Station 3 Cafe

📍第三站一大班朋友聚會可以去邊？幾推薦大家去呢間位於金雞廣場既「第三站 Station 3 Cafe」 ✨有好西食之餘，仲有Board Game玩，營業時間去到凌晨一點🕐當晚叫左2個dinner set，包田園沙律、主菜、甜品同飲品，每人一百零蚊已經食到好飽😋 相當抵食！🥗田園沙律味道正正常常，沙律尚算新鮮～值得一讚嘅係落咗好多麻醬，食落幾滿足🍝香蒜白酒蜆肉意粉 $112意粉嘅味道唔錯，食落微辣幾惹味！蜆肉雖然唔係選用大隻嘅蜆肉，但勝在量夠曬多而且完全冇沙；同時白酒味好突出，提升咗蜆肉嘅鮮味🥳蒜蓉味亦香💓美中不足嘅位係意粉有啲乾，不過味道搭救😋🌶️西班牙海蝦辣肉腸燴飯 $122調味方面做得好好！蕃茄醬汁嘅酸酸甜甜配埋辣肉腸同爽口既海蝦，成個味道好夾～酸甜中帶辣，好開胃！燴飯煮得啱啱好，飯嘅質地唔會過於濕潤，而飯亦都唔太硬，拿捏得啱啱好🤌🍤特級海鮮拼盤 $128拼盤都幾豐富，總共有五款炸物：魚手指 、炸蝦、炸蟹鉗、炸帶子同吉列蠔，每樣各有三件～試過晒咁多樣之後，比較推薦嘅係魚手指，魚嘅質地尚算嫩滑，完全冇腥味；炸帶子炸完之後都冇覺得好乾，沾埋沙律醬一齊食會更好😗🍫法國朱古力 （套餐加$38）賣相幾得，呢個價錢仲有擺盤真係冇得輸！朱古力味濃郁，蛋糕亦有分層次嘅，朱古力cream同蛋糕互相融合，鍾意食朱古力嘅大家可以一試🧀紐約芝士蛋糕 （套餐加$38）佢唔係平時食開味道偏酸甜既芝士蛋糕，而係鹹香味極濃，芝士味非常突出！🍫朱古力奶昔 （補差價$20）朱古力味濃郁，奶味亦較重😻口感順滑且濃稠～最頂仲落咗一pat cream! 雖然好邪惡😈但好好飲！🍹世界隨你 (補差價$18）餐牌上就冇寫明係乜嘢嘢飲，咁特別就梗係要試吓啦！上到枱見到杯嘢飲係一個夢幻嘅色調，飲落先知係海鹽雲呢拿焦糖味嘅smoothie，少少鹹味令到成杯嘢飲嘅層次冇咁單調🤓⭐️好味指數：7.8/10📍 第三站 (旺角)旺角洗衣街39號金雞廣場25樓08-09室#旺角 #洗衣街 #金雞廣場 #cafe #第三站 #樓上Cafe #蒜香白酒蜆肉意粉 #西班牙海蝦辣肉腸燴飯 #朱古力 #芝士蛋糕 #奶昔 #cheesecake #cake #milkshake #hk #hkfood …Read More

這間樓上cafe就位於旺角地點好就腳 餐廳地方好大裝修簡約 全卡位坐得舒服 亦設有私隱度高的VIP獨立房🥳有好多boardgame供應可以慢慢玩好chill♟️✨西班牙海蝦辣肉腸燴飯 $122🍅蕃茄醬底酸酸甜甜加了爽口彈牙的蝦肉同辣肉腸 味道帶微辣😍開胃又惹味 燴飯口感煙煙韌韌 每粒飯包滿醬汁👍🏻✨卡邦尼煙肉雜菌意粉 $106 卡邦尼蛋香芝士味濃郁🍳加入足料煙肉及雜菌令味道更豐富🍝醬汁濃稠好掛麵 意粉口感夠彈牙有咬口✨套餐加配 $38配田園沙律及特色芝士蛋糕一款🍰田園沙律淋上日式胡麻醬 要了法國朱古力蛋糕甜度適中味道不錯 訂座時有講慶祝生日的 餐廳職員有記得附上蠟燭及寫字🥳有驚喜值得一讚✨特級海鮮拼盤 $128魚手指·炸蝦·炸蟹鉗·炸帶子·吉列蠔海鮮拼盤有五款小食各三件 份量多適合分享👍🏻各款都炸得外皮鬆脆 個人最喜歡魚手指及炸蝦🍤蘸上他他醬好夾✨洋蔥圈 $52香脆的炸衣包裹住香甜的洋蔥🧅味道酥脆可口炸得不油膩 蘸上沙律醬 一口一個停不下來✨飲品飲品選擇多 咖啡茶類🍵梳打及奶昔都有 補回差額就可以了👍🏻要了榛子朱古力🍫及黑咖啡☕️凍飲都好大杯😋榛子朱古力還加了忌廉 也不會太甜膩☕️而黑咖啡味道夠濃好解膩📍第三站 (旺角)旺角洗衣街39號金雞廣場25樓08-09室…Read More

