Tartes & Pop

今日路經上環落大雨，見到呢間食撻嘅餅店入去避一避雨！店內環境，少少歐美風之後睇睇佢d撻又好似幾吸引就買咗幾件試試有好多唔同口味！9件對我黎講又太多，所以小試牛刀買住4件先終於翻到屋企一開 佢係獨立包裝咁都幾好，好方便！而且好貼心每個獨立包裝會有個數字貼紙分跟張指事卡上面就知咩味，仲有右邊係提示點樣開個盒同埋提示 必須用手拎住食 x3次 重要野原因係因為個餅底！我一食落去就師傅明白！！！先黎一個蘋果焦糖撻呢個味係好似Apple crumble味，但冇咩肉桂粉味我個人都幾鐘意，酸酸甜甜咁！不過呢個焦糖味唔算好出！但個蘋果果d餡料做得幾好而個撻嘅底真係好脆好似食緊曲奇咁！（讚撻底X1）香橙伯爵撻（利申）呢個我媽咪食，我唔多評論，但從佢口中佢都係讚佢個底好脆（讚個底X2)，其他味道都ok！法式咖啡忌廉布丁撻呢個好濃咖啡味，由拎上手果下都會聞到！食落都比較苦，如果唔好咖啡嘅人黎講！我就覺得ok 而且佢係好creamy嘅 入面！都係果句 個底好正 (讚個底X3)士多啤梨忌廉撻最後呢個好似cheese cake 嘅味要，夾埋最頂頂果層類似係士啤果醬一齊食就會覺得好正都係好creamy!味道係偏甜但我個人都重口味d所以覺得唔錯 重點都係要配合個餅底（讚個底X4)如果要我排好味次序我會：士多啤梨忌廉撻>蘋果焦糖撻>法式咖啡忌廉布丁撻香橙果個冇試所以唔排可以推一推呢間賣撻嘅店！大家都可以上佢網頁訂架，有寫哂佢地有咩味！…Read More

呢間甜品店bookmark左好耐呢日喺上環飲完茶就過黎買幾件試下店舖就喺西港城對面,好容易搵一入店已經見到櫃入面有唔同嘅撻可以揀❤️❤️眼下揀左4件法式咖啡忌廉布丁撻☕️𝓒𝓸𝓯𝓯𝓮𝓮 𝓒𝓻𝓮𝓶𝓮 𝓫𝓻û𝓵é𝓮撻皮好脆❗️食落都幾重咖啡味,正推介比鍾意飲咖啡嘅人面頭有微甜嘅焦糖配杏仁味嘅蛋糕底口感好幼滑香橙伯爵茶撻🍊☕️𝓔𝓪𝓻𝓵 𝓖𝓻𝓮𝔂 𝓞𝓻𝓪𝓷𝓰𝓮本身幾鍾意飲伯爵茶,所以揀左呢款撻係用左杏仁餅底,配伯爵茶mousse同橙嘅jam輕輕嘅茶味加橙嘅清新🍃都幾match黑芝麻抹茶撻🍵𝓢𝓮𝓼𝓪𝓶𝓮 𝓜𝓪𝓽𝓬𝓱𝓪呢個特別在於用左京都嘅宇治抹茶粉去做咁特別梗係要試下頂頂抹茶味嘅mousse非常香濃,仲有回甘配微甜嘅黑芝麻味,雙倍滋味🤤覆盆子巧克力撻🍫𝓡𝓪𝓼𝓹𝓫𝓮𝓻𝓻𝔂 𝓒𝓱𝓸𝓬𝓸𝓵𝓪𝓽𝓮呢個就好啱朱古力lover底係可可crumble撻中間就有Dark chocolate面再有紅莓醬點綴甜甜地可中和一下黑朱古力🎁另外好想講下個包裝真係好靚每個撻都獨立用盒裝住,再有大盒裝晒4件撻拎出拎入好方便,送比人又大方得體值得一讚👍🏻 …Read More

