TeaWood Taiwanese Cafe & Restaurant (Closed)

雖然長大後各自都為工作或生活而忙碌，但好朋友是要見的，更何況是十多年的好姐妹，有什麼特別重要的事情要分享總要見一見面傾談一番才暢快! 今天爽快地約了在這裡碰頭，來個簡單的晚餐，卻想不到有驚喜!其實我也不是第一次來茶木吃，但茶木的食物款式確實頗多，每次都可以試新的菜式，這次也不例如。我們三人最後選了三款食物，其中一個是跟餐的，有飲品和甜品。首先來到的是香草明蝦鮮菜沙拉($69)。沙律是必叫的，因是我的主菜xp。 蝦肉彈牙，蔬菜新鮮爽脆，淋上胡麻醬，簡單卻好吃健康。然後是紅燒牛肉麵($75)，絕對是今晚的驚喜! 牛肉味濃，肉質軟腍非常，湯頭濃郁，紅蘿蔔吸收了濃湯精華十分入味，用上粗身的麵條，口感煙韌有咬勁，絕對能滿足澱粉控! 個人推介這款紅燒牛肉麵!最後是鳳梨鮮果甜酸肉($75)配飯，以半個菠蘿上碟。除了菠蘿外，還有火龍果，士多啤梨，龍眼，味道豐富；咕嚕肉炸得脆口，肉有咬口，加上以鮮果調配的醬汁酸甜惹味，配飯吃真的不錯!跟餐的甜品，最後選了香橙百香果慕絲蛋糕，因為似是較為特別的款式。蛋糕賣相特別，有支針筒插於蛋糕上，原來針筒裡頭是橙醬，唧於蛋糕內再切開，會有流心效果。外層像啫喱質感，內裡慕絲幼滑，底層是海綿蛋糕，口感豐富，味道酸甜香口，是較輕盈的甜點之選。晚餐滿意之餘，亦與好友渡過愉快的一晚。…Read More

行完街街去搵食，抬頭見到位於加拿芬廣場二樓的茶木窗邊有吉位，唔洗排隊可以即時入座！於初開店之時幫襯過雪糕多士盒同果茶之後就無再食過，我真係唔識欣賞，但時常見到有人在門外輪候。晚市套餐：梅子豆乳燉肉排 - 跟飯、飲品及甜品味道濃郁，食得出燉左好耐，骨都一咬就扁左，有一兩件肉質有點兒乾，梅子味在肉身唔突出，反而旁邊的蘿蔔有梅子味，酸酸的很開胃紅油抄手點解會在台式餐廳出現既？應該係台式口味，正宗既太辣我食唔到，呢個小辣又小油，同埋佢用餃子代替雲吞。而配菜青瓜，我以為係醃青瓜，原來係原味。紅燒牛肉麵先飲啖湯，濃郁唔油膩， 牛肉份量唔少，入味又夠淋，唔錯唔錯！麵條似手工麵，有厚度有咬口，都唔錯！配料有大件紅蘿蔔同白蘿蔔，吸收唔到湯既味，但亦平衡返濃味既湯同牛肉所以整體感覺不錯～小茶木劇院平實的外表，估唔到，好食！有朱古力同咖啡味，有啲似tiramisu 既味道，唔會太甜，食晒唔覺得膩，very good! 檸檬天葵梳打特飲見到已經有種好fresh既感覺。味道唔覺既，有氣飲品通常都穩陣，特別地方係底部有檸檬皮碎，咬落有啲苦澀，減少啲會更好。環境舒服，裝飾有心思～…Read More

