Imperial

除夕夜搵咗間隱藏係工廠區嘅私房菜試吓。老實講，環境就一般。外表就同一般工廈飯堂差不多。入面裝修就係好似舊式酒樓咁。但始終都係嚟食嘢。食物好食最緊要。今次叫咗一個二人套餐。 香芒沙律大蝦球2件東星二食，養魚（椒鹽骨，起肉炒球）什菌豆腐大蜆湯白胡椒爆炒南非鮑魚2只蒜蓉粉絲蒸蟶子皇2只士多啤梨骨經典富瑤炒飯（鮮南非鮑魚， 瑤柱 ，金華火腿，沖花，加上秘製醬汁製作而成）碧綠炒花枝另送:甜品 - 芒果布丁 全單＄9682位用，免加一 成個套餐裏面除咗士多啤梨骨比較普通，唔係太入味。其他嘅食品基本上係超額完成✅。味道非常之好食。最驚喜嘅係東星班二食。最初我都有啲擔心椒鹽骨會唔會太乾？但係出嚟嘅效果非常之好，仍然食到魚肉嘅嫩滑質感，肉汁仍然係度。 …Read More

呢間餐廳由經驗豐富嘅中廚主理👨🏻‍🍳訂座前可先選擇菜單，餐廳亦會因應客人嘅要求同預算，設計合適嘅配搭，今次就叫咗個價值$1️⃣3️⃣2️⃣0️⃣嘅四人套餐。💗鹵水拼盤🐷金錢肚：口感爽彈有嚼勁，滷水汁鹹淡得宜🐓手撕雞：雞絲肉質細嫩，簡單以鹽水調味，加入青瓜絲更清新🧂椒鹽豆腐：嫩豆腐炸至外層香酥，椒鹽粉鹹香惹味💗什菌豆腐大蜆湯魚湯呈奶白色，加入鮮甜大蜆、嫩豆腐、秀珍菇，無添加任何味精，味道清淡鮮美🍲以少量芫茜增加香味🌿💗避風塘大肉蟹肉蟹結實飽滿，食落鮮甜多汁，蟹蓋裝滿蟹膏，甘香四溢🦀加入大量炸蒜、辣椒、椒鹽炒成，食落辛口惹味🧄💗花雕蛋白蒸龍躉球蒸蛋白火喉掌握得啱啱好，口感非常滑嫩🥚面頭放上龍躉球，魚肉雪白嫩口，魚鮮味濃🐟淋上適量豉油同花雕酒提升鮮味🥃💗流沙黃金蝦大蝦炸得金黃香脆，肉質爽口彈牙🦐每隻沾滿鹹蛋黃醬，味道濃郁甘香，充滿牛油香，超級起沙🧈💗潮州鹵水鵝(例牌)分別有鵝片同鵝件，肉質柔軟嫩滑，不過略嫌偏肥。鵝油甘香味美，滷水汁濃郁入味🦆💗碧綠炒花枝西蘭花翠綠爽脆，軟硬適中🥦花枝片爽嫩彈韌🦑連同韮黃、蒜蓉、冬菇片、紅蘿蔔片炒成💗招牌御膳炒飯炒飯加入牛柳粒🐃﹑ 蝦仁🦐、珍珠帶子🐚、菜芯頭🥬、蔥花同蛋花🍳，食落乾爽焦香，鑊氣十足，飯粒分明之餘配料豐富🍚💗芒果布丁芒果布丁口感滑溜冰涷，甜而不膩🍮加入適量花奶增加奶香，如果有芒果肉就更完美🥭…Read More

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚紋理同形狀都好靚，軟韌度剛好，不用刀叉也能輕易食用，食落鮮嫩彈牙且很入味，胡椒氣味陣陣散出，少少辣幾惹味，非常值得慢慢咀嚼細味流沙黃金蝦很經典同時又很邪惡的一道菜，蝦頭至蝦尾連蝦殼都食得，每隻蝦炸得脆卜卜鬆化，厚厚鹹蛋醬附在蝦殼表面，呈流沙狀態，非常濃郁，而且火候控制得宜，蝦肉保持鮮嫩，蝦頭仲有膏，幾有驚喜士多啤梨骨士多啤梨骨外型相當吸引，腩排有輕輕煎炸過，醬汁濃稠沾滿腩排，有士多啤梨天然甜香同時又有酸的味道，具有醒胃效果，同時亦可以去除豬肉的油膩感，不過肉有點太大件，難進食同埋腩排都偏肥蟹油銀芽炒麵炒麵非常考驗師傅夠唔夠鑊氣，炒麵炒得乾身且不油膩，鑊氣十足，麵條軟硬適中，仲有不少芽菜，不過蟹油味欠奉，有點可惜蒜蓉炒時菜芥蘭保持清脆碧綠，清脆而不韌芒果布丁甜品不時都有變，店員事前有講要看師傅當晚的預備，可能會安排雲呢拿布丁/芒果布丁/芝士布丁或椰汁紅豆糕，而我當晚是吃芒果布丁，有芒果香甜，仲有藍莓做點綴…Read More

