Gateway Cuisine

之前黎食已經係疫情前既事可能都會見到我之前既食評有擔心佢會唔會執左，好彩無事，就即刻安排阿媽生日過黎食！ 我地成家人都鍾意食海鮮嘅， 老友就介紹我地去鯉魚門南大門度，話包我地滿意，果然有驚喜！。入去我地book到18號房，係啊英姐負責招呼我地， 侍應服務幾nice。 最震驚仍然係個海景！好耐無係咁既環境下食飯，望住靚景嘆海鮮，兩老都非常滿意👍。 我地跟以前嘅食法點左幾道餸，魚蝦蟹扇貝，仲送左個幾鮮甜嘅魚湯。 其中有幾道係好好味，要點評一下：1️⃣油焗奄仔蟹蟹非常之多膏， 好耐未試過食咁多膏嘅奄仔。 佢地火候控制得非常好， 入口油香加蟹膏嘅鮮甜係口入面爆炸出黎， 成家人都食到lam lam脷😋2️⃣蒜蓉粉絲蒸扇貝入口爽嫩彈牙，層次豐富，扇貝肉鮮甜細嫩，粉絲混合湯汁和蒜蓉，口感爽滑勁道很過癮👍3️⃣椒鹽瀨尿蝦瀨尿蝦大得好誇張，bb手臂咁大。蝦殼焦脆鹹香，一啖咬落去，蝦肉鮮甜彈牙，調味嘅炸蒜都係非常無敵，好味到停唔到口。成餐我地全家人都好滿意， 最後大家飲飽食醉，下次一定會再黎…Read More

好多年前去過南大門食海鮮，食完覺得無乜特別，只是較貴。上網搵下資料，發覺D 食評好多都大讚呢間海鮮酒家。今次家人生日，一行十幾人，決定再試呢間酒家，結果很有驚喜。每碟海鮮都做得非常出色！無論刺身，蒸，煮，炸時間同火路都控制得好好，食材的鮮味帶出。順帶一提，海鮮店推介，就近南大門的’美和漁港海鮮’的海鮮貨真價實，老闆一家人都很友善，海鮮鮮甜，下次一定再幫襯呢間！P.S. 南大門煎米粉底係必試，上湯掛係米粉底，入口香脆，有上湯味道象拔蚌刺身上湯龍蝦煎米粉底蒜蓉粉絲蒸扇貝蒜蓉粉絲蒸蟶子椒鹽鮑魚椒鹽墨魚清蒸海班…Read More

今日經過鯉魚門，就即興去咗食海鮮～ 行到南大門見個景唔錯，就入咗去食我同媽咪兩個，晌出面嘅海鮮舖買咗4款海鮮，賣海鮮嘅叔叔，晌佢嘅舖頭簡單處理咗啲海鮮，就同我哋一齊行去南大門加工，去到南大門講俾佢哋聽，你想點煮就得～ 最後材料同加工費會一次過計好。入到餐廳感覺環境舒服，位置可以望到幾靚嘅海景，只可惜今日天氣不太好，下次等好天一定會再去另外，服務我哋嗰枱的女士，態度非常好，服務很周到，令我哋食得好開心，自然就更能享受美食啦～ 讚…Read More

九月十日 同家人慶祝就選擇去食飯 南大門經常滿坐 所以要一早訂定檯 由於酒樓家人已經訂好 我同家人先黎就直接去 【美和漁港海鮮】選海鮮 之後先入酒樓 我地坐係21號檯 第一味餸食豉椒炒聖子 跟著就食蒜蓉粉絲蒸扇貝 之後就食家人最期待既澳洲龍蝦焗伊面 第三味菜完全反映到侍應既效率 換碟換得好快 所以都要係到讚下 服務員霞姐姐 食完芝士龍蝦成手芝士無影到條蒸東星班 跟著就食油焗奄仔蟹 個奄仔蟹D羔真係好多好肥 繼續落黎就係為老人家而點既大班炆骨 最後食埋炸蠔 南大門個王經理都好好服務 見佢都有問家人意見 真係十分欣賞 當晚味道海鮮大家都好滿意 期待下一次再黎…Read More