🛤樓上休閒cafe🛤推介指數 ❤️❤️❤️❤️🤍一生人旅程有幾多站？簡單來講係咪只生、老、病、死4個大站？當中大家經歷有幾多喜、怒、哀、樂？人愈大經歷嘅事愈多，學懂珍惜仲要學懂放下。唔知道係咪有天堂、地獄、彩虹橋，唔知道死後展開嘅另一旅程會係點，暫時就去學習點樣活在當下，除咗返工放工、見家人，朋友都要見㗎❣️難得開學前朋友已經幫小朋友買哂書，可以抽時間出嚟見個面，咁就揀個中間位置方便大家～上網搵咗間cafe位於金雞廣場食完仲可以行街，距離中和中心都係幾分鐘路程。店內以白色為主調，單邊大玻璃透光度足夠感覺開揚，睇到附近樓頂同天空。Lunch Set 有Main 同1杯HKD38飲品，加HKD38有沙律同蛋糕。🐚黑松露帶子鮮菌燴意大利飯HKD86✨上餐時黑松露香氣撲鼻，帶子熟成度剛好，Risotto軟硬度適中，每一啖都食到雜菌～🦀蟹肉雜菌忌廉闊條麵HKD86✨面層蟹肉山丘，配料三色椒新鮮爽脆，闊條麵軟硬度適中。🌙花茶系列：月亮+HKD14✨含有薰衣草、紅玫瑰、茉莉花、檸檬草，有安定情緒、解憂鬱、改善失眠、舒緩頭痛。飲落薰衣草同檸檬草味突出，感覺舒服又解膩。👼🏼塔羅特飲：小天使+HKD18✨荔枝菠蘿鮮打沙冰，飲落鮮果味道濃郁，沙冰綿密，清暑佳品！🥗田園沙律&蛋糕+HKD38✨帶點冰凍嘅車厘茄同沙律菜新鮮爽脆，配上芝麻醬，一啖接一啖好快就食哂。🧀New York/🫐Blueberry✨兩款cheesecake餅底一樣，分別在於Blueberry醬。擺盤有心思，食落質地較creamy，嗜甜者會喜歡。🌊特級海鮮拼盤HKD98✨5款炸物，每款有3件！有炸魚手指、炸蝦🍤、炸蟹鉗、炸帶子、炸魷魚圈，感覺豐富。總結：-食物 ❤️❤️❤️❣️🤍環境 ❤️❤️❤️❤️🤍服務 ❤️❤️❤️❤️🤍.··🏠第三站 (旺角)📍旺角洗衣街39號金雞廣場25樓08-09室…Read More

