Mon Kee Cafe (Kin Lee Building)

一直都喺灣仔呢個24/7度做gym通常做完gym都會去旺記食最招牌嘅叉燒炒蛋飯，假設三隻蛋🥚🥚🥚加埋叉燒應該都有40 gram protein上個禮拜六去食，餐廳依然滿咗氣氛10分熱鬧，但係叉燒炒蛋飯嚟到嘅時候感覺好似細咗調味一樣咁正最好味係佢個豉油汁，但係叉燒嘅份量真係好似少咗少少，食完都要返屋企食到兩個雞胸先夠飽🥵食飯途中有個小插曲隔籬座位有對情侶喺度傾話而家啲茶餐廳嘅differentiation究竟喺邊度我覺得呢個問題都幾得意，上香港茶餐廳只有分為top 5%，其他都係一直生存，但係就冇人知道點解佢有啲咩招牌菜式或者有啲咩好食gains power: 6/10taste: 8/10…Read More

呢間旺記冰室成日都好多人，於是我決定排吓隊入去食lunch店家話全部都喺用日本雞蛋，等我試試佢先★̆̈ 自家製叉燒 日本滑蛋飯 （$60）雞蛋真喺好滑，叉燒味道都唔錯但瘦咗少少，配埋旺記秘製甜豉油同蔥真喺好開胃，一唔小心就會成碟飯清哂，汁撈飯真喺邪惡之選★̆̈ 特濃蕃茄湯午餐肉粒通粉 （$56）- 配鮮牛油多士 & 4.3 牛奶炒日本滑蛋原本覺得呢個咪姐係常餐，但食落個餐肉真係好出色，睇落似喺有少少炸嘅感覺，食落好脆，味道仲要幾好食，食完會想再食蕃茄湯底有少少蕃茄渣，飲落都冇假甜味或蕃茄醬味 ❣️滑蛋就唔洗再講啦，至於牛油多士就一般，冇咩特別天氣熱就加咗$2凍奶茶，奶茶唔錯，但熱嘅會濃啲一定會比凍嘅好飲…Read More

公司有展覽要去會展開檔，平時唔知灣仔有咩好食，又怕貴，又怕人多，OpenRice 下見到呢間冰室，岩岩好幫我搞掂左食咩好嘅煩惱。聽聞呢度出名滑蛋叉燒飯（$54），見佢灣仔區做呢個價咁吸引，於是叫左碟試下。女仔來講呢碗好大碟，唔油膩，多蛋，蛋非常滑，好好食。叉燒有少少肥，口感味道剛剛好，加上佢夠火夠熱，返工做到冇左半條命嘅我，唔食都唔知原來自己咁肚餓。跟餐叫左杯熱咖啡，提下神再繼續返去開工。下次再來會展開檔，會再試埋其他款。…Read More

今日係灣仔附近返workshop lunchtime一於同同事試下旺仔🤤🤤🤤 聽聞個秘製醬汁好好味12.幾去到已經好多人等緊 我地一行6人 等左十五分鐘就入得🤪 大家都叫左秘製滑蛋叉燒飯 滑蛋的確好嫩好滑口 叉燒入味 加埋秘製豉油撈飯真係好正🥰 好容易就將成碗飯食曬飲品我就揀左茶走，夥伴可能落煉奶太重手，搞到杯野飲好甜🤮🤮價錢又吾貴，一個正常茶記。雖然出面有好多人等，但夥伴都無催我地，態度幾好推薦:⭐️⭐️⭐️⭐️…Read More

最近睇到好多ig不約而同介紹呢間，一於平日lunch黎一試，旺記果然好旺，等左足足30分鐘先有位🤣•🍖自家制叉燒🥚日本滑蛋飯（$54）蛋同叉燒既份量都好多，舖滿成個飯，睇到食慾大增🤤佢地既用左4.3牛奶黎炒日本滑蛋，果然真係超。級。嫩。滑🤩勁香既奶同蛋味，應該係我食過咁多滑蛋中最好食既💕叉燒都不過不失唔會話太鞋。加埋香蔥同秘制甜豉油，令成個味道更豐富。d飯煮得岩岩好，夠乾身，勁大碟，建議細食既話可叫少飯💁🏻‍♀️撈埋秘制甜豉油好好食👅————————————（5⭐️滿分，💫為半分）整體環境：⭐️⭐️⭐️食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️————————————#fatfatman灣仔#fatfatman茶餐廳————————————📍旺記冰室 (灣仔)灣仔謝斐道142號建利大廈地舖#hkfood #hkfoodie #foodie #hongkongfoodie #instafood #hkig #hkigfood #hkeat #eat #f4f #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #相機食先 #吃貨 #食好西 #食評 …Read More

