被片皮鴨吸引而黎，呢度嘅烤鴨有分唔同部位，唔同位置建議點唔同嘅醬，最特別嘅係鴨皮點爆炸糖，感覺好得意，不過偏油。另外有鴨胸肉點自製芥末醬，味道ok。最鍾意都係用鴨腿肉點返甜醬，再用皮夾青瓜。
金沙燒魷魚，入口有啖啖蛋黃香，不過食得多都幾漏。
青梅一字骨，酸酸地，份量好多。
松露蠔仔煎蛋，賣相雖然普通，但有松露坐鎮都唔會難食得去邊，配搭得相當唔錯。
櫻花蝦海皇炒飯，飯粒分明而且乾身，唔錯。
老北京炸醬麵，好鍾意呢個，撈入協醋同炸醬好香，麵質似扁烏冬。
牛油芝士焗大蝦，芝士味濃！
1
蝦乾冰草，醬汁開胃，食完咁多肉要食返呢個。
黃扒魚肚，南瓜底，魚肚好長，真材實料。
甜品試左杏仁豆腐，質地好黏，都係鍾意食蛋白杏仁露多啲。
