Hogology (Caroline Hill Road)

好耐之前已經聽過佢地豬扒大件又新鮮又抵食，今日約佐朋友去鋁銅鑼灣，一於去試下！！😋餐廳位於銅鑼灣跑馬地中間，比起中心地帶，呢度帶點寧靜同隱世既感覺，而且唔係大街大巷，所以相當舒服！聽人講排隊有機會要排30分鐘或以上，所以我地特登預早d去排，不過好好彩唔多人，我地等佐大約10分鐘左右就入得去了。由於我地都好肚餓既關係，我地除咗叫主食外，另外有叫少少小食😂😂先講講主食，我地叫佐咖喱炸豬扒飯同厚餐肉煎蛋撈粗，雖然聽落好普通，但係反而正正係佢特別之處！炸豬扒大塊又新鮮，而且咬落去仲好juicy，完全將肉汁鎖住！而厚餐肉係堅！堅！堅厚！接近1吋既厚度，食落超有口感！小食方面，推介鮮炸鮮魷鬚，配合少少椒鹽係面頭，好配搭！👍🏻👍🏻美中不足係試唔到蔥油豬扒飯，竟然賣曬，希望下次再去可以食到！😫🤣高度推介！👍🏻…查看更多

今日黎到銅鑼灣食飯，聽個friend講話呢間餐廳幾好食，一於就黎試下去到發現都唔少人係到排隊，不過係出面可以拎定點餐紙點餐，入去個陣俾個waiter就得。排隊個陣隔離有個大餐牌～點餐紙蔥油豬扒飯（轉撈幼麵、加炒蛋）D蔥油多到堆左座小山，下面塊炸豬扒又好厚好大塊，再加麵同炒蛋係下面成碗野超大兜塊豬扒係炸，但冇炸到d肉乾哂，反而好juicy。而個外皮又好脆，口感超正。加埋炸蒜同炒滑蛋同個撈麵食，好好味咖喱豬扒飯塊豬扒應該係一樣，不過配飯一樣咁好食咖喱汁又好濃味，同豬扒一齊食好夾炸芝麻雞翼得2隻，不過係雞全翼，而且炸得好脆，唔錯跟餐+$5有杯柚子蜜，可能太多水有d淡鋪頭有d懷舊風我地2個人都食到超飽，但每人都唔洗$100，好抵食！…查看更多

路經幾次已經想試，今日晚上大約六點半左右嚟到，啱啱好有位可以入座，坐低左冇幾耐，見到門外已開始陸續多人，需要等位入座。豬軟骨約有4件，炆到超腍，配有爽脆蓮藕片及白蘿白，飯量十足，唔怪得聽到隔離枱嘅男士會嗌少飯啦～約有4件豬手，膠質豐富，撈粗份量足，好夠飽炸雞翼走辣，但仍然食到有微辣，塊皮炸到卜卜脆，加埋芝麻＆炸蒜，香口惹味。比起其他飲品，果汁似乎較健康，唔甜，推介店內座位有限，大部分人食完就走，大約大半個鐘內就食飽飽，出現到門口有超過十人排緊隊，而環顧四周就只有呢間小店排長龍，證明佢向同區嘅性價比算高，先會保持到一定人氣。…查看更多

銅鑼灣炸豬扒飯-終於有機會黎試試。餐廳設計明顯有擺心思，好有創意。平日晚市都要排一陣隊，餐廳裡面用餐時會見到旁邊一路炸豬扒，隻隻都係新鮮出爐，好香!餐廳既臺同擺設都貼得近，用盡每一個空間，帶出種復古餐廳風味!服務方面都好，見夥計都幾快手。試左個炸芝麻雞翼（中型有翼）：外層炸得啱啱好，脆脆地，裡面d肉都做得好嫩，再加上七味粉，辣辣地，脆脆地，正! 炸豬扒飯配肉燥汁：好大好大塊豬扒同飯，包你一定食得飽。 塊豬扒徐左大，其實真係炸得好，油味唔會重，炸漿唔會話太厚，一流!豬軟骨飯：個汁做得好，肉都都唔會話太軟或太老，個人認為徐左豬扒飯，黎個都係另一個招牌菜式!…查看更多

