾特別可惜第一二個人點完之後其他爆炸糖都醬埋一舊塊皮亦都太厚太乾 都幾差籠仔櫻花蝦海味蒸飯 係點心籠尺寸 大概二人份量 無咩特別加左炒烏冬 好似好小家 得xo醬、蔥同洋蔥蔥油雞 唔熱 只係暖暖地 食個份量正常少少不過就一般囉 合桃芥蘭 合桃應該唔係店自己整感覺係全部都好細碟女仔細食 一人三百都可以另一樣唔好就係平日晚飯都分兩段時間第一輪係6:00到8:30佢哋過咗八點就last order想坐耐少少都唔得…Read More

要係香港食到正宗烤鴨，非羲和雅苑莫屬。除左有出名既烤鴨，仲有多款京菜佳餚，北京老味道。叫左馳名烤鴨(半隻$328)，青梅一字骨($138)，張氏獅子頭($48)，羲和小肉餅($48)，芝麻香餅($48)。師傅係面前親自將烤鴨切片，非常講究刀工。烤鴨有3種獨特既食法，先將鴨片醮上藍莓醬及爆炸糖，鴨油既香加上爆炸糖係口中”炸炸”聲。之後，中間個碟厚身少少既鴨肉就醮上廚師秘製黃芥末醬，刺激味蕾。最後，鴨肉就以薄皮包住食，可以以中/西式方式配搭餡料。八寶盒keep住暖，所以唔怕薄皮變凍。係香港都可以食到一流既烤鴨。一字骨一共有10件，每件都沾滿酸甜既醬汁，非常入味，而且燒製完都冇令肉質變乾，開胃菜之選。獅子頭配一球白飯，侍應教我地將白飯加入獅子頭一齊攪勻，更好食。半肥瘦既肉混合白飯，加埋秘製醬汁，啖啖肉香味。小肉餅用酥皮卷住肉餡，面頭插有小滴管，按個人喜好加入醬汁。一層肉一層酥皮令口感更豐富，醬汁以滴入方式加入，令每層都吸到醬汁。就算咬左一啖，肉餅都冇散開，做到好結實，勁。芝麻香餅亦做到好結實既效果，唔會咬左一啖之後其餘既散開。芝麻味濃，仲食到有花生(?)既香味，飯後甜品一流。整體，餐廳環境非常舒適，望到海景，而且侍應頻頻換餐碟，頻頻添茶，令食客唔駛擔心剩骨堆係自己碟上面，服務周到。…Read More

朋友從外國回來，早前就約定到尖沙咀shopping，餐廳是朋友負責預定的，說要請我吃一噸豐富的🤭🤭感恩感恩主角：馳名烤鴨🦆 廚師在客人面前專業的切開烤鴨，刀功非常厲害，純熟👍還沒開始吃，香噴噴的味道撲鼻而來服務員會細心地介紹鴨子不同部位有不同的吃法，配料也有不同的種類，洋蔥，大蒜，山楂，還有爆炸糖🍬.....搭配爆炸糖我還是第一次嘗試😜😜好特別😋不同的配搭，絕對可以滿足不同口味的客人，多樣化👏烤鴨的皮香脆可口，入口即融，烤鴨的肉嫩滑，完全演繹了 皮脆肉滑 ～我個人最喜歡夾著山楂一起吃，酸溜溜的跟烤鴨搭配，感覺很好👍- 粟米魚肚羹🌽玉米的清香配上魚肚的鮮味兒，濃度剛剛好😋- 青梅一字骨那醬汁酸酸甜甜，最讚的是肉質很好，每一塊肉的份量剛剛好，我吃了3塊😜- 牛油芝士焗大蝦芝士控必吃這個，賣相相當吸引，芝士好juicy，大蝦的肉質鮮美，沾滿了芝士醬，完全不會膩- 和牛粒乾煸口菇賣相好像一個繡花球😂😂我個人覺得這道菜味道有點辣，可能我自己吃不了辣吧😔那個菇，厚度足夠，吸滿了和牛的汁，一口一粒菇😂😂乾淨利落- 上湯牛油蝦球伊麵蝦，又是大蝦🍤😂這個蝦不用自己動手去掉蝦殼，好激動，好彈牙的肉🤭🤭為什麼我覺得伊麵更加好吃，可能是上湯的功勞吧😋👍- 梅菜干煸四季豆 & 金沙鮮魷魚四季豆好嫩綠，甜甜的味道，吃了太多肉的情況下，突然覺得蔬菜也很好吃😂😂實在太飽，完全吃不下，所以我就沒有嘗試那個金沙鮮魷魚了，看樣子不錯，下次有機會再嘗試一下.好豐盛的晚餐，餐廳侍應的服務態度很好，餐廳的景色一流，眼裡看著美麗的夜景，嘴裡吃著香噴噴的食物，滿足👍…Read More