對上一次嚟鯉魚門食海鮮已經係n年前嘅事，見好多人讚南大門嘅做工唔錯，價錢合理又有靚景，一於襯屋企兩位男士生日嚟試吓。我哋係喺觀塘買海鮮入嚟加工，本身book咗七點，過到嚟6點都未夠就先去南大門放低啲海鮮，諗住周圍行吓等夠鐘先再返嚟，點知佢話驚啲海鮮放得耐會唔新鮮，見我哋人齊就叫我哋早啲入去，呢點值得讚👍🏻今晚總共食咗五款海鮮-芝士焗龍蝦伊麵底，椒鹽瀨尿蝦，豉油王海棕蝦，蒜蓉粉絲蒸扇貝同埋油鹽焗奄仔蟹，每一款嘅味道都恰到好處，尤其係豉油王海棕蝦走油出色，食到最尾嗰隻都仲舔舔脷😋不過額外叫嘅魚湯浸菜芯就比較失色，無下次😝最後要讚吓今晚負責13號枱嘅英姐，風趣幽默，服務殷勤，仲送咗海鮮湯同甜品俾我哋添❤️總括嚟講南大門都係一個唔錯嘅選擇，不過下次要再早少少嚟坐「真」窗邊位，可以嘆住日落chill吓😆…Read More

系外面選好海鮮就行過去喇🦞🐙🐟平日未夠6點鐘walk in黎，有窗口位坐✌🏻皮蛋酸薑酸薑沾d糖，再放個皮蛋系面，一啖食落去，超級好味🔥🔥 皮蛋仲有d溏心👍🏻豉椒炒蟶子超肥美既聖子王，啖啖肉，又爽又嫩，系偏咸左dd蒜蓉粉絲蒸扇貝呢個味道普通，雖然有一大pat蒜蓉，但香氣差d椒鹽鮑魚成隻鮑魚包左一層薄粉落去炸，食落小小酥脆又香口椒鹽瀨尿蝦幾野味😋啖啖肉油焗奄仔蟹超級好味🔥🔥🔥 蟹膏香濃，蟹肉都好甜👍🏻…Read More

今日下午6個人到鯉魚門遊覽，鯉魚門變化很大，經過海鮮街的時候，大家被南大門的外形及廚房吸引了，我們留了枱，遊覽完食晚飯。約5:00 一行6人到南大門開餐。無敵落地玻璃窗，飽覽維港景致，更可觀賞日落，真係大飽眼福。我們坐17號枱，貼近玻璃窗，由經理幫我們寫了6個生猛海鮮 加幾味小菜，我們睇住風景，嘆杯啤酒，等食~ 景觀一流1) 豉椒蟶子皇蟶子肉質彈牙，鮮甜惹味，份量十足，真係好大隻 2）椒鹽鮑魚 - 外脆肉軟 外面微微脆口， 裏面肉質鮮味嫩滑，唔會覺得韌， 外面惹味， 裏面鮮甜， 各朋友都讚不絕口， 好想Encore3）蒜蓉粉絲蒸扇貝 - 粉絲入味 扇貝扇貝未端到上桌上，已經聞到好香好香的蒜蓉味，粉絲入味，扇貝肉質有咬口。4）油鹽焗奄仔蟹 - 大隻多膏奄仔蟹大大隻，上桌時已經分半，方便食用，熱辣辣，急不及待就想食，熱到手指到都紅卜卜，啜啖手指頭鹹鹹香香....油膏雖然唔算好爆滿，但是勝在又香又軟，奄仔蟹肉質地鮮甜又厚肉5）清蒸東星斑 - 好味到立刻叫個白飯撈魚汁蒸煮時間啱啱好，清蒸魚最能體現魚是否新鮮生猛，這條東星斑鮮味，魚質鮮嫩，我的腌尖老闆都讚不絕口，還點了個白飯撈魚汁，實在滿足6）芝士焗開邊龍蝦伊麵 - 芝士香濃 龍蝦啖啖肉芝士香濃到不得了，食落唔會覺得膩，開邊龍蝦好大隻，啖啖肉，肉質好彈口，伊麵好入味，但不會濕淋淋 (掛著食，無影到龍蝦)7) 菜膽豆腐湯海鮮湯, 清甜, 不油不膩中場讓味蕾休息一下，菜膽豆腐湯清清的，不油不膩8）招牌咕嚕肉 - 招牌菜式，不會油不會多粉經理推介招牌咕嚕肉，姑且一試，賣相不錯，汁不會太多，肉不會太濕太腍，又不會覺得太多粉漿，濕甜度恰度好處，即使配菜三色椒也火喉剛剛好 ，招牌咕嚕肉果然名不虛傳9) 南瓜西米糖水 - 掛住食, 無影到相  南瓜肉一絲絲，真材實料， 清甜美味10) 芒果木瓜雙拼果盤 - 好有心思 亦好好味真係好有心思，無諗過果盤係芒果木瓜雙拼，端到上桌，大家都好驚訝好開心， 看似簡單， 但殊不簡單，10分滿足這次在南大門食晚飯感覺非常好，可以用賞心悅目 美味可口 來總結，環境舒適，景觀一流，海鮮新鮮，烹煮出色，服務殷切，值得推介…Read More

