Social Place (The L. Place)

講起中國歷史，不知道大家對哪一個朝代有興趣。我就喜歡鑽研宋朝的歷史🤔，但普遍人都會覺得唐朝才是中國歷史上最強盛和最偉大的朝代，因為其在政治、文化和社會方面有著突破性的發展，更衍生了「貞觀之治」和「開元盛世」等國力強盛的時期👴🏻。時至今日，「唐」這字眼仍被應用代表中華民族的層面：例如華人又被稱為唐人、外國有華人聚居生活的地方被稱為唐人街等等。今次要介紹的中菜餐廳，就是用了「唐宮」的字眼；然而，它不是一間普通的中菜餐飯，而是在食物的處理、環境格局等，都展現了時尚摩登的感覺，打破中菜一直給人刻板的印象😎。甫到餐廳，就見到大的落地玻璃，可直視餐廳內部的情況，給人一種光猛和舒適的感覺；天花板部份位置安裝了吊燈💡，雖然只是慳電膽，但也能帶出懷舊的味道；架上擺放了不少古代花瓶⚱️、植物標本🌿和食材🍄。整體而言，它能營造出現代和懷舊交錯的風格。美食方面，餐廳亦不惶多讓：大多傳統食物都能夠維持在高水準，部份食物更加上創新元素，令客人在視覺、味覺、觸角等多方面有更深入的體會😮😧🤭。冰鎮咕嚕🍖（$99）：強烈推薦的菜式👍🏼。冰鎮咕嚕肉不是所有酒樓餐廳都有供應，用鮮果作配菜的冰鎮咕嚕肉更是少見。鮮果包括蜜瓜、菠蘿🍍、哈密瓜🍈及蕃茄🍅，切成球狀，加上冰凍的咕嚕肉；咕嚕肉肉質冰爽，皮很脆，肥肉很多，很有咬口，配合水果一起享用更有消暑解渴的效果🤤；另外，咕嚕肉內的冰塊呈黃色🧊，不知道是用甚麼液體製作而成😯。不過如果放涼了就會失去口感及變得冰凍，一定要趁熱享用😋。沙田乳鴿🕊（$39/隻）：乳鴿即叫即燒，新鮮出爐熱辣辣，外皮燒的香脆，內裡肉汁豐富，不用加調味料都能帶出乳鴿肉質的幼嫩和鮮味。特別要提及的是，餐廳亦有麻辣乳鴿供應，適合一些嗜辣的客人🌶，麻辣乳鴿這菜式頗新奇，下次有機會可以試一下。荷花蒸飯🌸（$99）：荷葉飯內裡有大蝦、火鴨絲、雞丁、瑤柱等配料，蝦仁大大件，而且沒有雪味，但感覺到並不新鮮🦐；飯粒香軟不會硬，但又不會水汪汪；其他配料味道香口，不過不失；可惜蒸飯沒有荷葉味襯托，不然就更完美了。麻辣石斑🐟（$199）：頗為少見的菜餚：這碟菜充滿辣椒粒🌶，不小心咬到辣椒籽會有強烈的辣味感覺，故建議嗜辣的朋友才選擇。然而，石斑配辣椒，吃下去好惹味，石斑很新鮮，魚肉非常香滑。原來鮮魚和麻辣可以發生這層面的化學作用😲。子薑鹹雞煲仔飯🍗🍲（$69）：飯裡下了適量雞油，令飯香和雞味四溢，尚未進食已經有如此難忘的感官探索體驗。雞肉有點兒過鹹，幸好薑片可以中和雞肉的鹹味；而飯的分量剛剛好😆。小蠔煎餅（$89）：和普通的餐廳相比，唐宮用了報紙圖案的牛油紙作鋪墊📰，已經令菜式的賣相加分👍🏼🤤；而且蠔餅即叫即做，上菜時熱力十足；蠔的份量多且不腥🦪，童叟無欺；更重要的是，蠔餅不會過油，不會令我們吃完後有過份油膩的感覺。繽紛三色（柚子馬天尼🍸、斑蘭椰糖🍬、冧酒朱古力🍫）（$49）：類似冰皮月餅的甜品，吃下去口感軟滑。但柚子馬天尼沒有Martini的味道，斑蘭椰糖的椰子味也不夠突出🥥，很可惜；不過冧酒朱古力的酒味和朱古力味恰到好處，算是加回了一點分數👍🏼。除此之外，餐廳亦有提供骨碟予客人棄置剩骨，使剩下來的骨不會影響客人進食。這是其他餐廳沒有作的安排，是特別要讚賞的地方👍🏼。不過小弟財力有限，今次有不少招牌菜式還未有機會品嘗，殊為可惜：例如唐宮小聚最出名的點心「焗鮑魚酥」，還有招牌菜「火焰菠蘿🍍」等。下次有機會必定要再去細味品嘗🤤😋。———————————————————————餐廳評分（5分為最高）美味：🐤🐤🐤🐤環境：🐤🐤🐤🐤🐤服務：🐤🐤🐤性價比：🐤🐤🐤🐤店舖可達度：🐤🐤🐤🐤📍 唐宮小聚 (The L. Place) (中環)中環皇后大道中139號 The L. Place 2樓…Read More