有一種餐廳係食個「回憶」，其中一間就係呢間Station 3，想當年中學聖誕同成班fd一路食，食完就玩boardgame慢慢坐，回憶中啲嘢食都幾大份又可以坐幾耐。今次心血來潮就再嚟食返回憶嘅感覺同味道。環境位置 ｜環境位置都算方便，喺地鐵站行5分鐘左右到，入到去我見同好耐以前食嘅布置差不多，特別係梳化啊，裝修都差唔多，成個大專回憶返晒嚟😂佢位置都幾多，坐到幾多人，而且有啲大梳化，都叫做坐得幾舒服，放下袋喺梳化都得，同樣地都係有少量board game 喺度，不過我 8點去就見大部分人都係食飯。食物方面｜意式芝士焗肉醬闊條麵 $98睇落都幾大份，肉醬幾多，不過芝士覺得可以再多啲黑松露鮮菌燴意大利飯 $122呢個好似比肉醬意粉更加出色同大份，一上到嚟勁香黑松露味，而且味道唔會太鹹，意大利飯嘅軟硬度都OK，主要係幾大份啱幾個人一齊分享。雖然佢帶子唔係大粒嗰種，但佢帶子份量都唔少，整體都可以。 $98炸魚手指、炸帶子、炸蝦、炸魷魚圈、炸蟹鉗款式選擇幾多，樣樣都夠熱，3個人share每人有一樣啱啱好夠分🥰真係超邪惡😹墨西哥雞翼｜有6隻，雞肉嫩滑，酸酸辣辣嘅醬汁都幾開胃，平時少啲機會食到呢種味藍莓乳酪 同平時飲開嘅乳酪差唔多，藍莓味都幾重熱情果綠茶 檸檬紅茶…Read More

以前讀書嘅時候最鐘意約埋同學仔一齊去旺角嘅樓上cafe食野玩Board game早幾日同朋友約食飯諗緊食咩好就醒起好耐冇黎所以就搵左呢間餐廳懷舊下🤪食物高質 Lunchtime黎食又唔貴仲可以慢慢坐真係好正🥰.🌟田園沙律 (+$35)呢度嘅lunch set 只要加35蚊就可以加沙律同蛋糕沙律清新🥗 落左麻醬 係大部份人都啱食嘅經典款式.🌟特級海鮮拼盤 ($98)話明係有得玩boardgame嘅cafe點少得叫個小食拼盤!可以一邊食一邊玩 或者趁主菜未黎之前頂下肚先😝海鮮拼盤包括魚手指、炸蝦、炸蟹鉗、炸帶子同魷魚圈全部都熱辣辣即整 仲可以一次過食到唔同種類嘅小食😋.🌟日式餃子 ($36)平日食餃子通常都係點餃子汁或者就咁食🥟呢個日式餃子就係好似章魚燒咁落左燒汁、沙律醬同紫菜碎第一次試呢個組合 食落又真係幾夾🤓.🌟蟹肉雜菌忌廉闊條麵 ($76)最鐘意食海鮮嘅我見到蟹肉就即刻決定食呢個🦀蟹肉分量十足 而且真係起晒肉出黎 有一絲絲嘅蟹肉闊條麵煙韌又夠多忌廉汁 咁嘅價錢就食到真係幾抵.🌟墨西哥香辣肉丸燴意粉 ($78)呢個意粉相信係用左Tabasco辣汁去煮🌶️獨特嘅辣味好突出、少少辣又唔會太過火 非常惹味而且肉丸彈牙🧆 意粉都煮得啱啱好🍝 .🌟焦糖朱古力 (+$6)呢杯朱古力加左一層厚厚嘅cream真係又吸引又邪惡 而且仲加左焦糖醬 啱晒朱古力愛好者🍫.🌟審判 (+$14)呢杯神秘嘅綠色沙冰係塔羅特飲 用塔羅牌黎命名沙冰用左青蘋果🍏、菠蘿🍍、薄荷、檸檬🍋製成飲落好香青蘋果味 去到喉嚨又感受到薄荷嘅冰感好清新 好適合夏天飲🧊.🌟蛋糕上面提到+$35仲包括埋甜品🍰我地分別有藍莓芝士蛋糕同紐約芝士蛋糕兩件餅都好足料 仲要連擺碟都好有心思.餐廳空間都幾大 座位又闊落有唔同種類嘅board game玩♟️🎲仲有好多pepe蛙公仔🤣 大家都可以黎支持下💛…Read More

-和朋友們點了午市套餐的D 和G🥲-蟹肉雜菌忌廉闊條麵蟹肉係罐頭開完直接放係面🤧洋蔥十分多 仲要好生忌廉味不重🥲🥲-黑松露帶子雜菌燴意大利飯尚算不錯不會太生亦都不會太熟不錯嘅選擇-特級海鮮拼盤啲麵粉都幾多🥲啲魷魚好韌個人嚟講唔推薦唔係好值呢個價錢🥲-反而甜品擺盤不錯三款蛋糕嚟講 我覺得new York cheese cake 最好食 朱古力蛋糕冇朱古力味跟餐加$35 有蛋糕同個沙律都還算可以-不過都會嚟食💛…Read More