海港城好多嘢食！有晚突然想食中菜 見呢間裝修幾靚算多嘢食就入咗去👅同朋友總共3個人 每人嗌幾樣share師傅會喺你面前即切烤鴨 可以睇埋表演😂😂人少少又想試多啲其他小菜 淨係叫咗半隻試試🤔但上到碟三個人食份量又唔算少鴨肉有三個部位 店員好細心逐一介紹食法👍🏼最左係鴨胸皮 推介點爆炸糖覺得一般 有啲奇怪中間係鴨胸肉 點黃芥末醬最右嘅係鴨腿肉 包住青瓜京蔥同醬喺皮入面食鴨肉味道都唔錯 皮都算脆幾鍾意嘅前菜 山藥甜甜地少少淋帶爽脆 好似食緊桂花馬蹄糕咁😝豆腐味道不過不失 連埋木魚絲食😂個人鍾意比較有咬口硬少少嘅質感 但佢就比較淋🤥份量多 冰菜係醋汁底 酸酸地好開胃🤩每舊都幾多肉 梅醬汁食落唔膩不過啲肉少少韌😟推介♥️有四大舊 份量好夠蝦球好彈牙 下面塊米通又係另一種口感加埋鋪滿成舊蝦球嘅醬好好味🥳不過醬汁太多 食晒成舊有啲膩🤭推介♥️泡飯好足料 湯底煲到橙色 好濃味飯底唔算煲到太淋 都仲有咬口 另外有脆脆放埋喺上面食不過就比較細份鹹蛋黃蟹肉汁配埋滑豆腐🤩幾鍾意呢個 好重鹹蛋黃味 蟹肉就唔係好食到 整體唔錯 無食過呢款小菜 幾新鮮👍🏼正正常常 蛋白幾滑 但唔係太特別🤨好重薑汁味 個人唔鍾意咁薑汁😂不過幾多桃膠同紅棗…Read More

心思思想食片皮鴨 上開飯見到呢間有烤鴨三食 評價仲唔錯 襯朋友生日去慶祝下先桂花蜜山藥山藥有驚喜 很爽脆 配上桂花蜜 又不會過甜 是一道開胃的小菜蝦乾冰草同樣是一道開胃的冷盤 冰草爽口 原本以為配上蝦乾味道會偏鹹 不過入口有啖啖醋香 每一塊冰草也沾滿調味動感豆腐入口果然很動感 很Q彈滑嫩 不過醬汁較單調 但面層的木魚絲有為調味和口感 增添了一點分數吃了幾道開胃小菜 今天的主角便來了 更有師傅在面前切烤鴨馳名烤鴨(半隻) 店員會仔細介紹烤鴨不同部為該沾上甚麼醬料🦆最左面的鴨胸皮 配上爆炸糖 藍莓醬 味道很新奇 有點入口即融🦆中間的鴨胸肉 配上芥末醬 酸酸甜甜🦆鴨腿肉 有中式西式的食法 中式配上青瓜絲京蔥絲傳統烤鴨醬汁 西式則配上山楂條洋蔥條藍莓醬 再包進薄餅皮 自家製餅皮很軟熟 個人比較偏好中式食法 鴨腿肉很香口青梅一字骨一字骨很入味 稠稠醬汁 酸酸甜甜金沙海皇扒白玉豆腐很滑濃豆味 面層醬料稠稠的 濃蛋黃味 更有蝦肉 底下會有蠟燭坐熱 不怕變”鯨”芥末沙律蝦球蝦球彈牙 配上滿滿的芥末沙律 微辣微酸很解炸蝦球的油膩感 底下更有脆口的鍋巴 口感豐富蝦湯海皇泡飯每次到中菜廳必點 🦐蝦湯濃郁足料帶鮮味 軟冧的泡飯 配上彈牙蝦肉 脆脆的炸米 吸滿湯汁之餘 口感同樣豐富紫薯燕窩蒸蛋白份量很的骰 濃蛋香 但略為不夠滑嫩薑汁紅棗小桃膠與蒸蛋白份量一樣的骰 濃薑味 很養生環境舒適 店員服務態度很好 會經常收碟換碟 食物質素也不錯 是食物的骰了一點…Read More