.📍 唐宮小聚..🔸小小熊仔 - HK$49呢個係朱古力流心包，造型得意又唔會太甜🐻🔸黑金流沙 - HK$49入面係奶皇餡，死吉士多啲，唔算好流心🔸和牛啤梨 - HK$49 (黑椒和牛鹹水角)其實係鹹水角😂入面放咗黑椒和牛粒同洋蔥粒，食落去好野味🤤🔸非常山竹 - HK$49 (龍蝦汁、蟹肉)佢嘅外皮好似鹹水角，而入面就係龍蝦汁配蟹肉，好食🤤🔸臘味煲仔飯 - HK$69個飯雖然唔係糯米飯，但無論軟硬乾濕都啱啱好👍🏻 最正嘅係個煲仔飯好足料，用咗好多種臘味😋 整煲飯都好入味，唔需要加豉油或者其他調味料調味🔸糟滷醉蝦 - HK$79食落去係花雕酒加少少麻辣嘅味道，好特別好好食🤤🔸荷花蒸飯 - HK$99個飯好多配料，有鮮蝦、火鴨、雞丁同埋瑤柱，食落去唔會乾🤤🔸火焰菠蘿 - HK$119一上菜店員會燒著個菠蘿外皮🍍好靚🤣 入面係辣嘅牛肉加菠蘿，超惹味🔥🔸得意小豬 - HK$39豬仔係士多啤梨味嘅乳酪布甸，配上花奶食落去酸酸甜甜🤤 大落隻豬仔度仲會震震吓，好得意🐷🔸十三幺麻雀 - HK$49一開始以為係椰汁糕，但食落去有啲杏仁茶嘅味道🤔 啱影相打卡多啲😂🔸陳皮燉梨 - HK$39雪梨同水都好甜好重陳皮味，感覺煲左好耐 😍 由於製作需時，如果想食呢碟要早啲落單！我哋等咗大概半小時有多先送到 😯..💡 茶介每位 HK$10💡 人均消費 ~HK$200-300…Read More

🥚🥚🐷中環性價比高 創意新派中菜✨性價比：8.5/10🍳食物：8/10 🌏環境：8/10🕺🏻服務：8/10💰是次消費：人均$160 + 10% (未計入用全單-$50優惠)#蛋蛋豬🏝地點分類: #蛋蛋豬在中環🍰食物分類: #蛋蛋豬吃中菜————————今次為慶祝爸爸生日，選了唐宮小聚這間餐館。爸爸個人比較傳統，喜歡中式菜，而我們年輕的就喜歡外國菜，這間新派中菜就能迎合各人的口味。一坐下被「螞蟻」嚇一嚇窒，原來是碗上的印花，令人開始欣賞餐廳的特色。環境優雅，座位不擠逼，精心設計的佈置，令人期待接下來的每一道菜。特別推介白玉王鴿 ($39/隻)聞名必吃菜式，乳鴿燙手送到，皮惹味香脆，肉質幼嫰，四人分享兩隻作為開胃菜很好，還貼心地提供每人一對手套。(圖中為2隻的份量)包點松露紅菇 – 3件 ($49)個人很喜歡食菇，見到這個趣致菇的外型就堅持要點，果然內裡菇味濃郁，有一粒粒切碎的蘑菇，而且帶有松露香。外表很用心，特意黏一點麵團在底裝成蘑菇的根。焗鮑魚酥 ($29/件)慶祝生日應該要叫鮑魚吧，不過這個味道就一般，鮑魚是罐頭鮑，沒有味，底下驚喜地嚐出松露味，與松露紅菇的內餡十分似，但撻底就不穌脆，一咬就散成粉狀。小炒小蠔煎餅 ($89)外觀精美，即叫即做，熱口鬆脆，蠔量十足不會腥，只是裡頭的麵糊碎碎，口感像浸濕了的麵包，有點奇怪。偏油，吃完有點膩。冰鎮咕嚕 ($99)這個推薦！溫熱的咕嚕肉放在一大盤冰塊上，脆脆冰涼的外皮，咬下去是暖的，很特別，酸甜開胃，配有些水果作點綴，而且份量足夠四人。飯麵荷花蒸飯 ($99)飯粒分明香口，份量充足大大碗，可惜嚐不到荷葉香，而且飯裡的蝦好像放了很久的，感覺美中不足。炒蝦腸粉 ($79)家人喜愛，腸粉以XO醬炒成，咸淡適中，香口彈牙，蝦隻比荷花蒸飯明顯新鮮。小甜十三么麻雀 – 6件 ($49)外表是椰汁糕些上印有麻雀圖案的糖紙，看英文翻譯也肯定了是椰汁糕，但毫無椰汁味，出奇地是滿滿的杏仁味的，令我懷疑其實是杏仁糕。奶凍不太結實，但賣相新穎，用來打卡最好。出菜速度快，而且每道都熱辣辣，收碟也快。每道菜價錢適中，而且現在成為他們的會員可以有$50優惠，不過茶位就要$10一位，少貴。唐宮小聚 (ꜱᴏᴄɪᴀʟ ᴘʟᴀᴄᴇ)中環皇后大道中139號 The L. Place 2樓(上環站 E2 出口, 步行約5分鐘)分店： 尖沙咀 廣東道30號新港中心3樓303號舖荃灣 楊屋道1號荃新天地1期UG層43及81號舖沙田 沙田正街18號新城市廣場第三期3樓A333號舖營業時間：11:30 - 16:00/ 17:30 - 22:00…Read More