坐落金雞廣場 比起平時既樓水cafe 係相對有d偏但係屋企附近成日見到佢嘅易拉架所以今次終於去試試！睇佢個logo就知道係倫敦嘅地鐵signature周圍除咗放左Pepe & 連豬 仲有d外國相 (即刻好想去旅行🤪) 座位好闊落非常適合坐一晚傾偈玩board game🍽燒牛肉配田園沙律燒牛肉唔會太鹹 皮上面嘅黑椒味配落去好夾沙律菜都好新鮮非常爽脆 同埋dressing 唔會過多🍽蟹肉雜菌忌廉闊條麵最鍾意食闊條麵！忌廉汁係自家製夠香滑蟹肉食落有少少吞拿魚味🤣🍽特級海鮮拼盤有魚、蝦、蟹鉗、帶子同魷魚 最推介係帶子食落去唔乾仲有啲濕 蟹鉗都非常飽滿魷魚有d失望比較韌🍵戴安娜花茶本來茶都冇乜特別形容詞 但薰衣草味的確好香特別在佢功效寫消除失眠 然後我返到屋企好似飲咗安眠藥咁 超級眼訓好有效🤣…Read More

朋友失戀要搵我傾訴，於是佢介紹了這間cafe等我地聚腳and聽佢大吐苦水😅一上到去已經即刻明白點解佢揀呢間cafe。環境好舒服，座位好闊落，佈置簡單好睇💛而且窗外景色一流！有一個驚喜位係呢度有好多好多card games and board games！所以呢度真係可以比你上黎relax一個下午。我都見到有人係度做功課和傾project🤩悠閒cafe認證💮我去到嗰時已經係三點，有lunch set同tea set選擇。有比較之下，覺得lunch set好似抵食d。$70幾蚊一個lunch，並且包埋一杯$38蚊的飲品於是我同朋友就各自點了一個lunch D 同lunch E👅蟹肉雜菌忌廉闊條麵 $70朋友：未見過比咁多蟹肉嘅餐廳，份量好夠！食得好飽👅西班牙煙鴨胸燴飯 $76好多汁，汁好好味。risotto嘅精髓就係juicy💦而且餸都好多，煙鴨胸同個汁好夾👅法國朱古力 (跟餐+$35 送甜品和沙律)睇樣已經知唔簡單，超級打卡able🤣而且好味！完美。👅戴安娜 ❣️大推 $56由玫瑰，洋甘菊同薰衣草沖泡而成。突登點佢係因為佢抗衰老😛健康有用！而且食得多野仲可以消滯。壺下有蠟燭一直燒著保溫，真係無後悔加錢買特級海鮮拼盤 $98同朋友真係逗留左好耐😂最後再黎一碟小食。成碟野金黃色，炸得好靚。特別鍾意個炸帶子，炸完之後仲保存到海鮮嘅鮮甜味。一邊食炸物一邊泡茶飲一邊聽苦水😂就咁度過了一個悠閒的下午😌…Read More

旺角有好多樓上Cafe，好多時係想搵一間舒適又好味嘅餐廳都唔容易，朋友就推薦呢間餐廳😜👉 蜜糖雞翼炸出來熱辣辣🔥超好食， 雞翼炸到黃金色加上蜜糖特別惹味，果然係「燒雞翼， 我鐘意食」😂🙈👉 特級海鮮拼盤炸物海鮮🦐🐟拼盤份量超多非常豐富🤔，有齊魷魚圈、魚手指、帶子、蟹鉗等等，幾個朋友一齊share就最啱🥰👉 黑松露帶子鮮菌燴意大利飯必推之選😆未食之前已經聞到好香的黑松露味， 流曬口水🤤第一啖濃郁的芝士🧀及奶香味， 配上黑松露獨特的香味， 相得益彰🤩芝士狂魔不能錯過💁🏻‍♀️👉 西班牙煙鴨胸燴飯大量鴨胸配上bbq汁base的燴飯出奇地夾😆，西班牙飯煮得剛剛好又夠曬入味，重口味必選💁🏻‍♀️👉 蟹肉雜菌忌廉闊條麵闊條麵上放滿蟹肉🦀，充滿鮮味， 份量超大份👍🏻…Read More