依家同人講去啲廠廈食私房菜，已經唔喺咩新鮮事，但記得8、9前，由於工廠區嘅廠廈慢慢變得十室九空，而地鋪租金拾級而上，開始有唔少食肆進駐廠廈，與此同時，私房菜嘅概念亦開始普及咗好多，無十年、八年前咁神秘感。事隔4年多，再訪「御膳」，見仍然有咁多客人支持，就知有一定嘅實力啦。廠廈搵食就最有一種私竇感，門面明明喺工廠格，入到裡面就別有洞天。事隔咁多年，環境格局依舊，但仍保持光猛企理。除咗散點，仲有好多款套餐，2-9人餐都有，如果懶諗，就索性俾個「筆直」店家等佢幫你度。香芒沙律大蝦球先嚟一道中西合壁嘅大蝦球沙律，點解話中西合璧？因為以芒果及多款生果做成清爽沙律底，並以大大片沙律菜墊起，而大蝦球就以中式嘅油泡去處理，再推點鹹蛋黃，最後淋上自家調嘅香芒醬。所以，整體味道好豐富，又好有層次，大蝦爽彈到不得了。潮州鹵水鵝依一碟喺例牌份量，下面無墊豆腐之類，份量足，足夠3、4人食。啖啖鵝肉，無骨無成，肉質細膩軟腍，而且，滷得非常入味，個滷汁深沉醇厚。金湯海皇翅因為小弟唔食翅，所以，個海皇翅就由親友品評。佢話個金湯推得好香濃，而內裡混入唔少海鮮料，貨真價實，仲有稀杰度啱啱好。鮑汁扒花膠件花膠雖然唔算厚身，但極之大塊，最重要喺炆得夠晒腍，切起嚟黏而有韌勁，入口口感軟滑，感覺喺膠質豐厚，而且，個鮑汁甚為香濃惹味。講到整大肉蟹，喺呢度嘅主打菜式之一，除咗新鮮揀手大大隻靚蟹之外，整法非常多，有最人氣嘅避風塘炒、需預定嘅豆豉涼瓜焗、惹味刺激嘅胡椒炒、古法蒜子炒、醒胃嘅梅子果皮蒸、薑蔥上湯炒、估佢唔到嘅薑蔥腐乳炒、最食出蟹鮮味嘅花雕蛋白雞油蒸，以及辣粉之選嘅麻辣水煮，真喺花多眼亂。花彫蛋白雞油蒸大肉蟹隻蟹大得好有睇頭，睇對鉗就好有肉地。唔使太擔心有好重酒味，入口花彫味唔會太重，只喺隱若有微微酒香，而蟹肉嘅鮮味實在喺度菜嘅亮點，蛋白亦十分滑溜。蒜蓉粉絲蒸蟶子皇食完個蟹，再嚟另一招牌海鮮菜式：蟶子皇，叫得蟶子皇，堅喺大隻啦，斤兩十足， 蟶子既彈牙，又鮮甜，面頭蒜蓉鋪得滿滿，唔香至奇怪，但蟶子嘅鮮味絕無冚晒。薑蔥炆龍躉腩連續多道海鮮菜式，都喺水準之作，估唔到，依一道炆龍躉腩，唔止賣相精緻，味道意外嘅好，親友仲大讚好食。平常晌啲中菜館食，都喺砂鍋上，出嚟嘅效果比較油，但今次就無咁嘅弊病，魚腩肥美不膩，口感嫩滑，外層更有種焦脆感，而薑蔥嘅香味完全融入魚肉中，烹煮嘅功夫出色。士多啤梨骨其實，食到呢度都已經好飽吓，但呢一道招牌「士多啤梨骨」，又點可以錯過吖。以肋排入饌，先炸過，所以一咬會陣陣脆香，肉質卻十分軟腍，而個士多啤梨汁推得甜而不膩，淡淡甜味，又有少少酸香，不負招牌之名。蟹油銀芽炒麵單尾雖然只喺炒麵，但用咗蟹油嚟炒，立時感覺唔同晒啦。炒麵看似簡單，但炒得爽身，唔油膩，色澤均勻，卻喺要啲功架。整體炒得乾身，食完唔會碟底泛油，味道芳香。芒果布丁最後就喺甜品作結，但別太多期望，只喺芒果布丁而已，但放晌小樽裡，都叫得別緻啦，味道亦都唔錯，口感軟滑，最好喺俾咗好多花奶得任添吖嘛！綜觀成餐飯，食材新鮮，廚藝紮實，招呼細心，年輕嘅侍應不時幫忙換碟，清理枱面，亦都好有禮。順帶一提，佢哋無開餅費，無切餅費，更喺無加一添，唔怪之得見咁多客人帶埋紅酒嚟暢飲，帶埋蛋糕嚟慶生啦，所以，「御膳」值得一遇再遇。…Read More

