Sushi mi

第一次食omakase就比咗呢間位於尖沙咀嘅鮨見！呢道有2個set，分別係春($1498)同見set($1798)，基本嘅前菜, 茶碗蒸, 湯, 甜品呢啲都包，見比春set多咗兩款刺身，一款壽司，同埋海膽杯刺身方面，有兩款比較特別，分別係白子同埋鮟鱇魚肝，師傳介紹，白子原來係魚嘅精巢...我聽到都嚇一跳...真係好少見！仲有啲唔夠膽食添🙈壽司方面，個人最喜歡赤貝壽司, 見住師傅生劏，仲要勁大力打一下落隻赤貝道，為嘅係證明佢有幾新鮮，的確入口仲有微郁，一啖過，好滿足☺️另外值得一讚嘅係呢道環境好舒服，日式家庭風嘅設計，加上食客唔多，寧靜嘅食飯環境，而師傅全程都不停用日文+唔鹹唔淡嘅英文加普通話同我地溝通，好似置身於日本咁！…Read More

第一次食廚師發辦，黎到尖沙咀呢間鮨見！餐廳得9個位，想靜靜地食個飯呢到就perfect!餐廳得2個menu，一個普通menu，一個special menu。既然都黎到食，梗係揀special menu啦！壽司刺身樣樣都好新鮮，但最令我驚艷既係最後個魚湯同水果！第一味食個茶碗蒸暖下胃！濃郁、新鮮、肥美！第一次食，原來係好珍貴！食落好新鮮好香🥰好新鮮，濃濃既海水味同蠔味，好香！新鮮！醬係抹茶芥末醬咁，第一次食，感覺好新奇🤩呢個好出色，拖羅係凍既但面頭用左火炙方式整，所以食落又熱又凍咁。中間仲有海膽，入口即溶！熟既我就食過，生既第一次食，魚味好香！好厚，好鮮！好爽脆既口感！超級好飲！用魚骨煲左1個半鐘，超鮮甜，好香魚味，食完壽司刺身再暖下胃簡直不得了😋第一次食，終於問點解個個去日本都攬住個蜜瓜返黎。食落真係超甜，一咬d汁湧出黎，入口即溶咁，真係好好食😫😫😫…Read More

今日男朋友話要想試吓啲新嘅嘢，所以就帶咗我黎食刺身。我平時唔係好鍾意食刺身，成日都覺得好腥。佢介紹我食呢間廚師發辦，佢同事話好高質，所以今日帶埋我嚟食。我地約咗七點，入面已經有一對情侶食緊。睇一睇Menu，原來依間餐廳咁貴，男朋友真係有我心。我哋叫咗《見》set ，諗住食得豐富啲。個日本廚師好有氣勢，而且好似咩語言都識，一邊煮一邊向我哋介紹色彩嘅知識，又講下廚師發板嘅由來，幾風趣。第一道上嘅菜係前菜，係魷魚仔黎，配上醬汁都幾開胃的。然後，就送上茶碗蒸。蛋嘅質地滑溜，內裏有冬菇，瑤柱，芫荽等等，味道不錯，用料充足。然後，就到刺身時間。先來一個安康魚肝，師傅用火槍即時燒過，魚油味即刻撲埋黎。魚肝既口感好融化，充滿魚油香。然後就到海膽白子，口感好creamy，唔會腥，好有海既鮮味。之後再嚟三款刺身。分別係池魚、春魚、金目鯛。佢哋肉質厚實，但食落好柔軟，味道都好鮮甜。我個人覺得春魚最好味。然後再嚟一個刺身合體。有帶子同甜蝦，中間包住吞拿魚溝飛魚子，面頭有鮑魚肝醬同金箔。好靚。食落去口感好特別，先有帶子同甜蝦嘅鮮甜，但咬到中間就有吞拿魚嘅鹹味，同埋飛魚子鬆脆嘅口感，啲飛魚只係口係咁爆出黎，令人齒頰留香。