初七食肆限制放寬咗，所以我哋約曬成家人一齊食餐飯！拜個年！因為成家人有老友嫩，於是搵咗呢間老少咸宜嘅新式茶樓！性價比簡直超高！茶樓提供百多款點心！唔怕唔啱食！(˶‾᷄ ⁻̫ ‾᷅˵) 大部分菜式都覺得有驚喜！😚🥰🥰———✨ 沙田乳鴿 🦆🌟🌟🌟🌟🌟乳鴿好新鮮，食落就知道都系啱啱整好嘅！雖然有啲偏咸，但系每人一隻唔過分！🥰———✨ 趣蝦多士 🌟🌟🌟🌟🌟OH !! MY !! GOD!! 估唔到蝦多士有驚喜，又脆又鬆軟，我地encore左多一碟😗🤪🤪———✨ 松露紅菇 🌟🌟🌟🌟好有鮮菇既味道！外表真系整到我好似一粒菇咁，連個菇既莖部都有！超有誠意！😚👍🏻———✨ 黑金流沙 🌟🌟🌟🌟🌟招牌菜之一！包既質地好軟熟！真系有流沙既質地🎉！———✨ 和牛啤梨 🌟🌟🌟🌟好得意！外面系趣趣地，內面系咸咸地既和牛！🐄———✨ 小小熊仔 🌟🌟Um...估唔到呢個包入面系朱古力，雖然有濃濃既朱古力醬，不過感覺太甜，唔太吸引(´･_･`)———✨ 牛肉叉燒 🌟🌟🌟🌟🌟超好食！叉燒汁+牛肉呢個配搭系意想唔到地夾！！食落好香美！但又唔算好肥！😚👍🏻———✨花雕醉雞 🌟🌟🌟🌟呢個系冷盤黎der！☺️酒味豐富！d雞好夠滑！唔錯唔錯———✨ 紅油抄手 🌟🌟🌟較為普通既一款，😌但比外面既紅油抄手辣！———✨ 醬汁鴨舌 🌟🌟🌟🌟少少辣，好惹味一道菜！值得一試！😋系外面試唔到既味道！🤪———✨ 紫薯天鵝 🌟🌟🌟有少少肥膩，但可以嘗試少少 🤏———✨ 貓山雪滋 🌟個皮太硬了！唔值得浪費20幾蚊去試🥲———✨ 荷花蒸飯 🌟🌟🌟好香荷花既味道！不過，食到最後已經好飽，打包返屋企再食過🥰🥰———✨ 火焰菠蘿 🌟🌟🌟上枱既時候職員會點火( ´▽｀)好有睇頭！！入面系少少辣既菠蘿牛肉🐄…Read More

朋友約食LUNCH，想找一間好吃的中式餐廳，經人介紹來到了唐宮小聚，由於當天我們一早預約了位置，所以入座過程十分順利，一到達就可以入座了，可是門外輪候的人數甚多，建議想節省輪候時間的朋友提早訂桌。當天我們坐在靠窗位置，光線明敞環境舒適，菜色選擇種類繁多。我們一行六人分別點了一個小聚拼盤和幾款餐廳熱賣菜色。小聚拼盤自由組合配搭，我們分別選了醉雞、豆腐皮蛋和雞絲拉皮。其中的豆腐皮蛋絕對可以是考驗師傅的功架擔當之一，豆腐薄切上碟 ，配上皮蛋與麻醬，鮮味可口。最值得一提的是他的白玉乳鴿，外皮脆嫩肉質多汁有嚼勁，餐廳還貼心提供手套供顧客使用，服務貼心。其次推介黑金流沙包，超高質素的點心之一，黑芝麻的香軟外皮和與名字相乎的＂流金＂，喜歡吃流沙包的人千萬不要錯過。還有他的荷花蒸飯，一口荷葉飯吃下去，齒頰留香充滿驚喜。總括而言，這間餐廳的CP值很高，價格相宜，六人平均消費也是一百元左右，一定會再去！…Read More

每次經過呢間餐廳，人都非常非常多，尋晚終於的起心肝去排隊試一試！一試過之後，真係愛上咗呢間餐廳，性價比極高😆價錢完全唔貴，食物賣相同味道都十分好👍🏻餐廳環境乾淨，每隻碟都有小驚喜，有趣怪昆蟲貼圖喺碟上面，幾可亂真🤣我地一行8人，叫咗好多野食，每樣野食水準都好高，以下精選咗12道我覺得好好味，值得再encore既菜式：鴨舌好入味，連每一條骨都損埋，必食😋荷葉飯有陣荷葉香，食得出係連埋荷葉一齊蒸，而唔係將飯求其蒸完擺喺荷葉度就算👍🏻呢碟腐乳蟶子係全晚食過最好食既餸，encore咗一碟！無諗過腐乳炒蟶子個味係咁夾，腐乳帶出到蟶子既鮮味，夾雜住陣陣既酒香味，正👍🏻數到最可愛既菜式，應該係呢隻紫薯豬豬🐷 可愛到完全唔捨得食，入面既紫薯唔甜但好香，岩晒我呢啲好驚太甜既食客！呢個火焰菠蘿好睇又好食🍍🔥 入面既咖哩牛腩炆得好冧好入味！入面既蝦好大隻，出面既雲吞皮炸到卜卜脆，同行既細路仔都好鍾意食👧🏻乳鴿好好食！一上碟時，乳鴿皮都仲係脆😋呢啲一隻隻既麻雀係椰汁糕，好香椰汁味，唔會好甜，好味！呢個包面抹上一筆筆金漆既包，係流心奶皇包～一摵開包，入面既奶皇好似瀑布咁流出嚟，奶香味香😍嗰日有人生日，所以專登叫咗壽桃，咁精緻既冰皮壽桃令我大開眼界😳 佢個手抓餅炸得好脆好香，雖然入面既材料得肉鬆同蔥，但簡單得嚟好好食！炸蠔餅入面有好多隻蠔，每一啖都會有蠔食到😍成餐飯我地都食到嘩聲連連，對某幾道餸既樣為之讚嘆呢度野食唔貴，睇得又食得，絕對會再嚟食！…Read More