係大球場附近做完野，同朋友沿住加路連山道行翻去地鐵站方向，經過呢間舖就入左去食飯。餐廳既裝潢都幾有風格，座位用上摺椅，枱係木枱，餐具則用上鐵羹，成個感覺都幾特別。食物方面除左質素幾高之外，份量更是頗多，唔洗叫多飯都已經幾飽。蔥油豬扒飯既豬扒炸得好香脆，炸粉唔會厚，咬落仲有肉汁，做得幾好。蔥油方面則唔會太鹹，伴飯食一流。豬扒飯仲有蔬菜伴碟，肥膩中帶一點清新。厚餐肉煎蛋飯方面，餐肉係名副其實既厚切，而且選用嘅餐肉唔會好鹹，就算淨食都接受到。而外層有輕微炸過，增加左餐肉口感上既層次。飯既份量適中，而且又有蔬菜作伴碟，都幾健康。炸芝麻雞翼一樣新鮮炸起，芝麻好香好有口感，面頭仲有啲七味粉，香中帶辣。雞肉炸完都仲好嫩滑，肉汁豐富，相當不錯。辣味海蜇則有少少辣，而且海蜇好爽，可以增加食慾，作為冷盤小吃十分合適。整體而言，食物既份量、質素，以至服務同餐廳環境都不錯。Menu:…查看更多

炊豕店一直都係阿魚好想試的餐廳，事關他的炸豬扒都幾出名！.今次終於試到佢ge銅鑼灣分店！（總店在中環）.一如所料，係要排隊等入座（walk-in），幸好人龍不算太長，等咗唔洗10分鐘就入到去。.🐟💬：（1）沖繩豬軟骨飯（$58）.😖😖有點失望，因為豬軟骨沒有想所的軟滑，重有啲渣⋯⋯所以真係無下次😖😖🙅🏻‍♀️.（2）蔥油豬扒飯（人氣推介）（$60）.豬扒好大塊，幾乎有隻手咁大！！！！.脆漿好脆身，呢隻脆漿同豬扒係分離的，就好似食炸雞皮同雞扒咁，不過今次係豬🐽啲豬肉唔鞋，好食！.加上個飯已有肉燥汁，又有蔥油比你撈飯！所以真係會成碗飯食哂！.（3）炸芝麻雞翼（$28/2隻）.都有啲辣！不過就幾香脆👍🏻.（4）椒鹽魷魚鬚（$38）.食落有點乾，魷魚鬚不夠粗，令到口感不太好⋯⋯.🐟FISH'S REMINDER🐟💡阿魚提醒💡.（1）記得先不用心急叫蔥油，如果你叫咗飯，佢都會比蔥油你。如果真係唔夠先叫都未遲。8蚊都幾大碗蔥油的！.（2）蔥油豬扒飯會自帶肉燥汁，所以又不用另叫～🤤.（3）有好多人問呢間餐廳個名其實點讀架？.其實係讀「炊（吹）豕（齒）店」.下次再有人問你就知道了😆😆.（4）餐廳只接受八達通同現金，唔收信用卡.（5）記住餐廳星期日係唔開架🥺.🐟📝：９/10.🍽🐟📝📌炊豕店📍銅鑼灣加路連山道11號地下📞電話: 28056665⏳營業時間：星期一至六，12：00-21:00（星期日休息）…查看更多

