野川拉麵の深燒食堂

放假先嚟落雨，心情苦悶，決定同好友自制豐盛weekend brunch😂。一直聽聞呢間餐廳係所有選擇困難症嘅惡夢天堂，就決定會一會佢。<刺身> （爆推🌟🌟🌟🌟🌟) 刺身超級新鮮同大件，整體非常高質🤩。🔸三文魚刺身（3片） $32厚切，一啖入口，油脂豐富，新鮮肥美❤️。🔸甜蝦刺身（3隻） $32🔸鮮帶子刺身（4片）$32 肉質爽嫩，非常鮮甜，好食到我們一再encore🙌🏻🙌🏻。<炸物>🔸脆米流心芝士波（3粒）$26 外脆內軟，外層的脆米令到口感更為豐富，而入面芝士一咬，即刻爆醬，好正。🔸香脆蝦角 8隻 $52 （爆推🌟🌟🌟🌟🌟) 非常有驚喜😍，輕輕一咬，入面滿滿蝦肉‼️爽脆而不油膩，吃到尾也沒有負擔感。🔸炸餃子（4隻） $22熱辣辣，脆卜卜，酥脆的炸餃子搭配帶點微酸的沙律醬，堪稱絶配。<小食>🔸椒鹽雞軟骨 $50細細粒，非常鬆脆，十分惹味，搭配啤酒無得輸。🔸脆雞豆腐桶一客 $56 （爆推🌟🌟🌟🌟🌟) 脆雞大大件，豆腐軟滑，好食到停不到手。🔸泰式鳳爪 $52份量好多，性價比好高😍。估唔到有泰式涼菜食，酸酸甜甜，非常醒胃。<主食>🔸自家制叉燒拉麵 $74 （爆推🌟🌟🌟🌟🌟) 湯頭非常濃郁，拉麵口感剛好，非常彈牙。自家制的叉燒共有四件，肥瘦適中，淋身入味，非常高質。🔸粗粒牛角漢堡 薯條沙律 $100 （爆推🌟🌟🌟🌟🌟) 假日限定，難得機會必須一試😂。漢堡扒大件而有肉汁，覆蓋着黃澄澄的微焦芝士，賣相十分吸引🤩。牛角包烘到微微燶邊，十分酥香，有畫龍點睛之效，每一口咬下去層次更為豐富，絶對要俾like👍🏻👍🏻👍🏻。<特飲> （爆推🌟🌟🌟🌟🌟)特飲超大杯，跟餐都係加$18就可以享用到，CP值超高🙌🏻。🔸特濃焦糖咖啡 $28極度邪惡，但誠意十足😍。咖啡面頭放滿焦糖餅乾粒，打卡超一流，絕對係一等一comfort food❤️。🔸青檸柚子梳打 $28賣相吸引，柚子十分多，酸酸甜甜，解渴得來又幾好味。他們餐點款式之多，確實是我目前所去過的餐廳中數一數二😂😂心大心細的我們，淨係諗叫乜，都足足用了起碼10分鐘😂😂大家不妨去挑戰一下。想睇更多介紹，歡迎馬上關注我😁。…Read More