吃過唐宮小聚數次，這次終於有機會帶爸爸媽媽來嚐嚐！ 週末沒有訂位，不過只是等候了十分鐘左右就有位啦！花多眼亂很多選擇啊！我們這次就決定點了小聚拼盤、荷葉蒸飯和最有人氣的白玉王鴿！每次來到看到餐碟都仍然會覺得很可愛!碟上的螞蟻/蒼蠅讓人覺得一定是食物太好吃了！首先來的是小聚拼盤 — 皮蛋豆腐、沙薑豬手和雞絲拉皮。皮蛋豆腐個人超喜歡！豆腐切的非常薄身真的好考功夫，嫩滑的豆腐配上芝麻醬很夾！中間有切碎了的皮蛋加上大量蔥花，整個組合相當不錯呢！沙薑豬手份量雖然比想像中少，豬手切件大大啖啖肉！ 味道挺惹味，只是略嫌有點過鹹。雞絲拉皮充滿麻油的香味！滑溜溜的粉皮，和三種配料：鮮嫩雞肉絲、新鮮蘿蔔絲和爽口青瓜絲的份量也很夠，與芝麻醬攪拌均勻，滋味無窮！接著就是熱辣辣的荷花蒸飯！一上來就聞到陣陣荷葉香味，而飯的份量也不少，快要滿瀉的感覺。米飯粒粒分明，同時做到微微濕潤又帶點黏口，非常好吃！ 配料有瑤柱、鮮蝦、火鴨和雞丁，相當足料！而整體飯的味道吃得出點點鹹蛋的鹹香和蝦肉的鮮味！ 這樣的材料和高質的飯粒讓人一口接著一口，吃個不停！最後就是主角出場啦！白玉王鴿每人限量一隻，$29.9一隻的價錢相當相宜！乳鴿的size比外面一般的要大，外皮燒的特別香脆可口！ 一撕開油脂四溢相當吸引，而肉質鮮嫩多汁，味道剛剛好不會太鹹！下次再來的時候一定要encore 啊！值得一讚的是餐廳為客人準備手套、骨桶和濕紙巾，非常細心值得加分！…Read More

