Van Gogh Kitchen

前排見人打卡呢間歐陸式環境嘅餐廳 打卡唔執輸嘅我當然都要約朋友去打卡🤭雖然網上已經見過人哋分享嘅照片 但親自去到依然有被超藝術嘅環境震攝到 由出lift開始已經見到滿滿嘅畫作 影出嚟都唔及親眼見到嘅喜悅💗店內只有約三十個座位 想去嘅朋友強烈建議book定枱先！我哋每人叫咗一個set 每個set都跟沙律+餐湯+甜品+飲品 圓滿嘅5-course dinner😚食物製作用心 約會/慶祝都好適合🫶🏻🥩火焰美國Prime護心肉牛柳串 💰378店員送上食物時 會即席為我哋燒一燒肉串 兩大串好澎湃 每串都有三件牛柳 牛柳大大件 切開入面喺粉嫩紅色 牛味香濃又juicy 加埋附上嘅牛肉燒汁就更有味 仲有蘑菇同三色椒 配搭更健康蒜蓉香草醬薯角 質感軟綿 保持濕潤度 唔係炸到好硬嗰種 感覺食多幾件都唔怕太熱氣🤣🍝意式輕煎虎蝦紐西蘭牛柳粒蒜片意大利粉 💰298意粉彈牙且較硬身 有陣陣橄欖油香 微微咸味 牛柳粒嫩滑 剛好一口size 虎蝦 爽口煎得好香 仲有沙律菜伴碟 食完一定夠飽🥗歐陸式前菜小食哈密瓜 無花果 沙律菜 配上沙律醋酸酸哋好開胃🥗挪威雪蟹田園沙律沙律份量都幾多 雪蟹肉都鮮甜 沙律菜冇落醬汁 蕃茄仔 感覺好light 唔會太heavy🍄98%野菌忌廉湯 💰+38套餐要加錢先可以轉呢個湯 用咗八種野菌/蘑菇製成 果然真材實料 好多菇粒粒 口感豐富 超香牛肝菌味😋🥫俄羅斯野菜湯 好足料 食到好多蔬菜 甜甜地唔太酸 跟配嘅三片吐司超脆🍰檸檬蛋卷細細件 清新檸檬味 唔太酸🍮焦糖燉蛋表面嘅焦糖薄薄一層 唔會太苦 燉蛋好滑 味道剛好唔太甜☕️凍洋甘菊☕️伯爵茉莉茶…Read More

碌ig見人分享過呢間餐廳覺得裝修好特別，以梵高👨🏻‍🎨為主題超適合打卡🤭。餐廳喺消防局附近，唔算難搵🖖🏻。Menu選擇豐富，除左一般西餐set外，海鮮拼盤、兒童餐、健康set都有。🔅歐陸式前菜小食Appetizer係蟹肉蕃茄莎莎，酸酸地幾開胃🍅。🔅是日餐湯 & 餐包俄羅斯菜湯好多蔬菜粒，無煲到溶晒😌。餐包好鬆軟，外層微脆🥰。🔅火焰美國Prime護心肉牛柳串 ($378)護心肉有2大串😍，牛味濃，肉質超嫩又juicy🤤。配牛肉燒汁伴蒜蓉香草醬薯角，仲有少少沙律菜，食落都唔會太邪惡😙。🔅意式馬賽海鮮飯 ($288)Paella有大蝦、帶子、青口，一黎到聞到好香蝦味🤤，海鮮都好新鮮彈牙👍🏻。飯幾入味，有口感😋。🔅是日甜品士多啤梨卷蛋🍰🔅焦糖燉蛋 ($58)以為跟餐可以加配，原來係either是日甜品/後面自選甜品🫣。不過creme brulee都好滑，蛋較挺身，唔會太甜。不過今日無大size，所以1份都俾左2個細😳。💬附近2枱都係食生日飯🎉，睇幾篇食評都係黎慶生😂。今晚試完覺得環境的確唔錯，適合約朋友聚會👭🏻👫🏻。…Read More