又是一年一度的中國新年。趁著初五不用拜年，特別和媽媽到鯉魚門吃海鮮，做個孝順兒子。南大門位於油塘鯉魚門。從地鐵站出發不用十分鐘便到牌坊，而餐廳的位置正正位於漁村的中間，再走大約兩三分鐘便到，十分方便就腳。可能時間還是早，餐廳沒有太多人。於是我們便特別要求經理安排我們坐在窗邊，一邊欣賞270度環迴海景，一邊品嚐我們的海鮮餐。餐廳沒有自己指定的海鮮檔，客人都是從旁邊的檔口買回來再加工。我們一行二人選了扇貝，瀨尿，蝦奄仔蟹和龍蝦等等海鮮回來品嚐。蒜蓉粉絲蒸扇貝(⭐⭐⭐⭐💢)首先上枱的是粉絲蒸扇貝。扇貝十分大隻，而且不會縮水。雖然已經蒸熟，但扇貝肉仍然黐住得很緊，這是新鮮海鮮才有的效果。扇貝吃起來肉質十分結實，而且鮮味。值得一讚的是蒜蓉香蔥味道不太重，不會掩蓋海鮮的味道，也不會覺得十分油膩。椒鹽瀨尿蝦(⭐⭐⭐⭐⭐)這個椒鹽瀨尿蝦十分大隻，一隻可以分開四件，兩人分享剛剛好。跟其他海鮮不同，這個椒鹽瀨尿蝦感覺不是十分熟透，肉質份外的鮮甜，而且蝦膏晶瑩通透，份量十分多。而且特別一讚的是侍應十分細心，吃完瀨尿蝦後拿了一碗熱茶給我們洗手。鹽焗奄仔蟹 (⭐⭐⭐⭐⭐)之後是openrice推介的鹽焗奄仔蟹。雖然現在不是吃蟹的最好季節，但這個奄仔蟹也十分不錯，中間十分多蟹膏，十分香口。 上湯焗龍蝦伊麵(⭐⭐⭐⭐⭐)然後就是最後的海鮮龍蝦伊麵。龍蝦十分大隻，大約有兩斤重。跟芝士焗龍蝦相比較起來，上湯煮的方法味道較為清淡，適用於烹調高質海鮮，以突出其鮮味。龍蝦肉質十分彈牙，是一般酒樓酒席菜式的龍蝦伊麵絕對比不上的。 瑤柱蛋白炒飯(⭐⭐⭐⭐💢)最後還點了個炒飯，有點澱粉質才會飽肚。蛋白炒飯是用隔夜飯炒的，吃起來十分乾身，而且炒得有鑊氣。瑤柱的分量也十分多，一分錢一分貨，絕不欺場。生果甜品(⭐⭐⭐⭐💢)是日甜品是椰汁南瓜露，吃起來椰汁味十分重，而且有一絲絲的南瓜肉，十分滋潤。另外的生果是木瓜和芒果，都十分鮮甜多汁，為今天的晚餐畫上完美的句號。總括而言，這個海鮮餐質素十分高，除了海鮮新鮮外，餐廳的加工廚藝也十分不錯。一分錢一分貨，偶爾吃一次也十分好。~~~~~~~~~~~~~~~~~~~~~~~~ 南大門 鯉魚門海傍道中58A號地下推介菜式：椒鹽瀨尿蝦、上湯焗龍蝦伊麵、鹽焗奄仔蟹👍🏻地點方便👍🏻海鮮鮮味👍🏻 廚藝高超 …Read More