一行三人下午茶，特意去這間餐廳，因為小朋友喜歡食薯條和雞軟骨，而這間餐廳的脆炸小食特別多。今天萬聖節，餐廳佈置了萬聖節裝飾，店員也穿上奇異服裝，真有心思，我想晚上的氣氛會很high。餐牌的小食和特飲選擇很多，貪心的我們最後點了一頓超豐盛的下午茶，埋單唔算貴，整體性價比很高。芝心牛角漢堡薯條沙律 $88上菜一刻我們wow了一聲，漢堡、薯條和沙律，簡直是超標分量！ 漢堡豐厚肉感有牛肉味，薯條也炸得剛好，裡面軟綿綿，有薯條味，抵讚！餃子拉麵 $52拉麵的賣相也不錯，湯底惹味，拉麵口感超好，就算我們吃得慢，湯涼了，口感也沒變。 椒鹽雞軟骨 $46分量也勁多，炸得香脆，肉質鮮嫩，喜歡辣的可以加辣椒粉。 芝麻雞翼 $56如果不是擔心激素和脂肪高，應該無人不喜歡吃雞翼的，我們放任地點了4隻雞翼，香脆可口，雞肉鮮嫩，帶有清香芝麻和微甜味道，好食！泰式鳳爪 $48同一個價錢比起其他餐廳分量較多，性價比真心高，味道酸辣開胃，吃完一件又一件，滋味。紅豆奶茶加芝士奶蓋 & 蜜瓜雪條特飲餐廳的特飲也很有特色，兩杯特飲是跟餐送的，紅豆奶茶的茶味濃郁，紅豆起沙，蜜瓜雪條特飲真的放了一條雪條，感覺好抵。…Read More

老遠去到元朗探朋友顺道午餐， 冇理由去一般連鎖品牌餐廳， 揀咗喺又新街頗受街坊歡迎嘅日式拉麵店。餐牌好多選擇有拉麵系列， 咖哩丼飯， 漢堡套餐， 各款炸物，日式小食， 精美特飲～～日式小食系列竟然係無限追加，價錢好抵～先來每份套餐也附設的沙律， 沙律菜清甜爽脆。三文魚刺身$24 油甘魚刺身$32 報告幾多塊都係冇意義， 睇佢每塊嘅厚度足有一串！ 厚切口感零舍唔同 ， 特別滿足。唔差喎都有甜味。油甘魚沒有雪味， 肉質結實， 是有驚喜的質素！接著是一系列的炸物，好似食緊放題㗎。榴槤炸彈: 即叫即炸，外皮軟糯榴槤味道濃郁。芝士年糕: 流心芝士亦有拉絲效果，整體軟熟香甜非常美味！芝麻雞翼: 不是乾爭爭的， 好入味 ，咬落仲好juicy， 外皮香脆仲有芝麻香， 味道有點似舊式快餐店的炸雞翼～😋😋竟然還有「泰式鳳爪」， 酸酸辣辣， 完全打開胃口， 鳳爪份量很多， 墊底嘅酸椰菜酸蘿蔔絲口感爽脆。😋自家製叉燒拉麵$53湯底唔算好味精好咸， 拉麵彈牙， 叉燒雖然薄但好入味好香。 配菜有木耳，粟米，糖心蛋非常豐富。咖哩豬扒飯$46咖哩味道較淡口，唔辣， 炸豬扒好脆， 唔油膩， 但有啲乾。套餐加配的特飲賣相和味道都唔錯。芝士奶蓋紅豆奶茶（ 跟餐加 $18）。 綜合三款經典飲品特色， 效果唔錯， 有茶香，紅豆夠蓉， 芝士奶蓋質地唔夠挺身，不過味道標準鹹鹹地有芝士味。整體都唔算太甜～信州蘋果梳打$35， 這個價錢單點特飲真係唔貴， 同朋友點杯特飲， 追加小食咁已經可以hea 一個下晝😍😋跟餐自選雪糕（雙球$28）雖只係係普通口味雪糕球，但賣相好精緻 ，有裝飾，有topping ～ 雪糕球夠凍夠實淨！餐廳一旁擺放了IronMan ～ 餐廳氣氛突然變得有點超現實😍…Read More

