Lucky Food

九龍城的特式川菜館。位置方便，從宋皇臺地鐵站出發只需步行5分鐘，旁邊仲有好多巴士站。蔥爆牛肉牛肉又薄又嫩，夠哂入味。京蔥味香，提升口感，賣相一流。酸菜魚 好大碗，魚片滑，啖啖肉。仲有豐富的配料，包括花椒，麵條及大腸等。花椒味香，酸辣適中，開胃非常。 而且份量十足，2-3人份好夠！ 餐廳仲提供多款飲品，讓客人隨意選擇。餐廳上菜都好快，餸菜即叫即製作，既新鮮，又夠穫氣。客人好多，記得要預約，否則可能需要預留排隊時間。…查看更多

九龍城區不嬲以食泰國菜為主，要搵啲特色中菜餐廳選擇真係唔算多，落巴士見到呢間「有口福」餐廳招牌大大隻字寫住主打酸菜魚、烤魚、火鍋好似幾正宗，同埋俾佢門口啲食物圖吸引咗，膽粗粗就入去試吓。🌶 酸菜魚酸菜魚的花椒香味好突出，唔係嗰種嗆喉嚨嘅辣味。趁熱試啖湯，味道幾正宗惹味，辣味適中，唔算太油膩，即使凍咗再食都冇層厚油出現，食晒成餐飯都唔算太大負擔。今次叫咗魽魚魚片，魚片數量幾多&大塊，而且唔算多骨，係值得一試！🥠炸普寧豆腐第一次食普寧豆腐，形態同普通豆腐已經唔同，偏向挺身厚實啲，油鑊炸過後做到外脆內嫩，咬落去仲好滑。就咁食就食到咸香 & 淡豆味，不過配埋隔離碟韮菜鹽水吊味，豆香味會再突出啲👅熱食定攤凍嚟食都OK👍一碟有好多舊，食晒都好飽。🐷 農家小炒肉豬腩肉片人加埋青辣椒片一齊炒，有鑊氣夠惹味，比較啱送飯。🍜 家鄉炒米粉呢個米粉夠晒有驚喜，廚師炒到米粉乾身唔油膩。配料有厚切午餐肉條、蛋同蔬菜，口感豐富！最正嘅位係超夠鑊氣，估唔到係好有大排檔風味。餐廳位置係富豪東方酒店巴士站，行過兩條街又有宋皇臺站，交通算好方便！…查看更多

剛去完中國四川九寨溝遊覽, 愛上了吃川菜, 朋友住九龍城, 今晚帶我去  [有 口福]   吃晚飯回味一下,  真開心.交通好方便,  乘地鐵由宋皇臺站出, 行三分鐘. 餐廳有兩層, 客人也很多, 必要先訂位. 天氣熱,  大家先叫了飲品:  竹蔗茅根精, 天地壹號蘋果醋, 冰涼順暢,  好飲.  再看餐牌. 牆上彩照, 食物款式多, 點餐無難度, 餐牌內有詳細介紹,  鮮活魚,  雞鴨, 可辣可走辣牛羊小炒,  蔬菜, 粉麵...............價錢中等.先叫了開胃菜,   干煸四季豆,四季豆味道清甜, 口感爽脆, 連同肉碎及蒜椒炒, 香口惹味！接著送來招牌菜, 我們喜歡的  酸菜魚,   大大碗, 滿載金黃色的食材, 好豐富.   選了魽魚,  走辣.  魚肉夠大塊,  份量足, 魚片味道鮮,  魚肉結實,  已去骨, 魚皮爽口彈牙.大家吃一口魚片, 再吃口配菜,   配料好入味, 增添口感.  酸菜, 芫荽, 荀, 芽菜, 粗粉絲, 薯粉, 味道好滿意.   紅薯粉煮得啱啱好, 吾會太稔, 粗身滑溜, 質感煙韌,  配湯同吃, 好食.樟茶鴨   好食而又不辣的四川名菜.   我們叫了半隻,  半隻好大碟.   外皮很脆又香口,  帶柴木及茶葉煙燻香氣.  鴨肉分切開了, 十分厚肉.   肉質嫩滑冇騷味.鴨肉香, 再沾上美味醬汁, 好滋味!  家鄉炒米粉   勁大碟,   即叫即炒上,  熱辣辣, 好有鑊氣, 材料滿滿加上芝麻鋪面, 好靚 !! 材料正, 有雞蛋, 餐肉, 椰菜絲.  米粉柔軟有彈性,  調味好,  炒得夠乾身, 吾油膩, 口感非常好！ 有口福  ~  吃得滿足.   享受到四川食品風味.  下次要約多些朋友食孜然寸骨,  胡椒豬肚雞煲 !!…查看更多