正所謂天生我才必有用，梵高絕對有資格講，因為佢天生我才比d你用，並唔係普通人，而係特異功能。不過一命二運三風水，藝術感呢樣野我今世就無啦，二訪「凡高廚房」，話哂都叫做沾一沾餐廳裡面既藝術氣息，頂住先啦好嗎？👇🏻📌Set · Dinner - ▪️ Appetizer -▪️ Soup of the Day - ▫️ 前菜先黎個「魚子醬蛋餅」，底部蛋餅入口鬆軟，面頭落左d魚子醬香味濃突，更加刺激整個食慾；而今日既set dinner既是日餐湯「雜菜湯」岩哂鍾意清新既我，熱辣辣上枱，大量菜粒口感豐富。▪️ Linguini Alle Vongole · Garlic Chili · Italian herbs · White Wine - ▫️ 第一道主菜必試「澳洲鮮BB青口仔扁意大利粉」，青口仔份量十足，啖啖鮮甜；意粉配搭意大利蕃茜、辣椒、蒜蓉，惹味感加倍，再加上贊左白酒，淡淡既酒香揮之不去，好食。▪️ Spaghetti Grilled Australian Scallops · Big Clam · Tiger Prawn · Fresh Squid Ink Sauce  - ▫️ 第二道主菜「燒澳洲刺身級帶子大蜆·虎蝦·鮮墨魚汁意大利粉」亦有驚喜，帶子鮮味十足又夠彈牙，中間夾雜住一大隻虎蝦，食落濃郁蝦味，意粉沾上濃厚墨汁，墨魚香夠哂突出，整體好好食。📌Dessert - ▪️ Dessert of the Day -▪️ Crème brûlée -▫️ 是日甜品係呢個迷你「麵包布丁」，面頭焗得好鬆脆，入口唔會太甜，蛋味十足，好食；另外係個set到加錢換左呢款「焦糖燉蛋」，外層焦糖面夠哂薄脆，食落好重奶味同埋蛋香，值得一試。▪️ Warm Souffle · Vanilla - ▫️ 輪外再點左個我最愛既「朱古力心太軟·雲呢拿雪糕」，即叫即焗，新鮮出爐所以裡面切開朱古力漿瞬間湧出，外層微脆兼香口，而旁邊配搭雲呢拿雪糕，相當滿足。…Read More

凡高廚房幾年前都食過一次，只記得係以凡高做主題，對食物質素嘅印象已經比較模糊，最近有朋友話想黎哩度晚飯，所以又再黎多次。一出電梯已經俾凡高嘅仿畫包圍，就算唔識藝術都覺得好colorful好靚。門口仲有對鸚鵡歡迎你。幾年冇黎，餐廳俾我感覺同之前好唔同，因為成間餐廳燈光明亮左，另外除左有更多凡高嘅仿畫之外，其中一幅牆仲畫左《夜晚露天咖啡座》嘅壁畫，鮮艷嘅色彩非常啱打卡。就連枱上面嘅枱墊都印左凡高嘅畫作。佢地個Ｍenu非常豐富，除左散叫，仲有好多唔同組合嘅套餐，連到會都有，套餐有平有貴，梗有一款啱心水。最後我地揀左兩個Set Dinner，套餐由$268至$378，包左前菜、餐湯、麵包、主菜、甜品同餐茶，另外仲可以加錢轉其他野飲或者甜品。前菜 - 油潤嘅巴馬火腿配清甜哈蜜瓜，旁邊伴有新鮮沙律菜，醋汁足夠。雜菜湯 - 餐湯係雜菜湯，唔啱飲都可以加$38轉野菌忌廉湯。雜菜湯都幾多料，入面除左洋蔥同紅蘿蔔，仲有啲豆，唔會太酸。餐包 - 上枱時仲係暖嘅，食落夠鬆軟。絕炒尤物 & 莫加咖啡(跟餐加$20) - 絕妙尤物其實係水蜜桃乳酪，好香甜水蜜桃味，加埋乳酪酸甜味令人胃口大開，杯底仲有煙韌啫哩。莫加咖啡咖啡味就比較重，如果本身鍾意朱味嘅就點返淨朱古力好啲。燒美國豬肋骨配燒烤汁($298) - 豬肋骨有兩塊，下面仲有多幾條骨，肉質軟腍唔會太乾同太痴骨，配埋甜甜地嘅燒烤汁好好食，旁邊仲有蒜蓉香草醬薯角同雜菜。意式馬賽海鮮飯($288) - 海鮮飯上面有青口、帶子、大蝦同青紅椒，每粒飯都俾海鮮汁包住，所謂海鮮汁味道有啲似龍蝦汁，但唔會太鹹，海鮮飯口感creamy唔會太硬，入口仲非常熱辣辣。朱古力心太軟(跟餐加$48) - 跟餐甜品係泡芙，我地就加錢轉左心太軟。心太軟切開超流心，入面嘅朱古力醬好快就流晒出黎，心太軟唔會太乾太硬，蘸埋濃郁朱古力醬超好食，配埋雲呢拿雪糕一冷一熱超正！焦糖燉蛋(跟餐加$38) - 另一個跟餐甜品我地就轉左要焦糖燉蛋，一份係有兩小個燉蛋。燉蛋好香蛋味，質地唔會太實，上面個焦糖面夠晒脆，頂層放左士多啤梨同龍珠果，令賣相更吸引。總結，熱食好夠熱辣辣，做得出色，環境方面特別鍾意佢個壁畫牆，同埋相比幾年前室內燈光較光左，打卡最啱，疫情期間，餐廳仲有定時做離子消毒，食得更放心。…Read More