今日同朋友黎到銅鑼灣，竟然有朋友話好想食大大碗飯！就搵到呢間出名大大碗既餐廳試下！星期六既2點幾，出面都有大概十人排隊，不過同朋友傾下計時間好快過，唔算排好內～排隊既時間，職員就會派發點餐紙，一人一張，每人最低消費$40。我地就各自叫d飯食同小食share!落雨濕濕 最好叫杯熱柚子蜜飲下。麻辣魚蛋5粒$20（走辣）因為我唔食得辣，所以以為會食到好普通既魚蛋。點知一咬落去！正！首先外面係炸過好香口，內面係有麻既香味！我超鐘意食麻，以為走辣就咩都無，點知仲保留左麻既味道，好好食啊！加埋面頭既炸蒜真係口感一流我地超貪心，樣樣都想食，先叫左個咖哩特製豬扒飯$60再追加午餐肉$10，煎蛋$8。咖哩汁係分開上，我覺得咁樣好好，唔會整淋d豬扒之餘又唔會令到d飯濕曬。先講下豬扒啦，切開有4大條，大過你塊面😂咬開既時候炸果一層唔會太厚，仲脆卜卜，我地坐個位睇到師傅係即叫即炸即切，所以好新鮮，咬開仲有肉汁流出。豬扒好厚但唔會太硬，好軟好易咬，而肉亦醃得岩岩好，唔會太咸，味道十分好！午餐肉係炸過，又勁大舊，鐘意食午餐肉既真係唔可以放過🤣隻蛋又煎到燶邊又保留返蛋黃唔熟，會唔會太勁！！我要食既炸芝麻雞翼$28（走辣）有得剔埋走辣呢個選項真係好貼心，岩曬我地呢d不辣之人。雞翼表面超多芝麻，咬落去好香芝麻味，雞樣又炸到好脆，同樣呢間餐廳既腌肉味道我好鐘意，好好食辣味海蜇$20 食落其實無咩辣味，但夠麻油味 海蜇彈牙，做前菜岩岩好。會再食啊！…查看更多

今日同朋友嚟到呢間炊豕店食晚餐，黎到6:30左右，已經開始要排隊，排隊期間已經同朋友諗定要食啲咩，原本打算食人氣推介嘅蔥油豬扒飯，但等到我哋入去嘅時候已經冇晒蔥油😭😭。唯有退而求其次，叫左秘製豬扒飯（咖喱汁）（$60）同厚餐肉煎蛋飯（$52）加肉燥汁（+$8），再加多個炸芝麻雞翼（$28）。秘製豬扒飯嘅豬扒選用炸嘅形式烹調，本身已經有香料作為調味，就算唔落醬汁，味道都唔會單調，外皮炸到酥脆，好食！厚餐肉煎蛋飯，午餐肉非常厚身，外層煎到脆香，裡面肉質仲好軟身，而煎蛋半煎半炸嘅形式烹調成荷包蛋，蛋白脆身，蛋黃流心～🤤哩度所有醬汁都同飯分開另上，可以比食客自己調節醬汁份量。咖喱汁食落去唔辣，正常發揮，而肉燥汁以肥豬肉作為主要材料，醬汁味道偏甜，兩個醬汁來講，個人比較鍾意肉燥汁。（不過我最想試吓就係佢嘅蔥油😭😭）兩個人食到好飽，最後埋單平均每人唔過百，喺銅鑼灣呢個地段來講，真係平民之選～…查看更多

平日嚟到呢間出名嘅舖頭試下佢嘅豬扒，估唔到門口咁多人要排隊等咗15分鐘左右可以入去，舖頭座位唔多，座位空間都幾窄佢做豬扒都可以做得咁出名，真係好想快啲試下佢呢度啲嘢食飲品，一杯柑桔蜜，一罐忌廉朋友叫嘅飯係叉燒粒豆角蔥花炒滑蛋飯平時都食蔥，但又好怕佢會太多蔥，所以叫咗走蔥整個飯好好撈，好易入口豆角切粒，加上半肥瘦叉燒粒，粒粒都好香，肉質細嫩，加上剛熟嘅滑蛋，整個配搭雖然有啲似小朋友嘅嘢食，但係色彩繽紛又好開胃佢飯入面嘅汁都比較多，食到尾都仲係幾濕潤秘製豬扒好大塊，一上檯真係俾佢嚇親豬扒炸得好靚，炸漿薄而貼服，包裹住嘅豬扒軟腍得嚟有質感，咬落鬆化又實在，唔怪得之咁多人嚟食佢不過肉燥汁就冇乜特別，而且醬汁不多，食落有啲乾最後嘅芝麻雞翼食落似放題個隻，不過呢度香口得多，多咗好多炸蒜，十分惹味…查看更多