🌟酸菜魚 💰198魚肉新鮮，鮮嫩多汁，而酸菜則帶來一種脆嫩的口感，與魚肉的柔軟形成美妙的對比。配料亦相當豐富。有薯粉、芽菜、酸菜，使得口感更加豐富多樣。🌟辣炒土豆片 💰68土豆片外酥內軟，炒製得恰到好處，土豆片酥脆可口，給人帶來愉悅的咀嚼感。辣炒土豆片的辣味和鮮香太能刺激食慾了，我太愛了！超推薦這個！🌟辣子雞 💰88辣子雞的雞肉經過炒製後，外酥內嫩，肉質鮮嫩多汁，入口即化。花生足夠多！正！香辣誘人、口感鮮嫩和酥脆，非常適合作為下飯菜！…查看更多

九龍城食泰國嘢就多，不過今晚朋友帶咗我去食一間十分正宗嘅四川菜，仲幾抵食添😋酸菜魚$188，呢個抵食，老闆特別揀咗啖啖厚肉嘅鉗魚，好少骨，魚肉好嫩，仲有好多配料，粗粉絲、荀、芽菜，仲有菊花喺面，幾吸引；個湯好濃，好有魚鮮味，好味道👍🏻重慶辣子雞$88，呢個都幾難，雞肉炸得夠乾身又香口，份量都幾多，天氣咁凍食呢個好正💯 一邊食一邊飲啤酒，正😌酸辣腰花$88，豬腰都算新鮮，酸酸辣辣好開胃😋干煸四季豆炒$58，完全唔油膩，仲好惹味，同喺大陸食一樣，十分正宗。真係要提一提連個飯都好好食，絲苗米，好有飯香😍問一問，原來個廚係國內嚟，唔怪之得樣樣餸都咁正宗，呢餐2個人食，勁飽勁滿足，好抵食💯…查看更多

天氣咁熱冇咩胃口，朋友異口同聲都想食酸菜魚刺激一下味覺。九龍城打鼓嶺道這間「有口福」開業多年，環境都有點歷史，但菜式依舊味道如一，每次去到都見到不少街坊、熟客捧場就知道極受歡迎。酸菜魚店家嘅招牌菜。也是少有用成條魚起肉再連魚骨魚翅部份，所以湯底特別有魚味👍🏻 魚肉嫩滑，配料豐富，有粗粉絲，酸筍，芽菜。干扁四季豆勁有鑊氣，四季豆夠乾身，肉粒鹹鹹地又有蒜香，送飯一流！酸辣腰花橙色和青色嘅辣椒又爽又辣，非常醒神。腰花厚薄適中，入口好爽，配以帶少少酸嘅辣汁好開胃惹味。加入左酸筍，夠晒風味！分別有中式和西式涼茶降降溫😁海蜇海蜇入口爽脆，撈勻芫荽和青瓜絲，夏天吃最適合不過。店家仲有好多招牌地道菜式，水煮魚，烤魚⋯⋯已經諗定下次嘅目標小菜😋…查看更多

惡劣天氣下加上黃雨，身在區内剛巧是晚餐時候，見到這以水煮魚及酸菜魚主打的家庭式小菜館，决定留步光顧🙂先點主力菜-酸菜魚及樟茶鴨(半隻)上桌時驚見盛器勁大，份量足四人用， 熱氣騰騰的湯面更灑上色彩鮮豔的黃菊花瓣，好吸睛👏用原條鯰魚起肉拆骨浸在酸菜湯内，底墊大量芽菜粉絲，味道鮮而不酸，魚肉嫩滑，好吃魚骨的我更欣賞魚頭及骨塊，不愧為招牌菜😋😋再來樟茶鴨，肉冧味美，咸度適中，甚有口感😋😋啤酒是重味餸的好拍擋，正好解放一下味蕾👏意猶未盡，追加少見的干鍋帶皮牛肉，牛肉連筋皮好少吃得到， 爽脆而不太肥膩，好好味道😋😋最後清炒萵筍絲，爽口清淡，正好纯化之前濃郁味道👏好回味的一次晚餐…查看更多

又到咗天氣轉涼的季節，最好就係去食下啲熱野，雞煲、羊腩煲、酸菜魚等等都係呢啲天氣必食嘅菜式👍今日出去九龍城，去我平時都有幫襯開嘅一間食店，佢嘅酸菜魚同埋川味小炒非常有風味每次嚟到必定點嘅酸菜魚😍魚片厚切，有口感；湯底酸酸辣辣之餘，仲有花椒八角之類嘅藥材，令到湯底「酸」中有「辣」，「辣」中有「麻」，有風味😍呢個胡椒豬肚雞煲嘅湯底亦都非常香濃，有淡淡的藥材味、加上鮮嫩的雞肉，非常補身👍呢個鮮蝦滑，我係非常驚喜，因為入邊竟然有好多原隻蝦粒爽口彈牙有鮮味，必試👍新鮮炸響鈴，鬆脆之餘仲帶咗少少豆香味👍水晶粉炒得幾乾身，爽口煙銀，每次嚟都會叫總體來講，除咗鎮店之寶嘅酸菜魚之外，其他菜式都幾有風味，價錢合理，可以一試…查看更多

