阿久根和牛拉麵屋

「阿久根和牛拉麵屋 」，位於旺角廣華街13號廣輝大廈地下1號舖。門面富濃厚日式風格。入到店內，亦如置身日本橫街小巷的地道小店。座位全以單邊形式，全店約15個座位。由於座位不多，繁忙時段需要輪侯座位，好彩我們約兩點到達，過了午市繁忙時間，不算太多人，所以不用等位。當然要試試人氣之選《燒牛肩胛拉麵》（$99），有三款湯底選擇：濃蝦湯、雞白湯、香蔥醬油湯。選了雞白湯，湯底奶白濃郁。牛肩胛肉質較爽彈有咬口，加上黑椒的確好味道。個人吾鍾意麵太淋，所以有要求要爽麵，麵質不錯有咬口。除牛肉，配有流心蛋、木耳、筍、紫菜和蔥絲，整體不錯。《慢煮安格斯牛小排濃蝦湯沾麵》（$148）濃蝦湯果然充滿香濃蝦味，再加上櫻花蝦，味道更濃郁，難怪係店內熱選湯底。湯上枱時滾熱辣，將牛小排放入濃湯，高溫將牛小排加熱浸熟，口感軟淋。《日式餃子》（$48/ 4枚）皮夠薄少少煙靱好食。尚有多款其他拉麵及沾麵、小食、及配菜可供追如。…Read More

呢排對拉麵幾有興趣 所以呢晚又搵咗啲特別嘅拉麵店食啦🐮 一睇個餐廳名就知主打拉麵上面嘅牛肉啦 呢日係星期五 加上拉麵店座位有限 所以門口都排咗條小人龍😮燒牛肩胛拉麵有三款湯底可以選擇 我揀咗香蔥醬油湯🍜 湯底唔會好重鹼水味 飲落口唔會得個鹹字 仲同幼身拉麵幾夾 幾鍾意佢嘅牛肩胛 燒得好香 而且唔會太熟 唔會好韌咬唔開😉慢煮安格斯牛小排濃蝦湯沾麵呢碗係粗身拉麵 食落口粗度幾似烏冬 但相對較有咬口😚 我就鍾意呢個沾麵多啲 可能係本身我個人偏好粗麵掛湯嘅口感多啲😛 安格斯牛小排慢煮過 再放入熱辣辣嘅沾麵湯入面可以更加半生熟 呢個濃蝦湯呈橙紅色 味道好濃郁 仲有啲櫻花蝦喺入面 雞軟骨餃子呢間拉麵店有好多款餃子選擇 比較特別嘅有苦瓜餃子或者wasabi餃子🥟 不過呢晚就食佢嘅新產品雞軟骨餃子 有雞軟骨令到餡料多咗爽脆嘅口感飲品烏龍茶同罐裝啤酒都係好夾呢間餐廳嘅氛圍同食物 呢度嘅啤酒仲要係Kirin🍻雖然呢次冇揀到有和牛嘅拉麵 但係牛肉嘅質素都有中上質素🥰 難怪大家要排隊都嚟幫襯呢間拉麵小店…Read More

同朋友去旺角揾好野食，見到有間拉麵店門口幾有日本風，就入去試下。原來係一間專做慢煮同埋和牛既拉麵店。- 慢煮A4和牛叉燒沾麵  + 雞白湯 ($168)招牌拉麵，當然要試下。有兩大塊A4和牛叉燒，因為係慢煮，所以色澤好靚，又保持到軟淋口感，入口即溶。沾麵可選濃蝦湯或者雞白湯。我就試咗雞白湯，雞肉味好重，好濃郁，非常啱沾麵。- 慢煮安格斯牛小排濃蝦湯沾麵  ($148)慢煮牛小排肉質入口軟滑, 相比和牛就會有咬口少少。龍蝦湯底非常濃郁及有好重蝦味，感覺到湯底係落足料，煲咗好耐。拉麵厚身，彈牙，容易掛汁， 掛滿湯汁，十分適合沾麵。食完麵之後，一定要加湯，飲埋個湯底，好正。- 沖繩苦瓜餃子 ($48)苦瓜餃子少見啲，因為唔係個個都鐘意食苦瓜。食落係有少少苦瓜味，唔苦，皮薄香脆，有啲特色。係旺角揾間高質拉麵，真係有啲難。依間和牛拉麵屋，質數一流，值得收藏。…Read More

