食海鮮最重要係買到好嘅海鮮，之後就係有好嘅烹調技術，美和海鮮以及南大門我絕對推薦，最後的是服務質素，新認識嘅服務員燕姐等人態度甚好及美和忠嫂服務超佳，絕對有賓至如歸嘅感覺。
重點出場，前菜小食係出名的皮蛋酸薑，掛住影海景相，忘記相機食先，但真係好好味。
第一道菜係熱辣辣嘅燒鵝皇 (因有同事介紹而得到免費燒鵝一隻…正!)，當然又係忘記影相。
之後係 (可以睇相)
豉油皇海蝦
薑葱炒蟹
避風塘瀨尿蝦
豉椒蟶子皇
蒜蓉粉絲蒸扇貝
炒龍躉球
紅燒龍躉頭腩
椒鹽鮮魷
辣酒花螺
甜品南瓜露
最後係海鮮檔送嘅芒果同木瓜
每人都唔駛$500，又好食價錢又大眾化，個個食到飽飽，兼且讚不絕口，值得再來。
