於初開店之時幫襯過雪糕多士盒同果茶之後就無再食過，我真係唔識欣賞，但時常見到有人在門外輪候。
晚市套餐：
梅子豆乳燉肉排 - 跟飯、飲品及甜品
味道濃郁，食得出燉左好耐，骨都一咬就扁左，有一兩件肉質有點兒乾，梅子味在肉身唔突出，反而旁邊的蘿蔔有梅子味，酸酸的很開胃
紅油抄手
點解會在台式餐廳出現既？應該係台式口味，正宗既太辣我食唔到，呢個小辣又小油，同埋佢用餃子代替雲吞。
而配菜青瓜，我以為係醃青瓜，原來係原味。
紅燒牛肉麵
先飲啖湯，濃郁唔油膩， 牛肉份量唔少，入味又夠淋，唔錯唔錯！
麵條似手工麵，有厚度有咬口，都唔錯！
配料有大件紅蘿蔔同白蘿蔔，吸收唔到湯既味，但亦平衡返濃味既湯同牛肉所以整體感覺不錯～
小茶木劇院
平實的外表，估唔到，好食！有朱古力同咖啡味，有啲似tiramisu 既味道，唔會太甜，食晒唔覺得膩，very good!
檸檬天葵梳打特飲
見到已經有種好fresh既感覺。味道唔覺既，有氣飲品通常都穩陣，特別地方係底部有檸檬皮碎，咬落有啲苦澀，減少啲會更好。
環境舒服，裝飾有心思～