星期四晚公司食飯，有同事推薦呢間海鮮酒家，因為佢之前食過話好食。訂咗一圍十六位，個個同事好期待呢間同其他有咩特別。原來南大門位於燈塔旁，可以於坐擁維港港口夜景之中邊食邊飲，環境極佳，果然名不虛傳。食海鮮最重要係買到好嘅海鮮，之後就係有好嘅烹調技術，美和海鮮以及南大門我絕對推薦，最後的是服務質素，新認識嘅服務員燕姐等人態度甚好及美和忠嫂服務超佳，絕對有賓至如歸嘅感覺。重點出場，前菜小食係出名的皮蛋酸薑，掛住影海景相，忘記相機食先，但真係好好味。第一道菜係熱辣辣嘅燒鵝皇 (因有同事介紹而得到免費燒鵝一隻…正!)，當然又係忘記影相。之後係 (可以睇相)豉油皇海蝦薑葱炒蟹避風塘瀨尿蝦豉椒蟶子皇蒜蓉粉絲蒸扇貝炒龍躉球紅燒龍躉頭腩椒鹽鮮魷辣酒花螺甜品南瓜露最後係海鮮檔送嘅芒果同木瓜每人都唔駛$500，又好食價錢又大眾化，個個食到飽飽，兼且讚不絕口，值得再來。…Read More

老婆親戚到訪，想帶佢地品嚐香港地道海鮮，就唸起鯉魚門呢個專食海鮮嘅地方。我之前都食過幾間鯉魚門的海鮮店，唯獨是未有去過南大門，於是早幾日打去留位，聽聞window seat 都係一大賣點，識坐梗係坐近window 啦！我地訂左7點，親友在7月前已到酒樓並已安排入席，由於我當天要打波，所以錯過了挑選海鮮的時間 (不過咁仲可能會帶給我一點驚喜)。講講環境，酒樓的落地玻璃讓我們可以飽濫香港東的無敵大海景，當日我地仲欣賞到日落前的美景！第一道菜是龍蝦刺身，第一啖咬落口，一個字可形容‘爽’! 新鮮龍蝦蝦肉結實，有口感，至於係邊間買既？我要問下親戚先（你地有興趣可ＰＭ我）。。跟住上桌嘅係椒鹽瀨尿蝦，切好的瀨尿蝦上碟放得齊齊整整，是大廚用心制作，實屬難得。大大隻瀨尿蝦配上椒鹽真係冇得輸嘅，入面嘅蝦膏好甜美，雖然女士們一般都好介意炸嘢，但見到咁新鮮嘅椒鹽瀨尿蝦，都不得不吃了。　炸嘢梗係有Ｄ油，我接受到嘅，瀨尿蝦肉質鮮嫩，蒜味加鹽度適中，尚算乾身。吃完椒鹽瀨尿蝦，再來的是蒜蓉粉絲蒸扇貝，扇貝加上平凡的粉絲就變得不平凡了。扇貝已去了多餘的內臟、裙邊等，基本上拿上手不用看就可以吃了，唯獨蒜蓉量有點不足，粉絲好像沒吸透扇貝汁，或多或少都扣了些分數。唔好俾佢停，再來的是清蒸軟殼黃油蟹，蟹肉鮮甜，就係’蒸’先能食到黃油蟹嘅精髓，膏黃肉厚，這些黃油蟹應該有季節性，今次不吃，就可能要等下年了。花了十分鐘KO左黃油蟹，就到豉椒炒蟶子上場，這道豉椒炒蟶子皇，味道非常香濃惹味，蟶子啖啖都係肉，而沒有半粒沙，加了一點的辛辣，至為惹味，實為海鮮之佳品，可試！炒花甲是檔主送的，一樣沒有半點沙，不過不失吧！清蒸斑仔，蒸的火候剛好，魚肉嫩滑，配以醬油，的確鮮甜！我們也叫了一道時菜及炒面，炒面不油，量略少，多人吃可能要加底！最后有一道小風波，話說龍蝦頭及某部位用來煲弼，我們催了超過半個鐘，都沒人跟進或者’hea’住處理，最後等了４５分鐘才上桌，這是當晚唯一美中不足的地方。…Read More