今日好似入左一間藝術品，那裡都係畫作，仲有獨特裝飾，由門外到內，都係好特別餐廳。什至連防疫用既隔板都會係畫作。每一幅餐墊，都係獨特，好似把食物放係桌上欣賞。旁邊仲有一座鋼琴。出面仲有桌球仲有一張好靚既搖椅。加上環境好靜好舒服。頭盤-密瓜巴馬火腿每一張餐墊都係吾同，好有心思。獨一無二先食一個starter, 已經覺得好開胃。另外，今日餐湯是意大利雜菜湯，另人相當開胃既湯，再食住麵包，靜待主菜。同時繼續欣賞下牆上每一幅畫作。意式馬賽海鮮飯大蝦，青口，帶子配海鮮汁。今日其中一份主菜，好好味道既當中每粒米飯都吸曬個海鮮汁，相當鮮味， 個味道恰到好處。而當中既海鮮，份量都好夠。火焰美國prime 護心肉牛柳串這個火焰牛柳好厲害，上菜時師傅會幫你把酒加在燒烤盤上，然後沙一聲，馬上做出火焰牛柳既效果，立即影相打卡先。個牛柳份量超大份，共有6粒， 又厚，又大粒，又香，裡面既肉仲係好滑好嫰。配埋黑椒汁，更加之香口，個味更加濃。甜品方面今日加了$38 配焦糖燉蛋，焦糖加上相當滑既燉蛋，真係吾錯，而且真係好滑。另一份既係泡芙飲品方面都升級了特飲，是一杯熱情果雪糕梳打，天咁熱好合適，又清新又好飲。餐廳仲有提供到會，屋企開party 都可以食到。而且有做到離子消毒，係疫情下比較放心…Read More

"Starry, starry nightPaint your palette blue and grayLook out on a summer's dayWith eyes that know the darkness in my soul"梵高的畫作以大膽的色彩和濃重的筆觸所聞名，訴說著蒼凉孤寂的一生，想當年讀書時曾經一訪位於荷蘭阿姆斯特丹的梵高博物館，即使事隔多年依然令我念念不忘，其實在香港銅鑼灣也有一間Vincent Van Gogh主題餐廳 - 凡高廚房。一踏進這間別緻的小餐館，一張英式桌球檯及一室磚紅色的牆身，猶如親歷Vincent Van Gogh的作品《The Night Café》中的場景。於昏黃燈光映照下，裝修風格甚具懷舊的歐陸情懷，瀰漫著令人迷醉的浪漫氣氛。大牆壁畫還以梵高名作《Cafe Terrace at Night》作佈置，仿如置身其境，於這種文藝氛圍進餐，閑靜畫意不禁令人放鬆心情。大壁畫加上花海片片的古典千秋椅美不勝收，尤其適合影相打卡。Set Dinner 總共有六款選擇，每份就已包括餐包、餐湯、前菜、主菜、甜品及飲品。凡惠顧晚市套餐更可以優惠價選購特飲、甜品及花茶。是日餐湯為雜菜湯，配上微溫餐包。湯頭真材實料超多雜菜，酸酸蕃茄味尤其開胃。餐包質感鬆軟，拌以牛油。歐陸式前菜小食為Parma Ham 伴蜜瓜，火腿鹹度適中，肉質細緻有餘香，蜜瓜天然香甜。火焰美國Prime護心肉牛柳串配牛肉燒汁伴蒜蓉香草醬薯角 $328上桌時會淋酒，剎那間於暗黑之中閃出藍藍火焰，甚有氣勢。串燒雖然看似是簡單直接的烹調技巧，但其實難在如何控制以高溫烤熟食物又不傷食材，這裡的牛柳串相當厚肉，份量十足。牛柳中心呈鮮嫩粉紅色，火喉控制得剛好，肉質細嫩鬆軟，保留飽滿肉汁。燒美國豬肋骨配燒烤汁伴蒜蓉香草醬薯角 $268豬肋骨色澤鮮亮帶焦香，沾滿酸甜的燒烤醬，令人胃口大開，色香味俱全。豬肋骨咬一口肉輕易便離骨，不會過韌，脂肪不多，所以吃完也沒有肥膩的感覺。薯角雖然只是配角，卻是出乎意料之外地有驚喜，表面微微燒過略帶香脆，內裡質地粉糯，相比平時的炸薯角肉心更加軟綿細密。是日甜品則有焦糖燉蛋和朱古力芝士餅，隨晚餐附送。燉蛋與熱糖衣呈現溫差的對比，還有那一嫩一脆的極端質感，焦糖燒得香脆，下層的燉蛋入口綿柔。朱古力芝士蛋糕口感濕潤綿密，甜度剛剛好，不會過膩。朱古力心太軟 $48作為朱古力控，當然不放過以優惠價追加心太軟，擺盤賣相精緻誘人。切下脆脆的表層就會緩緩地流出朱古力醬溶漿，不會變成固體，伴雪糕吃，一冷一熱，就是最高享受。花茶二重奏 $38自選混合兩款花茶- 玫瑰花茶及桂花茶，滲出含蓄清雅的花香，消滯解膩。青蔥米蘭 $28即是青蘋果梳打，配上一球雲尼拿雪糕，冰爽透心涼。…Read More