之前問朋友銅鑼灣有咩又抵又好食既餐廳，朋友推薦左炊豕店，親今次係銅鑼灣附近番工，決定收工黎試下有冇講到咁好食。我地係晚餐時間7:30到達，出邊大約有15個人排緊隊，等左大約15分鐘就有得入，今次試咗期間限定嘅黃金鹹蛋燕麥豬扒飯、沖繩豬軟骨飯同炸芝麻雞翼。黃金鹹蛋燕麥豬扒飯（$65）見係期間限定就試一試佢，冇諗過黃金鹹蛋+燕麥+豬扒意外地好食。豬扒厚度適中，唔會好鞋，櫻桃小嘴嘅女士都放到入口 。份量唔細，一男一女叫左少飯都夠飽。沖繩豬軟骨飯（$56）豬軟骨飯既汁送飯一流，入邊既蘿蔔同蓮藕炆得好入味，蘿蔔好淋身而蓮藕好爽脆，帶出強烈嘅對比感。芝麻雞翼（$26）雞翼外脆內嫩，但怕熱嘅朋友食果時就要小心啦，因為啱啱炸好既關係會比較熱，有機會辣親咀仔。跟餐可以加5蚊有飲品，叫左熱柚子蜜同可樂，豬扒+可樂簡直係perfect match。…查看更多

黎到銅鑼灣呢間食炸豬排飯嘅餐廳 門面同裝修都好靚好舒服！👍🏻 入到去店員安排我地坐係bar枱 一路望住員工煮野食好鬼過癮😄 我地2個人叫左2個餐加2個小食 首先黎左個前菜辣味海蜇 啲海蛪酸酸甜甜 好開胃😋 口感非常爽 仲有炸芝麻雞翼 一碟2隻 雞翼皮沾面左芝麻同七味粉 炸得好脆 而且雞肉又好滑👍🏻 雞翼都幾大隻！我叫左柚子蜜豬排飯 超大碗！啲豬排好似座山咁樣 好大塊 總共有4件👍🏻 試左一啖個豬排 豬排肉質好嫩 唔多脂肪之餘仲好有咬口 勁香！加埋柚子蜜汁 非常清新！而白飯方面用左珍珠米 正👍🏻仲有叫左咖哩汁豬排飯 豬排都係一樣咁大塊👍🏻 而個咖哩汁有薯仔做配菜 咖哩汁有小小辣 而且好濃郁 係甜甜地嘅日式咖哩味道 撈白飯真係好好味！…查看更多

1.肉燥汁秘製豬扒飯＋煎蛋（＄54＋＄7)豬扒真係超級大塊又厚肉😱😱😱，女仔多數食唔晒，加上濃郁嘅肉燥汁，令成件事生色不少，不過肉燥就肥豬肉就比較多啦，但的確係幾香，加埋隻煎蛋，就更正啦！🤤🤤🤤彤樂評分：9/102. 柚子蜜豬扒（＄60）（期待限定）酸酸甜甜嘅柚子同厚切豬扒原來幾match，柚子完全可以減低豬扒嘅油膩感同罪感😁，食晒都唔覺肥！不過我都係鍾意之前嘅避風塘豬扒飯多D😂彤樂評分：8.5/103. 沖繩豬軟骨撈粗麵＋炒滑蛋（＄56＋10）撈麵偏身，所以加隻炒滑蛋會好好多，口感濕潤度好D，豬軟骨幾軟腍，但唔夠滑，同豬扒相對失色D啦！😕彤樂評分：7.5/104. 炸芝麻雞翼（＄26)雞翼炸到好香口，唔會多油分又唔少好辣，食落好甘香又肥美，芝麻同炸蒜令平凡嘅雞翼更好食。😋彤樂評分：8.5/10…查看更多