師傅都提醒我地食刺身要一口過，先會好食，我都跟左佢意見。然後師傅整咗一口嘅大拖羅+海膽同吞拿魚，將三樣貴價野放埋一齊特別好食。然後師傅俾咗兩隻烏龜仔我哋，係鮑魚配鮑魚醬。鮑魚口感厚實，食落好有嚼勁，配埋個醬不錯。淨低咗啲醬，師傅俾咗比左舊飯我哋撈黎食，幾有風味。之後就到六貫壽司：分別有金目雕、池魚、油甘魚、牡丹蝦、赤貝、帶子拖羅。魚類新鮮好味。我自己比較鍾意牡丹蝦果個，因為師傅個擺碟好靚，成隻兔仔咁，好有心思。最後仲有個好靚既海膽杯，我鍾意佢隻櫻花匙更，夠Decent。海膽同魚子都好Fresh，一啖海鮮一啖飯真係好正。食晒之後，就有湯飲。個湯落左金目雕，一打開已經有陣陣魚香，食完咁多凍野飲濃濃既魚湯，即刻warm晒最後食埋閃電蜜瓜作結，超甜。我地食左個幾鐘，睇師傅係我地面前表演，都算係一個享受！另外，依餐都改變左對刺身既感覺，原本成日覺得好腥，但其實新鮮既食材會好鮮。睇黎食刺身，都係揾高質既好～依幾千蚊都抵比！…Read More

同朋友大吃一餐，餐廳環境好雅致，簡潔得黎不失日本風情。午市lunch set有3款選擇。師傅分別將食物由冷到熱盤送上，而且挑選當下最時令既食材製作佳餚。叫左「春」set($599)，有前菜、壽司九貫、海膽杯/拖羅杯、手卷、茶碗蒸、吸物、甜品。前菜墨魚仔配豆腐，淋上日式芝麻醬。大大隻墨魚仔，爽口。加上日本豆腐硬硬地，食落好似肉既口感。食OMAKASE最幸福既係，師傅係你面前製作食物，就好似睇一場精彩既表演，而且你唔會知下一道菜會係咩。師傅仲會俾濕紙巾抹手，準備食壽司。第一件壽司，師傅將金目鯛切到有光澤，再捏北海道飯。金目鯛好肥，而且冇腥味。重點係，要一啖食落肚，先可以一口品嚐哂。深海池魚壽司經炙燒後，池魚表面有層閃令令既油膩，口腔仲有d燒焦既魚味同魚油香味添。櫻花鯛壽司，配上櫻花鯛肝。初時以為魚肝既口感會好怪同埋會腥，但一啖食落口，冇腥之餘，口感亦提升左。左口魚壽司通透，淋上既醬汁令左口魚更鮮，以及清新。喜知次壽司，師傅稱尼條魚既名叫kinki，佢唔識kinki既中文。一查之後，發現竟然係高檔魚。其實師傅揀得既魚，都有番咁上下級數，jeng。壽司配上日本蘑菇，魚肉口感有彈性，半透明既狀態。藍鰭吞拿魚壽司配搭日本芥末，順帶一提，師傅會加少少wasabi，一開頭會少少刺鼻，但食食下反而習慣左，已經唔覺有。拖羅壽司入口真係好似溶化咁，好大陣魚油香味，真心齒頰留香。配上既蘿蔔有利吸走過多既油份，減膩之餘口感上亦清爽。師傅將赤貝原隻由殼整出黎，原來赤貝貝殼係黑黑地色，精心切件後，壽司樣貌非常靚，好似蝴蝶結咁。而且口感一流，爽爽地，而且鮮甜，赤貝肉帶紅色。甜蝦壽司由2大隻甜蝦製作而成，師傅巧手地將甜蝦脫殼，再將壽司擺放到一個靚既位置。師傅表面好似傳統大男人既樣子，但內心就有住對食材既要永。甜蝦既甜，亦充滿海洋鮮味。是日杯物係海膽杯，用上好多板海膽，底下係北海道飯。