九龍城區這間有口福的酸菜魚真係食過返尋味。門面裝修毫不起眼， 不過各款川菜味道正宗，小炒火喉十足， 諸葛烤活魚尤其係拿手菜。酸菜魚$188份量好大， 今次先嚐一口湯底， 鲜味十足， 辣度接着來，屬於辣得有層次， 唔太食得辣嘅人都接受到。酸菜好夠味。 原條魚起骨切片， 有不少魚鮫，魚翅部位， 魚片也非常嫩滑，實在美味！配菜也十分豐富， 有大量芽菜， 還有薯粉， 吸滿鮮甜嘅湯汁非常美味！涼拌海蜇絲$48海蜇絲切得比較幼細， 調味比較清淡， 青瓜爽脆夠味!酸辣腰花$88鑊氣十足， 青椒，紅椒，竹筍等同炒， 非常惹味！ 腰花薄身入囗爽脆，豬腰處理得好好本身亦冇怪味。 酸辣度也恰到好處， 惹味得嚟又唔太辣，送飯一流。乾扁四季豆$58這也是做工複雜的小菜， 四季豆乾身夠嫩， 混合肉碎和乾辣椒，惹味又香口。番茄炒蛋$58家常小炒， 做得好好， 最重要係炒蛋夠香夠滑， 番茄炒得酸酸甜甜，也能解辣。每款小菜也做得出色， 即叫即做夠鑊氣！ 價錢夠經濟， 再回頭幫襯冇難度～…查看更多

最近特別想食酸菜魚，記得之前在九龍城等巴士時看到附近有間頗有川菜風味的小店叫有口福，就決定去解決一下我的食辣癮～原來餐廳除了川菜外，還有胡椒豬肚雞煲，不過心繫酸菜魚的我忠心地點了酸菜魚，加幾款小菜。【脆椒雞軟骨$88】不得了～一上菜就有好香的辣味攻入鼻。雞軟骨炸得好香脆，就算食到尾段都沒有變軟，可見師傅的火候控制得好好！加上麻麻辣辣的味道，好惹味！必食之選～【生炒菜心$58】想食點菜平衡一下罪惡感，但想不到餐廳炒菜亦有放豬肉爆炒，令菜心更香更好味。【酸菜魚$188】不知道酸菜魚入面有水晶粉，所以加配了紅薯粉$30😂不過各有各出色，水晶粉好吸味，紅薯粉非常煙韌，跟酸菜魚湯底非常配合，不會太辣，酸酸辣辣好開胃，而主角魚塊果然少骨，而且份量極多，每口都鮮嫩軟滑，好好味。【家鄉炒米粉$68】純粹見好多客人都有點，就忍不住試試。幾有驚喜！炒得非常乾身又有鑊氣，配搭一些蔬菜和午餐肉，有蛋香又惹味！難怪人人都有點！…查看更多

好耐無黎過九龍城食飯，係openrice search到呢間好高評價，所以決定黎試下先...呢到最出名食酸菜魚同雞煲仲有一d小炒，種類都幾豐富下先黎一個香辣雞煲，好香...我地點左個小辣，雖然唔太辣但又有d麻辣味道，岩我口味，雞件都幾滑，份量多，同埋最正係好多洋蔥，食雞煲多洋蔥真係好正當然要試下呢到最出名既魚...酸菜魚配料好豐富，入面最正係有百葉結，吸晒d酸菜魚湯味，一流魚好新鮮，好鮮甜，同埋唔算多骨食完雞煲例牌都要用埋黎打邊爐，所以叫左幾樣唔同既火鍋配料黑豚腩片肥瘦都幾均勻，入口淋魚皮餃不錯，夠大隻白菜餃就普普通通仲有叫左一個小炒試下，炒田螺肉田螺肉夠爽口又惹味，而且田螺肉份量好多，食極都仲有最後，因為睇到人推介，所以叫左呢碟好似平平無奇既家鄉炒米粉試下一食落口，真係不得了，超好食呀！夠晒火喉我仲試下加d酸菜魚湯落去，撈埋一齊食，原來好夾…查看更多