被片皮鴨吸引而黎，呢度嘅烤鴨有分唔同部位，唔同位置建議點唔同嘅醬，最特別嘅係鴨皮點爆炸糖，感覺好得意，不過偏油。另外有鴨胸肉點自製芥末醬，味道ok。最鍾意都係用鴨腿肉點返甜醬，再用皮夾青瓜。金沙燒魷魚，入口有啖啖蛋黃香，不過食得多都幾漏。青梅一字骨，酸酸地，份量好多。松露蠔仔煎蛋，賣相雖然普通，但有松露坐鎮都唔會難食得去邊，配搭得相當唔錯。櫻花蝦海皇炒飯，飯粒分明而且乾身，唔錯。老北京炸醬麵，好鍾意呢個，撈入協醋同炸醬好香，麵質似扁烏冬。牛油芝士焗大蝦，芝士味濃！蝦乾冰草，醬汁開胃，食完咁多肉要食返呢個。黃扒魚肚，南瓜底，魚肚好長，真材實料。甜品試左杏仁豆腐，質地好黏，都係鍾意食蛋白杏仁露多啲。…Read More

我地一行五個人為左食皮片鴨而來, 充滿期待果然冇令我地失望! 呢度既食物賣相都好吸引, 唔止片皮鴨, 好多食物都好出色。夜晚黎到除左可以品嚐美食, 仲有靚夜景睇, 真係冇得彈。呢度既片皮鴨真係必食! 唔單止鴨皮脆鴨肉嫩, 平時一般片皮鴨只有一種食法, 但呢度就將鴨肉同皮分左三類配合番三種食法。第一種藍莓醬配爆炸糖; 第二種係傳統食法; 第三種配芥末。個人都係最鍾意傳統食法, 但另外兩種其實都幾好食而且係幾有趣既配搭!山藥亦係一個驚喜! 完全滲入左桂花既香甜, 好清新。近期好多野食都會加入咸蛋黃, 呢個魷魚就配搭得幾好。外皮好脆亦好香咸蛋黃味, 魷魚又彈牙。D湯好好味, 食咁多肉呢個白菜正好可以解下渴同油膩。黑松露好香, 幾好食。呢個都唔錯, 賣相好吸引。呢個都算唔錯, 但相比其他好似冇咁吸引。我地都唔太鐘意呢個肉餅, 雖然幾創新, 但好油膩好濟, 真係唔太好食。…Read More

今晚同朋友食慶功飯，因為朋友完左一單大Project，佢就問我有無邊間餐廳之前食過覺得好正可以再介紹比佢，我諗左一諗，然後就同佢講左呢間位於海港城海運果邊既餐廳 羲和雅苑。羲和雅苑呢間北京菜餐廳算係我腦海中一直有佔據一個位置，因為對於鍾意食北京鴨既人黎講，呢到真係一間唔錯既餐廳。餐廳環境:呢間餐廳其實位置唔錯，雖然行入去真係有小小遠，不過係你食飯既過程中會望到海架，有海景睇之餘仲有咁多美食，其實係幾chill。餐廳內既環境好唔錯，都算坐得舒服，枱與枱之間亦唔會覺得逼。餐廳餐牌巴蜀口水雞(半隻) $168雖然我本身麻麻哋食辣野，但係因為朋友好鍾意食辣，所以都決定叫一個冷盤，佢就話想食口水雞，呢度嘅口水雞都算幾辣，不過都啖啖肉，朋友話覺得肉質幾好，不過都真係有啲辣。呢度嘅口水雞價錢其實唔算平，我覺得性價比一般。栗米魚肚羹 $88我同呢個朋友都好鍾意飲湯，跟住我哋決定叫粟米魚肚羹share，一人份量嘅粟米魚肚羹其實真係大概一碗左右，不過我同朋友都叫咗好多嘢食，所以其實份量係OK。呢度嘅粟米魚肚羹算係幾真材實料，我記得我上次嚟都有飲，粟米蓉加上超級多嘅魚肚，味道好正，魚肚又有咬口，正！花蜜汁黑椒雞翼 $88花蜜汁黑椒雞翼係我覺得全晚必叫嘅餸之一，呢到既雞翼真係好好食，性價比好高，黑椒嘅味道唔重唔淡，配上已經凝固咗嘅蜜糖，一咬落去外脆內軟，外層嘅蜜糖真係超級好味，內裏嘅雞肉肉質超級鮮嫩，呢度嘅雞翼真係唔可以唔試。青梅一字骨 $138青梅一字骨係我同朋友都覺得想試嘅餸，佢嘅醬係幾多，好開胃，我同朋友都覺得佢嘅醋味幾特別，份量都幾多，呢個價錢叫到咁既質素都算唔錯。牛油芝士焗大蝦 $188牛油芝士焗大蝦一上到枱，陣芝士味已經好勁，話明焗大蝦啲蝦真係好大隻，配上勁濃芝士，真係好好味。除咗芝士焗大蝦之外，個蝦底仲有一啲米餅，食完蝦之後再食米餅，極尚享受。金沙鮮魷魚 $168金沙鮮魷魚係我話一定要食嘅餸，本身我對鹹蛋味嘅食物真係難以拒絕，呢度嘅魷魚仲要整得唔錯，肉質幾嫩，起碼識落唔會好似擦膠咁，配上新鮮炒嘅鹹蛋，成件事真係好完美，可能係因為我同朋友叫得太多餸嘅關係，最後我哋都打包左啲返屋企食，拎到返屋企媽媽都話好好味。馳名烤鴨 (半隻) $328黎到羲和雅苑，真係唔可以唔要呢度最出名嘅招牌烤鴨，我哋因為得兩個人嘅關係，最後只係叫咗半隻，不過份量絕對已經係非常足夠，呢度嘅烤鴨係會分為三盤，第一份係只有鴨皮，第二份係有鴨皮加肉，第三份係只有鴨肉。每一份所配既醬都唔同，餐廳侍應會再慢慢講解，三盤個底會有熱氣哄住唔怕凍。呢個烤鴨真係超級好味，一定要叫呀！…Read More