海膽味超級濃郁，連飯都吸左海膽d汁。師傅特別提到係櫻花匙羹，賣相味道一流。師傅係你面前將white fish hand roll卷起，細細地長條型，一啖食落肚，就感受到紫菜既脆，white fish既鮮。食完冷盤，就食熱盤。茶碗蒸用上日本菇、元貝，蒸蛋非常滑，一d都唔老，而且仲有啖啖菇香同海鮮味。由金目鯛魚骨、魚皮熬成既魚骨湯，味道鮮甜冇魚腥味，再加蔥粒點綴，師傅冇浪費每一種食材。最後既自家製豆腐雪糕甜品，豆腐味濃，就好似食緊純豆腐一樣既感覺。整體，根據自己既預算，可以食到用料嚴謹，而且用心烹煮既料理，唔錯。邊食壽司，邊期待師傅製作既下一件壽司。…Read More

第一次去吃omakase午餐，選擇了位置便利的「鮨見」。內裏裝潢簡單，帶點家庭式的感覺，坐在高枱前，店員為我們介紹師傅。師傅二見康二是日本人，溝通主要用英語 (有時少少聽不明白)，他跟我們介紹時令的食材，想不到配搭特別豐富。套餐「春」 ($599)，包括前菜、壽司九貫、海膽杯、手卷、茶碗蒸、吸物 (湯) 和甜品前菜：seafood tofu / 海鮮豆腐原隻墨魚仔配日式豆腐乾，師傅將食材逐層逐層疊起，醃製得非常入味，芝麻醬令整體口感清新。壽司九貫：金目鯛、深海池魚、櫻花鯛、左口魚、喜知次、藍鰭吞拿魚、拖羅、赤貝、甜蝦重頭戲，可以一邊觀賞師傅以精湛的手藝切刺身、捏米飯，一邊品嚐色香味俱全的壽司。刺身都是師傅精心挑選的，米飯則是北海道米，很有彈性。師傅捏好一件，就可以直接吃，師傅還建議一口一件，整個去吃，才能使味道更突出。金目鯛壽司，肉肥鮮美深海池魚壽司，厚切的深海池魚經過炙燒後，油脂濃郁櫻花鯛壽司，上面配以櫻花鯛肝左口魚壽司，淋上滿滿的柚子汁喜知次壽司，師傅介紹為kinki，配上日本蘑菇藍鰭吞拿魚壽司，師傅加了秘製的日本mustard拖羅壽司，油脂被上面的配料吸盡，入口即溶赤貝壽司，師傅即場開殼，將赤貝切好，展現超凡的刀工甜蝦壽司，師傅特意裝飾成小兔子的模樣海膽杯滿滿的海膽，鋪在壽司飯上，用櫻花匙羹舀起大啖大啖食。手卷師傅介紹為white fish，捏好後輕輕燒過，再用脆脆的紫菜卷好，口感非常好。茶碗蒸雞蛋蒸得很嫩滑，裏面還有日本菇和元貝。吸物 (湯)用金目鯛魚骨和魚皮熬製而成的湯，充滿濃濃的鮮甜味道。甜品自家製豆腐雪糕，甜度適中。最後附上師傅專注制作美食的樣子！…Read More

我對日式廚師發辦的印象，一直都是神秘、高檔。由師傅挑選的食材，相信也是不時不食，食材的配搭也是挑戰傳統。鮨見是我第一次嘗試的廚師發辧。在尖沙咀大廈的2樓，簡單的日式門面，店內的家庭式格調，店員安排我們到BAR枱的位置，直接面向廚師，實在令人有種莫名的壓力。雖然是OMAKASE, 但同樣有餐牌以作參考，廚師開始前會仔細介紹各菜式中的「是日材料」，好讓我們心裡有個預算。