麥花臣踢完波， 上咗對面金雞廣場嘅cafe醫肚兼休息下。 日頭自然光充足夠曬光猛。Pepe上面有個掣， 侍應隨傳隨到。餐牌以簡單西餐為主。海鮮拼盤包含魚手指、炸蝦、炸蟹鉗、炸帶子、魷魚圈，雖然係可以喺超市買到嘅急凍貨，但係新鮮滾熱辣炸起，絕不馬虎。雞翼焗得好香，皮帶少少焦香，咬開肉汁豐富，配埋蜜糖有BBQ風味。蟹肉都幾多，同忌廉好夾，連埋黃椒食唔會膩，意粉軟硬適中。黑松露味剛剛好，唔會太搶，帶子細細粒，雖然唔係刺身級，但冇雪味又唔韌，飯都算煙韌，冇煮過火。特濃朱古力真係濃過茶記，但甜左少少。咖啡同朱古力比例剛剛好，冇蓋過對方，但都係甜左啲。…Read More

💛💛💛cafe位於旺角 地點方便，sofa坐位舒適，裝修簡單得嚟乾淨整齊，有board game 提供俾客人玩。用openrice app book位可以享有正價menu 5折優惠！！！黑松露帶子鮮菌燴意大利飯（$112）味道有點淡，飯質地過硬。Oreo朱古力曲奇milk shake （$52）意式芝士焗肉醬長通粉（$96）好食有芝士拉絲，調味剛剛好特級海鮮拼盤（$78）即叫即炸，炸粉唔多，剛剛好👍🏼薯條好好食。日式章魚小丸子（$32）非常一般，個面唔脆，又林哂。蜜糖雞翼（$40）好多蜜糖特濃朱古力蛋糕（$25）麻麻地，係滑既，但唔覺朱古力味好濃。店員服務質高，有禮貌，有笑容，動作快…Read More

旺角多Cafe 相信好多人都知，但一間有品質既Cafe就真係吾知有幾多間，今日卡比心存感恩搵到間質素above average 既cafe，環境舒服又有board game 提供，一張張大形白色sofa。一大班人黎的話，仲有間房仔可以提早Book定，但要注意有低消，儘管如此私隱度高可以儘情地玩玩玩。🔷Dinner Set A 💰88🔹燒牛肉配田園沙律 💙75/100原本會以為塊燒牛肉應該會幾咸，但食落又完全吾覺，配埋沙律又可以好夾完全係落差。沙律菜除左要新鮮，另一重要既係乾淨，呢碟沙律可以話做到哂呢兩點。沙律醬汁採用左芝麻醬，份量岩岩好又吾覺有溝稀左個醬汁。🔹女皇 💰+11 💙75/100(玫瑰、檸檬、乳酪沙冰）跟餐價係$11，而呢杯女皇既原價則需要$45。外色上看會以玫瑰既紅色較為鮮艷同搶眼，但飲落個檸檬味會更為出眾及突出，可以話係「表裡不一」既女皇大人。鮮艷既紅色飲品下暗藏酸酸甜甜既乳酪沙冰。🔷Dinner Set H 💰116🔹煙三文魚野菌忌廉燴意粉 💙82/100煙三文魚以玫瑰花外形呈上，本應睇落不多，但一打開朵花，煙三文遍地開花，塞滿整個圓形碟面。意粉個醬汁忌廉味濃但無食得一舊舊，配上其他野菌類，很美味。🔹世界 💰+15 💙76/100(隨你) (熱情果、檸檬、益力多沙冰)非跟餐價係$49，但內容係「隨你」，其實意思即係如果餐廳所建議既沖調組合不合眼的話，呢杯「世界」會幫到你，可以自己要求點溝又得，比店員發板亦得。卡比叫呢杯就係後者由店員選調，係酸性較為突出既一杯，熱情果味十分明顯，一飲就飲得出，沙冰味好平均，並無打到一D位無味。🔷特級海鮮拼盤 💰78 💙82/100(魚柳、炸蝦、炸蟹鉗、帶子、薯條)薯條連皮炸，十分脆口；魚柳、帶子等估吾到咁大塊，而且其實成碟拼盤，卡比欣賞個脆炸外皮都整得很好，又熱又脆。份量上除左薯條外其他都有每樣三塊，可以話係CP值高既一碟。…Read More