時間緊密的我，放工後總有不同的約會及活動。呢間位於銅鑼灣的凡高廚房一直都係我的To-Eat-List內，但一直都無機會。今次為了慶祝公司出了Bonus，所以就同同事去食餐好的。一入餐廳就已經聽到柔和的音樂，有位現場歌手邊彈結他邊唱Live，整體感覺好Chill好舒服。餐廳除了有Menu Set外，仲有2人同4人餐。見到Menu有份食牛扒及「頂級和羊」，靚的牛就見得多，和羊就真係第一次見了，所以我兩話不說就叫左呢個餐了⋯⋯ 下單後，職員就拎左的新鮮餐包比我們。熱辣辣的餐包加了點香草好香，加埋軟綿綿的口感，絶對值得就咁不Dip湯食。周打魚湯Blend得夠蓉，而且口感細膩，整體不錯⋯大愛蘑菇的我，最終都敵不過「98%野菌忌廉湯」呢個多麼誘人的湯！呢碗蘑菇湯用了8種不同的菇而整成，飲落菇味當然好香，而且唔係單一的菇香，入面仲有松露的香架！餐廳專登不完全Blend爛晒D菇，留返少少的顆粒感，黎增加湯的口感。好多餐廳都花心思去設計主菜，往往卻忽略了前菜的重要性⋯ 一個好的前菜會令人更開胃並更期待主菜。餐廳完全做做到呢一點，本身見到Menu上的前菜寫為「歐陸式小食」，本身我都無咩期望，點知上菜的係三文魚黑松露忌廉卷！熟蝦D肉唔霉，點埋個Pesto Sauce，個味好夾。煙三文魚包住黑松露Cream Cheese，黑松露的味道恰到好處，唔會蓋過Cream Cheese的香滑，又唔會蓋過三文魚的鮮味。餐廳用了Dried Aged的美國頂級Prime肉眼排，利用恒温風乾20-45日去軟化牛排的纖維及流失過多的水份，令肉汁更濃郁。加上炭燒快速鎖住肉汁，整塊牛排非常Juicy。我們叫左5成熟的牛排，入面粉嫩但無血水，烹調得岩岩好。和牛就見得多食得多，但和羊真係第一次試！呢份凡高頂級和羊餐用了澳洲頂級的羊種，一份有3條骨，每條骨都有厚厚的肉。入口多汁，口感嫩滑。鍾意食比較Raw的我，羊架我揀左5成熟⋯ D羊靚到5成熟都唔係好羶。一般羊都係草飼，肉質會實少少，但餐廳用了提煉紅酒的葡萄渣黎餵羊，所以肉質軟熟。另外值得一提的係羊架的脂肪都好平均，唔會一啖肉一啖脂肪，所以每口都好滋味！不得不提的係薯菜都好高質，除了烤瓜類外，D薯粒真係無得彈。外脆內軟的薯仔加埋香草醬，切埋一口的Size，食起黎好方便。餐的精選甜品係焦糖燉蛋，個蛋食落好Creamy，係面的糖夠薄夠脆，而且甜度都岩岩好。我好鍾意食即焗的甜品，餐廳有梳乎厘，我當然願意加錢要一份。餐廳職員非常貼心地留意你食主菜的速度再去準備甜品。梳乎厘有雲尼拿及薑汁可以揀，我今次就揀左雲尼拿味。梳乎厘食落夠輕身，但又唔會跌得太快。但我覺得微微甜左少少，如果大家唔想太甜，可以試試薑味，食完好食記住話我知。雖然個價錢唔算好平，但食到呢個水準，的確抵食。好適合生日、Anniversary等場合食。餐廳有包場服務，如果有好多人的話，可以考慮下包場。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…Read More