上個禮拜親戚訪港，酒店住中環，想系附近聚一聚看看有什麼好食，於是當然是來openrice搜尋一下。中環餐廳第一個彈出黎就呢間啦！好評很多，而且賣相不俗，適合有小朋友的聚餐，於是五人在星期日晚飯時段來到唐宮小聚嘗鮮。六點剛到時我們就到了，還好不需要等位。入內就看見裝修雅緻，當中還有一枱乒乓球枱！被安排坐在窗邊的座位，急不可待開始點菜時，看見碗盤中有蟲，定眼一看才發現是碗中的圖案，十分趣緻，同行的小朋友也非常興奮地討論這個點。回到主題，來到這間餐廳必點的少不了包點，所以我要重點首先介紹一下啊！論味道，我就最喜歡這款小小蘋果。用一個竹籃裝住三個“蘋果”，cosplay得十分成功可愛！撕開包點，內裡是滿滿的蘋果內餡。皮厚薄適中，一撕就知道充滿彈性，煙煙韌韌，內裡的蘋果蓉十分香甜濃郁，驚喜！而另一個包點就是專門為小朋友準備的豬仔包。殊不知原來都幾好味！入面的紫薯餡有香氣，而且甜度適中，奶香味十足，正！包點之外就要介紹下這裡的涼菜和熱菜。我們叫了三個涼菜，水準都非常好，包括雙色皮蛋、海蜇貢菜、酒埕醉雞。皮蛋做成金魚形狀，有黃金皮蛋同普通皮蛋，我個人更喜歡食普通皮蛋，味道比較清爽，黃金皮蛋則較濃郁，蛋黃味較重，配上涼拌醬油汁非常開胃；同樣地，本人真的非常少機會食到貢菜，不知是否醃製過，有點醃菜的味道，整件事都非常清爽，而雞肉也是瘦而不柴，有咬口，不油膩，清爽，但蒜蓉放得不少。這三款涼菜口味差五多，都屬開胃清爽不油膩的菜品。食完涼菜就到熱菜時間。這款白玉王鴿可算是此店的招牌菜之一，每人限點一隻，我們只order兩隻嘗試一下。新鮮熱辣的乳鴿皮有少少脆，一撕開d肉汁流曬出黎，又香又嫩滑，連乳鴿胸的位置都不柴，後悔只點了這麼小，但還要留肚食其他菜品，無計。唯一我覺得可再改善的是上面的椒鹽可放少d，否則不小心吃到會有d咸。餐廳亦十分細心，附上手套同桶仔吐骨。相對而言，這款荷葉飯就有點失色。飯中沒有各種材料的香味，只有豉油味，絲毫吃不到瑤柱的味道。而且飯的量都好少，我地每人少少都已分曬。另一招牌菜就是這個火焰菠蘿。幾乎每枱都會點一道。服務員上台就點著原只菠蘿for你影相發facebook或者wechat朋友圈，確實陣仗非常精彩，我地當然拿拿聲拿出手機拍各種相同視頻啦~燒完打開蓋，入面是咕咾牛腩菠蘿，平日咕咾豬肉就食得多，牛肉就未食過。菠蘿就一貫水準，甜，五酸，而牛腩的牛味十分濃郁，好香，不會太瘦咬不斷。不過我覺得比起咕咾牛腩，始終都係豬肉同個咕咾汁夾d，因為咕咾汁同牛腩都係本身味道好濃既野，一山不能容二虎啊嘛呢味餸我覺得麻麻，四星有一星系for視覺效果。全場熱菜我最like就係呢款麻滑石斑。魚肉幫你片好曬，五洗你起骨，免去不少麻煩。夾起一片入口，哇！非常嫩滑但還帶有彈性，然後紅辣椒青辣椒同新鮮麻椒既麻香味就湧埋黎，辣度也是剛剛好，可惜沒有胃食飯，如果五系真係可以用這味餸一整碗飯！還有腐乳花蛤，內地親戚朋友說這味很好食，大概是他們平時很少用腐乳炒海鮮，我個人來講覺得麻麻。廚師炒既時候放了比較多糖，整道菜偏甜味，比起我更喜歡食咸香口的。蒜蓉炒有機菜，其實就係菜心，不過都幾甜帶少少脆，作為熱菜既收尾，我都食左好多。最後少不了甜品，小小楊梅系麻球，我無試，但造型得意，非常有心機。榴蓮雪媚姐系榴蓮味的糯米糍，裡面既cream不油膩，皮薄，但我稍嫌榴蓮味不夠濃，不愛食榴蓮既朋友都可以試試。呢餐飯都食得好滿足，全程有驚喜，菜式造型有新意，味道又不俗，最適合宴請親戚朋友仔，影相呃like。唯獨是菜式分量，尤其是蒜蓉菜心同腐乳花蛤分量實在有d細，更似套餐里的一人分量而非單獨點菜的分量，如果可再多點就好了。下次或會到此專門食佢既包點，總體比熱菜更出色！…Read More

是日和幾個同事一齊到唐宮來個午餐小聚。早早book台，準時12:10到達，此時餐廳人還不是很多。不用等位，而且今天運氣也不錯，被安排了一張靠窗邊的餐台，向外看便是中環中心對出的廣場。大家都肚餓非常，每人揀一兩款之後就可以落order。上次速度也令人滿意，畢竟午市時間非常緊張。時值金秋，唐宮也推出了近年大行其道的奶皇系列自家品牌月餅。特別之處在於可以單點一件嘗味，滿足一下不同食客的需求。首先送上的是乳鴿~ 因為今年係25週年，所以推出了這個優惠回饋食客，招牌乳鴿都祗係$25一隻~ 不過，限定每人只可以叫一隻。我們一行5人，點了3隻。這幾隻乳鴿真的不負所望，皮脆肉嫩，很juicy！哈哈，大家看我異常喜歡，所以就讓我一個人吃一隻。希望下次來，$25乳鴿這個活動還沒結束吧~我個人有個奇怪的偏好，就是喜歡黑媽媽烏卒卒的食物，比如墨魚汁意粉之流。所以看到這款墨汁蝦餃，當然是必試的啦~ 雖說墨汁蝦餃是gimmick嘢，但蝦餃皮略帶墨魚汁香味，煙韌之餘不易散爛，裡面的蝦肉豬肉餡還有黑松露醬香。眞的很不錯~！飲茶必食流沙包~ 更何況今次的流沙包走矜貴路線：黑色竹炭包，掃上食用金漆，賣相矜貴，裡面的奶黃流心澎湃，淡淡蛋黃香~ 好睇又好食~接下來的是幾可亂真的松露香菇包~ 憑藉可愛的造型和創意的口感成為用餐食客必點的點心之一。餡料主要是蘑菇，鹹甜味還裹著蘑菇的清香。由於我們有幾位男士，所以主食必不可少，荷花蒸飯是同事推介的。賣相和分量都還不錯；米飯有口感，有飯香；配料頗豐富，有蝦肉以及豬肉粒，還食得出有鹹蛋黃，整體不錯。手抓餅有榴蓮以及肉鬆兩款可選，一份有兩件。略嫌餅皮過厚了一點，很香牛油味，但是很油膩~ 我們兩人share一件，吃完都覺得膩。肉鬆好吃~這款火焰菠蘿被標籤為signature，而根據我們目測，幾乎每桌必點。送上餐桌的時候，侍應會用火槍點燃，可惜侍應並沒有給與任何指引，就離開了。我們等了大概一兩分鐘，看著火焰相對小了，但還沒完全熄滅，決定不等了，就冒險揭開了菠蘿蓋。原來，這是菠蘿牛肉。這個組合有新意，但是個人一般。剛好我吃的牛腩有肥膏，也有筋，有點膩，也恰好是菠蘿解了這個膩。個人感覺還好。飯後甜點，對於我來說，幾乎是必備的。看大家都不嗜甜，我就選了這款小小楊梅。實則是圓碌碌的煎堆皮，外層是脆卜卜的糖粒，包着奶黃餡，再加上一塊薄荷葉，與真楊梅可以魚目混珠。略嫌外層有點硬，其他的都還不錯。埋單的時候記得出示AsiaMiles會員卡號碼儲里數啊！不要像我一樣，不記得......另外，還會有一張有效期一個月的現金券，不過僅限晚市堂食。下次再來試其他出品~…Read More