約左班朋友食飯，有人提議去食呢間私房菜，人多岩哂去食。地方唔算大，但都夠擺4-5張大枱。裝修一般，始終私房菜唔係著重於此。砂鍋大魚頭豆腐湯，一啲魚醒味都無，而且仲好甜。麻辣鹵水拼盤，牛肚唔韌好爽口，大腸都好乾淨，兩樣都鹵到好入味。中間青瓜沙律就比較辣，但都好好味。薑葱炒大肉蟹，蟹好大隻，落左好多薑蔥非常惹味。流沙黃金蝦，成隻蝦滿佈咸蛋黃，而且炸到外殼好香脆，可以連殼食埋。花膠扒羊肚菌，汁好香濃，令到所有有營養但淡而無味既野食變得好好味。上網搵左原來羊肚菌好有養生保健既功效。薑蔥炆龍躉腩，炸完再落薑蔥炒，非常入味。士多啤梨骨，食落無望落咁酸，恰到好處，而且仲有陣陣士多啤梨既香甜味。蟹油銀芽炒麵，唔係好油，麵亦炒到煙煙韌韌，唔咸而且非常好味。芒果布丁，唔係好甜，濃郁既芒果味，凍凍地透心涼。…Read More

事隔一年沒有來，慶生又心思思想來這裡了。訂座時店員介紹有新套餐，價錢跟平常的差不多，但竟然有花膠 再令性價比提高，當然要試試看了。之前喝過龍躉魚湯，這次換了大蜆，依舊清徹呈奶白色，鮮甜好喝，一點也不腥。大蜆肉質很爽，沒有沙。豆腐十分滑溜，還有秀珍菇在湯裡頭。雖是四人餐份量，但每人也能分到三碗湯，份量絕不欺場。大家都不能吃太辣，但又想吃這個鹵水拼盤，餐廳非常貼心地提議我們可以走辣。拼盤有豬肚、豬腸、牛肚和手撕雞。內臟來說這裡清洗得很乾淨，沒有異味，也沒有多餘的肥膏。鹵水味道醃得入味，非常爽口。平常不好內臟的我也吃了不少金錢肚，個人最喜歡這個。手撕雞配青瓜絲和芝麻，放在鹵水內臟的中間調劑一下。花膠終於來了，放在金邊的碟子裡，每人一碟賣相非常矜貴。花膠有相當的厚度，可以用刀叉切來吃。喜歡這個帶點膠質的品種，而非純爽口類型。鮑汁茨十分濃郁，味道不會過鹹。花膠吸收了鮑汁的味道，非常口吃。我們最愛的花雕雞油蛋白蒸大肉蟹是每次來到必吃的，這次也沒有讓我們失望。大肉蟹肉質非常爽脆，沒有霉口，味道鮮甜。吃蟹鉗尤其好吃，蟹殼已被貼心地敲開了，啖啖肉。其實這道菜最好吃的是蛋白，蛋白蒸得十分嫩滑，吸收了蟹的精華，味道更好。龍躉腩這次變成了腩球，先走油後下汁用薑蔥炆，非常的惹味。我們吃了不少青蔥，因其吸收了醬汁和魚腩的精華呢。龍躉腩肉質比其他魚較為結實彈牙，但不會嚡口，而且帶點自然的鮮味，簡單用薑蔥煮已經很好吃了。上湯浸時蔬的白菜仔很嫩，還有雜菌和紅蘿蔔。不過上湯略嫌有點油，為了用來保持白菜更翠綠吧。這個蟹油銀芽炒麵是我來了第二次才發現的瑰寶，我想這個更似是這裡的招牌。豉油王炒麵要炒到條條分明、色澤均勻，乾身而不油膩實在很難得，外頭總是吃到滿口是油或是不夠乾的炒麵，這個真的是滿分。 簡單的銀芽、韭黄和芝麻帶起香氣，不用昂貴的配料也已經很好吃了。來到最後的芒果布丁，也是自家製的。酒樓總是會有芒果布丁加花奶，雖然不是特別的菜，但也有應有的香甜和滑溜，在整頓菜飯作了個甜美的句結。…Read More