唔知大家對甜品有冇追求？有時候都會想對自己好啲，唔介意食方面價錢貴少少，聽閒左 “Tartes & Pop”呢間餅店好耐，已知係名氣不少，今日經西港城附近終於可一試。餅店內外覆盆子巧克力撻 $45用左可可脆餅底，中間既朱古力層用左混入左新鮮紅莓醬既Valrhona 66% Caraïbe 黑朱古力，最面頭就有黑朱古力片及紅莓醬做裝飾。一咬紅莓醬既味道好岀，然後就係朱古力濃香，紅莓醬加朱古力配合得十分好，就有如紅莓夾心朱古力，十分岩我口味。法式咖啡忌廉布丁撻 $45一望就係脆餅底及餅邊，切開入面有杏仁海綿蛋糕及加入烘培咖啡豆既Crème Brûlée cream配上焦糖面。外型討好，同食開既Crème Brûlée無異，咬落去外層脆口，內裡咖啡Crème Brûlée cream味道濃郁，再加焦糖面，又係我杯茶！香橙伯爵茶撻 $45杏仁脆餅做底配上伯爵茶mousse，塗上一層橙味果醬再加新鮮橙片。呢款既伯爵茶味比較淡，反倒橙味比較搶味，呢個對比之前兩個就低分啲。檸檬榛子朱古力撻 $45牛油杏仁脆餅底，之後有檸檬啫喱及cream，最上就係Gianduja朱古力整成既裝飾。呢個就有少少似我地平時食既檸檬撻，酸度冇咁強，加上3小塊Gianduja朱古力，酸甜互襯，味道更提升。專賣呢款法式Tartes，不約而同發現都係用上脆餅底，岩香港人口味，甜度亦適中，雖然唔知本身法式Tartes既味道係咁定係迎合返香港人口味，但全人手製造呢點已經值得欣賞，下次再試下其他口味！…Read More

前排行經上環，發現到呢間法式甜撻專門店，主理人更係法國人，一直心思思想試，適逢今晚朋友間有聚會，決定買幾件去孝敬大家。店舖7點就收工，6點半去到餅櫃既選擇已經所剩無幾，亦都證明所有餅都係新鮮製造，絕對唔會留過夜。檸檬榛子朱古力撻 LEMON GIANDUJA檸檬味好fresh，味道偏酸，但幸好有三片榛子朱古力可以中和番香橙伯爵茶撻 EARL GREY ORANGE 市面上越來越多用伯爵茶整既甜品，呢度都唔例外，但呢度個伯爵茶係我食過最濃既，加埋橙都比較特別覆盆子巧克力撻 RASPBERRY CHOCOLATE 中文真係睇唔明咩叫覆盆子，一望到個英文就明哂😬法式咖啡忌廉布丁撻 COFFEE CREAM BRÛLÉE 個人最推薦呢款，咖啡味夠哂濃👍🏼不得不提每款個餅底都做得好鬆軟，好重牛油味，而且每個都有獨立包裝，唔會亂咁撞…Read More

小店位於西港城附近，店內有一好有禮貌既氣質帥哥，環境舒服，值得一提嘅係佢嘅包裝精美，我買咗四件撻，每一件都獨立包裝用細盒載住，再用一個大盒載住，十分穩陣，亦都好環保，小店唔提供刀叉，店員話唔使用刀叉食嘅，包裝內附有點樣食嘅教學卡仔，好貼心。以下買嘅四款撻都係$45，1️⃣香橙伯爵茶撻：呢個撻唔會太甜，配香橙好fresh，茶味唔係好突出，清清淡淡咁2️⃣法式咖啡忌廉布丁撻：呢個撻係本人最鍾意既，呢個撻味道濃郁，又超級滑，大愛！3️⃣覆盆子巧克力撻：朱古力味好濃，有Raspberry 既酸味中和朱古力既漏4️⃣黑芝麻抹茶撻：同我一齊食既幾位朋友最鍾意呢款，佢地話綠茶味濃，有茶既甘香同埋甜既芝麻味，好特別！四款撻既餅底都好堅挺，牛油味好香…Read More