這天的前菜是墨魚仔配上日式豆乾，頂部以海帶絲；眼見師傅將食材一層一層舖砌而成，感覺很真實，墊底的墨魚仔有如平日的甜酸，比較新奇的配搭是豆干，除了帶點𡁻頭之外，也吸收了甜酸汁；海帶的調味則以後加的芝麻醬汁為主，十分相襯。鮟鱇魚肝，看到廚師從冰箱拿出以鍚紙包裏的肉卷，起初還以為是雞肉卷，介紹之下才知道是魚肝，淺粉紅色的魚肝沒有半點的魚腥，入口即化的魚肝，深沉的味道配上柚子汁的酸澀，剛好平衡了魚肝的濃厚，值得一讚。拖羅刺身壽司或者很常見，但以拖羅裏著魷魚的配搭也實在少見，拖羅入口即溶固然是基本，油脂的爆發令口腔充斥著油潤，魚油的甜味非常突出，加上魷魚的爽口彈牙，雖然每位客人只有一件，也實在令味蕾幸褔滿溢。同樣是拖羅，另一款菜式就以「冰．火」的概念來展示，師傅一直強調要一啖吃完，原因是下層的拖羅的冰凍的，而上層的拖羅則經過火炙，表面帶焦香而溫暖，魚油的香氣撲鼻而來，中間的海膽鮮甜冰凍。將所有食材放進口中，那種外暖、內而冰凍的感覺就像泡芙中包著雪糕，層次豐富。壽司同樣有多款，每款都是由廚師現場即時製作，而且是一件一件的上菜，逐件壽司製作完成後再放到面前，互動的程序甚高。是日印象深刻的是赤貝壽司、秋刀魚、左口魚壽司、拖羅壽司等，赤貝是即場開殼，去清內臟血水，因此肉身十分爽口彈牙；秋刀魚則現場去皮再加上薑蓉作調味，清新的味道剛好中和了秋刀魚的少許魚腥味。唯一有意見的壽司飯用上少見的醬油式壽司醋，除了原有的醋酸味，同時也帶上一種類似沉實的梅子味，個人還是比較喜歡純白的壽司醋，簡單平凡。糖心鮑魚，日式料理很少會用到鮑魚，綠色的醬汁據廚師所說也是由鮑魚製作，凍食的鮑魚沒有添加任何調味，咬口爽滑彈牙，鮑魚的糖心帶出自然的甜味，有凍食當然少不了熱點，而且熱點的質素更高︰茶碗蒸可說是今日的冠軍，從來都說簡單才見真功夫，蒸蛋的滑與蛋香，火喉控制得剛好，上層的蛋汁剛凝固成形，而下層仍保持半熟的蛋花狀態，調味方面相信只以鰹魚湯作底，未見加添醬油，淡淡的蛋香和魚湯香氣，配以頂層的芫茜作點綴，簡單而討好；稱得上暫時吃過最好的茶碗蒸。日式魚湯聽廚師介紹是由魚頭及多種魚類煲製，不像港式魚湯著重奶白的湯色，但魚湯的鮮味郤極濃，喝完有一種自然的滿足感。後記，OMAKASE 作為高檔料理，帶點度身訂造的效果，當然價錢同樣「高檔」，值得與否就在乎廚師的手藝同創意是否岩個人心水。以今餐的經歷而言，作為首次品嚐廚師發辦的我，性價比是合格的，不少菜式都採用貴價的材料，新鮮味美，加上師傅即場展示刀功與手藝；廚師的自創菜式亦拿了不少分數。…Read More

之前係日本食過Omakase，非常喜歡可以一路食一路睇師傅處理食料既感覺，返到香港突然心癮起，決定搵一間omakase試下。今次去食Lunch set，抗拒唔到海膽魅力決定食有海膽杯既「春」。前菜墨魚仔：墨魚仔爽口，個醬汁酸酸地好開胃。菜碗蒸：蛋好滑，蒸得剛剛好，蛋味都好濃。壽司十貫-金目鯛，獅魚，櫻花鯛，深海池魚楠，黑鱸，左口魚，赤身，甜蝦，北海道帶子，廣島蠔（希望無記錯）。