Wai Kee Noodle Cafe

步入唯記的玻璃門，撲鼻而來的是薑片與麻油味，這碗豬潤牛肉麵，依舊是深水埗街坊的早晨儀式。琥珀色的湯底，滾燙上桌，湯面浮着現燙的薄切豬潤，咬下卻帶着微妙的金屬鮮味，正是老派處理內臟的手法。鮮牛肉慢火浸熟，肉質有雖然小小柴，但與薑汁湯底做出清甜層次。公仔麵條吸飽湯汁，掛着香港人最愛的「半生熟」口感，唔太淋，再加多隻雞蛋，蛋黃混湯味道更豐富。 店內白格瓷磚、鐵風扇與舊式餐牌，定格了八十年代的茶記風貌。阿姐落單的聲音、鄰座食麵的聲響，比米芝蓮更真實的香港味，每個月點都來食一次。目的就在這碗有小小性格既豬潤麵裡。…Read More

維記 - 深水埗馳名豬潤麵，由細食到大，由從前成碗白泡湯到今日個湯頭無乜泡就知道維記都着重咗相頭要好，才能吸客。今日去深水埗買喇叭，特登嚟食返碗豬潤麵，無從前咁好食了。豬潤牛肉麵($35)湯頭清咗好多，重前的白泡係啲豬潤水嘅沉澱物嚟，亦都係個湯頭鮮味嘅來源，一見個湯頭清咗咁多，就心知不妙，一試果然係無咁甜，但都唔可以話清，係由甜變咗做偏鹹，有啲失望呢，豬潤就都係厚切，生熟剛好，無煮到過老，食到粉嫩同少少彈牙，好食嘅，牛肉都係，無過老，有肉汁都係好食嘅，麵底就偏硬身，本人鐘意咁嘅口感。咖映西多士 ($19)香脆，帶蛋香，咖映味唔太濃烈，西多士都叫做煎得唔錯嘅。雖則話就話佢差咗，但期實都係好食，食得過嘅，始終你想三幾廿蚊貨仔你都佢俾啲乜野你食呀，咁嘅價錢，其實已經好唔錯嘅喇。…Read More

為了新電話的皮套，特意去逛一逛深水埗。 根深蒂故，想起吃，總要去這間餐廳朝聖一下，沒吃過馳名 ＂豬潤麵 ＂，又怎算是到過深水埗呢😜豬潤確是夠爽，也夠新鮮👍😆吃一口湯，補充了鐵質，對我這行常捐血者，絕對是恩物!😍再加上牛肉，簡直是無敵拍檔，呵呵😆 可惜麵煮得過了點火喉，太霖軟了!還有出名的 "咖央西多" 🍞雖然已吃了大大碗麵，很飽肚，但難得到來，當然咪錯過啦 ~ 足料咖央，配上香炸西多，無敵😋😛🥰…Read More

一個人的午餐一條友去咗深水埗，梗係要去搵食。今日都幾好彩，見到維記唔洗排隊，第二次食，水準都保持得好好。是日消費豬潤牛肉麵$35總消費$35豬潤牛肉麵，兩個食材都非常新鮮，豬潤鮮甜，加分！出餐時間等左8分鐘左右，非常快！但辣椒油稍微有一點唔夠辣。總括來講，一定會返去再食佢哋嘅豬潤！正！…Read More

難得出外工作路經深水埗，麻甩佬一個當然要去食返個潤牛麵，三間老店並排，平日等都唔駛等就有位唔似得周末人山人海。正所謂百年老店，由細細個老豆帶黎食到而家自己識走黎食，水準確實係保持得好好。唔係話碗面係咩山珍海味，但就係簡單一碗面配個湯底就足夠令黎到既人食得好滿足咁走，繼續工作繼續生活。試過帶初識既女朋友黎食，感覺總係有啲格格不入。黎深水埗行黃金，食潤牛面，由老豆到我，由我到第時既仔女，感覺上係一種傳承，一種男人既味道。值得係度停一停，細味下人生，嘆埋杯凍啡，叉足電，又繼續工作了。…Read More