呢一日黎到銅鑼灣工作，做完野第一時間緊係醫肚啦黎到加路連山道見到呢度有好多食店, 即時胃口大開!!無幾耐見到有條長長嘅人龍, 原來係一間食豬扒飯嘅舖頭都好耐冇食過豬扒飯, 一於排隊試下佢有幾架勢先。我地大概等咗3個字就入得, 繁忙時間黎講都算快。大大個店名炊豕店店內人頭湧湧，座無虛席，地方唔大，要搭臺牆上有句可愛嘅slogan "我們都是食豬大的"我地分別叫咗個秘製豬扒(肉燥汁)撈粗麵($54)+滷蛋($7)、沖繩豬軟骨飯($56)、炸芝麻雞翼($26)炸芝麻雞翼($26)雞翼落咗類似七味粉嘅調味粉，辣辣地幾惹味不過略為細隻咗啲，如果多兩隻就好啦。沖繩豬軟骨飯($56)估唔到會用蓮藕做配菜咬落幾爽口喎！而主角豬軟骨就十分之腍同埋入味，冇牙人士都食到套餐配嘅白飯係珍珠米，幾有咬口Ｐ.Ｓ. 另外幾欣賞佢有得揀少飯，可以減$1架！啱哂細食同唔浪費之人，抵讚呀！秘製豬扒(肉燥汁)撈粗麵($54)又一驚喜，估唔到豬扒都可以撈粗，而且配肉燥汁，幾特別！豬扒好大塊有四切件，一樣都係好鬆軟，食落唔會＂鞋烚烚＂，仲有陣新鮮炸出黎嘅油香味我地仲加配咗一隻滷蛋($7)，同一般食到嘅差唔多，不過佢地比較入味，食完仲想再食！而個人認為撈麵好食過塊豬扒，粗麵唔會煮得過硬或者過腍，索咗肉燥汁之後更好味，唔會過咸，推介呀！！跟餐飲品都幾多選擇，雖然都係大路野，我地就揀咗蘋果汁同熱蜂蜜柚子，兩款都好味！不過如果大杯就更好啦餐單…查看更多

說起炸豬排，一定想起台灣的夜市雞排，每次去台灣都一定要吃個夠，麵衣酥脆香口，豬扒入口鬆化，相信無人不愛，咬了一口，就很難停下嘴。朋友向我推介這家人氣高企的台式炸豬排飯，豬扒愛好者一定要試一試。晚上六時多，等候了一會兒就入座。店內不大，裝潢簡樸，走台式閒適風格。設有吧台和雙人座位，座位於與座位之間狹窄，不過顧客吃完就買單走人，翻桌率很高。每位最低消費$40，主要提供炸豬排、豬手和豬軟骨等，再配白飯或麵，可另外配雞蛋、午餐肉等。此外還有小食如雞翼、炸魚蛋、豆芽等。⭐️秘製豬扒（肉燥汁）$54份量很足夠，價錢很合理。只看賣相的話，比起一般的台式豬扒，這豬扒不算非常吸引，沒有厚脆的炸皮，因為麵衣較薄，沒有上炸粉，應該只沾粟米粉漿炸。麵衣出奇地香脆，豬扒很鬆化，就連肉燥汁也不俗，米飯吸滿鹹香可口的肉燥汁，令人忍不住一口接一口地吃！⭐️話梅花雕豬手 撈粗麵$50豬手很入味，味道很夠，而且肉很嫩，配上粗麵和炸末，很有新鮮感，因為平時很少吃粗麵，想不到粗麵吃起來非常彈牙呢！⭐️炸芝麻雞翼$26雞翼同樣香脆，惹味可口，喜歡炸物的可以一試。⭐️滷水雞翼$20滷水雞翼也很入味，不過連續吃了那麼多雞翼，實在有點吃不下了，哈哈！⭐️熱蜂蜜柚子$5蜂蜜柚子只需要$5一杯，實在很便宜呢！▫️想不到銅鑼灣有一家有水準的台式小店，環境雖然一般，但這家店的炸豬扒的確有水準，價錢也合理。…查看更多

「炊」即燒火，「豕」即豬，加上店舖的名言「我們都是食豬大的」，這裡是名符其實的炸豬扒餐廳。七時多來到已出現人龍了，等了十多分鐘有位，而吃過這餐之後，敢說這裡每天都引來大批人排隊是有它的原因的～餐廳內部較細所以椅子排得比較貼近，這次坐吧枱好讓我竊看到黃金豬扒的製作過程～餐廳的色調沈實，有懷舊的時鐘裝飾，簡單純樸。整塊豬扒炸得金黃色的，超大塊，整塊蓋過了白飯，豬扒厚身但依然醃得很入味。肉燥汁的肉不太多，加了炒滑蛋（+$10）就煮得很滑。這個避風塘豬扒簡直是重量級，份量依然是超大份的，加了無數的炸蒜，令味道非常香口，肉質少肥而鬆軟。粗麵就比較乾身，因用夾子拌起所以麵條都黏在一起了。炸雞翼用雞全翼，放了很多芝麻和炸蒜，而且肉邊炸得夠脆～…查看更多