今日放假同屋企人食個舒服的午餐就去了銅鑼灣這間凡高廚房，聽到名字都好有藝術的氣息！上到去環境都很舒服，好有歐陸的風格有午市套餐和行政套餐，我地4個人點選了2個行政套餐和一個午市套餐意式雜菜湯是日餐湯是濃濃的雜菜湯蘑菇湯好濃郁的蘑菇香氣又細滑！凱薩沙律行政套餐跟餐湯和沙律，好新鮮的沙律黑松極黑豬胺架豬胺好冧味道唔錯而且個汁好入味，好岩我的口味。法式魚柳酸瓜橄欖扁意粉份量都很足夠，味道配合得很好意粉軟硬適中餐飲點左一杯咖啡，好細滑香濃嘅味道最後套餐包左個甜品，係焦糖燉蛋…Read More

前陣子有梵高電影上演，恰巧在網上被這間「凡高」吸引，於是就約友人到這裡晚餐。歐陸式的門口，已佈置了聖誕裝飾。一入內，就見到有張桌球枱，又有韆鞦，原來這裡吃喝玩樂都一應俱全 而且周圍都滿佈了梵高的作品，富有藝術氣息。 餐牌亦花心思......太多選擇喇！最終揀了兩款不同的套餐 ("Today Chef Special" & "Set Dinner")，可食多些不同種類的食物 歐陸式小食~意式血腸，第一次食，其貌不揚，味道不太濃郁，OK！鮮蝦煙三文魚卷，配上酸酸甜甜的醬汁及新鮮的蔬菜，開胃！兩款餐湯均足料味濃！炭燒美國頂級 Prime 牛肉眼，七成熟，真的如圖所說，肉質嫩滑，味道濃郁 燒美國豬肋骨配燒烤汁，外層香脆，內裡軟腍，再配燒烤汁，很入味！甜品是焦糖燉蛋，燉蛋質感細滑，不太甜！最驚喜是這款甜品，很美的「作品」，為這頓晚餐畫上完美的句號 ^_^…Read More

幾年前朋友曾經喺呢度包場慶生，面書彈出相片回顧，令我再次諗起呢間餐廳，所以上星期就訂好位同朋友聚舊懷緬一番。今晚黎到客人唔太多，正好靜靜哋傾計。凡高廚房最出名就係澳洲和羊，但我同朋友都唔食羊，無緣一試。兩個人叫左炭燒美國頂級Prime牛肉眼伴牛肉濃汁套餐$428 同 晚餐E - 煎刁草挪威三文魚伴白豆牛油檸檬忌廉汁$278 一齊開心SHARE~ 食物上枱時擺碟好精美，仿如藝術品。廚師精心製作，將藝術融入美食，好欣賞，未食先LIKE!歐陸式小食 - 鮮蝦伴煙三文魚卷，用煙三文魚包住青蘋果西芹沙律，再用鮮蝦陪襯，味道清新鮮甜。歐陸式小食 - 蛋角伴黑醋汁沙律，黑醋汁沙律酸味，特別醒胃。廚師精選餐湯 - 南瓜忌廉湯，南瓜味香濃，仲用忌廉畫上圖案~是日餐湯 - 椰菜忌廉湯，比較少機會飲到嘅忌廉湯，將椰菜花攪碎，入口好幼滑。香草餐包 - 自家配方，外面鬆脆，裏面鬆軟。 炭燒美國頂級Prime牛肉眼伴牛肉濃汁，深深嘅烤紋，一上枱就已經聞到好香嘅燒烤味，而且份量好足。店員再即席磨碎阿拉斯加岩鹽提味，感覺特別好味。牛肉眼下面有煎薯仔，外面薄脆，入面軟腍，仲吸收左啲肉汁，正!肉鮮粉嫩，牛味濃郁，就算唔配上牛肉濃汁，都已經好夠味。可惜今次有啲韌，亦有少少根位，未能做到入口即化。煎刁草挪威三文魚伴白豆牛油檸檬忌廉汁，香草薯蓉極之幼滑。三文魚皮灑上黑椒同刁草，煎得好香脆，口感極佳。餐飲叫嘅熱咖啡，要讚一吓，唔駛加錢就有即磨咖啡，特別香濃。難得牛奶亦有加熱過，唔會減底咖啡溫度。咁美味嘅一餐梗係要用心愛嘅甜品作結。加$38將個甜品轉左一客焦糖燉蛋，燉蛋濃滑，焦糖脆口。又加$48轉左一客朱古力心太軟，好精緻。一切開啲朱古力漿就湧晒出黎，香濃又唔太甜，Bravo~除左美食靚到好似藝術品咁，播放嘅音樂同周圍嘅環境都好有藝術氣息，好以去咗藝術館咁。餐後店員更主動提議幫我地合照，仲建議我地行去佢餐廳嘅打卡熱點 - 波枱後嘅花花鞦韆椅影相就最靚喎。服務好貼心!…Read More