每次嚟開深水埗都會過嚟食豬潤牛肉面，今次都唔例外。中午的時候過來，一如往常要排隊，排咗十分鐘就到入得。一嚟就叫個豬潤牛肉麵加我最愛的奶茶。這𥚃的奶茶很好飮，有茶香味而且口感好滑，其實熱奶茶會好飲啲，不過天氣太熱，今次飲凍奶茶涼一涼。豬潤牛肉麵個湯好好飲，好鮮甜，麵底也煮得剛剛好，不會太淋或太硬，但今次的豬潤有少少少少醒，還好牛肉仍是很不錯。因為不是常常嚟深水埗，偶爾食一次都很不錯呀…Read More

一入到餐廳就聞到好香豬潤味😂😂😂我就叫左個雙拼--豬潤牛肉麵！！挑下機先😛一黎飲左啖湯底先 waaaa 係頭先聞到既果陣香味啦 再食舊豬潤 好沙好淋！有陣時喺出邊啲茶餐廳 都驚食啲豬潤來歷不明唔乾淨🙈呢度應該唔使擔心有呢個問題啦掛 老字號又做咗咁多年！可以放心食lu豬膶同牛肉味都好夾 兩者都唔會有筋 配埋個公仔麵 正😛😛不過下次都係叫通粉 仲可以飲埋中間啲湯！！ 不過一碗份量嚟計 男人就可能唔係好飽 大家自己衡量嚟叫啦…Read More

👄咖央多士 $13。👉🏻佢仲有另一款叫咖央西多士 $19.個阿姐問我要多士定西多士，我重複左3次我要多士，但佢仲仍然死唔斷氣甘問，態度語氣亦唔好！😠 佢仲要大大聲加句「13蚊嗰隻下麻！？」。。我覺得客人要食咩係自己選擇，小妹堅唔想食西多士ok? 如果食店係要客人選擇價錢高d既食物先提供良好既服務態度，我會選擇其他食店。👄豬潤牛肉麵 $33。👉🏻豬潤切得薄薄幾好，爽口既。我最怕嗰d又厚又大塊又鞋口既，好彩呢間唔係。湯底我覺得都幾好味，飲得出又睇得出係用豬潤煲既👍🏻因為有好多係分開煲，之後前放埋一齊上枱比客🙈…Read More

成日過黎深水埗買材料整手作都唔知道有呢間茶餐廳有一日男朋友陪我黎買野帶左我黎呢度食lunch tj食開乍醬豬潤既我緊係叫一碗豬潤牛肉麵啦我地仲叫左一份咖央西多落完單 等左幾分鐘 碗麵就到左啦 望住碗麵 有少少驚喜 因為無諗過會有咁多豬潤 第一時間當然飲啖湯啦都幾濃豬潤食得出幾新鮮 入口係溶架正係幾正啲麵軟硬適中 不錯不錯 之後黎左個咖央西多 好香蛋味 好中意中間啲醬 唔太甜:) 以後黎深水埗都可以黎食豬潤麵啦值得推介…Read More

電單車友經常推介這間位於深水埗的小店，豬膶面值得一試。星期六和男友特地前來試試這間深水埗必食餐廳。店面裝修比較簡陋，而且位置比較少，但顧客確實不少。每枱的食物卻是相差無幾，都是最出名的豬膶面 / 咖央多。我們點了豬膶牛肉米粉和面各一個。名不虛傳！雖然賣相不太討好，但味道卻是一流！豬膶一點也不腥，薄薄一片，嫩滑有一點起沙，湯底是豬膶湯配薑絲熬出來的，鮮甜美味。咖央西多士面層充滿蛋香，煎得方法比油炸更加少油，裡面的咖央已是甜甜的，所以可以不加蜜糖。口感鬆軟，餡有點膩。唯一失色的是餐飲，糖水太多了，沒有茶味。…Read More