師傅每上一個壽司都會介紹，有啲魚平時無機會食到，好「新鮮」，當中最喜歡獅魚，味道唔會太濃，口感偏爽口。而甜蝦難得地好甜，好多時食到唔新鮮會苦。整體水準好好，壽司米用北海道米，好有咬口。海膽杯：大大啖鮮甜海膽加上煙韌北海道米，無得頂手卷：無影到，因為師傅叫我快啲食，紫菜好脆，比起壽司又多左一層口感。金目鯛魚湯：好好味，好濃郁既魚湯，魚既精華係晒入面。豆腐雪糕：唔太甜，有淡淡既豆腐味，作為結束既一道甜品非常合適。食完好滿足，雖然價錢偏貴，但去唔到日本食偶然放縱係可以的…Read More

今日我們午飯時間難得有空，就來了於尖沙咀站附近的鮨見注文了一個叫做「春」的午餐廚師發辦。這午餐價錢Ok，只要五百多元便可一嘗師傅的心思了。前菜師傅首先送上了墨魚仔前菜比我們清一清個胃先，不錯。茶碗蒸之後是熱辣辣上桌，加上滿滿蛋味的茶碗蒸，再配以各種海鮮，令人十分期待之後的重頭戲。壽司十貫是日的重點當然一定是壽司十貫了。師傅很有心地精選及準備各種新鮮直送海產，分別有:-喜之次魚,櫻花魚,深海池魚,北海道帶子,左口魚加魚子漬赤貝,藍鯨吞拿魚,赤蝦,三文魚籽,廣島蠔師傅有心地逐件切逐件去上桌，件件新鮮味美，表現出日本人一向辦事都很細心和認真。壽司一口一啖地進入口中，正！海膽杯吃完壽司後，已非常飽了，但幸好沒錯過啖啖都是美味海膽，海膽滿瀉的海膽杯啊。推介！手卷之後是白身魚手卷，刺身魚一貫新鮮味美，紫菜非常之爽脆，食到有聲有畫咁既境界。吸物是日吸物是魚湯，應煲了很久很足料的，熱辣辣上枱，非常之香濃。甜品最後在十成飽的情況下開了第二個胃去食豆腐味非常濃的雪榚甜品，也很不錯的。…Read More

終於安然地趕完deadline，上司決定請同事食番餐好以示奬勵。同事們見我之前食完廚師發辦開心了幾天，一致決定今日去食廚師發辦，等大家的開心可以不斷延續。上司實在太好，做完資料搜集後，決定帶我們到尖沙咀亞士厘道的鮨見，仲話食完午餐後可以放工，Yeah。店舖設計以和式簡約為主，壽司吧枱約有八個座位，加上一張四人枱，全店加起來只有十幾個位，所以想一賭廚師的風采，就要一早訂位。午餐餐牌有三款選擇，分別是「櫻」、「春」、「見」三款，三款的分別在於多少道菜式。而話明廚師發辦，當然食材就由師傅為我們今日挑選最優質、最時令的食材。我們實在太鐘意食海膽，見到「春」有海膽杯，所以就決定選「春」這款。前菜前菜是墨魚仔，爽口彈牙，再加上酸酸甜甜的醬汁，又清新又開胃。茶碗蒸茶碗蒸看似平凡，但要製作一碗完美的茶碗蒸絕不簡單，時間及成份都要掌握得好好。茶碗蒸上枱時熱辣辣，內有爽嫩的菇及鮮甜的元貝，令茶碗蒸的味道更為提昇。壽司十貫師傅握飯的力度剛好，盡顯功架。壽司飯的醋酸度適中，沒有蓋過魚的鮮味，飯香軟熟且粒粒分明。師傅在每件壽司盛上前均已經調好味道，每件均配上不同的醬汁、山葵及不同的配料等，所以我們也不用再醮醬油來吃。