其實我都很久沒吃茶木了，一來經常排長龍，二來價錢昂貴，三來份量又少，味道又一般。不過今天我和朋友去尖沙咀血拼，敗家完畢當然要安慰自己的胃，朋友說想去茶木，於是我們大約6:30分左右到達茶木，竟然不用等位，還有4人卡位坐，very good！一看餐牌，嘩，點解食物貴左這麼多！幾年前一碗紅燒牛肉麵只是$55左右，到今天竟然索價$73！即使其他食物，都索價$67-75左右，愈來愈不值得了。熱帶水果茶索價$39，雖然十分昂貴，但去茶木當然要喝…我朋友叫了紅燒牛肉麵，我想試一試茶木的西餐，所以叫了松露野菌奶油培根手作麵（走蔥走洋蔥）。飲品我們都叫了至愛的熱帶水果茶。紅燒牛肉麵方面，牛肉麵是刀削麵，刀削麵十分彈牙，煙煙韌韌，而且十分入味，味道不錯。不過份量愈來愈少了，完全不飽肚。牛肉有3塊，全部都十分厚身，牛肉十分淋，而且牛肉味十分香濃，十分美味！松露野菌奶油培根手作麵方面，松露份量都算多，咸咸的味道不錯。手作麵好像是刀削麵，煙煙韌韌，而且有很香的奶油味，味道不錯。手作麵內有菇類和煙肉，煙肉不會太咸，菇類味道都不錯，和手作麵一起吃十分美味！不過手作麵份量都比較少，幸好有奶油，比較飽肚。食物味道是不錯，不過熱帶水果茶簡直是敗筆！熱帶水果茶內有橙，一片薄西瓜，還有其他不知明的水果，那種水果是苦的…味道方面，水果茶十分像濃縮液，不過十分酸！完全不甜！而且由於有一種水果（不知叫什麼名字）碎了，令到水果茶有些苦苦的味道！於是我便加點清水，混了清水後，有點太水稀稀的感覺，而且不酸了，不過換了苦澀味！唉…$39換來這樣的質素…最後加了糖漿，味道是甜了，不過只得糖漿味，簡直是失敗之作！環境方面，座位十分乾淨舒適，環境一流。不過態度方面便一般了，明明沒有人等位，但好像十分趕客走，一吃完3秒內收碟，更收起你的餐具。水果茶明明還有1，2啖，未倒完便收吃了，更串串嘴的問用不用倒些熱水去水果茶內，讓你繼續喝，我說不用了便立即收起了…價錢方面，紅燒牛肉麵和松露野菌奶油培根手作麵都是$73，熱帶水果茶$39，餐廳設有加一服務費，2人總共$246.4，其實都很昂貴。總結來說，茶木的食物飲品愈來愈貴了，份量又愈來愈少，味道都算OK的，但根本不太值得這個價錢！…Read More

以往到茶木，朋友多數會點窩夫的。其實茶木是台式的餐廳，今次決定要試試一些台式的食物。紅燒牛肉麵 ($62)：湯底尚算濃味，牛肉厚薄適中，肉質都十分軟嫩，味道不錯，很入味。麵質方面，不太突出，但沾上湯汁一起吃，尚算不錯。紅豆綠茶拿鐵 ($32)：綠茶味十分香濃，上面鋪上一些紅豆作點綴，只會吃到少許紅豆味，咖啡味不算太濃，但很乎合我個人的口味。…Read More

星期六上午十一時九左右到，餐廳內已有3、4枱客，等了2分鐘左右已安排入坐，一坐低侍應已同你講用餐時間為一個鐘半小時，感覺一點也不輕鬆，在香港的台式餐廳始終都係得個形似而欠缺神髓。😓餐廳用田園式裝橫，營造輕鬆感覺，但餐桌距離不夠寛敞。好在我們坐sofa位，所以唔會好局促，但侍應的服務好趕急又欠缺熱情。 不銹鋼匙羹同叉子的手柄似鐵鏟，有趣但唔好用。凍綜合水果茶（$36），同台北的差好遠，成杯好重糖水同話梅味，唔好飲，茶味欠奉。😩凍香芋奶茶（$26），香芋味濃，但沙冰的分量太多了。侍應話部機未用得，只有凍的香芋奶茶，無熱的。😔芒果蜜糖吐司（$75），吐司夠脆身，但所用的芒果熟到淋pat pat ，球芒果雪糕似牛奶公司貨式。😕最抵死個侍應上吐司時有大大隻烏蠅圍住份吐司團團轉，攪到他勁尷尬。原本order炸豬排魯肉飯但落錯左古早味香腸魯肉飯（$5x)，但好在古早味香腸味道唔太差，甜甜的，質感似紅腸，可惜份量太少，但無台北食那些大腸包小腸咁肥。只是魯肉略為油。紅燒牛肉麵（$66），牛肉好淋好好味，😋但湯底好咸，麵質好彈牙，白蘿蔔同紅蘿蔔好淋但可惜只是白灼無咩味。侍應收碟速度慢。埋單自己去櫃位俾＄。…Read More

