Lucky Food

九龍城區不嬲以食泰國菜為主，要搵啲特色中菜餐廳選擇真係唔算多，落巴士見到呢間「有口福」餐廳招牌大大隻字寫住主打酸菜魚、烤魚、火鍋好似幾正宗，同埋俾佢門口啲食物圖吸引咗，膽粗粗就入去試吓。


🌶 酸菜魚
酸菜魚的花椒香味好突出，唔係嗰種嗆喉嚨嘅辣味。趁熱試啖湯，味道幾正宗惹味，辣味適中，唔算太油膩，即使凍咗再食都冇層厚油出現，食晒成餐飯都唔算太大負擔。今次叫咗魽魚魚片，魚片數量幾多&大塊，而且唔算多骨，係值得一試！

2

酸菜魚

$198

🥠炸普寧豆腐
第一次食普寧豆腐，形態同普通豆腐已經唔同，偏向挺身厚實啲，油鑊炸過後做到外脆內嫩，咬落去仲好滑。就咁食就食到咸香 & 淡豆味，不過配埋隔離碟韮菜鹽水吊味，豆香味會再突出啲👅熱食定攤凍嚟食都OK👍一碟有好多舊，食晒都好飽。

炸普寧豆腐

$78

🐷 農家小炒肉
豬腩肉片人加埋青辣椒片一齊炒，有鑊氣夠惹味，比較啱送飯。

農家小炒肉

$88

🍜 家鄉炒米粉
呢個米粉夠晒有驚喜，廚師炒到米粉乾身唔油膩。配料有厚切午餐肉條、蛋同蔬菜，口感豐富！最正嘅位係超夠鑊氣，估唔到係好有大排檔風味。

4

家鄉炒米粉

$88

餐廳位置係富豪東方酒店巴士站，行過兩條街又有宋皇臺站，交通算好方便！