師傅由淡味壽司整到濃味壽司，續件放上碟上，更不厭其煩教我們要用手拎著壽司一口放到口中，這才算正宗吃壽司的方法，那麼我就不客氣地一手一口一啖品嚐。喜之次油脂豐富而且魚味濃，入口細膩軟滑。櫻花鯛新鮮爽口，師傅微微掃上酸汁，令魚味更帶清新感覺。深海池魚肉質細膩，爽口帶油份，味道甜美，師傅微微火炙過，更帶出魚油甘香。北海道帶子是珍寶級，肉厚味鮮，口感鮮嫩滑溜富彈性。左口魚魚味濃郁，師傅掃上酸汁及加上魚子漬，令魚味濃郁得來人帶清爽。赤貝肥美，爽脆鮮美，蛋白質含量豐富。藍鰭吞拿魚厚身，入口軟綿綿，魚味香濃。赤蝦鮮甜，爽滑彈牙。三文魚籽有豐富的魚油，粒粒賬卜卜，咬落去卜一聲就溶化。廣島蠔肥美，師傅微微略燒後，食落更為甘甜。海膽杯好豐富的海膽杯，我見師傅足足用了半板海膽，在杯上舖得滿滿，入口甘香鮮味，入口即溶，味道在口腔迴轉。手卷師傅將白身魚刺身微微炙燒後，用脆口的紫菜及醋飯包著，油脂溶化在手卷中，入口口感豐富。吸物這裏用上魚湯作吸物，魚湯上枱熱辣辣，魚味香濃，可能用上好多魚肴製而成，啖啖精華。甜品甜品是豆腐雪糕，豆腐味濃，而且不太甜，好清新。…Read More

朋友今日生日，想食Omakase，幾日前已經上網做完功課，找到這家位於尖沙咀亞士厘道18號樓上的”鮨見”，餐廳開幕不到半年的時間，正好試試如何。來到餐廳，富日系的裝潢，播放著日系歌曲，仿如來到了日本一樣，師傅亦是日本人，我們坐在吧台。店員介紹餐廳的三款定價：分別為”櫻$388”，”春$588”和”見$788”，今天我們食中價吧。春 - $588前菜：凍墨魚仔、腐皮 - 墨魚仔冰爽甜嫩，腐皮入味，作為前菜十分不錯。茶碗蒸：蛋嫩滑，當中有瑤柱、菇提鮮，味道清淡鮮味。壽司十貫：金目鯛壽司 - 最欣賞這裏的壽司飯還是暖暖的，比起平時有着不同的感覺，令人驚喜。鯛魚壽司 - 鯛魚配上魚肝，很鮮味。火炙深海池魚壽司 - 油脂香豐腴，鮮甜。帶子壽司 - 帶子厚身鮮甜，配上特製的味噌醬，不錯。左口魚邊壽司 - 配以魚子漬，帶少酸，幾開胃。左口裙邊壽司 - 配上鮑魚肝醬味道，左口裙邊口感豐富，整體味道香濃。赤貝壽司 - 師傅先用刀功處理，赤貝厚身爽口。甜蝦壽司 - 賣相漂亮有心思，配上魷魚，嫩滑鮮甜的甜蝦配點韌度的魷魚，十分夾。廣島蠔壽司 - 火炙過的廣島蠔，一般都係用做刺身，用來做壽司都是第一次食，蠔味濃郁，配上魚子漬，加上暖暖的壽司飯，非常夾，一次便愛上。肥羅壽司 - 火炙過，油脂更豐腴，配上蘿蔔蓉，回味無窮。海膽杯 - 有心思的是上面配上甜蝦的造型，用上馬糞海膽，海膽味特濃甘香，滿滿的一杯，令人回味。赤貝邊帶子手卷 - 有赤貝的爽脆口感，配合軟綿的帶子，鮮脆的紫菜，口感味道十分豐富。魚骨湯 - 精心淆製的魚骨湯，一小碗已經喝出精華，魚味十分濃郁。甜品：豆腐雪糕 - 豆腐味道香濃滑溜，上面灑滿紫菜碎。“鮨見”性價比十分高，下次再來試另一款。…Read More