灣仔謝斐道一帶好多野食，一到lunch時段就非常之多人， 試過附近不少餐廳，今日我又忍唔住去重溫自家製叉燒滑蛋飯。旺記冰室真係好出名，次次都要等好耐先至食到，但都係值得等因為實在太好味。佢的選擇一啲都唔多，最出名嘅就係滑蛋飯，可揀叉燒同蝦仁也可雙拼，雖然選擇唔多但佢喺一間好有心嘅食市。佢寫明日日用新鮮來自日本食材，蛋同叉燒仲有精心調配醬油，次次食都冇失手，蛋真係整得好滑， 建議醬油另上，係好好味，回味無限次…Read More

念念不忘個滑蛋叉燒飯，但晚市只有滑牛咁岩公司附近原來都有旺記冰室好近地鐵站，都易搵12:45出面已經排哂長龍，我只是1位，都等左15分鐘坐低即刻落單，我嗌左滑蛋叉燒飯加熱奶茶($54)我諗等左3分鐘，就齊哂食物，好快手!見佢牆壁貼住 繁忙時間，用餐只有30分鐘。頓時覺得有少少壓力。滑蛋叉燒飯果然冇令我失望，豉油鹹甜比例好好，滑蛋好滑，叉燒是比較瘦的，岩怕肥既女士加少少蔥花，成件事香左，冇咁油膩奶茶都算香滑，不錯餐廳俾你嗌少飯，多飯，同一價錢我就嗌左正常份量，份量剛好食哂真係半個鐘唔洗食完~好想今個星期再食多次…Read More

旺記冰室四個字相信大家絕對不會感到陌生，招牌的北海道滑蛋絕對是經典中的經典。然而，旺記冰室近年分店愈開愈多，要品嚐滋味當然要試試灣仔這間本店。是日下午茶時段入座，全場爆滿，不得不說一句利害，而且分店內更貼上繁忙時段用餐時間為30分鐘更令我感受到旺記既魅力。1. 招牌滑蛋叉燒飯旺角聲稱全店使用日本產雞蛋，蛋味夠香，蛋黃夠鮮味，而且日本蛋對比本地或內地蛋品質更受保證，所以選用日本蛋作綽頭是明智之選。而叉燒方面，有別於傳統燒味店以麥芽醃製半肥瘦烤焗，旺角則是自家制叉燒味道，若單單以叉燒味道評論，旺記似乎仍需要改善，原因是叉燒表皮未有燒至卝焦香，麥芽味欠缺，但若配上滑蛋一口享用則是兩個層次。 滑蛋香口嫩滑，蛋汁蛋味非常重，不知道是否有加了牛奶關係，感覺更滑更飽滿。同時因爲叉燒不是焦香關係，未有搶過蛋香，嘗了一口終於明白為何旺記會選擇自家叉燒，能控制叉燒火喉之餘，亦確保不會過燶影響滑蛋口感。最後連同一杯忌廉即磨咖啡，為繁瑣的一天帶來小確幸…Read More

終於試到滑蛋叉燒飯！成日聽人講話好食，一個普通嘅飯點解咁多人讚？好奇心迫使我試食，完全冇失望！.當時大約一點，好多人排隊食，一邊係外賣，一邊堂食。排隊籌唔順序，大約等咗30分鐘入座，門口貼住限時食30分鐘，不過其實都夠時間。.嗌咗兩個叉燒飯，一個有蝦。凍飲加$2，凍奶茶唔錯。少飯份量對我黎講啱啱好，多飯唔洗加錢。蛋好滑，唔會過咸，飯底加咗甜豉油，份量適中，叉燒好軟稔。叉燒份量足夠。食完飯傾下計飲埋杯野，已經半個鐘。時間少少趕但對食物超滿意！員工態度亦唔差。一定會再食～…Read More

Went to Monkee around 3pm but there was still a line up. Waited for about 10 minutes before we got a table. I ordered Eggs with char Siu rice. The eggs was so good but the char Siu was a bit dry. It’s a very busy restaurant so we ate very fast and left.…Read More