已不知多久沒有吃過正式的一頓中餐，朋友竟突然說她想吃中菜，很是難得。在openrice尋找到一間中式私房菜，「御膳」位於觀塘的一座舊式工業大廈裡，位置並不是很近地鐵站，而且那座工業大廈很少人，女生去的時候還得小心一點。到了那一層12F室，沒有招牌和橫額，一位職員開了門，我們才進去。環境一點也不大，這也是私房菜的精妙之處，如果太多客人，會變得嘈吵，環境整體來說會變得沒那麼高級。場內只有數張用木製的桌子，我和朋友兩人被安排到四人座位那張桌子，空間感非常充足。在這裡的菜式普遍都是海鮮，令每個人也可享受海鮮宴，而供兩人享用的晚餐每位四百多至五百元不等，都很昂貴，但私房菜普遍都是這些價錢，點了一個花龍蝦餐，盛惠$870。第一道來的是什菌大蜆豆腐湯，每人一碗，什菌即是香菇，數量很多。蜆肉則好像沒什麼味道，可能是因為精華都被湯吸收了，所以湯就真的很不錯，絕不是平時喝的味精湯，帶點稠身的質感，不會太鹹。原本套餐有麻辣手撕雞，要求了職員轉香芒大蝦球，現今越來越多菜式和水果配搭在一起，大蝦配芒果和沙律，有點酸酸的感覺，但又不會完全掩蓋原有的鮮蝦味，是很開胃的菜色。然後來了一份鮑汁花扒鵝掌，要加$120，真的很少吃鵝掌，沒想到要加那麼多錢。冬菇大件，用作配鵝掌是常見的。鵝掌的原理其實像雞腳和雞翼尖，只吸吮皮的部分，只有極少的肉，鵝掌皮滑溜溜的，連同鮑汁一起吃，真有高級中菜的感覺。真不是每一間中菜館和酒樓都會有蟶子提供，兩大隻蟶子就在眼前，用蒜蓉去配蟶子也是意料之內的事。蟶子殻的大小比手掌長一點，大小毫不吝嗇之餘，亦鮮味非常，充滿蒜蓉味。底部的粉絲也吸收了蟶子的鮮味，很入味，但粉絲不像我們平常吃的那麼軟，而是帶點煙韌。龍蝦可選上湯/ 香煎或芝士去烹調，上湯配好像有點怪，香煎又太普遍，然後選了我超喜歡的芝士兩大隻龍蝦，肉質厚，芝士十分稠身，確是真材實料！用來沾龍蝦真的不得了🤤花雕蛋白蒸龍躉球，大家有沒有試過龍躉球配花雕蛋白呢？這個配搭還真特別，龍躉球本身就是矜貴的東西，在這裏有幸能夠吃到真是福氣。魚肉完全不會「鞋」，很滑，也沒有骨。蛋白薄片，配魚汁是很新奇的配搭，但和一般的蒸水蛋相比，我還是比較喜歡蒸水蛋。蟹油銀芽炒麵味道非常像在粥店吃的豉油王炒麵🤣除了銀芽就沒有其他配料，如果以「豉油王炒麵2.0」的標準來量度，質素確實可以，豉油味濃郁，油份充足。是日甜品為芒果布丁，看樣子還以為味道應該也是一般般的啦，沒想到芒果布丁也可如此好吃不會出現水狀的情況，夠挺身，芒果味也不是死甜，在中菜館能吃到高質素的甜品真是錦上添花…Read More

這食店位於觀塘區一工業大廈樓上，我們已是曾經光顧不只一次，只因為這裡用料新鮮、烹調功夫好，收費合理，每次食完後都覺得稱意。食私房菜一般都要預早訂位，好等食店可以預先準備好食材，及預先準備好一些繁複的工序。甚至有些是給你菜單選擇，使能配合口味及喜好，而這裡的菜單選擇很多，真是有點花多眼亂。我們所選的四人套餐包括有什菌大蜆豆腐湯、鹵水拼盤(走辣)、鮑汁扒花膠、花雕雞油蛋白蒸大肉蟹、薑汁炆龍躉腩、上湯浸時菜、蟹油銀芽炒麵及芒果布丁($1,620)。正如我們不嗜辣，點鹵水拼盤時就可以將本來是麻辣的改為走辣了。這個什菌大蜆豆腐湯夠熱，蕃薯貝鮮甜，豆腐亦十分嫩滑，什菌加上芫茜增加了香味，十分吸引，每人有三碗的份量。鹵水拼盤有金錢肚、豬肚及豬腸，都炆得很腍，而且沒有過多的鹵水汁，不致太鹹。另外還有清新的雞絲沙律及一些沙律菜，更可中和一下鹵水味道。每人一份的鮑汁扒花膠，雖然並非很厚身，但仍可用刀叉來食，腍滑而膠原豐富，鮑汁的味道濃鮮，豐富了花膠的食味。出外用膳，除了貪方便，懶得煮之外，在點菜方面，通常會點一些自己不會煮，或是過程繁複，又或者是人家煮得比自己煮的好得多的菜色，那你才會一邊食一邊欣賞。正如這味花雕雞油蛋白蒸大肉蟹都是我們每次必點的，就是自己嘗試過模仿來做，也沒法做到這樣的味道。蟹肉豐實飽滿而味道鮮美，蟹殼內沒有多餘的水分，蛋白嫩滑，配上雞油及花雕來蒸，倍添香氣。薑汁炆龍躉腩的龍躉件粉漿適中，先拖油再炆，配上薑片及蔥度，香氣四溢，魚肉鮮甜，肉質結實，鑊氣十足。上湯浸時菜有白菜及草菇，配以甘筍片、薑片及很多的蒜子，而上湯略帶橙紅色，味道不錯。蟹油銀芽炒麵用上蟹油來炒，炒得很乾身，調味恰到好處，令看似平平無奇的炒麵變得十分吸引，這麼大碟也給全數清碟。最後，甜品是每人一杯芒果布丁，甜味適中，內有一些新鮮的芒果粒，加上花奶來食，更加香滑。又是心滿意足的完成這一餐。…Read More