餐廳地點位於旺角槍街附近 非常方便店內環境乾淨 但空間較逼 d座位亦唔太好坐(細張既高登)老人家會坐得好唔舒服我5點半到 比較少客 還好食到咁上下開始多人 就好有壓迫感因為店舖比較細 開始多人就會比較有壓迫感叫左安格斯牛小排濃湯蝦沾麵估唔到比想像中好食都有幾多舊牛小排 份量幾划算肉質亦比預期好美中不足嘅個石頭雖然夠熱 但保溫力唔夠食得耐 可能要換新石總結就係依間鋪 值得喺閒日嘅淡市時間黎不過我下次黎就未必食沾麵始終鐘意食拉麵多d…Read More

每次經過廣華街總是有一條長長人龍在排隊，原來是一間拉麵店。趁著新年假期與朋友入內一試，日系木式裝飾風格尤如置身在日本拉麵店，枱頭更放有不同醬料以供選擇。⭐慢煮安格斯牛小排濃蝦湯沾麵$138牛小排外表帶有大理石花紋，肉質鮮美滑嫩，油花分佈均勻濃蝦湯湯底濃郁且掛汁，麵條彈勁十足；配料豐富包含有香蔥絲、木耳絲、筍及溏心蛋等。⭐招牌三色拉麵 $128招牌三色拉麵不愧是招牌之一，用料豐盛，有慢煮A4和牛、鷄肉、燒豚肉。豚肉經過炙燒後帶有一份焦香，雞肉滑嫩而和牛入口即浴，麵條幼身再配上香濃湯頭，甚是相配。⭐橙汁$18來自日本的罐裝橙汁，入口已帶有鮮甜口感，與坊間的罐裝橙汁確有不同。⭐蘋果汁$18蘋果汁清爽細膩，帶有少許微酸，仿如置身在蘋果園內。…Read More

我真係超級中意食沾麵!!🤤 濃蝦湯就更加正☺️ 呢間岀名濃蝦湯沾麵真係一定要去試😋 重點係佢裝修好有日本拉麵店既感覺🧚🏻‍♀️ 好似去左日本咁🤣🤍慢煮安格斯牛小排濃蝦湯沾麵 $148佢一上菜個沾麵湯已經好吸引!! 熱到滾住咁上菜🤩 個湯都好濃好稠身, 係好濃厚既蝦湯🤤 沾麵粗易適中又好掛湯! 而且重點係牛小排紋路好靚🤩 有牛味又有油脂感🤍招牌三色拉麵 • 濃蝦湯 $128拉麵比起沾麵就相對較遜色, 麵身較幼, 不過湯底都係好濃☺️ 三色拉麵有和牛, 叉燒同雞肉🤤 叉燒肥身比較有油膩感, 和牛夠厚之餘 紋路都好靚~ 🤍阿波美雞皮餃子 $48雞皮炸到好脆🤩 雞皮好香~ 好推薦呢款小食~…Read More

日式小店裝修 裝潢仿照日本屋台設計加上特色巨型卡通塗鴉牆 別有一番玩味上網搵到呢間拉麵店 見到湯底有少見嘅濃蝦湯就拿拿臨即刻過黎試下🤤🍜用Openrice現金卷仲有8折優惠‼️.🐈.𝙎𝙪𝙢𝙢𝙖𝙧𝙮和牛拉麵為賣點 性價比不俗💰環境不算寬敞 食物相當有質素 有機會會再訪👍🏻.🐈.🌟慢煮安格斯牛小排濃蝦湯沾麵🦐 - $138濃蝦湯用石鍋裝住 端上黎嘅時候仲係滾下滾下 賣相非常吸引🥘湯底蝦味濃郁 唔會太咸麵條偏粗 緊實彈牙 掛汁一流 牛小排肉質鮮美滑嫩 油脂分布均勻 入口即化整體味道口感豐富 值得一試😋💯.🌟招牌三色拉麵 濃蝦湯🍜 - $128(滿煮A4和牛1片 日本薩摩雞肉2片 炙燒豚肉2片)一次過試均店招牌嘅豬牛雞 食肉獸似我會非常滿足🤣和牛和豚肉都幾好食 不過珍貴嘅和牛只得1片炙燒豚肉口感軟腍 淡淡油香但不會油膩🤩雞肉比較失色 小小“鞋”.相較牛小排沾麵 麵條較幼身 湯底冇濃蝦湯沾麵濃郁 蝦味亦冇咁重.下次再黎嘅話 我會淨叫炙燒豚肉拉麵 豚肉味道出色 有驚喜‼️💗…Read More