近排見好多food blogger介紹所以就去左試第一次1點左右到3-4人枱要等多過10張枱所以就放棄左今次2點先去終於唔洗排隊但舖頭都坐滿哂人Order左滑蛋叉燒飯加奶茶滑蛋真係勁好食好滑好香有種可以唔洗咬就滑落肚嘅感覺好好食叉燒係薄片半肥瘦雖然平時中音厚切瘦叉燒但薄片加埋蛋同飯一齊放落口就岩岩好啦奶茶普通餐廳廳水準試左朋友order嘅薑汁奶茶好濃薑味但真係要好中意薑味先好order唔係會頂唔順總括黎講3個人都係第一次黎試一致讚好個滑蛋下次可以試下其他set嘅炒滑蛋…Read More

終於去左 #openrice零負評 既旺記冰室朝聖 每日3PM就賣哂招牌滑蛋叉燒飯 Lunch time行到街口已經見到條長長既人龍 門口仲大大隻字寫到明「用餐時限三十分鐘」 一坐底即刻叫左佢地既招牌滑蛋叉燒飯配熱奶茶 然後發現全場都係食緊同一樣野咁滯😂 結論：蛋係滑既 茶係濃既 而且個午餐$54都幾抵食 不過冇坊間傳說咁誇張 唔係值得三十幾度下排到身水身汗去食咁囉🙈💦 Taste: 👅👅👅1/2Value for Money: 💰💰💰💰(on a scale of 0-5 emojis)…Read More

經常要在灣仔開工，見到這餐廳好評如潮，但無奈餐廳收六點，叉燒飯也是很快賣光，一定要在早上或中午前來「朝聖」。剛巧連續兩個禮拜的週末都要開工，便連續兩個禮拜都來試試，一次十點左右來吃，未有午餐，就試了早餐，一次剛好過中午，就試了最有名的叉燒飯。早餐那次點了蕃茄餐肉通粉，和薑汁奶茶。因為太肚餓忘了拍照，蕃茄餐肉通粉，最有誠意是那個湯頭，濃濃蕃茄味夾著酸酸甜甜的味道，湯已經濃得不像湯，像蕃茄蓉，而且非常熱燙，吃下去很舒服，在一天早上吃到這湯能令你倍感舒適。美中不足的是，湯配的是餐肉，個人雖然很喜歡吃這種加工食品，但近年已經儘量不吃，可是這裡就只有餐肉，也不能轉別的東西。這裡的餐肉也很優秀的，餐肉切了丁，也有接近十粒，每粒也大大粒，唯獨本身餐肉的味道跟那個蕃茄湯也不夾，各有各的味道，互相搶味，最後兩敗俱傷。臨走的時候聽到有常客來吃，點的就是這個蕃茄餐肉通粉，然後要求「走餐肉」，更加肯定了我對這道菜的想法。薑汁奶茶，薑味真的很濃，配上奶茶也算好喝，本身不是愛薑之人，純粹為試而試，最難忘之後整天無論整天吃了什麼，打嗝的味道依然是滿滿的薑味，應該可以推介給愛薑之人。之後隔了六天再臨，點了午餐每人都在吃的「滑蛋叉燒飯」（其實能點的飯類也就只有滑蛋叉燒、滑蛋蝦仁、或者雙拼）。等了不足五分鐘已經端了上來，一看之下已經有點點失望：首先是叉燒，個人其實喜歡吃比較瘦的叉燒，這裡的叉燒很夠瘦，但吃下去沒什麼叉燒味，切得也很薄，燒得也很淺色，矇著雙眼吃可能也吃不出來是叉燒。滑蛋倒是一絕，非常嫩滑，蛋汁亦很豐富，份量也很誇張，絕對要讚。醬汁，其實菜色全名很長，有一半的菜色名都是在賣它這個自家製的醬汁，只能說，好吃貴好吃，汁實在過多，吃到最後都快變醬汁泡飯。飯的份量對我來說剛剛好，比一般茶餐廳的份量少，吃慣盒飯份量的人可能會嫌少了一點。飲品凍鴛鴦，中規中矩，也不多作介紹了。總括來說是正面的經驗，但兩次都有美中不足，亦沒有那種「非常好吃」的感覺，有機會也會再來的。…Read More