見到網上面有唔少人都大讚依間由法國人開嘅撻鋪嘅撻睇得又食得，咁啱黎到上環，一於買番幾件俾屋企人食。鋪頭唔算大，勝在夠簡單，鋪面淨係有一個甜品櫃放咗唔同種類嘅撻，賣相非常吸引，隱約見到門後面有幾個師傅整緊撻，可想然知啲撻係新鮮製造嘅。叫咗4款，分別係黑芝麻抹茶撻、法式咖啡忌廉布丁撻、覆盆子巧克力撻、檸檬榛子朱古力撻，每款都係$45。黑芝麻抹茶撻，係眾中之眾。最上面係抹茶慕絲，中間夾住黑芝麻慕絲同埋杏仁蛋糕，底層係朱古力撻底，層層分明，非常有口感。抹茶味非常重，有證明書證明由宇治抹茶黎整，可見用料巧究，亦都同黑芝麻同杏仁味好夾。法式咖啡忌廉布丁撻，一望就知上層嘅焦糖焗得夠侯，內層係咖啡味嘅忌廉布丁。咖啡香味濃郁，配上幼滑嘅布丁，令人流哂口水。覆盆子巧克力撻，唔甜，超有朱古力味，食食下可能會有啲膩，而上面嘅覆盆子酸酸地，正好解膩。檸檬榛子朱古力撻，上面係3個細嘅榛子朱古力，內裡係檸檬撻，我比較中意佢依種超級酸嘅味道。…Read More

在網上看到這店的撻已一段時間，因為它自稱 "Probably the best tarts in Hong Kong."「可能是香港最好的甜撻」。我一直都想來嘗嘗，可惜就是提不起勁。這次有在上環上班的朋友陪伴，很快便成行了。 甫進店內，看到一個法國男生跟我們微笑，向我們介紹著各種口味的撻。我跟朋友聽完之後，心大心細，很多口味都想試。奈何胃口不夠大，所以就選了最想試的3款口味。等候期間，我看到店內張貼了不少傳媒的報導的訪問，從中得知原來店內的撻原材料主要是來自法國（除了抹茶粉是來自日本），全人手製造。每個撻都各有特色，皆因撻底不同，而整個撻（果醬、忌廉及海綿蛋糕）更是用上不同配料所構成。不一會，男生便拿著一隻「黑膠碟」上前，而盛著的就是我們點的3款撻，有趣極了。 店舗的老闆非常細心，知道我們想 share 來吃甜撻，便先端來3個撻餵飽我們的相機，然後再將甜撻一分為二來分享。 你會發現，店舖沒有提供餐具，原因是他們覺得這撻是用手拿來吃，法國人也是這樣吃的。就著店員的建議，我們就依著「淡味」至「濃味」甜撻的次序進食。 撻底均由奶油酥餅所製，雖然加入水果和慕絲等，但入口依然鬆脆，而且厚度恰到好處。我最怕吃到厚厚且變稔了的撻皮。這店的廚師連撻底都可以一絲不苟地處理得宜，實在不得不讚。馬鞭草菠蘿撻 Verbena Pineapple ($45) 首先是「馬鞭草菠蘿撻」。未吃便已聞到馬鞭草的香味，中間是清新的菠蘿慕絲，內裡亦有一些菠蘿果醬和菠蘿肉，好不特別。 在菠蘿慕絲和批底中間，加入了海綿蛋糕，層次更豐富。慕絲打得幼滑，雖然層次多，但吃完一點也不覺得膩，非常難得。而這個菠蘿口味酸酸甜甜，乃清新之選，十分適合在夏天吃呢。芝麻抹茶撻 Sesame Matcha ($45) 第2款試的就是這個黑芝麻抹茶撻。一直以為，抹茶跟紅豆這配搭已是天衣無縫，沒想到原來黑芝麻跟抹茶會更夾。店家用上日本進口的宇治抹茶，力臻完美。 抹茶慕絲入口幼滑，齒頰間滲出陣陣甘而醇厚的抹茶味，揮之不去。下層的黑芝麻慕絲一樣香濃軟滑細膩，黑芝麻味亦十分突出。 雖然如此，但二者並沒有爭鋒頭，勢要蓋過對方的味道，反而取得平衡點，突出兩者特點，令味道配合得更無懈可擊。法式咖啡忌廉布丁撻 Coffee Crème Brulee ($45) 這三款口味中，這個法式咖啡忌廉布丁撻是我的心水。我平時愛跟咖啡？一點也不。而此撻叫不愛咖啡的我都愛上，實在太棒了！這撻外形真的像一杯crème brulee，十分可愛！焦黃的表面，光滑無暇，看起來著實與用火槍燒過的焦糖脆面無異，而其實它是一層薄薄的焦糖醬！下面的分別是帶香濃法式咖啡味的忌廉布丁、海綿蛋糕和薄實的撻底。 忌廉布丁的奶味亦濃，軟滑得幾乎入口即溶；同時亦不乏咖啡的香和咖啡的苦澀味。然而，一甜一苦，兩者卻配合得剛剛好，令人一試難忘。我終於明白為什麼總是說法國人最擅長做甜品了。他們對味道和食材的掌握，實在太厲害了！我想，這跟他們的天賦和與生俱來的技能有關吧。 對我來說，這一次吃撻絕對是一場冒險。我平時不太吃果撻那些，即使是吃，也會捨撻底而去。沒法子，在香港，就是很難遇上一家把撻底做得脆且不散的餅店。不過，現在我找到了！Tartes & Pop serves you the best tarts in Hong Kong !…Read More