黃沙豬潤滑嫩好爽口, 唔會過熟, 冇怪味,薄切加薑,絕無腥味.牛肉方面，薄薄很香滑，肉質鮮嫩，.湯底是新鮮豬潤牛肉煲出來的水.煮成,冇味精，味道非常鮮甜，帶頗濃郁的薑味,湯邊仲有牛肉血形成既泡泡，好好味!通粉爽口彈牙，煮的時間控制得宜。咖央西多士，咖央塗向麵包中間，唔使落糖漿都得，一啲都唔油膩,麵包厚厚軟熟﹐咖央味道不會太甜…Read More

之前好食點，現在有點失望，，質數下降了。之前豬潤是又大又多的，現在又細又有點碎。個麵更係“林"哂。。牛肉就不過不失。。而個西多士還算好食，亦推介可一試！！…Read More

因為OPENRICE 多次推介，所以就決定攜同my boy係紀念日嚟試下~ 因為遲到，所以my boy 已經探左路，原來係地鐵站b2出口直行轉左就到。我離遠見到間舖，以為關門....原來係因為佢地有3間舖位..... 嘩....3間! 夜晚都開2間~ 入面唔係好多人，比想象中易搵位，完全唔使等就坐得低~ 呢塊大展鴻圖嘅開張鏡，我懷疑老闆以前係開車廠出身嘅~ 嚟到即刻叫左杯凍檸茶同凍奶茶，我杯凍檸茶正常，有叫做有檸味同埋真係有好多冰係面，茶味唔夠出~ 但係my boy杯凍奶茶，做到奶同茶都好平均，而且飲落仲好順口，唔會有茶渣嘅感覺係條脷度~ 非常好~ 主角出場，其實等左唔使5分鐘就有得食，唔好諗太多賣相，單係睇豬潤同牛肉嘅數量都知道點解呢間舖會值得人推介! 由於本人對公仔麵嘅要求好高，我唔鍾意嘅太淋嘅，因為麵質感覺會好散，但呢度雖然用嘅唔係出前一丁，但係啲麵質一啲都唔曳，唔淋仲彈牙!講返啲牛肉，唔老有肉味，有時牛肉都會有啲羶味，但係呢度無~ 同埋有時啲茶餐廳好鍾意用梳打粉"嗱一嗱"佢地，呢度我有啲咁嘅感覺，不過佢都仲保留到啲肉質。而豬潤方面，唔會煮過龍，仲啱啱好~ 我個人認為份量太多，因為我食通粉，所以更加快食完~ 通粉嘅粉質都做得好好，顯然有過冷河，因為無淋哂~ 呢間野真係值得一試再試同埋推介俾人~! …Read More

I好味，很少味精，湯頭清爽，豬潤夠脆香香甜甜朋友話牛肉夠滑今日等了十五至廿十分鐘就有位，兩間舖都排大隊，一邊需攞飛，一邊就排隊等位，人頭湧湧唔講得笑，豬潤湯頭走清爽路線，不油膩。舖頭人流夠，食物就一定夠新鮮，豬潤沒有羶味，淡淡薑味有家庭feel.加咉西多兩邊用蛋煎烘，加咉甜而不膩，建議不落糖漿更原味更滋味…Read More

在周五請了半天假處理私務, 午膳選了長期排在人氣榜的維記.到達時已將近兩點, 三間店門外還排著人龍, 選了排老店, 幸好等了5分鐘左右已經有位.選了馳名的豬潤牛肉麵. 上檯時湯上浮著一層泡沫, 不知情的人可能會被嚇怕, 但吃過的食客也知道這才是寶.先喝一啖湯, 喝不出有味精, 也有些微薑味, 因為豬潤是要用薑辟腥味.有食客可能喜歡點通心粉多一些, 貪其可吸收更加多湯. 但自己喜歡吃即食麵, 所以還是吃大光麵吧.今次上檯的麵不算過淋也不算生, 吃落麵質剛好. 牛肉有些少韌, 若果不是貪其成本比午餐肉貴, 我寧可點午餐肉(這裏的午餐肉焗得有些微脆, 比在其他食店的午餐肉好.)豬潤繼續是這店的強項, 份量不少, 而且煮得不老.雖然此店沒有連飲品的套餐可點, 但只叫一碗雙併湯麵$25, 是可以接受.…Read More