在茶木剛進駐香港,都不停在朋友們的FB/IG看到它的厚多士...而我亦一直未能找到願意跟我食台式的朋友<太多朋友鍾情日式可我常常聽到身邊已食過的朋友"下?你仲未食過?我都食左好多次!"或是..."唉~我都成1個月無食過茶木"真是 跟朋友慶祝生日,在尖沙咀東開心唱k後都決定在尖沙咀搵食剛好說起上次在大埔食牛肉麵不錯,又想起尖沙咀有茶木...朋友說"茶木都有牛肉麵!咁不如食茶木!" 終於有得試茶木!!!!座位比較寬闊坐在窗邊的位置1入座就每人1杯水,雖蠻貼心但我跟朋友的碟都是洗得不乾淨我的碟上都有少許燈色點點,而另2位朋友都有差不多的 唯有齊齊抺抺抺...喜歡食牛肉麵我的看過1次menu都立即決定牛肉麵!但原來牛肉麵有香辣和紅燒2款..因為不能食辣所以決定紅燒牛肉麵order不久都很快送到....紅燒牛肉麵面上原來有腌菜!!幸好只是放左在1堆在旁邊,我都立即把腌菜放在朋友的碟上 然後開動!牛肉麵的湯很香很濃郁,紅蘿蔔帶甜,很軟,易入口易咬把牛肉麵的湯都吸收了..牛筋都是很入味,份量有較大件肉質軟軟的很嫩口而麵有點像刀削麵般,是偏粗身的闊條麵可我不太喜歡這闊條麵...感覺這闊條麵不算入味,但都有咬勁...藍莓香草蜜糖磚塊份量頗大..我們3人當甜品食剛剛好~面上是士多啤梨雪糕?很喜歡裡面冰冰的士多啤梨雪糕帶點沙冰的感覺磚塊內的烘麵包切粒,多士粒都滿佈蜜糖又香又脆的..食第1粒覺得甜度剛好,但愈食愈感覺得太甜...較乾身的外圍麵包卻沒有蜜糖漿,但也脆脆的!配著士多啤梨雪糕剛好!可惜雪糕溶得很快也試了少許朋友點了炸豬扒肉燥飯,是以日式便當形式般的盒子裝著的(忘了拍照)肉燥不算油膩,飯是珍珠米,粒粒分明炸豬扒炸得很脆,儘管放置一段時間都是脆脆的只有半隻溏心蛋,朋友說因為是生日所以給我溏心蛋一咬開,蛋黃輕輕的慢慢的流出蛋黃漿而且蛋的滷味比較重整體上菜速度都比較快,但店員好像很忙碌,第1次order時揮了手,有路過的店員向我們點了頭就沒下文 唯有就向其他店員揮手,..而店員也貼心的說"想要甜品後上可以分2次order"其實3個人人少少,根本不用90分鐘…Read More

上前幾次來到這間茶木，一出lift後，人多得人貼人，連企位也近乎無，只好離開，為有擇日再戰。而今次和男友來到雖然也逼滿了人，但人流明顯少過前兩次，不過已等了近半小時呢！被安排到店內最入的二人枱，座位偏窄，尚算OK，發現牆身也用了木來裝飾，簡單別緻。雖然有Dinner Set，價錢亦實惠，但最終因只想吃麵，就散叫了紅燒牛肉麵，而男友點了 酥炸雞排麵。其實紅燒牛肉麵不過不失，沒有特別驚喜。先說牛肉，煮得比較淋，不錯，麵質尚算彈牙，不過湯底比較濃，食得耐後感到整碗比較鹹。 男友點的酥炸雞排麵，也是用我選的那個麵及湯底。酥炸雞外層炸得脆卜卜，內層肉質好淋，整體不太油膩，不錯呢！由於餐牌上的飲品極之吸引，二話不說點了鳳梨可爾必思兩份飲。味道像益力多，再加好香的菠蘿味，加上有汽，令整杯好解渴，中和牛肉麵的湯底的鹹味:(男友說早前跟朋友來過，點了個脆皮巧克力心太軟磚塊，非常好味，所以是次特別點一個推介我吃。磚塊份量頗大，由烘麵包拼成，再加蜜糖及雪糕等。磚塊內的烘麵包有較多蜜糖，食落脆卜卜，再與雪糕一起吃，味道好夾，好味及易入口。由於份量太多，最終只吃入面的麵包，而放棄較乾身的外圍麵包，整體非常好味，果然沒介紹錯呢！來吃甜品應該是一個不錯的選擇，但麵類則麻麻地，不過下次亦會再來試個店內皇牌的蜜糖磚塊…Read More