在信德中心吃過晚飯後，走到西港城附近，想起一家我們時常經過但沒嘗過的小店 - Tartes & Pop。得知它的宣傳是"Probably the best tart shop in Hong Kong"，加上各傳媒及社交媒體的推介，我們對此都蠻有期待。店內用了白色配鮮橙色為主調，給人的感覺很有活力。小店以外賣為主，中間是陳列餅櫃及半開放式廚房，門口左邊有一長枱加五張椅。我們來到已時七時多，餅櫃的甜撻已經所餘無幾。店員介紹部份撻會依時令轉款，於是我們就選了限定的新鮮青檸撻、以及常駐的法式咖啡忌廉布丁撻及覆盆子巧克力撻。店員還送上免費的熱茶給我們，很窩心啊！Fresh Lime Tart 新鮮青檸撻 ($45)青檸撻帶微酸，口感細滑，感覺清新怡人。Coffee Crème Brûlée tarte 法式咖啡忌廉布丁撻 ($45)這款是店內少有不是以水果為主題的撻。撻有濃厚的咖啡味。Raspberry Chocolate tarte 覆盆子巧克力撻 ($45)巧克力撻融合了水果的元素及巧克力的濃味，手上沾到巧克力也少不免的。巧克力撻沒有想像中的膩，覆盆子果醬味道特別，不是坊間容易嘗到的。最初卡米拉也抗拒有手拿著吃，幸好撻底不容易散開。不過如果有餐具會更好吧！總括而言，三款撻的海綿蛋糕也很軟身及順滑，甜度也合香港人口味。雖然我不肯定它是否全港好最好的甜撻，但是很好的甜撻當中它一定有一席位。可惜價錢方而還是比較貴，如果有些優惠如買二送一等會比較合理。…Read More

某天放工去了朋友們公司附近的Tartes & Pop，朋友說我這麼會挑這星級法式撻店吃，不少有名的外國名人也光顧 (店鋪牆上掛了不少名人親筆簽名可印證這點) 我不會挑吃的話就不是我，哈哈。Tarte & Pop所追求的味道平衡感絕對很對我的味，食材之間不會互搶其風采，我非常欣賞，不論濃郁的還是清淡的口味均做到口味平衡。我想吃的抹茶口味都賣光了，唯有下次再來買，今次就試試其他口味吧。聽店員說受歡迎的口味大多已在下午賣光，所以下次一定要早來。法式咖啡忌廉布丁撻有著超級萌的感覺，雖然以法式咖啡調味，但香炒過的咖啡粉並不會如平時所吃的過於濃郁，將忌廉布丁的味道蓋過。咖啡的芳郁可以如此溫順的共存，妙不可言。忌廉布丁入口軟嫩富奶香，撻皮很脆很扼實，我要給它滿分。我完全無法抵擋新鮮青檸撻的魅力，平日所吃的檸檬撻一味只是酸溜溜的，但是Tarte & Pop有種與別不同的柔和。原來是滑溜溜的檸檬內餡還藏著細滑的白朱古力慕絲，難怪沒有青檸那股過度酸勁，微甜中又帶股清爽感。另外花生香蕉撻亦有其迷人之處，令我心猿意馬，香蕉那絲滑鮮香感在口中久久不散，而它的餅底比一般店的鬆化，絲毫死實感也沒有。一問之下，原來餅底的餅乾也是chef自製的，難怪味道如此獨特。微鹹的花生蓉與甜美的香蕉慕絲和平共存，發揮彼此的滋味。店員非常貼心，還給我一杯熱茶喝，邊吃撻邊聊天，差不多聊了一小時，我也有不少甜品得著，哈哈。我跟店員說我會再來光顧的，為了抹茶口味，期待下一次的驚喜。…Read More