觀塘的工廈區的確隱藏了不少的隱世樓上美食，你不㑹輕易看見大大個招牌作招徠，資訊大多數是經朋友或媒體得知，然而這些私房菜館就正正有著這種待人發掘的感覺。其實私房菜的師傅都是臥虎藏龍，身懷絕技的，他們憑著過往外闖的入廚經驗帶入自己的料理，所以私房菜的菜式都很有水準。這家「御膳」私房菜在觀塘某工廈的十二樓，並以中式私房菜為主，客人可以跟據自己的喜好預先跟餐廳訂好當天的菜式。潮州滷水鵝 （$145）👍👍👍👍滷水鵝下層是鵝件，上層則是鵝片，鵝肉滷得非常入味，並輕輕滲出滷水香料的香氣。二人套餐（$968）香芒沙拉大蝦球👍👍👍👍這個沙律用了新鮮的生果粒和沙律菜，生果上面放有一隻炸至金黃色大蝦球，再加上香芒沙律醬，味道香甜又清爽，亦為我們當天的晚餐作一個清新的開始。什菌大蜆豆腐湯👍👍👍👍👍吃完一個涷食的沙律，接著一碗熱騰騰的什菌大蜆豆腐湯暖暖胃。奶白的湯底放入了什菌，豆腐和一隻大蜆，蜆肉清甜爽口，豆腐嫩滑，湯味濃厚。東星二食 - 椒鹽骨👍👍👍👍👍東星班起肉後，骨腩部分做成椒鹽骨。薄薄的脆漿包著頭胸，炸至金黃酥脆，再撒入椒鹽，味道不但惹味，香脆的口感更令人吃完一件接一件。東星二食 - 西蘭花炒班球👍👍👍👍起了肉的東星班球跟西蘭花同炒，啖啖肉的班球，肉質細緻鲜嫩，伴以西蘭花就更加健康。白胡椒爆炒南非鮑魚👍👍👍👍👍菜式用了南非的鮑魚，size 比湯匙還要大。鮑魚入口爽彈並帶點煙靱，而當中最特別是用了白胡椒爆炒，白胡椒的獨有香氣和味道令鮑魚的味道更突出。蒜蓉粉絲蒸蟶子皇👍👍👍👍👍蟶子皇簡單用了蒜蓉粉絲蒸，蟶子鮮甜的味道跟惹味的蒜蓉，蒜香味四溢，亦令蟶子的味道提升。士多啤梨骨👍👍👍👍深紅顔色的士多啤梨醬汁包著炸至香脆的一字骨，酸甜的士多啤梨骨令人胃口大開。碧綠炒花枝👍👍👍👍這個是花枝片配合菜芯，薄片的花枝片爽口又不靭，菜芯炒得碧綠，鑊氣十足。經典富瑤炒飯👍👍👍👍這個足料炒飯用了南非鮮鮑魚、瑤柱、金華火腿、蔥花再加上秘製醬汁搭配而成。多種不同的配料配合得宜，而且份量十足。芒果布丁👍👍👍👍套餐還包括甜品，當天是芒果布丁，可以配合花奶同吃。室內環境Menu…Read More