好朋友早已食過九龍城的「有口福」，特登帶我嚟食酸菜魚。餐廳位置都好易搵，訂咗6:00晚飯時間，已經有客人食緊飯了。我就坐低等食，朋友負責點菜。酸菜魚$188 （少骨）講到明少骨，真係每一口都係嫩滑嘅魚肉，好足料，芽菜吸晒酸菜魚湯，採用粗粉絲而不是木薯粉，更滑。兩個女仔可以食晒成盤，就知道非常美味。辣炒萵筍絲$68萵筍絲每一條切得均勻幼長，味道不太咸，剛剛好，成碟食清光。干扁四季豆$58 好夠獲氣，辣辣地好過癮，又一碟清光。孜然寸骨$108 呢碟好驚喜，用真的孜然，而不是用孜然粉，看得到廚師的認真用心。整餐晚飯都好滿意，價錢合理，性價比高，店員親切友善，與食客有講有笑，香港正需要一間有人情味的小店。下次一定再幫襯，食烤魚。…查看更多

今晚訂了枱一試朋友介绍以川式烤活魚做招牌的小店，門前招牌頗別緻畫中人面相與老板極似😀😀牆壁上貼滿招牌菜相片👍👍今晚試酸菜魚(加萵筍片)，上桌時驚見份量頗大-(足四人用)👍，湯中材料足，酸菜，豆芽，粉絲加上萵筍片，主角魽魚片拆肉起骨，魚塊鮮嫩彈牙，又有魚頭骨咬咬，甚有口感，䈑筍片爽脆入味伴酸菜湯绝配😋😋👍👍口水雞嫩滑而不膩，麻辣度恰到好處，爽口青瓜絲墊底， 灑上脆卜卜花生粒，極佳嚼感效果😋😋😋👍👍👍干鍋帶皮牛肉肥瘦肉連皮，干脆而不韌，頗有口感，混上洋蔥椒粒干牛肉味道更昇華😋😋👍👍吃麻辣菜式啤酒是上佳配合👏👏…查看更多

自從加入咗酸菜魚關注組， 四周圍搵好食嘅酸菜魚🤗 。唔可以話好專業， 不過揀到合自己口味嘅 先係重點， 佳因間間酸菜店都有其獨特口味。今晚來到『有口福』， 烤魚之前試過，今晚一於吃酸菜魚！酸菜魚 $188這個價錢相對論份量是大， 如果要KO所有配菜， 三，四個人都未必得。賣相有睇頭， 聞到好香嘅芝麻味， 湯底有魚香，唔算好麻，辣度，酸度適中， 唔需要一路食一路流鼻水嗰種。條魚就啱啱熟， 肉好滑， 不過已標明少骨， 即係成條魚連頭，尾上， 好啱鍾意識食魚嘅人～有大量配菜，夾極都仲有～ 比較特別佢有酸筍，增添香氣。 也喜歡使用粗粉絲而非水晶粉或薯粉這類較難消化。 酸菜，芽菜也夠爽！👍😋美極秋葵秋葵炒得乾爽，有鑊氣， 唔辣，散發出美極香氣， 又唔會好鹹～ 送飯，佐酒也不錯。涼拌海蜇非常入味，青瓜絲又爽又脆， 帶辣嘅麻油令海蜇更惹味。木耳肉片也是很有鑊氣，熱辣辣， 而且分量好足好大碟。豬腩片炒得香口～蕃茄炒蛋唔好睇少這些家常菜， 夠鑊氣先煑得好食， 食咗咁多辣嘢， 甜甜酸酸中和番～今晚好肯定係有口福，每款小菜都啱心水， 川味十足！ 難怪未到7點已經坐無虛席～ 大部分都係識食嘅熟客仔～…查看更多

封關之前我都成日同朋友上深圳食好嘢深圳嘅酸菜魚係我其中比較鍾意食嘅菜式，而家冇得返深圳，今日我同朋友去九龍城食一間我覺得非常好食嘅酸菜魚這個酸菜魚無論是湯底、魚肉都做得非常出色👍首先湯底，當中酸味唔會蓋過辣味，配搭剛剛好，加上湯底飲得出有鮮魚湯嘅味道；重點係魚片全部都係『厚切』嘅魚片，肉質彈牙唔鬆散，而且有魚味，推薦爽口彈牙，唔會太黏，炒到好乾身👍初頭以為係一碟普普通通嘅炒菜，估唔到比想像中好食蔬菜新鮮爽口、鑊氣好夠，炒到好香，再加上略帶少少香辣，非常野味👍這款麻辣牛肉，略嫌肉質比較硬，但麻辣汁味道幾好，有辣味之餘仲有一點點麻這間店舖整體水準不錯，普遍菜式都好有鑊氣，特別係酸菜魚，非常值得一試…查看更多