香港作為當年的一個小漁港, 嚐海鮮的地方確真不少但今時今日, 可以嚐到美味海鮮, 看到一輯美境的地方還在嗎?西貢碼頭, 鯉魚門, 三聖村, 流浮山, 布袋澳, 香港仔, 避風塘...喜愛海鮮的人應該絕不陌生罷今天冒名來到鯉魚門嘗鮮, 賞境~交通實在方便, 從地鐵站徏步來也不過的15分鐘左右, 未進入沿海的海旁道, 已聞到一陣陣海水的鮮香, 排山倒海的海鮮就像要歡迎我一樣舌頭呼喚著我的身體...一路向南!! 沿途有大量的海鮮店, 鯉魚門的風格就是自選一家海鮮店, 自選生猛海到你喜愛的店子品嘗, 店子只會替你制作, 不會供應海鮮, 收費也只是油料錢. 海鮮種類琳瑯滿目, 近至本地龍蝦, 遠至阿拉斯加長腳蟹, 加拿大海膽. 說真的, 以海鮮質素而論, 的確是高水平!終於到了盡頭 - 我們的目的地 - "南大門"雖然天色已黑, 但經過落地玻璃朝外一看...可想像到日落的景緻會何其迷人! 三面環海的壯麗!先來的是豉椒蟶子皇賣相精美, 殼像木伐一般放在底部, 蟶子味道鮮味爽口, 醬汁味濃豉油皇海蝦海中蝦大小適中, 醬汁味濃且夠突出, 蝦味鮮甜, 可惜肉質不及花竹蝦蒜蓉粉絲蒸扇貝扇貝已去內臟/裙邊/子...基本上就是什麼都沒了! 只剩那顆"元貝"... 那元貝大小還可以, 配的是蒸魚豉油, 有點甜蒜蓉量有點不足, 粉絲好像沒吸透扇貝汁, 整體實在有點失望...白灼墨魚薄切墨魚灼得剛剛熟, 爽口之餘不失彈性口感, 亦是配上蒸魚豉油...偏甜, 配葱花吃想當清新!避風塘瀨尿蝦切件的瀨尿蝦上碟放得像西多士一樣齊整...實在罕見! 瀨尿蝦肉質幼嫩, 感覺就像斑馬瀨尿蝦, 但事實上這是普通瀨尿蝦...殼堅硬要肉嫩滑反而令蝦肉比較難脫離硬殼...以食味而言確實不錯, 可惜要花上更多的功夫為它"解甲"注: 斑馬瀨尿蝦最強之處在於可以連殼同吃~ 方可解決肉太嫩滑的問題! 而且不失附在殼上的味道!清蒸鮑魚仔其實跟一般鮑魚仔比較實在一點都不"仔", 但我曾於布袋澳吃過九子鮑, 實在比這個大得多! 所以我得還稱呼其為"鮑魚仔"味道跟一般鮑魚仔比較不算太突出, 大小上令其增加口感, 只可以說很新鮮吧!虎斑炒球很難想像這個份量是來自一條魚! 廚子刀工只屬一般, 吃到兩件留有短骨!切件時大部份都留有一點魚皮, 增加其口感, 想當不俗!魚味很鮮, 實在不常吃到這樣的虎斑炒球!紅燒虎斑頭腩炒球後的剩餘部份炸香後用濃味醬汁炒香, 上汁後仍保持魚件脆香, 炒功實在值得一讚!味道跟先前炒球截然不同, 這味菜實在香口, 外脆內軟~ 可惜的是頭腩實在超多骨!炒菜芯充份表現功夫的菜色, 菜芯炒得剛熟, 不失爽脆~調味上用上甜味也非常罕見, 而且配合得很好~ 驚喜度相當高!薑葱炒蟹肉蟹大小一般, 未見驚喜, 跟早年在布袋澳吃的實在相差什遠!由於不算大隻, 吃時雖花上不少功夫拆蟹...大大扣分!跟一般大排檔炒蟹無午分別...甜品 - 木瓜芒果如圖所見...這是鯉魚門特色, 差不多每家店子都會供應這道甜品後感:海鮮質素相當不俗, 絕對比西貢碼頭的來得好! 但油料費用加上海鮮費用實在有點百上加斤的感覺!食物上刻意迎合外地遊客口味, 失去菜色原有特色...就像時令墨魚其實做刺身較合適, 扇貝為何沒有群邊?? 避風塘炒法不應整齊排列...理應炒勻上碟, 枱面亦出奇地出現刀叉!?吃海鮮, 我還是建議到地道的布袋澳, 始終是我試過最好最經濟的海鮮店!…Read More