所謂「好頭好尾」，年頭吃得好，年尾當然也要吃得好。雖未到冬至，但大家一定在冬至前夕忙翻了，還是早一點吃吧，加上上月原本慶祝大家的生日都沒有空慶祝，今晚就好好一聚。香芒沙律大蝦球配色一流，視覺享受滿分。新鮮大蝦裹上炸粉酥炸，蝦肉外脆內彈，再淋上芒果汁，以士多啤梨點綴大蝦上頭，底下則墊上沙律，熱騰騰的的炸蝦與冰涼的沙律融合，酸甜清新風味讓人胃口大開。白胡椒爆炒南非鮑魚處理細心，將內臟清理好，並洗得乾乾淨淨，鮑魚爆炒熟度恰到好處，簡單的白胡椒提出鮑魚的鮮美，爽口彈牙，非常對胃。朋友們大讚蒜蓉粉絲蒸蟶子王「無得輸」，蟶子王新鮮肥美不用多說，每隻蟶子王均被蒜蓉覆蓋得密密麻麻，使蒜蓉精髓滲透蟶子王與粉絲當中，入味極了，惹得朋友們口水直流。平日來御膳吃肉蟹都吃避風塘口味，朋友M說懂吃鮮活的大肉蟹應該花雕雞油蛋白蒸，那是最可嚐到大肉蟹原汁原味煮法，今晚就聽朋友M的建議花雕雞油蛋白蒸大肉蟹。大肉蟹肥嫩極致，並運用花雕酒芳引出蟹肉鮮腴甘甜，雞油讓蛋白倍增細滑感，花雕雞油蛋白蒸大肉蟹獲得大家一致好評，稱心如意。生煎東星斑12兩即使是養魚，不過東星斑經生煎後，魚皮脆不可擋，魚肉細緻軟嫩，骨刺不多，然後東星斑灑上豉油，豉油的鹹帶出東星斑更多的鮮美，迷人好吃。江南百花雞將雞肉去骨，再釀上蝦膠去蒸，頗講究費功夫的一道菜式。蝦膠富彈性嚼勁，鮮香淋漓盡致，加上雞肉本身嫩滑，江南百花雞吃來口感極棒，水準非凡，不得不佩服師傅的功架。今晚上湯浸時蔬是大家喜愛的西蘭花，彷彿御膳跟我們心靈相通。上湯鮮甜不在話下，帶著一點點的蔬菜清香，超順口。翠綠的西蘭花入口後附上的上湯鮮味先跳出來，當咀嚼西蘭花時菜蔬的爽甜一下子就大爆發。招牌御膳炒飯醬色十足，一上桌瞬間大火炒過的飯粒和配料香氣一擁而上，加入帶子，蝦肉，牛肉熱炒，飯粒乾爽，鑊氣十足，盡享濃郁海陸風味，實在飽足。嘩，是晚甜品是芒果布丁呢，我們第一次吃呢。橘黃的芒果布丁質感綿密細膩，水嫩的芒果給我們甜絲絲的好滋味，芒果布丁倒入透心涼的花奶，錦上添「花」，滑上加滑。只要在Facebook讚好和分享御膳的照片，就可獲贈汽水乙枝，我們當然齊齊分享，想喝可樂嘛。…Read More

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出, 加入芽菜、洋蔥、韭黃等爽口配料, 令口感更豐富, 食到底都無多餘油份, 出色！甜品壓軸甜品係芒果布丁, 嫩滑布丁內含果肉, 甜度不會太高, 幾飽都要食埋佢！整體用料新鮮, 每道菜份量都很大, 最緊要係長輩們食得開心, 坐得舒服！以後家庭聚餐又多個選擇啦。…Read More

觀塘工廈隱藏很多出色餐廳，呢間私房菜之前朋友提過，係我每日由港鐵站行返公司必經之地。入口係停車場，行入啲就會見到電梯在右手邊。今次訂位帶埋屋企人嚟食晚飯，訂位嘅時候揀埋餐，坐低好快有得食:)（前菜）麻辣滷水併盤由惹味嘅前菜開始～有牛肚、雞絲同大腸，最辣係雞絲，另外兩樣係BB辣，牛肚爽爽的，份量都唔小～東星斑豆腐魚湯12両東星斑係有二食嘅，先嚟個湯，襯熱飲～好味呀～湯入面有豆腐同菇，條魚炸過，仲有啲肉，唔好浪費呀，好食架！西蘭花炒東星斑球東星斑另一食～炒斑球。調味同火喉都好好！蒜蓉粉絲蒸特大蟶子皇好大隻～蒸得剛好，唔會韌，勁多蒜蓉，好香呀！花雕蛋白雞油蒸大肉蟹我揀咗「花雕蛋白雞油蒸」，上枱就聞到酒香，真係好大隻！另外仲有四款烹調方法：避風塘炒、四川香辣炒、胡椒炒、薑蔥炒。蛋白好滑，入口有淡淡嘅酒香好厚肉～鮮甜！流沙黃金蝦又係大大隻，脆脆外殼被咸蛋包裹著～好靚嘅金黃色。咸蛋味唔會搶咗蝦味～但我個人重口味，覺得咸蛋味再勁啲仲正！士多啤梨骨平時都鍾意食啲酸味味骨，呢個酸度好適中，而且每件都好大件，啖啖肉，突然諗起「芒享」食大餐嘅畫面肉質腍，唔乾身，好味呀！蒜蓉炒時菜嗱～我唔係特登揀西蘭花㗎，下次要記得問下有無得揀。新鮮，爽脆！蟹油銀芽炒麵我係唔鍾意食炒麵嘅，因為好油，食完個咀好似搽咗Lip gloss 咁。而呢碟炒麵嘅外表係同平時個啲一樣，我原先諗住食一啖試下就算，點知食咗兩碗唔油膩！味道唔錯！芒果布丁細細杯，唔夠喉～加花奶～正！#御膳待自己#絕對唔係食環境#用心烹調，用心品嚐#平凡炒麵的不平凡#我食咗好多西蘭花#食得開心便是福…Read More