近期OTE區域較熱鬧，所以今次同朋友慶生黎到呢到．首先點左個．張氏獅子頭(一位用)．$48舊肉望落去似實既感覺 但一食係較軟 一般的感覺吧！主打出場． 馳名烤鴨(半隻)．$328隻鴨係熱辣辣咁攞出黎你旁邊切架 仲要有分左3個食法(其中一個食法係有爆炸糖)我地都係最中意傳統食法 隻鴨唔太肥 感覺不錯吧令我出乎意料既．青梅一字骨．$138個汁很好 肉質剛好 好值得一試最後．籠仔櫻花蝦海味蒸飯．$128嗯‥呢個感覺上冇乜特別 味道都普通 份量3個人食剛好每人一碗3個人食又覺得飽，可能肉類都比較多。加埋茶芥每人$20再加一，總數$772。坐得幾舒適，服務又不錯，值得去試一試。…Read More

一心諗住黎食呢到馳名烤鴨，但係真係好失望。味道係唔錯，不過明明叫咗1隻鴨，但係出到黎份量少得可憐。之後online 睇，覺得同半隻差唔多... 究竟佢係咪呃我🤔唔知係隻鴨定係其他嘢，有2個小朋友同3個大人食完肚痾加發燒咗2日 😒 以後都唔敢再黎…Read More

耷耷眼時常話我眼大，前面有舊屎都睇唔到，我睇唔到啫，但又踩唔到，佢眼細，乜都睇到，睇到不合意，就唔開心。餐牌相又係靚，室内設計以中國典雅及簡潔風，配合北京菜風味；白牆，黑木條，想起吳冠中雙燕，但配新穎枱椅，又有不同看法。未埋位我就發現匙花，即鋼水差（但六公館，遠望都令立立，可照鏡），最弊是茶壼，玻璃咖啡壼，完全破壞整體環境，放一大包普洱茶，好快深，$20位茶，茶葉不需要多，要香滑。食物賣相都無失望，盛載器皿，日本式，不過不失（六公館有自家美學）。桂花蜜山藥$48，爽，少黏液，桂花香味小。黑醋雲耳$48，红辣椒粒，酸辣蒜，初初無問題，量都大，因其他食物都有醋，所以食到一半，就會過酸辣，頂唔住，用水沖淡。獅子球$48，網球大小，無肥肉，嫩到溶，做得算錯，要熟又不鞋，考工夫，有醋味，但不酸，有味又不太咸，配小碗白飯，絕對對。炸醬麵$78，豬肉炸乾在黑麵醬内（咸），辣油（好辣，少少就夠，香），醋，大豆（？無味，吾知點解放，北京？），大白菜，白蘿蔔絲（染淺粉），芽菜，青瓜絲，白麵條~淋身，無特別麵香，係食醬。青梅一字骨$138，大件糖醋骨，青梅得2點，唔講都唔知，即糖醋骨，大大件，醋味濃，有嚼勁，起碼不會淋，但夜上海質素好些。因為叫食物都又辣又酸，攪到條脷，似隻狗，條脷係咁伸。看食評，午市有套餐$128，現在無，真唔抵，送現金券。…Read More