Omakase廚師發辦係日本菜入面最高級嘅食法, 由主廚按每日最時令嘅食材, 係食客面前即場炮製時令刺身, 壽司同其他料理, 每款上碟前向食客細細介紹, 讓食客可邊食邊了解日本飲食文化, 係一個非常好嘅體驗。鮨見係尖沙咀開業唔係好耐, 因為提供抵食Omakase而非常有人氣, 但係我好少去尖沙咀午飯所以一直未試過, 今日趁請表哥食生日飯, 就同同樣愛食日本菜嘅佢去豪返餐。😙我地比訂座時間早到餐廳, 餐廳裝修非常富有日式風格, 全店以木色為主, 師傅係日本人, 識得講英文同少少廣東話, 溝通絕種冇問題, 而且態度親切有禮, 一進門同師傅打招呼, 用我地初級日語同佢傾談, 感覺上真係好似去左日本開餐一樣。🇯🇵餐廳提供左幾款唔同價錢嘅Omakase, 我地揀左$388 嘅Omakase, 同師傅講左我地對食物嘅喜好之後, 由訂枱至今期待左成個月嘅Omakase正式開始。😆鮨見Omakase(櫻) $388$400都唔駛嘅Omakase我都係第一次食, 呢款$388嘅Omakase雖然價錢平, 不過都包括前菜, 茶碗蒸, 江戶前壽司8款, 鮮魚湯同甜品, 比起動輒過千嘅普通Omakase餐, 份量都唔係少好多。😁前菜今日嘅前菜係腐皮伴八爪魚漬物, 八爪魚爽口, 味道唔太濃, 非常醒胃。茶碗蒸日式茶碗蒸蒸煮時間恰到好處, 非常嫩滑, 加上瑤柱高湯, 好惹味。😋江戶前壽司8款鮨見嘅師傅係來自東京, 以東京最正宗Omakase都係以江戶前方式炮製, 師傅會把壽司飯預先調味, 加上即切的刺身同芥末, 一件一件咁俾食客享用。😙金目鯛金目鯛色澤鮮明亮麗, 厚身之餘仲要係魚腩位置, 油脂豐富, 味道甘香。火炙深海池魚深海池魚好彈牙, 魚鮮味濃, 師傅以火槍輕輕炙完之後味道層次更加豐富。👍真鯛 真鯛剌身好有彈性, 而且魚脂豐富, 配埋味道濃郁嘅鯛魚肝一齊食, 味道好夾。北海道帶子軟腍彈牙嘅帶子好鮮甜, 沾上餐廳自家醬油, 非常惹味。😋鯖魚用鯖魚刺身製壽司我係初次品嚐, 略帶醃料的微酸之餘亦食到魚肉嘅鮮味，色澤光鮮非常漂亮。😍太刀魚太刀魚魚鮮味較濃, 賣相非常吸引, 肉質比其他刺身有咬口。左口魚裙邊左口魚裙邊好彈牙, 配上微辣嘅魚子漬, 非常美味。👍廣島蠔師傅特別推介呢款用廣島蠔鮮製嘅壽司, 蠔肉飽滿多汁, 配上壽司飯味道果然更加突出。秋刀魚呢個餐原本只包括8款壽司, 師傅從言談間聽到我地講起上次食過唔常見到嘅秋刀魚刺身, 所以特意送俾我地食, 鮮甜嘅秋刀魚刺身配上香蔥同薑蓉, 入口魚鮮味充滿整個口腔。😍手卷本來我對手卷唔算太期待, 不過今日嘅手卷竟然係用上我最愛嘅馬冀海膽, 師傅先把馬冀海膽製成壽司再加上紫菜包住食, 馬冀海膽極鮮甜味美, 食完壽司雖然已經飽, 不過咁好食嘅馬冀海膽真係再多都食得哂。😆鮮魚湯壽司同手卷部份完左之後, 師傅送上呢款由金目鯛魚頭淆製成嘅鮮魚濃湯俾我地暖胃, 魚湯色澤奶白, 魚味非常濃。😋甜品最後食埋呢個豆腐雪糕, 呢餐Omakase價錢雖平, 不過非常滿足。👍…Read More

