真難想像這是酒店餐廳。首先無公筷以令人難以接受,尤其以一間酒店的中餐廳,還要問攞三次才有。茶是可讚的,雖然無得揀茶葉,味道不錯,每位$20,後來成晚都要飲茶,因為餸偏鹹,加上味精重,朋友中有對味精比較敏感,所以如對味精敏感就要小心了。另外,食物總體都細碟。寧波肋骨 $138 👎不夠淋,較硬身,難咬開。味道亦太偏甜。不推介。乾燒蝦球 $188 👎餐牌照片非常吸引,但上菜時細碟,汁頗”傑”,可能用了比較多生粉。味道一般。片皮烤鴨 (兩食)$500😋一食是鴨皮加薄餅,鴨皮脆口,鴨皮及薄餅甜鴨醬都份量足,味道好。推介。🆗二食就好一般,類似鴨肉絲炒牙菜。無乜特別評價。乾煸鮮筍四季豆 $168🆗味道頗好,滿意。細碟。棒棒雞$62 😋好細碟,味道可以。燒汁香煎銀雪魚 $260 😋全晚最好味道的一碟,好惹味,銀雪魚的量也算足。但有點過鹹。還是推介。鎮江肴肉 $65 😋如一般上海餐廳的水準,好味,可以。豆沙鍋餅 $48 👎不推介,皮硬,好細碟。桂花酒釀丸子 $38 🆗丸子煙韌,桂花味不夠香。香煎八寶飯 $65 😋我之前在別處食煎的八寶飯是好香口好脆又煙韌,我預期的是好像一個碗倒轉的形狀和大小,但上的時候只見好細同扁平的一塊,好在味道好,不過真係好細份,還是值得推介,尤其少餐廳有煎的八寶飯。花生、酸菜 每碟$25,可能我們六人,給了我們一碟花生和兩碟酸菜,共$75。總括而言,我不推介,因為食完成晚好口渴,有味精又偏鹹,味道平均其實還算好味可以,但真係食完渴左成晚,又細碟,又無公筷,要問三次先拿對普通筷子來。…Read More
The above review is the personal opinion of a user which does not represent OpenRice's point of view.
1
Recommended Dishes
Date of Visit
2018-12-17
Dining Method
Dine In
Spending Per Head
$330 (Dinner)