本來個日我係想等食尖沙咀新開既dazzling cafe，但係已經等咗三個幾鐘真係已經餓到死，頂唔順就決定轉場去等茶木，排隊等半個鐘已經入得。不過因為加拿芬廣場路牌指示唔係太清晰，我呢d路痴由The one行去個度都要20分鐘T_T由於個日算多人，所以我叫既芒果蜜糖磚塊要等20至25分鐘，所以為咗醫肚就叫埋可以快d上菜既紅燒牛肉麵。牛肉麵一嚟到我已經覺得個賣相好好味，食落真係完全同係台灣食個d無分別，同埋好大份，一個人食已經飽咗。d麵好有口感、咬落好有彈性，d湯都係用牛肉淆出嚟，好濃味好好飲。等多一陣個芒果磚塊都到喇，平時係相見到都唔覺得咁大塊，真係擺係我面前就覺得好大份。…Read More

大熱天氣等了近兩小時，當然要來杯凍飲 我叫了綜合水果茶HK$36 台灣都興起飲水果茶，水果香氣非常清爽，跟一般的台灣飲料較為清甜 不會越喝越渴的感覺，非常解渴先來個台灣小食金黃鹽酥雞HK$48 炸得非常香，但略嫌雞肉有點乾身我們叫了凱撒沙拉HK$49和香草大蝦沙拉HK$56，可以balance過於油膩的食物還有魚湯浸時蔬 HK$48皮蛋肉鬆豆腐HK$46 這是冷盤，有少少微辣，非常開胃紅油炒手HK$46 辣度剛好，而且皮薄肉嫩，好食黑糖薑母油嫩鴨HK$54 有陣陣薑味，但不會嗆，黑糖與薑母的配搭剛剛好 鴨肉不紫，肉嫩多汁蚵嗲義式青醬蝴蝶粉HK$76 台式mix義式的新派食法，以蚵仔配蝴蝶粉，味道不錯，有蚵仔的鮮味酥炸豬排肉燥飯HK$54 豬排肉質有點炸過頭，肉燥太少，吃不出台式風味紅燒牛肉麵HK$58 牛肉非常腍，麵彈牙，湯濃郁但不膩，好好味綠茶紅豆蛋糕HK$38 綠茶加上紅豆簡直是完美配合，清新口味，飯後吃也不會過膩藍莓起司蛋糕HK$38 粒粒的原粒藍莓，酸酸甜甜可中和起司的膩感提拉米蘇HK$38 香濃帶苦澀的可可粉，讓甜點更有層次巧克力香草蜜糖磚塊HK$68 層層烘到香脆的多士，面層加上巧克力雪糕 加上新鮮草莓和七彩的綿花糖，怎能抵擋這種誘惑 …Read More

想食台灣野食~ 除了人人都會去的咖啡弄外, 這一間可算是另外一個選擇. 晚上6點到, 等了約25分鐘就可以入去食, 仲要無指定時間任坐唔嬲, 太好了!叫了紅燒牛肉麵, 黑蒜白肉, 古早味三杯雞, 還有綜合水果茶及熱水果花茶.紅燒牛肉麵, 麵很爽同彈, 兼且牛肉味湯底好濃, 令到麵都好滋味. 牛肉不老, 一絲一絲的全舊也食得.黑蒜白肉, 每一塊白肉上面都有充足的黑蒜, 配合白肉, 肉汁鎖住在口裡, 跟黑蒜一齊, 可謂最佳配搭.而古早味三杯雞, 原來有飯跟的, 食出一點甜味, 跟飯一起很快就食完~至於飲品, 熱水果花茶是可以添飲的~ 很好! 吃著這麼多好東西, 配上熱的水果花茶感覺真的好爽.吃到七七八八就叫了最矚目的甜品: 芒果香草蜜糖磚塊, 因為都要等半小時才有.嘩, 見到都覺得興奮! 果然無介紹錯! 內裡的蜜糖磚塊, 沾上芒果雪糕及cream, 一冷一熱一脆, 口裡面同時間容納幾種感覺可說是強勁! 仲有小棉花粒令整個甜品一路食一路唔想比佢停! 真係要一讚!另外服務員都OK~ 又不會趕我們走, 出到去仲有人排緊!!!下次再黎重溫一下!…Read More

