Read full review
2019-12-20
3802 views
依家同人講去啲廠廈食私房菜，已經唔喺咩新鮮事，但記得8、9前，由於工廠區嘅廠廈慢慢變得十室九空，而地鋪租金拾級而上，開始有唔少食肆進駐廠廈，與此同時，私房菜嘅概念亦開始普及咗好多，無十年、八年前咁神秘感。事隔4年多，再訪「御膳」，見仍然有咁多客人支持，就知有一定嘅實力啦。廠廈搵食就最有一種私竇感，門面明明喺工廠格，入到裡面就別有洞天。事隔咁多年，環境格局依舊，但仍保持光猛企理。除咗散點，仲有好多款套餐，2-9人餐都有，如果懶諗，就索性俾個「筆直」店家等佢幫你度。香芒沙律大蝦球先嚟一道中西合壁嘅大蝦球沙律，點解話中西合璧？因為以芒果及多款生果做成清爽沙律底，並以大大片沙律菜墊起，而大蝦球就以中式嘅油泡去處理，再推點鹹蛋黃，最後淋上自家調嘅香芒醬。所以，整體味道好豐富，又好有層次，大蝦爽彈到不得了。潮州鹵水鵝依一碟喺例牌份量，下面無墊豆腐之類，份量足，足夠3、4人食。啖啖鵝肉，無骨無成，肉質細膩軟腍，而且，滷得非常入味，個滷汁深沉醇厚。金湯海皇翅因為小弟唔食翅，所以，個海皇翅就由親友品評。佢話個金湯推得好香濃，而內裡混入唔少海鮮料，貨真價實，仲有稀杰度啱啱好。鮑汁扒花膠件花膠雖然唔算厚身，
廠廈搵食就最有一種私竇感，門面明明喺工廠格，入到裡面就別有洞天。事隔咁多年，環境格局依舊，但仍保持光猛企理。
除咗散點，仲有好多款套餐，2-9人餐都有，如果懶諗，就索性俾個「筆直」店家等佢幫你度。
香芒沙律大蝦球先嚟一道中西合壁嘅大蝦球沙律，點解話中西合璧？因為以芒果及多款生果做成清爽沙律底，並以大大片沙律菜墊起，而大蝦球就以中式嘅油泡去處理，再推點鹹蛋黃，最後淋上自家調嘅香芒醬。所以，整體味道好豐富，又好有層次，大蝦爽彈到不得了。
香芒沙律大蝦球
96 views
0 likes
0 comments
依一碟喺例牌份量，下面無墊豆腐之類，份量足，足夠3、4人食。啖啖鵝肉，無骨無成，肉質細膩軟腍，而且，滷得非常入味，個滷汁深沉醇厚。
潮州鹵水鵝
57 views
0 likes
0 comments
金湯海皇翅因為小弟唔食翅，所以，個海皇翅就由親友品評。佢話個金湯推得好香濃，而內裡混入唔少海鮮料，貨真價實，仲有稀杰度啱啱好。
鮑汁扒花膠件花膠雖然唔算厚身，但極之大塊，最重要喺炆得夠晒腍，切起嚟黏而有韌勁，入口口感軟滑，感覺喺膠質豐厚，而且，個鮑汁甚為香濃惹味。
講到整大肉蟹，喺呢度嘅主打菜式之一，除咗新鮮揀手大大隻靚蟹之外，整法非常多，有最人氣嘅避風塘炒、需預定嘅豆豉涼瓜焗、惹味刺激嘅胡椒炒、古法蒜子炒、醒胃嘅梅子果皮蒸、薑蔥上湯炒、估佢唔到嘅薑蔥腐乳炒、最食出蟹鮮味嘅花雕蛋白雞油蒸，以及辣粉之選嘅麻辣水煮，真喺花多眼亂。
花彫蛋白雞油蒸大肉蟹隻蟹大得好有睇頭，睇對鉗就好有肉地。唔使太擔心有好重酒味，入口花彫味唔會太重，只喺隱若有微微酒香，而蟹肉嘅鮮味實在喺度菜嘅亮點，蛋白亦十分滑溜。
花彫蛋白雞油蒸大肉蟹
24 views
0 likes
0 comments
蒜蓉粉絲蒸蟶子皇食完個蟹，再嚟另一招牌海鮮菜式：蟶子皇，叫得蟶子皇，堅喺大隻啦，斤兩十足， 蟶子既彈牙，又鮮甜，面頭蒜蓉鋪得滿滿，唔香至奇怪，但蟶子嘅鮮味絕無冚晒。
蒜蓉粉絲蒸蟶子皇
18 views
0 likes
0 comments
薑蔥炆龍躉腩連續多道海鮮菜式，都喺水準之作，估唔到，依一道炆龍躉腩，唔止賣相精緻，味道意外嘅好，親友仲大讚好食。平常晌啲中菜館食，都喺砂鍋上，出嚟嘅效果比較油，但今次就無咁嘅弊病，魚腩肥美不膩，口感嫩滑，外層更有種焦脆感，而薑蔥嘅香味完全融入魚肉中，烹煮嘅功夫出色。
薑蔥炆龍躉腩
20 views
0 likes
0 comments
士多啤梨骨其實，食到呢度都已經好飽吓，但呢一道招牌「士多啤梨骨」，又點可以錯過吖。以肋排入饌，先炸過，所以一咬會陣陣脆香，肉質卻十分軟腍，而個士多啤梨汁推得甜而不膩，淡淡甜味，又有少少酸香，不負招牌之名。
士多啤梨骨
15 views
0 likes
0 comments
蟹油銀芽炒麵單尾雖然只喺炒麵，但用咗蟹油嚟炒，立時感覺唔同晒啦。炒麵看似簡單，但炒得爽身，唔油膩，色澤均勻，卻喺要啲功架。整體炒得乾身，食完唔會碟底泛油，味道芳香。
芒果布丁最後就喺甜品作結，但別太多期望，只喺芒果布丁而已，但放晌小樽裡，都叫得別緻啦，味道亦都唔錯，口感軟滑，最好喺俾咗好多花奶得任添吖嘛！
綜觀成餐飯，食材新鮮，廚藝紮實，招呼細心，年輕嘅侍應不時幫忙換碟，清理枱面，亦都好有禮。順帶一提，佢哋無開餅費，無切餅費，更喺無加一添，唔怪之得見咁多客人帶埋紅酒嚟暢飲，帶埋蛋糕嚟慶生啦，所以，「御膳」值得一遇再遇。
Post