究竟凡高同餐廳有咩關係呢？點解用凡高呢個名？我估餐廳老細應該幾中意佢既作品餐廳内有唔少佢既作品，同裝修幾有藝術既氣氛，令人好舒服，好有韻味！一到門口己經覺得裝修好有心思，有啲花花草草既佈置，而入面就有唔同既畫作、擺設，餐廳俾人高級、寧靜、放鬆既感覺。對住櫃臺有一張桌球枱，職員話有興趣可以玩。仲有一個秋遷，雖然唔可以fing，但可以坐上去影相，效果幾靚！甘有咩食呢？都有唔少款既set dinner同散叫食物。以免麻煩，所以我地叫左晚餐，物都有！1.招牌澳洲和羊餐 $3982.地中海式火焰牛柳串燒 $298每個餐都有前菜、餐湯、餐包、主菜、飲品同甜品。前菜蛋餅，唔會好大舊，好香雜菌味，面頭有啲菇，挺滑的。三文魚卷上面有一只大蝦，幾爽口。煙三文魚唔會太咸，攤開都幾大塊，捲住入面既係酸酸地既雜菜，兩者夾住一齊食塊幾夾。呢個湯好值得推介，似乎都係呢度既招牌菜！真係落左好多既磨菇，因為飲落好香濃！平時飮既可能忌廉關係會杰杰地，但呢個係只為多磨菇而杰。磨菇唔係全部打到融晒，仲有啲一粒粒甘，有口感。喜歡磨菇忌廉湯既朋友一定要試！餐包上枱時熱既，值得讚牛油唔同平時食開既味道，好似加左香草或其他香料，令到個牛油更香同特別。主菜其實我唔知咩叫地中海式，不過唔緊要，好食就得！未上碟前，侍應係捧住個鐵板，牛柳仲係上面煎緊，黎到先放上碟，所以上到枱仲係好熱。首先，牛柳約六七成熟，間住係西椒同菇，牛柳咬落去好林，較易咬開。調味料唔重，只有黑椒同鹽，我估，唔夠味可點個汁，不過我就喜歡原汁原味！另外，幾中意佢個薯菜！薯角先炸過，再撈好似加左芥茉既蛋黃醬，好好食！和羊扒講真，之前真係未食過和羊，聽個名應該好似和牛甘係高檔野！唔講唔知，原來和羊係澳洲頂級羊，餵飼製作紅酒既葡萄渣😁唔知有無酒味呢？😏伴碟有心思，望落塊羊好似好細塊甘，但厚身，加埋其他野食絕對夠飽！肉質方面，同平時既真係食得出分別，有少少肥肉痴住，好林，好似靚牛扒甘林！約八成熟，無物羶味，整體唔錯！甜品芝士蛋糕，細細舊，芝士味濃，如果大舊啲會更好！焦糖燉蛋，一如所料，好滑溜，重蛋味，唔會太甜，適中！餐飲總括黎講，呢度環景同食物都一流，係位置爭啲，未必知呢度有間餐廳。推薦大家黎試下！…Read More