芒果優酪乳($35): 芒果味濃郁，証明餐廳落左不少芒果肉，飲到少少乳酪味，味道比較甜。水果冰紅茶($32): 上次試過綜合水果茶，今次試水果冰紅茶，這柸味道會比較淡，同是選用lipton 紅茶包，能夠中和生果甜味，味道清新。有兩粒話梅，層次更豐富。紅燒牛肉麵($56): 湯底香濃，牛肉醃得很入味鬆軟，麵條做得軟硬適中。香料雞肉蝴蝶麵($68): 跟餐牌有分別，圖似是白汁，但端上檯的時候竟是番茄汁，旁邊有隻像鏟子的匙羹很特別。 香嫩順口的雞肉，獨特義式風味的蝴蝶麵，醬汁足夠，味道調較得剛好，值得推介。金黃鹽酥雞($48):雞炸得香脆，不感到油膩。薄炒炸雞塊，充滿椒鹽及鹽巴味道，特別加上九層塔，味道更加豐富。芒果香草蜜糖磚塊($68): 最後主角出場，三層厚厚吐司，外表層層疊疊好震撼，份量很多。麵包磚做法是挖空中間，切成麵包粒，再以蜜糖烤焗，最後才放上芒果雪糕、忌廉、彩色棉花糖、糖醬、好多芒果肉。今次食的時候發現第一層先有蜜糖，麵包粒外脆內軟，伴雪糕或忌廉糖醬吃，非常香甜。…Read More

今日相約朋友慶祝生日，本想食個high tea，但係適逢復活節假期必定無位，所以就提議試試極具人氣既茶木喇! :) 因朋友要從觀塘去尖沙咀需時，所以我先去攞飛等位，我2:30到達攞飛，只係等12張，唔算誇張，所以一路等朋友黎一路等位~等左20分鐘左右就到我，但要人齊先入得，朋友又未到所以要繼續等! :(終於等到朋友到喇，order完之後好快就有飲品送到~飲品方面揀左綜合水果茶、熱水果花茶，橙汁底既綜合水果茶，雖然名字係茶，但唔覺有茶味，只係有橙汁味，當橙汁飲的話味道不錯~而熱水果花茶，我無飲到，據朋友話茶裡無水果味，加入糖槳先有味道，可要求再加茶。食物方面叫左紅燒牛肉麵同草莓香草蜜糖磚塊。紅燒牛肉麵 - 先飲一啖湯，超級香濃! 牛肉十分稔而且唔痴牙，有種入口即溶既感覺! 紅蘿蔔同白蘿蔔好入味，麵條亦算煙靭彈牙。絕對是驚喜之作! 另外，當然要試試名物藍莓香草蜜糖磚塊，雪糕配上塗上蜜糖既多士，有d硬，下層多士因無蜜糖，比較乾，要點雪糕先鬆軟返。份量算大，適合3-4人食，我地兩個女仔差唔多食淨半個，不過味道尚算不錯~ 總括而言，食物味道比飲品好，與咖啡弄比，應該會係茶木更勝一籌! 下次仲會繼續黎~…Read More