第一次食唐宮小聚係中環分店，之後又係尖沙咀分店食過。今次同朋友話想食中餐，再去中環分店。真心，無得輸，好正來到當然要食最出名既乳鴿。最鐘意佢地既細心服務，比手套同骨桶，方便清潔、整理。前棻有酒呈醉雞、青芥木耳同貢菜海蜇。醉雞不過不失，青芥木耳辣度適中，一食就停唔到。貢菜海蜇就一般，海蜇未算好爽口。另外叫左荷花蒸飯，飯好香，材料勁多，有蝦、雞丁、鹹蛋等，好好味 最後叫埋甜品陳皮燉梨，熱辣辣，唔太甜，正!…Read More

早前同老婆晌功德林食過款香菇包，佢當然好鍾意啦，所以，最近搞有個小局歡聚一堂，就刻意揀咗中環主打摩登中菜嘅「唐宮小聚」，一來試試佢啲特色創意點心，二來佢款香菇包做得有水準，帶老婆嚟試吓，三來可以儲吓飛行里數，雖然一餐飯儲得唔多，但儲得一里得一里嘛。因為坐爆全場，啲枱櫈又拍得幾密，還好嘅喺餐廳嘅樓底頗高，未至於感覺太侷促。而座椅採用淺色木系，餐枱用上淺灰雲石面，加上一室湖水藍襯白，摩登得嚟有種年輕感。再者，半開放式廚房，睇見蒸汽不斷催升，點心不斷出籠，就更期待啲點心出品。無諗過星期一晚都咁旺，幸而被安排最入嘅角落4人位，騷擾度相對低，而且，一邊喺梳化椅，讓人坐得更舒服。朋友一坐低就話啲碗好污糟，哈哈哈，碗底嘅烏蠅喺假嘅，只喺畫上去，但就非常搞嘢。食物嘅種類、款式就全部印晒晌點菜紙之上，細心研究，佢哋改名都花咗唔少心思，好似種類方面，除必食之選及小聚拼盤外，分類為小潤、小點、小炒、小菜、飯麵、小甜，全部都喺得兩個字；而菜式名稱則全部都改為四個字，其實，一啲都唔容易，勁呀！另外兩張細啲嘅黃紙，喺飲品餐牌，非一般酒樓嘅選擇，如清優花茶、本地手工啤、紅白餐酒、有氣葡萄酒……等等。順帶一提，茶芥$10位，另收加一服務。小聚併盤 $109喺一種以一份大冷盤（A組）配兩道小冷盤（B組）嘅組合，前者有4款，後者有10款，比起散點確喺抵好多。酒呈醉雞大冷盤揀醉雞，因為大家都啱食啲，醉雞俾咗脾位我哋，肉質自然相對更嫩滑，入口真正皮爽肉嫩，淡淡嘅酒香從肉中滲出，唔嗆喉，好順和。青芥木耳喺好簡單嘅小冷盤，單加入青芥末作調味，放啲杞子、百合做裝飾，木耳好爽口，青芥末辣味點到即止，唔會太辣。貢菜海蜇另一道小冷盤，揀咗甚少食嘅貢菜，配以海蜇，淋少少豉油、麻油打底，貢菜、海蜇同樣賣點喺爽脆，好清爽嘅。松露香菇 （3個）$49比起上次功德林食過款「蘑菇包」，依度嘅香菇包做到嘅菇紋更神似。咬一小口，包心填滿香菇，刴得大細啱啱好，既有口感，又唔會太大粒，而且，加入黑松露，個包更幽香。包身鬆軟又唔黏牙，整體嚟講真喺好有質素。黑金流沙 $49其實即喺平常食開嘅流沙包，只喺外型變得型格咗，一身漆黑閃爧爧，再加幾道金線粗紋，感覺真喺唔同晒。包身加入竹碳粉做，味道就唔會點特別咗，但就有清腸胃、排毒之效；而包心嘅流沙餡，做得滑溜鹹香，有一湧而出之勢。紫蓉豬豬 $29唔太推介嘅點心，除咗做成豬頭形狀，只不過喺以紫薯蓉做內餡，味道喺唔錯嘅，只喺大細如半個拳頭左右，一客一件，賣到$29一籠，感覺唔划算而已！白玉王鴿 （1隻）$38晌點菜紙上，有幾款被排晌頭位稱為「必食之選」，「白玉王鴿」（炸乳鴿）喺其一，只賣$38隻，又即管點一隻試試。據店長介紹，啲乳鴿喺採用美國大種貨色，但炸出嚟嘅效果一啲都唔失禮，味道甘香，唔油膩，做到皮脆肉嫩，已合格有餘！提供骨桶俾客人放骨，服務一環要加分啦！荷花蒸飯 - $99另一道「必食之選」喺依個蒸飯，賣相如一般荷葉飯，但上枱時又真喺散發出幾有荷香。從點菜紙就已知飯內有鮮蝦、火鴨、雞丁、瑤柱，果然，無迤做，飯內好足料，鮮蝦夠爽口，火鴨粒、瑤柱夠鹹香，飯粒分明又軟熟，帶微微濕潤，的確好食，性格比高嘅蒸飯。黑白兩凍 $39臨尾，點少少甜品作結，先登場喺「黑白兩凍」，不過，喺個「蛋殼」喺黑白，裡面其實喺綠色嘅開心果奶凍及白色嘅榴槤奶凍，可以講喺名不附實，哈哈。講到質素，兩個奶凍都做得挺身軟滑，前者開心果味不過不失，反而榴槤味頗突出。流沙樹梅 $39樹梅其實喺指楊梅，一客有3粒，做成楊梅形都有8分似，只喺偏橙唔夠鮮紅，但入口好得意，初頭以為面面喺啲糖粒，原來喺米粒，咬落脆卜卜，而外皮粉糯，吉士餡軟滑有蛋香，有姿勢，有實際。唐宮小聚嘅點心，不單賣相造型有特色，更做得維肖維妙，配搭亦見心思，而新派嘅裝潢及服務，讓客人跳出框框，有不一樣吃點心嘅體驗。…Read More