老公接我收工同我食飯，諗住簡簡單單，公司附近求其食。點知佢帶咗我去敬運工業大廈12F ,一入到去既然見到我班可愛嘅同事坐喺度好驚喜呀過咗生日仲有生日飯食，仲要係同事特登為我安排😍😍好滾動😭其實想食呢間私房菜好耐，近公司附近，見佢近期攞咗開飯熱點大獎，同事聽到就我安排😆地方算易搵，室內間隔裝修隔簡簡單單乾乾淨淨行實幹型！正所謂最緊要啲嘢好食我呢度嘅私房菜以每位人頭計，淨係收兩蚊茶位，就是實實在在👍👍老闆俾咗張大枱我哋坐得舒舒服服，枱與始之間亦有較大嘅距離唔會好似啲酒樓咁迫迫夾夾菜式在訂位嘅時間已經安排好啦！順帶一提一定要訂位喎！今晚星期四也是Full House的😊滷水拼盤麻辣青瓜絲🥗——前菜滷水金錢肚同滷水大腸很入味啊，爽得來又唔會太靱，大腸乾淨，半點肥膏也沒有滷水金錢肚亦很爽口🤩我特別喜歡麻辣青瓜絲，睇上去唔啦食落去都幾辣下，做到前菜開胃嘅效果🥒金湯海皇翅——齊來飲個靚湯先我哋大家都話嘩一聲，呢款翅好味過去飲宴嗰啲好多全部係新鮮海鮮而且鮑魚都是用新鮮鮑魚切絲，翅份量都相當多，聽老闆講湯底係用成十種材料褒成日做個湯㡳⋯⋯的確有心機用心製作，真係好好飲😎避風塘大肉蟹兩隻——三個字-不得了😂😂我師傅會問下你想點整，要清清地定係濃味啲，要辣定係吾辣，大家異口同聲：辣同濃味🤣🤣🤣很明顯大家是飯腳拉！一上枱，啊好鬼大碟，隻蟹腳成隻手掌咁大，避風塘嘅香味即刻令人垂涎欲滴，師傅做得很好避風塘嘅蒜同辣比例啱啱好而且不會太乾亦不會太辣，搶走蟹的鮮味蒜蓉粉絲蒸大蟶子⋯⋯金銀蒜加小小辣椒正聖子超級大隻很新鮮，分別用新鮮蒜頭同炸蒜粒來蒸，惹味! 碟底墊咗粉絲索晒啲鮮味，粉絲清晒😋沙薑雞半隻⋯⋯好鬼滑熱騰騰上桌，沙薑汁剛好，不會太搶味，雞味很鮮，滑到呢，差D連個頭都食埋😂😂金銀蒜蒸龍躉腩......QQ的😀喜歡吃魚的朋友就會明一碟出色蒸鱼係㸃，腩位非常彈牙，沒有半點腥味，拿捏時間剛剛好，就是形容呢碟魚拉士多啤梨骨⋯⋯就是不一樣平時生炒骨食得多，士多啤梨骨原來都可以咁夾，酸酸甜甜的，很開胃，多吃兩嚿都吾會膩，半骨半肉，選材到位😋御膳炒飯⋯⋯粒粒分明，香口🤩炒飯選用左蝦，帶子，醬油，看似味濃，但食落剛好，帶子和蝦都是新鮮，就算吃到飽都想再來一碗🙈時炒時蔬⋯⋯翠綠有獲氣甜品.......自家制芒果布丁就是與外面的不一樣，用鮮芒果，很足料😀總括嚟講，真係好好味，平時真係食吾到呢個質素，$430/位免加一，真值得一試再試！多謝曬我呢班可愛朋友仔😘…Read More