一出，已經聞到魚味推開門，店員非常有禮貌招呼入座揀了988的meun前菜 少少芝麻味的沙律汁，魷魚口感軟滑，青瓜絲清爽開胃。茶碗蒸味道本身是清淡的，但瑤柱本身有咸味，帶出蛋香，還有些白菇，中間的海膽加蒸蛋是精華，鮮味池魚刺生酸酸的醬汁要先加上薑及青蔥帶出了很鮮的味道，魚味很出口感軟綿炙燒深海池魚炙燒池魚刺身， 塗上了些少醬油因為燒過，魚非常油香，加上新鮮芥末一同吃，齒頰留香，他們的芥末是新鮮的，就算單吃一點也不辣，很香蟹膏蟹肉魷魚刺身卷這碟我想講不得了，初初以為係帶子，望真點原來係魷魚包住蟹肉，上面仲要鋪滿蟹膏，軟綿的口感帶著鮮味十足的蟹味。所有壽司，師父已經將芥末及掃上醬油，完全不用點醬油；金目鯛-魚味鮮🐟🐟真鯛加鯛魚肝-口感最有質感馬頭鯛-比較軟身左口魚-不加醬油，只加少許鹽，面頭有小小蔥及蘿蔔蓉，少少辣，幾特別帶子-鮮味炙燒生蠔 -口感很滑，蠔味出赤貝-新鮮爽口三文魚子-新鮮即包，三文魚子醬油香而不鹹，魚籽晶瑩剔透， 鮮味突出海膽-掃上醬油，完美，入口即在嘴裏化開，甘甜甜蝦手卷-簡單味美麵豉湯比較清淡，可以清清味蕾豆腐雪糕為這一餐劃上完美得句號藉此要讚一讚師傅非常有善，每一道菜都會介紹需不需要點醬油或怎樣吃才好味…Read More

茶碗蒸：師傅熱情的上菜， 內有元貝、香菇、配上超新鮮北海道海膽，入口甘香鮮甜！前菜：章魚、綠海苔、白海苔、青瓜、芝麻醬、 雪耳 ，味道配合得剛剛好，口味清新。池魚刺身：是現做的刺身，經過師傅用竹籤即場制作，很快，一條新鮮池魚就活靈活現的上菜，加上薑蔥及秘制柚子醋，池魚身切成格子，令魚身更易吸了柚子醋，入口好滑好滑好滑（真係要講三次），好好食，不配這個醋就沒有了這個效果。師傅話這些魚，早上還在東京，晚上就在香港了，咁樣我都唔使懷疑，味道咁好。而且仲講少少秘制柚子醋材料我知（秘制柚子醋，內有魚，有海苔，加了很多東西(其他沒有說)，還要等待3-4日才制作完成。）鯛魚：秘制醬汁及魚子，皮脆肉嫩。火灸拖羅：超級香的魚油味，令人好想回味再回味一次。螺肉八爪魚：又是秘制柚子醬汁，好味。鮟鱇魚肝：入口即溶，一定要配上海台加上柚子醬汁一起入口，好平衡的味道！！油甘魚刺身：加海膽，入口濃郁。生蠔壽司：哇，大師傅，太鮮美太滑啦，師傅解釋－原來是燒過的原因，會creamy更好味。赤貝壽司吞拿魚壽司：新鮮厚肉牡丹蝦壽司：蝦🦐壽司原來可以厚肉咁香濃，師傅還加了兩粒魚子當眼睛。北海道帆立貝配大葉壽司：第一次食這個，口味真的非常特色，配上面是麵豉醬汁。三文魚子：加了酒的三文魚子特別特別的鮮甜，是師傅特別推介！海膽山（其實真名是雲丹花果山） ：北海道直送海膽堆成山，飯用了壽司卷形式上，配上梅子，三文魚子，海膽愛好者必食推介！最後奉上手卷，這是一個mix的手卷，我知有金目鯛等等的魚在裡面，其他掛住食已經唔記得了，味道一流。…Read More