餐廳位置都好易搵，訂咗6:00晚飯時間，已經有客人食緊飯了。我就坐低等食，朋友負責點菜。
酸菜魚$188 （少骨）講到明少骨，真係每一口都係嫩滑嘅魚肉，好足料，芽菜吸晒酸菜魚湯，採用粗粉絲而不是木薯粉，更滑。兩個女仔可以食晒成盤，就知道非常美味。
辣炒萵筍絲$68萵筍絲每一條切得均勻幼長，味道不太咸，剛剛好，成碟食清光。
干扁四季豆$58 好夠獲氣，辣辣地好過癮，又一碟清光。
孜然寸骨$108
呢碟好驚喜，用真的孜然，而不是用孜然粉，看得到廚師的認真用心。
整餐晚飯都好滿意，價錢合理，性價比高，店員親切友善，與食客有講有笑，香港正需要一間有人情味的小店。下次一定再幫襯，食烤魚。