有沒有人跟我一樣，都是「愛撻之人」？作為一個撻迷，總是對香脆鬆化的撻底為之瘋狂，不論是街坊小店的出爐蛋撻抑或是甜品名店的精緻果撻都愛不釋手，比起蛋糕我更鍾情撻。其實並非首次來臨位於上環的Tartes & Pop，曾經為著一嚐好評如潮的黑芝麻抹茶撻專程拜訪，旋即成為我心目中全港第一的甜撻，事隔一年多，那位置仍是始終如一，無人能及。是日相約朋友到上環的Ask Cafe享用下午茶，提早吃完午飯順道再訪Tartes & Pop，回味那首屈一指的法底甜撻。櫥窗中展示各式各樣的法式甜撻，整整齊齊地排列成行，精緻得令人欣喜若狂。當我苦苦思量選擇哪款口味的同時店主亦友善熱情地為我提供建議，千辛萬苦終於從近十款令人垂涎欲滴的撻點中挑選出三款，店主亦不厭其煩逐一為我介紹每款撻點。餐廳全店沿用店方象徵式的橙白色作主調，左手邊有一列座位供客人堂食享用，而右手邊則有一幅藝術牆，靠近仔細一看，會發現原來方形盒子上分別是不同名人和歌手的簽名，當中更有大家熟悉的Maroon5呢。法式咖啡忌廉布丁撻 ($45)首先品嚐三款當中賣相最為樸實無華的法式咖啡忌廉布丁撻，起初以為面層會像焦糖燉蛋一樣脆身，原來只是一層薄薄的焦糖醬，底層忌廉布丁軟滑微甜，帶陣陣濃而不烈的咖啡香，撻底雖然薄身但是絕不鬆散，酥脆可口。香橙伯爵茶撻 ($45)香橙伯爵茶撻撻底與法式咖啡忌廉布丁撻迴然不同，撻底沒有圍繞撻邊，較為厚身而且能清楚看到層次分明，口感更加鬆化。香橙清新怡人，不過味道略為霸道，令伯爵茶黯然失色，伯爵茶味雖不至馥郁芬芳，但仍能感受淡淡伯爵茶香慢慢滲透出來。黑芝麻抹茶撻 ($45)個人頭號心頭好定非黑芝麻抹茶撻莫屬，撻上正方形抹茶慕絲軟滑細膩，茶味甘香醇厚，迴盪舌尖上揮之不去，底層黑芝麻慕絲味道同樣濃厚突出，抹茶與黑芝麻兩種濃味食材竟能取得平衡點，並駕齊驅，不但沒有削弱另一方味道，更加將兩者的精髓發揮得淋漓盡致，配合得天衣無縫，而撻底則略帶可可甘苦，中和甜度。標明用上日本宇治抹茶，更展示證書證明，童叟無欺。於坊間品嚐過不少以抹茶及黑芝麻結合而成的甜品，但全都不是抹茶味過濃蓋過黑芝麻味，便是黑芝麻味過濃蓋過抹茶味，總是不能取得中庸之道，偏偏這兩款和風食材落於法藉老闆手上，卻巧奪天工地將兩者完美結合，實屬千載難逢，而這點更是令我對Tartes & Pop欣賞佩服的原因。有別於坊間絕大多數法式甜點的極端甜膩，這裡的撻點甜度適中，更重要的是每款口味都能突出主題，配搭得宜，而且撻底保持鬆脆，仔細得連每款撻底都經過特別研究調配，那種一絲不苟的精神，絕對值得盛讚。撰寫這篇食篇最後赫然發現餐廳不但沒有負評更是連「OK」量亦是零，大概是千載一遇，全數好評絕對名符其實！…Read More