三數損友飲茶暢聚，不想吃一些普通點心，相約於一家有特色的中餐館。先說餐具已夠特別，在光亮潔淨的碗底竟然發現小昆蟲！近望一下，原來是花紋圖案，夠型夠格！光看猛虎咬豬這個名字，就好像甚麼金玉滿堂之類的令人摸不著頭腦。其實是好像台式刈包的物體，以一片包夾著豬腩肉。豬腩肉入口是化的，惟醬汁過甜，幸好有一條芫茜帶起一絲清香，不然便會很膩。反而豬樣的紫薯包比想像中沒那麼甜，不過無甚特別，就是紫薯包一個。談到外型，小人更為喜歡黑金流沙包，以酷取勝，中間的流沙既多且熱，撕開後似是岩漿湧出，又好看又好味。素菜蒸餃則較為一般，餃皮有點黏口，菜味亦未見突出。手抓餅外皮有少少脆，餅身又煙煙靭靭，加上蔥粒，十分滋味。在點心紙的小炒類找到的蝦多士，蝦量甚多，有原隻蝦及蝦膠釀在多士上，脆而不油，一人一件剛剛好。荷葉飯最特別之處是其上放有一片花瓣，觀感已增添一抹清麗。飯粒有汁入味而不糊，吃下滿口荷香，配料的蝦及肉粒亦粒粒鮮明，我們都讚口不絕。環境舒服，食物又不俗，絕對是一個聚腳的好地方。…Read More

難得星期六晚上八時，不用排隊！裝修比較新穎，不是一般的中式餐廳，以淺藍色為主調，感覺很舒適。坐下時，被碗碟上的「烏蠅」嚇親！原來是裝飾而已！令人很難忘！酒呈醉雞肉質鮮嫩，有淡淡的酒味，作為前菜很醒胃！皮蛋豆腐本以為皮蛋就像譚仔般的，怎料是碎上，有點失望。豆腐很滑，應該是普通在超市買到的山水豆腐。雞絲拉皮醬料與配料份量相約，味道一般，青瓜不夠脆。荷花蒸飯一上菜已經嗅到陣陣香味，而且份量很多，吃到最多的是雞丁，飯的質地偏軟及濕。芥末爆牛賣相與想像中有出入，以為是大排檔的那一種，怎料是配翠玉瓜，而且瓜的份量比牛肉多。牛粒的質地不韌，只有淡淡的牛肉味及芥末味，整體一般。金菇翠苗這個有驚喜！金菇口感非常脆而且非常香，加上豆苗的脆質感，非常搭配！而且味道清清的，令我不停吃！白玉王鴿全晚的高潮就是這個！非常香非常脆！而且乳鴿質感鮮嫩，令人垂涎欲滴，而且價錢非常合理，可以再encore！木糠奶凍非常失望，牛凍不夠凍， 而且非常軟身，是流質的感覺，口感不太好。乒乓麻球 、薑汁千層麻球沒有什麼特別，跟平常吃的小煎堆一樣。薑汁千層口感不錯，有淡淡的薑汁味，煙煙韌韌，這個要趁熱食！整體來說價錢偏貴，而且侍應人數不足， 喜歡喝茶的我們不停叫侍應來斟茶，不過這裡有很多外國人光顧。下次可試特色點心，賣相頗吸引！…Read More