在元朗買年貨逛街逛到下午兩點多，入去吃午餐。店面招牌特別發光招牌，混入英倫風的設計。 大型餐牌被置於門口。內部的裝潢以貨車為主題，牆上是貨櫃裝飾。半開放式廚房，可看到職員在煮食。雖然接近部份用餐桌，但不覺有油煙味。另一邊廂是英國電話亭和貨車玩具。野川拉麵不只有拉麵，食物選擇甚多，看看以下餐單就知道:先上桌的是自家制豬軟骨拉麵套餐所附的沙律，蔬菜新鮮，沙律醬汁份量適中，不過多過少。自家製豬軟骨拉麵套餐($69)包飲品及沙律。豬軟骨脆及份量多，拉麵硬度適中，亦能掛湯。自家製叉掛湯燒稻庭拉麵($54)，加了$10轉了稻庭烏冬，發現稻庭烏冬較拉麵好吃。稻庭烏冬同樣能掛湯，口感比拉麵較有嚼勁。套餐可加$10轉日本果汁。在香港無見過，所以叫了兩款來試，通常哈蜜瓜味果汁比橙味果汁好喝，但這裡橙味果汁較好喝。下午茶套餐--吉列炸蝦拼洋蔥圈($35)，連一杯奶茶或即磨炭燒咖啡。炸蝦粉漿貼，洋蔥圈大，份量比想像中多得多，非常飽肚。下午茶套餐配奶茶。我們點了數個小食，當中有兩個小食是最好吃的。第一個是香脆蝦角($45)，蝦角外層脆薄、蝦肉有鮮味，兩者配搭得很好。第二是燒扇貝($52四隻)，加了芝士後很滑，扇貝本身燒得剛剛好，同樣很滑，是最好吃的海鮮。炸魷魚鬚($36)香脆，不用蘸任何醬汁。兩隻黃金燒蠔和兩隻蒜蓉燒蠔($10一隻)，個人覺得蒜蓉燒蠔較香口，友人則喜歡黃金燒蠔的芝士味。泰式鳳爪($46)很大碟，鳳爪爽脆非常辣。份量大，一碟等於其它小食兩碟。總括而言這裡小食種類多份量大，是吃小食的好地方。…Read More

元朗又新街出名多嘢食，今日同太太去到元朗發現咗一間新開嘅居酒屋入面鋪頭細細， 座位亦不算太多，幸好仲有位所以立即入去試試佢!要讚讚入面嘅裝修格局， 係全部都以貨櫃車位主題， 佢連廁所對門都用貨櫃門， 台裝飾及櫈椅係同一主題， 最欣賞佢嘅雜物櫃都係用上貨櫃物料，真型格入面除咗串燒炸物外，仲有烏冬及拉麵等可以選擇種，類非常繁多我同太太點咗呢個手打烏冬， 點咗辣味芝士做湯底， 湯底超微辣但有濃郁的芝士味， 配上熱辣辣嘅照燒雞扒， 手打烏冬夠煙靭， 成碗烏冬嘅味道都好夾烏冬入面嘅蛋仲要係溫泉蛋， 夠吸睛之餘又好味呢個魷魚鬚用購物籃黎裝好搞笑， 略帶鹹 夠熱又煙靭， 如果用嚟送酒真係一流好可惜呢間餐廳原來只是試業階段，暫未有酒提供暫無酒飲所以最終我太太點咗呢個蘋果梳打，我就點咗綠茶味可樂， 兩支都係日本出品呢個磯燒放式煮嘅清酒蜆， 唔太大清酒味不過勝在啲蜆夠大隻鮮甜呢個芝士年糕超正，外脆內軟，熱辣辣嘅芝士喺入邊流出嚟，不過食呢個要小心辣親特價生蠔10蚊一隻，冇乜海水味但夠新鮮台灣腸最緊要食又肥又多汁最尾點嘅呢個泰式鳳爪有驚喜， 呢個鳳爪夠晒辣， 充滿紫洋蔥及紅蘿蔔絲， 鳳爪醃得啱啱好又夠爽口總結呢間舖頭因為試業所以冇酒飲，但應該遲啲有酒飲嘅時候我會再來。 同埋佢入邊嘅抽氣系統應該唔錯，食完之後個身一啲油煙味都冇，抵讚…Read More