其實已經光顧茶木第三次了原先今天想到咖啡弄，但因已經在開門前排隊等了半個鐘也沒有位置所以就即興來了茶木上次來到也是和姐姐一起，今天亦是:)到了茶木已經看到有很多客人在用餐，但當時才剛開門我們亦只等了數分鐘就有位置，我想是在收拾裡面的座位所以才要等一會。我們被安排到最裡面的二人卡位我認為裡面的座位被外面的更舒服而且較靜一坐下我們就開始看餐牌在想來到茶木怎能不點他們的拿手磚塊但又想到我們也有點餓，所以另外再點了牛肉麵和水果冰紅茶。先來到的是﹣水果冰紅茶。味道有點像梳打，或許真的有混到梳打吧：P裡面也有不同的水果，喜歡吃水果的姐姐也說裡面的橙甜：）看到也有不少人點了水果冰紅茶或另一款的水果茶，看來也大受歡迎而且吃磚塊會也許有點膩，以水果作舒緩也較好一會兒後，牛肉麵也來到了。因為我們怕每人一碗會吃不下磚塊，所以兩人吃一碗。裡面的麵與平常吃的形狀有點不同，不過也很不錯。而且咬感十足！ 而牛肉有點入口即溶的感覺：P因為不太靭，不怕吃完後牙縫間有肉絲味道十足，麵條和牛肉十分配合剛好吃完牛肉麵一會，就到重點了！我們今次點了﹣脆皮巧克力心太軟磚塊。外觀還是保持水準！因為前兩次都是點蜜糖磚塊那款，所以今次則點了這款。每次都是由我負責把磚塊分開，今次也不例外：P但因今次是第一次吃這種款式，開頭有點不知如何開始。我們每次都會先把配料（雪糕和水果）放到碟旁然後開始切一切開發現上面第一層的麵包是脆的，最裡面的是軟和有蜜糖。和姐姐嘗了數塊後，也一致認為這款磚塊比另一款更為出色。很喜歡有兩種口感的甜品。而且磚塊明明佈滿了雪糕和忌廉卻一點也不覺得太甜和膩。最後當然也清碟了：） 吃完後覺得十分滿足。相信會再來到茶木吃磚塊！（即使已經來了三次另外這裡的食具也很可愛：）…Read More

時間正值快要關門, 門外等候多時的一行八人被拒絕入座(稱已不再派籌)而我和朋友共2人, 一上前則獲放行就座, 引致那八人極度不滿, 還與負責人起了小爭吵. (聲浪大, 說是等了很久, 發現有些人不用拿籌就入內, 又不見負責的人給他們籌或告之已關門云云, 可見餐廳安排有問題)甫坐下, 侍應告之已是last order, 而且叫甜品不可後上, 因為甜品部廚房要收工. 這算是協議好, 食客同意就行吧! 但後來的侍應態度可令我覺得失望透頂!先說些能讚的吧! 這本造得好像雜誌一樣的menu很有心思, 封面正是吸引一眾食家眼睛的招牌甜品. 不點可不能告訴別人來過"茶木"罷!巧克力香草蜜糖磚塊($68) : 理所當然的首先上枱食物, 與相片外觀一致.中間是沾了蜜糖的多士, 整個是甜膩的,只有一個雪糕球, 大量忌廉和朱古力醬, 棉花糖和草莓, 比起我在SPADE BY LASSANA 的缺少了不同的口感層次, 同一樣是多士, 同樣造型賣相漂亮, 但我只會選擇再去後者. 因為這個給我的感覺, 好像只是為了拍照, 而食用度低, "只是用一個雪糕球來配三層多士吃的甜品"紅燒牛肉麵($56): 是正宗台式牛肉麵, 如menu介紹一樣, 湯底濃郁麵身彈牙的. 香料雞肉蝴蝶麵($68): 平平無奇的蝴蝶粉, 醬汁偏酸, 蝴蝶偏硬.金黃鹽酥雞($46): 就如名稱所說, 鹽作主要調味的雞塊, 就只有咸味, 雞塊乾而沒彈性, 地雷.…Read More

過了PEAK HOUR,2:30到達,唔使等位!!目標清晰,鎖定麵包類甜品,但正餐未食,點都要食D咸野先!!食物:1. 紅燒牛肉麵($55)一直大愛台灣牛肉麵,帶少少藥材味既湯底,加筋多淋滑牛肉,配小彈性麵質的麵,諗起都流口水!!茶木牛肉麵有牛三大件,牛肉淋滑,麵質偏硬身,所以較彈牙,略賺麵的份量太少!若果突然牛肉麵癮起,去茶木都可以一解對牛肉麵既思念掛?!2.脆皮草莓蜜糖磚($62)重點來了,微溫厚厚既蜜糖吐司上加上士多啤梨雪糕(有粒粒士多啤梨在內!!誠意呀!!),配上手打忌廉,士多啤梨醬同埋新鮮士多啤梨及藍莓,呢個價錢,我要來多幾次!!食完呢個甜品,食法都已經可以出教學(!!)建議食法係,可以先將吐司上既配料及雪糕等移開,方便刀切開麵包,豬扒首領就趁微暖時品嚐脆皮外層,配合雪糕,幸福的味道啊!!再來係最甜既蜜糖麵包磚,一咬落去好juicy既蜜糖,正!!最後當然係清哂隻碟環境方面:佈置舒適(可能係2:30的關係),有多張二人枱,適合情侶…Read More