一入去見裝橫極似北京上海嘅新派餐廳， 揉合了古典及現代美， 侍應嘅服務都好好。
我哋首先叫咗半隻北京烤鴨， 一個湯，一個菜， 兩款主菜，一個主食，最後再叫兩個甜品， 嘴刁的我們飽到撐破了肚皮。
半隻北京烤鴨， 分成了三小碟， 鴨皮 ，鴨胸, 鴨腿肉， 片片分明， 很考刀功。一食是鴨皮點爆炸糖及藍莓醬，二食是鴨胸肉點餐廳自家調配嘅芥末醬(呢個我最愛， 芥末醬有小顆粒，似美式及法式芥末混合)， 三食是傳統嘅包捲皮。 三種食法各有特色， 豐富味蕾。
酥皮酸辣湯， 揉合了中西特色， 爆足料， 加上酥皮 ，需要兩個人share,否則會太飽。
青梅一字骨，酸酸甜甜超級開胃， 而且面有新鮮青梅，很解膩。
乾扁四季豆， 這道
菜很常吃， 特別在於這加了梅菜， 混合起來加上肉碎及四季豆，口感豐富。
乾炒牛河，大大塊牛肉片，惹味乾身。
宮保大蝦球， 分量很大， 有5，6隻蝦球，辣而不燥，帶甜酸味道
甜品雖然高質但價錢略貴， 楊枝甘露普普通通，薑汁紅棗桃膠是出面比較少有，製作需時，要等十分鐘，但很滋潤.
總括而言美味嘅一餐，適合大夥兒食，下次會再約多些人再光顧。