之前見到呢間野book枱有得做5折，點知本野飲MENU勁似之前去另一間又係旺角CAFE，果間又係話咩半價又伏伏地但呢間環境光猛整齊D嘅，好大間，好多位，但佢只安排咗張細枱問清楚係咪有5折啦，點知真係，又話咩原來小食list先有咁照叫咗２個set再叫下D小食啦意式芝士焗肉醬長通粉 $96都大兜份量唔少，通粉夠彈牙肉醬隻味有少少微妙，講唔出係咩口味......可以接受啦唔係難食煙三文魚野菌忌廉燴意粉 $116呢個靚D三文魚整成個玫瑰花咁都creamy同掛汁，不過相比個長通粉，呢個份量有d少野飲方面都係中規中矩啦，芒果沙冰甜度適中戴安娜花茶，由紫玫瑰，紅玫瑰，洋甘菊，薰衣草４種花混合沖泡，淡淡地嘅花香，但飲到中間好快開始澀特級海鮮拼盤 $78有５款炸物：魚柳，炸蝦，炸蟹鉗，帶子，薯條每款３件，除咗個魚柳炸得過咗火有D乾之外，其他都ok，粉有少少厚蒜香雞翼 $36賣相擺得唔錯，食落都夠香夠juicy食完可以玩下board game，但張２人枱太細又逼，店員收枱亦比較慢雖然唔會趕客係好但有D HEA囉，最後埋單收加一，正常香港D CAFE價，唔會抵…Read More

啱啱喺大陸玩完回港，正好在旺角中旅社落車，已經晚七點幾了，當然梗係肚餓啦，當然要和家人在附近找野食，原來在金雞廣場二十五樓竟然有間食府，這間的店名都好特別叫「第三站」店舖內的燈光很柔和，使人感覺很舒服，間隔也很歡堂最啱三五知己店內雖然細細，但食物選擇算多這個黑松露帶子鮮菌會意大利飯，已好耐冇食這個飯了，帶子和鮮菇配合得很好，易咬食落口也很有粘口及彈牙的感覺，而黑松露的味道也不會太濃另外一個卡邦尼煙肉雜菌意粉，蓋上深紅色的煙肉焗得非常香脆還有一片片的煙肉同雜菇味道配搭鮮味，當然不可少特製卡幫你汁，是整個意粉更有張力及口感還有這個特級海鮮拼盤，一拼四種不同的炸海鮮和粗薯條，食落卜卜脆還保持肉質鮮嫩還加上很多特別名稱的飲品，一定要去試試，今次我們便叫了兩個叫惡魔及節制最後梗係唔少得飯後甜品啦…Read More

今日和三五知己吹水食野跟餐另加30元就有一個沙律和一块芝士蛋糕，超抵啊，當然叫啦食住沙律，醒一醒胃，慢慢等其他食品海鮮拼盤：魚柳，炸蝦，炸蟹鉗，帶子，薯條所有得炸得特別酥脆可口，非常好食，我們食到清碟燒牛整得非常嫩滑，入口即化，配上田園味蔬菜香辣肉丸超夠味，辣裡帶香甜，肉質爽滑彈牙，意粉吸收晒醬汁味食得辣就點這個餐非常棒煙三文魚卷成一朵美麗的花加入野菌及忌廉，非常香濃，太好食玫瑰配檸檬，甜度適中，顏色呈現粉紅，乳酪味滑溜溜，超好飲青蘋果，菠蘿，薄荷，檸檬打成沙冰，呈現淡綠色清涼帶有酸酸甜甜茶色由時間變化而改變，由淡色變成金黃色洋金菊味道非常突出，玫瑰味偏淡，飲這茶可以消除疲勞，抗老化飯後甜點：食埋香濃的芝士蛋糕，今餐非常滿足…Read More