今日我同好姊妹殺入觀塘尋找美食，在工廠內有好多唔同餐廳！這間私房菜網上見到好多客人大讚，所以早早訂了品嚐一下先簡單像家庭式的格局，無特別裝修；主要有5-6張圓枱，由2位服務生全權主理，有禮又快手，讚賞我們選擇了花龍蝦餐1. 雜菇大蜆豆腐湯這個湯真的太太太好飲啦魚味好香濃，又有蜆的鮮甜，配上雜菇及滑滑豆腐，飲完這個湯真係靚咗，唔會口渴，真材實料！2.麻辣青瓜雞絲好香麻辣的青瓜雞絲，青瓜好爽脆又清新；雞絲都好香滑，配上粒粒芝麻，好野味喔3.香煎龍蝦配麵條龍蝦可以選擇香煎、上湯、芝士3種煮法，我們選了香煎，煎得十分靚，好多肉好肥美爽口彈牙，又有膏喔！超級好味，配上脆脆麵條，好脆口；另外有一碗汁是配麵條，又是另一食法，不同特色，但口感味道都絕佳4.蒜蓉粉絲蟶子蒜蓉炸香了，好脆！加了紅椒、香蔥；蟶子好新鮮好彈牙，口感一流；配下面的滑滑入味粉絲，又是食唔停口的5.花雕蛋白龍躉球It would be recommended on 29th (Wed) PM or 31st (Fri).蛋白好滑滑，蒸得剛剛好；龍躉口感一流，好彈牙有魚味，魚皮好滑，滿滿骨膠原！我最愛的魚魚！6.白胡椒爆炒鮑魚白胡椒好香，麻麻的感覺！汁剛剛好；鮑魚好腍好有口感，薄薄的不用太厚，質感剛剛好！7.士多啤梨骨士多啤梨骨期待咗好耐，好有口感！肉好香好好食，也很喜歡這個汁！配上芝麻，更香！8.蟹油炒麵好香好脆！這個蟹油炒麵是我食過最香的炒麵！有芽菜、洋蔥、芝麻香蔥作配料，全都野味！麵唔會好油，口感好好，彈牙又野味！9.芒果布丁甜品是芒果布丁，有粒粒芒果肉，布丁好香滑，連花奶同上，讓客人自己選擇加多少花奶，好滑又唔會太甜的甜品，好完滿的餐點！好好味道，一定會再帶家人朋友來，材料新鮮好味道，令人味覺有好好享受！服務也很好，換碟收碟快手又有禮…Read More

同兩老出街食飯, 要搵間兩位家中廚藝高手都滿意的餐廳真係幾難，尤其是粵菜和海鮮。今次終於俾我搵到了！御膳，是在觀塘工廈中的一間私房菜。訂枱後，御膳whatsapp菜單俾我揀。按人數有不同菜單可選，人多就當然可以試多幾款菜式，人均消費約三百幾蚊。今晚選擇了四位用(套餐 2) $1740，8款菜式和一款甜品。 香芒沙律大蝦球頭盤沙律份量十足，最頂係黃金蝦，爽口彈牙。加埋咸蛋黃，滋味十分。底下的香芒沙律亦不遜色。芒果、蘋果、青蘋果、提子、藍莓，這個雜果沙律好有媽媽feel。 花雕雞油蛋白蒸大肉蟹新鮮的大肉蟹簡單用花雕酒、雞油、蛋白來蒸已經好好味，而且能表現蟹的鮮甜味道。大肉蟹啖啖肉，睇下個蟹鉗就知 生煎東星班12兩蒸東星班就食得多，煎真係第一次食。將東星班開邊，煎到外皮香脆，內裡啖啖嫩滑魚肉，風味不遜於蒸。 白胡椒爆炒南非鮑魚爆炒原隻鮑魚，炒的火候和時間啱啱好，鮑魚肉彈牙不韌，惹味十分。 蒜蓉粉絲蒸蟶子王蟶子王肉厚，爽口彈牙，味道鮮甜。粉絲吸收晒蟶子的精華和蒜蓉的香味，清碟。 江南百花雞半只 江南百花雞係廣州四大名菜，將豬肉和蝦膠釀在雞皮上，雞皮的油香滲透到豬肉，蝦膠增加菜式的層次感，又香又滑， 色香味俱全。唔係好多師傳願花功夫和時間做依個名菜，難得難得。 上湯浸時菜份量十足，西蘭花翠綠，爽脆。原粒炸蒜增添香氣。簡單菜式都做得咁吸引，讚。 招牌御膳炒飯一上枱，好香啊。飯炒得乾爽，粒粒分明 、色澤均勻。炒飯間有蝦仁、帶子、肉粒等配料。上菜去到炒飯位其實已經好飽，不過一定要食埋依個樸實美味的炒飯。 最後，一人一個香濃幼滑的芒果布丁作結。整體菜式用料實而不華，盡顯師傅功力，令我認識到非一般食肆的烹調方法。重點是兩老同樣表示十分滿意，並已諗定下次嚟食邊個菜單。 …Read More