前排難得全家三大一小食餐飯，就豪爽咁book左openrice好評十強第一名の凡高餐廳聽個名都知藝術型設計，入到去個吓發現桌球吊椅居然仲有專人點蠟燭，比想像中更浪漫更有feel。今次黎主要係難得地食好野，於是懶理價錢！跟翻出餐順序：三個大人嘅頭盤 @鮮蝦三文魚沙律作為刺身迷，包成呈球狀嘅三文魚肉新鮮濃郁，香膩軟滑，包住沙律係入面多一口清新感。薄餅兒童餐：有炸芝士球、薯角、雞翼、薄餅、雪糕泡芙加杯橙汁。外送小型lego一個。每樣少少裝係米奇老鼠餐盤絕對係小朋友摯愛。特別係芝士球，小朋友表示好好味仲唔夠食龍蝦義大利飯餐（+餐包, 餐湯, 飲品, 芝士餅)排盤好靚，千里飄香，龍蝦肉並唔多，但從未食過咁入味嘅意大利飯！非常濃嘅海鮮香味，因為重口味容易膩所以份量岩岩好。7成熟炭燒牛肉眼餐厚切牛肉配黃芥末同薄荷醬，另上香濃肉汁絕對係加乘。肉扒邊係軟膩嘅肥肉，其他成塊無骨全部係鮮嫩嘅部分。蘸下肉汁，肉香滿溢。今次呢件扒咁大一塊一點兒連筋嘅地方都無，配薯仔同瓜菜，真係飽得好滿足。不得不提畫龍點睛嘅甜品，根據openrice推薦叫左芝士餅、焦糖燉蛋。焦糖燉蛋絕對係一絕！上層嘅焦糖薄而焦脆，配搭下層嘅滑溜燉蛋，絕對係味蕾上嘅享受！食完一個都仲想再食！試左咁多埋單都只係四位共千六，呢種價錢高級餐廳嘅享受絕對無黎錯地方！店主非常友善，今年內暫時最好嘅用餐體驗，如果再有紀念日撐檯腳或者家庭朋友聚會，絕對首選呢度…Read More

一進入餐廳己感覺到自己的藝術細胞蜂勇出來了。牆上掛滿了仿畫凡高得意傑作，樂器的裝飾，還有昏暗的燈光效果，氣氛浪漫。晚餐有多款選擇，價錢由二百多至四百，迎合各人所需。煙三文魚雜菜卷是個不俗的開胃前菜。洋蔥湯我心頭好，一絲絲的洋蔥有囗感之餘，味道不過鹹，如加少許芝士放面，相信更加完美。餐飽一絲不拘，熱乎乎，輕巧軟熟。主菜的炭燒美國頂級肉眼扒用了Dried-Age方法處理，吊在恒溫箱內約二十至四十五天。這可另肉質纖維更加軟嫰，雖然肉汁流失了一點反而另肉味更加濃縮。先是陣陣炭香樸鼻，切落肉質軟腍，入口果然充滿牛脂香。配菜的薯角亦花了心思，炸後加入了香草調配的醬汁撈起，另口感濕潤點。焦糖燉蛋甜度恰到好處，有嫩滑的口感，還有焦香。即磨咖啡亦不錯，濃郁芳香，完美晚餐的終結。…Read More

情人節將至，男友帶我來他上次幫公司叫到會時發現的隱敝浪漫餐廳，趁人少少預早慶祝情人節。位置鄰近地鐵但在某大廈2/F，幸有他帶路才識來。 餐廳樓底算高不感侷促，梵高油畫 / 小提琴 / 雕塑等裝飾富藝術色彩，帶點復古高級感，桌上的小畫框裝飾也很精緻，加上燭光更添浪漫情調，確是約會的好地方～我們點了梵高頂級和羊餐 及炭燒美國頂級牛肉眼餐，大家Share分享滋味～煙三文魚酸雜菜卷，蝦肉鮮甜，煙三文魚味濃，加上椰菜甘筍的白醋酸味，酸甜醒胃～野菌忌廉湯，味道香濃，除了嚐到矜貴的黑松露味，還喝到一粒粒野菌碎，口感層次豐富!梵高頂級和羊 (Medium Well) ，羊肉軟腍適中，肉汁豐富鮮美，還富濃厚碳燒香味，回味無窮～ 配菜薯條香脆，加上沙律醬，滋味十足!炭燒美國頂級牛肉眼 (Medium Rare) ，肉質腍滑軟嫩，脂肪肥美入口即化，同樣嚐到濃郁肉汁及碳燒香味!焦糖燉蛋，富香醇的蛋味及奶味，但焦糖甜味略淡。個人覺得甜品普遍不夠甜，但他則欣賞這裏的甜品不甜膩，合男仔口味。美國紐約芝士蛋糕，帶微微芝士香味，甜度也較低。整餐份量十足，尤其高水準的和羊及牛肉眼令人回味，加上精緻裝潢，簡直是味覺視覺的雙重享受～ 希望他有空再帶我來，一起品味高級浪漫的美饌～…Read More