係OpenRice 見到甘多好評，地點又方便就腳，一於同屋企人去食啦😍😍竟然黎到就緊係要試佢最出名ge片皮鴨啦😝一次過可以試三種吾同ge食法，最得意係包住爆炸糖黎食，初初覺得新奇，點知一試竟然同片皮鴨出奇地夾😏😏配上爽脆ge青梅，酸酸甜甜愈食愈開胃😍完全係好失望，一咬落去成口都係油，食左兩啖就放棄左🤦‍♀️好香口，小小麻辣食得好過癮⋯⋯完全有驚喜，初初諗住鮑魚得一兩粒。點知有好多鮑魚，仲要好似雞粒甘大💓對住美麗ge維港景色，食物都特別好味！…Read More

今次到小女子生日🎂，朋友提議食「片皮鴨」⋯⋯⋯突然想起從雜誌中看過尖沙咀海港城開了一間新派京菜食「片皮鴨」-義和雅莊於是提議大家試下訂了晚上6:30pm, 要8:15pm 還枱。餐廳位於海港城近碼頭一樓最深入的位置⋯內裡裝修中式典雅，而且可望維港美景（忘記影相），一個一個小個室式，私人度高，可以盡情跟朋友吹水。打開Menu, 價錢不算太貴（除了海鮮時價），開始還以為份量會好少，想不到大家食到捧住個肚⋯⋯⋯首先，當然要點個招牌菜「義和馳名烤鴨」看見脹泡泡的烤鴨，真令人垂涏雖然我們點了半份，但都會整隻烤鴨在我們面前切食烤鴨除了要烤得外脆內嫩，醬料亦是靈魂所謂烤鴨三吃，就是點三種不同醬料。職員都好細心教我們如何食此烤鴨第一吃：爆炸糖+藍梅醬開頭以為只是Gimmic, 但想不到甜食烤鴨又幾好食😋。酸酸甜甜的藍梅化了鴨皮的油脷感覺。第二吃：黃芥辣醬這款點黃芥辣的烤鴨，每片鴨肉成份比較多但個人就不太喜歡配黃芥辣食。第三吃： 用薄餅包著配料同吃最傳統的吃法，薄餅皮很薄又QQ配料除了傳統的燒鴨醬、京蔥，洋蔥、蒜頭，還有山楂糕。山楂糕還是淨食更好食😋食完招牌菜，試下一些凍盤「麻辣海蜇頭」朋友們大都不吃得辣，所以點了「小辣」以我吃得「譚仔五小」的程度，我覺得剛剛好（但都有朋友覺得辣），很野味，海蜇很爽脆，正「桂花蜜山藥」這個幾得意、幾清新，剛好中和一下之前幾道濃味的菜！！不過山藥有些滑涰涰的感覺，不是人人喜歡，本人就覺得不錯。肉類方面，我們點了一個「金沙鮮魷魚」因為一聽個名就覺得很吸引，但可能期望越大就會失望。味道是調得不錯，外皮亦香脆，只是咸蛋黃的味道好像跟魷魚的口感不太夾（魷魚還是椒鹽好食）「青梅一字骨」這個就很好吃，酸甜的醬汁掛滿在每塊一字排骨上，排骨炸得外皮很脆，肉又很嫩又結實彈牙，好味！蔬菜方面點了「金銀蛋萵筍」金銀蛋湯底好味，跟萵筍的爽甜很夾，不過若果萵筍不要切得這麼幼，口感會更好「撈汁秋葵」醬汁有花椒和胡椒的香、少少微辣，很野味，加上我喜歡滑涰涰的秋葵，正！吃了七道菜，大家都有七成飽了！但好像還未吃主糧-飯在猶豫點「籠仔櫻花蝦海味飯」，還是「蝦湯海皇泡飯」⋯⋯⋯最後還是點了一個「泡飯」（例）Share上到枱，大家都有點驚一驚，HK$109的例牌「泡飯」，原來只是一人份量因為忙著想如何分五份，所以都忘記影相，不過除了份量少，其實都幾好味的。總括來說，味道、環境、服務都唔錯，值得一試再試…Read More