型爆索女Q前一排話大家揾日去“唐宫”試試 ，久仰“唐宫”大名 ，擇日不如撞日，就今期生日會去擦餐勁喇 ！港鐵上環站E2出口，穿過新紀元廣場，再轉左行，L.Place就係警察服務中心隔離。位於二樓嘅“唐宫”，格局時尚簡約，空間感大。女侍應生體貼地 話今晚大枱多，乳鴿好快沽清，幫我哋預留咗三隻乳鴿先 ！等齊人後，點得菜了 ……1.紅油抄手6件$59 : 都几辣吓，餛飩香滑好味 ！2.皮蛋豆腐$58 : 師傅刀功手勢好 片得啲豆腐好薄 ！豆腐超嫩滑 ，啲醬油皮蛋又入味 ！3.松露香菇3件$49 : 仿真度極高 ，有埋粒蒂添 ！個包非常軟綿，松露味又濃郁 ，啲菇菌夠爽口 ！4.白玉王鴿一隻$38 : 女侍應生問一開几，我揀咗開四，每人派埋手套 ，食完乾淨舒服晒 ！乳鴿肉質夠嫩滑 ，唯獨是嗰皮炸得唔夠香脆   ！5.龍鬚芥蘭$79 : 芥蘭切得靚 ，形狀又真係几似龍鬚 ！口感亦算爽脆，但唔夠鮮甜 ！6.檸檬鳳尾$119 : 炸蝦球，酥脆彈牙 ，檸檬嘅一點點酸，好清新 ，亦帶走油膩味 ！7.秋葵淮山$79 : 秋葵味道較淡，咬落清爽！斷估唔到 嘅係淮山好好食 十分爽脆 ，一啲都唔粉 ！8.蔥油樹雞$68 : 蔥香味十足，肉質滑嫩！9.荷花蒸飯$99 : 嗰飯好香，又勁多蝦啊 ，仲有火鴨、雞丁、鹹蛋等等配料，好味道 ！10.松子鱸魚$198 : 外脆内軟滑 ，配酸甜醬汁，惹味醒胃 ！其中有幾位友人食到魚骨 ，話要扣分 喎！我比較幸運，揀嘅都係啖啖魚肉呢 ！11.火熖菠蘿$119: 我哋睇menu，一直研究緊係咩嚟？！起初以為係韓燒或燒烤菠之類……直至見到對面枱有客人上菜，先知咁鬼特別 ，大家都好有興趣一試 ！成個菠蘿燒著了 ，呃like一流呀 ！可惜好睇唔好食呢 ！入面係菠蘿牛腩，牛腩肉超級韌啊 ！食飽飽，係時候上蛋糕了 …Read More

爺爺慶生飯，在網上找了一間網評不俗的中菜館「唐宮小聚」試試。未抵達前，還以為餐廳是一間酒家菜館。抵達後才得知和想法有異。餐廳走新派時尚風格，格調製作富新鮮感。因週日晚幾近滿座，座處難免有點擠迫。餐廳的食品以小碟為主，迎合大眾「眼闊肚窄」的心意。一行七大兩小點了以下美食。小聚併盤是一份自選套餐，三款小碟只取價 $108 頗為實惠。蔥油樹雞雞肉嫩滑，蔥油香口。翡翠鴨卷是凍食小品，內𥚃以酸爽瓜菜為主要食材，反而鴨肉味道不算突出。皮蛋豆腐是彰顯刀功的菜式，難處在於把豆腐切成薄片，豆腐口感挺滑。餐廳的必食之選有五款，除火焰菠蘿暫停供應外，其餘各點一客試試。白玉王鴿熱食皮脆，肉味濃，但肉汁未算豐富。猛虎咬豬雖以豬腩肉製作，但選料不算太肥，細周生擇肥而食，一口氣吃了件半，筆者只能淺嚐一口，未能試真味道。荷花蒸飯內有充足的蝦肉及雞丁作餡，加上搶口的鹹蛋黃碎，味道不俗。無咁簡蛋主要素材是辣子雞，以川椒炒勻炸雞粒，入口以川辣口味為主，鹹重辣輕，雞肉不太出味。菜式借用「無咁簡單」為名，玩味之處落在「假蛋」之上。大家所見的蛋黃，其實是芒果醬汁，做法相信參考了份子料理的晶球化作用。以酸甜果醬伴以上火炸品是不錯的選擇。 來到品評小點時候，筆者放棄了講求特別賣相的飽肚包點，直接著眼於蒸炒小點。麻辣燒賣以糯米製成，口感黏糯，麻辣水平不重。炒蝦腸粉和一般的豉油皇炒腸粉分別不大，只是面上多了數只海蝦。桂花豚肉、焦糖龍井及松子鱸魚是明爐小炒。與同樣是炸品的辣子雞相比，桂花豚肉不論在口感上或是味道上皆稍勝一籌。焦糖龍井的重點除龍井外，也包括白滑魚粒，只可惜菜式整體調味略重偏鹹，蓋過了應有的甜感茶香。松子鱸魚製作大條，肉厚無 (少) 骨，口感酥化軟嫩，甜酸汁濃稠味道適中，人多的話值得一試。小菜茄湯時蔬以菜心浸煮蕃茄湯，菜心清甜爽感合理，茄湯味道普普通通，綜合多方意見這份茄湯湯底還是不及自家製作好！主食呷醋拌麵，醋感不強，反而麻香更突出，但因麵餅黏著在一起，質感有點怪不太欣賞。陳皮燉梨是滋潤甜品，燉梨腍身清甜，陳皮芳香，都不錯呀！回顧整頓飯，菜式普遍小巧精緻，並富一定水準，想試試有點新意的中菜，可以到訪一試。 …Read More