呢晚嚟到「凡高廚房」 聽個名已經自然令人猜想同梵高嘅畫有啲關係.... 一出升降機門 就見到佈置得好似森林小屋嘅門口.... 入內後 燈光幽暗 播放住輕音樂 有落地玻璃 氣氛頗浪漫.... 有張桌球檯 旁邊有掛滿藤蔓嘅鞦韆搖椅 在望下牆 真係掛滿梵高嘅畫！每幅附有簡單文字簡介... 原來餐廳佈局係根據畫作內容嚟設計每檯嘅小擺設亦貫徹主題 連假花盆都插咗枝畫筆 XD 有客人坐底 店員就會主動斟水 提供menu和點上蠟燭呢晚餐廳老闆都喺度 除咗招呼客人 更會親自入廚房準備食物 又會過嚟介紹菜式或者吹下水... 部分食物命名靈感係源自老闆出國遊歷過嘅地方 亦引入咗一啲特色飲品/食品小妹和友人被新奇嘅「Italian Mocktail 意式梳打雪糕」吸引住 分別order咗「東方快車（荔枝味）」和「羅馬紅草原（草莓味）」 梳打係水果味 雪糕係雲呢拿 上面鋪上一舊cream... 水果味偏淡 主角係雲呢拿和忌廉 原來梳打和忌廉相當襯（就好似忌廉溝鮮奶！）所以千萬唔好擔心雪糕溶哂禽禽青食哂佢 反而要等雪糕和cream慢慢融合... 或者可以攪下佢等佢快溶 始終要趁凍飲menu內有多款海鮮拼盤可以選擇 最近仲有減價優惠 雖然寫明「敬請預訂」 但為食嘅小妹向店員詢問之下 發現有現貨供應！小妹特別想食蟹同翡翠螺 於是揀咗$298嘅「2人份睡蟹拼盤A」 包含半隻法國睡蟹、2隻加拿大翡翠螺、6隻法國藍青口、4隻太平洋虎蝦、2隻生蠔附有三種醬料：檸檬汁、醋、mocktail sauce（像茄汁加黑椒粒） 亦有食蟹必備嘅剪刀同長籤其實嘛 如果海鮮鮮味夠濃郁嘅話 係唔需要醬料嘅～～ 翡翠螺同生蠔嘅海水味十分令小妹難忘！翡翠螺幾乎好似雞蛋咁大隻 爽口程度可以媲美魚蛋法國睡蟹係第一次食 算係大隻嘅品種 蟹鉗都幾粗壯... 而最大賣點係多到滿瀉嘅蟹膏！半個蟹殼裡面全部係膏！有黃有紅.... 當然 蟹肉都唔少另外order一個 Dinner Set 先來一客歐陸式小食前菜——蛋餅 貌似蛋糕切餅 連細節都相近... 外層係「餅皮」 經過香煎 比較厚同煙韌... 內層雞蛋有好多氣泡 咬落好似蛋糕咁鬆軟... 有明顯嘅燈籠椒同火腿味Dinner set附送餐湯 不過老闆極力推介「98%野菌忌廉湯」 所以我哋決定加$28試下 果然係名副其實嘅「98%野菌」 濃度好高 湯裡浸滿用人手壓碎嘅雜菇... 如果將佢比喻為粥 都煲得幾綿——水份同餡料混和得宜主菜方面有「香煎勺草挪威三文魚  配  法式忌廉薯蓉  香檸牛油」 三文魚最正嘅部分係煎得鹹香爽脆嘅魚皮！另一賣點係薯蓉 食得出唔係用薯粉加水開嘅 薯蓉本身無加味精 攪拌得好勻循 口感和諧 唔會忽然有幾舊特別大/硬... 撈啲白色嘅牛油忌廉醬落薯蓉 可以令薯蓉更香滑！同香脆嘅三文魚一齊放入口非常正！Dinner Set 附送一客甜品「焦糖燉蛋」 小妹貪得意用匙羹敲下層焦糖 一敲 就好似冰塊「噹」一聲咁裂開... 下面嘅燉蛋水份較一般食到嘅少 模仿咗cheesecake嘅質感 效果唔錯飯後打返局檯波 結束悠閒嘅一餐！…Read More