在中大的工作快將完結，即是又係準備要派散水餅的時間，成世人流流長，一定跳過幾次槽吧，本來打算是但買，但阿SIR係一個對禮節上非常嚴謹的人，所以就派左我同另一個同事落去做探子試食再作安排。位於上環小街的 Tartes & Pop，家住屯門的每晚搭巴士返歸都會經過佢門口，舖面用的是主色是橙及白色，在小街中顯得Sharp醒！踏入店內，裝修簡潔亦自設工場，法式tart 即做即賣。有一面牆掛滿了明星親筆簽名外賣盒子，細看下不乏外國歌星、名人。熱情好客的法國型男以英文補充説：「Leon Lai (黎明) 和 Giordano的founder Jimmy Lai (黎智英)都曾光顧呢！」道名來義後，他親切地介紹櫥窗裏擺放着的九款咸甜tart，全部都賣相精緻。我們先揀四款最新及Best Seller 來試試水準再決定。法國店員仲教我地由淡至濃的先後次序，仲幫忙我們切開撻，方便我地食用。第一個係酸咪咪，口感清新的檸檬批。切開後可以見到小小的撻其實有幾層分層，撻皮充滿牛油香味又口感鬆化卻又不會一拎上手就四散，最底的吉士層加入了青檸，酸味比較柔和。而鏡面部分就比較酸一點，檸味突出，卻不會酸到喊，感覺非常Refresh，好Surprised！之後是新出的的 Peanuts Banana 花生香蕉撻以賣相來說是比較簡約沒花巧，以花生碎果仁裝飾，而鬆化牛油撻皮換上了牛油餅碎撻底，這個不易拿上手拍照，所以型男都幫我地切好。牛油撻底非常鬆脆且不膩，雪白撻身口感軟滑，間中會吃到果仁脆脆，口感非常有層次，蕉味濃郁，而加了花生醬和香蕉的味道好夾，甜得來又不會好過分，食落好舒服！法式咖啡忌廉布丁撻是店內的Best Seller，牛油撻皮依然是鬆脆不厚，充滿牛油香，金黃色的咖啡焦糖，閃令令極之吸引。咖啡焦糖鏡面做得比坊間的厚身，所以不會有一敲即碎的視覺效果，但咖啡落得重手，所以夾埋一齊食都不會過於甜膩，燉蛋做得好軟滑有蛋香，層次分明，而且平衡得不錯！最後是另一個人氣高企、銷量最佳的 Sesame Matcha 黑芝麻抹茶撻估不到這裡有抹茶撻，而且全件超過一半面積都是被抹茶醬包圍著，好吸睛！切開可以見到抹茶慕絲方塊，撒上京都抹茶粉的圓形可可牛油撻，入面仲有一層黑芝麻忌廉醬及杏仁海綿蛋糕，餡餅層次多，而且有混合了法日的風情。抹茶味濃郁吃後有回甘，配上香濃幼滑的芝麻慕絲醬，卻沒有點突兀感，加上脆身可可皮，平衡了甜度，是四款入面味道最為強烈，印象難忘。試左四款，味道真的幾Surprised，比想像中輕盈不膩，以呢個價錢（約45蚊一件）真係高質素的，做散水餅好得體。其實，做見面禮一點也不失禮。…Read More

一向對甜品喜愛的我們，早前看過這家店的雜誌介紹，已把它記在必吃名單中；今日在附近活動，便順理成章到此嘗新了。店子裝修簡潔，除了一個大大的餅櫃外，就只有一張吧枱及幾張椅子；配上橙色和白色的主調，光潔明亮！餅櫃內整齊排列了各款精美的撻，如珠寶般的精緻。毫無懸念的其中一款選擇了每月精選 - 香檳荔枝撻，而另一款則選了法式咖啡忌廉布丁撻。香檳荔枝撻（$50）～ 這裏用來盛載甜點的是黑膠唱片模樣的碟子，非常切合店子的主題。這款撻所使用的香檳是Drappier，這家始創於1808年的家族企業，規模當然不能與Moët & Chandon、Perrier-Jouët和Veuve Clicquot等著名香檳品牌相比；但是她所釀造的香檳憑款式、雅致和高品質取勝。因此在香檳界上亦佔了一席之地。這個甜品賣相是絕對的吸引，面頭放了兩顆粘了金箔的覆盆子和切條的糖漬草苺，則邊綴以一粒粒銀色的(糖果?)，矜貴亮麗！餅底非常鬆化，難得的是吃起來也不會弄到「滿地碎片」，荔枝味也清甜，倒是那香檳味實在不太感覺到呢。法式咖啡忌廉布丁撻（$45）～ 我倆一致點頭，均認為這款甜點整體表現很平衡完滿，咖啡味濃郁，忌廉香滑，燉蛋滿有蛋香，餅底就不用多説了。個人喜好，我是更加喜歡這個呢。另外不得不讃店主的貼心週到，每位堂食的客人均會獲送自家制的凍檸檬薑茶，在這烈日高照的氣溫下喝上一杯，真的能夠即時撲滅身上那場「火」呢！…Read More