趁未到繁忙時間，同朋友一齊去咗公司附近食拉麵🤩過咗半個鐘就已經坐滿晒！慢煮安格斯牛小排濃蝦湯沾麵佔咗一半面積的牛小排，切得厚度均勻，海老湯蝦味喺石鍋裏面越燒越濃郁，牛小排可以喺入面淥，想要咩生熟度都得。粗麵條有韌性，食落飽肚，配溏心蛋、木耳絲、荀、鮮切洋蔥絲和紫菜是拉麵，保持水準，食到最尾最正嘅係免費加用雞骨熬製的清湯，一定要留返少少濃縮湯，好暖胃～三色濃蝦湯拉麵三色唔係指麵，係指3大塊唔同種類的肉，滿足晒肉食朋友嘅3個願望😚有叉燒+雞肉+豚肉，叉燒最出色，令我聯想起果醋豬軟骨嗰種入味程度，雞肉同豚肉口感一樣嫩。拉麵幼身少少，韌度同沾麵不相伯仲，鹼水味較重，可按個人喜好加入醋汁，味道立即提升！100%提子汁 $18𣎴會死甜的日本產罐裝果汁，清新好飲！#沖繩苦瓜餃子 十分推薦的一道小食，煎得香脆，枱上放有幾種調味料，撒適量的白芝麻、淋上日本醬油和醋，咬一啖咀嚼幾番，等苦瓜發揮作用，這種苦跟生活比甚是甘甜，大人細路都食得落！Other good points·服務態度佳·免加一·免費加清湯·自助斟水·上麵快·提供紙巾…Read More

好耐都無同朋友一齊出街食飯喇所以係放假嘅時候，嚟旺角行街同朋友試下呢間日本餐廳，而我朋友好少食日本菜，所以就簡咗呢間餐廳，好彩我地早咗嚟，唔洗點排隊就可以入座，環境方面好似日本咁有部自助點餐機，好有日本風味。今次叫咗個慢煮安格斯牛小排濃蝦湯沾麵，飲第一啖湯好濃郁，好多櫻花蝦係裏面，沾麵好掛汁味道啱啱好，將安格斯牛小排放入熱辣辣嘅湯到，輕輕煮熟佢，食落好淋好有牛味☺️，而個牛小排嘅油脂分佈得好平均，真心好正👍，值得一試❤️…Read More

見到網友去呢間日式拉麵店一直都想嚟食與網友言談之間 我先知道係李泳豪開的今日終於有時間過海一試揀咗個人氣之選慢煮安格斯牛小排濃蝦湯沾麵賣相很好 牛小排色澤均勻 咬落柔軟而不韌 麵條配上濃稠的濃蝦湯底每一啖都十分滿足…Read More

裝潢以日本既拉麵店為藍本，鋪面細細，座位唔多，但感覺幾舒服。拉麵定價雖然比出面食豚骨湯、雞白湯既為高，但阿久根主力做既係牛肉，自然成本高一啲，整體黎講性價比不俗。另外，放喺枱面既辣椒粉可以一試，幾唔錯🥢慢煮安格斯牛小排濃蝦湯沾麵沾麵賣相吸引，端上黎既濃蝦湯仲係滾下滾下，蝦湯非常濃郁，咸度適中。牛小排油脂分佈均勻，一碗沾麵有7塊牛肉，感覺相當滿足🥢燒牛肩胛拉麵牛肩胛肉肉質比較結實，炙燒過帶點焦香，溏心蛋都做到流心效果，而湯底都係選擇左濃蝦湯🥢沖繩苦瓜餃子🥟沖繩苦瓜口味既日式餃子出面餐廳真係唔多，切碎既苦瓜加入豚肉，甘香唔苦，比一般餃子少左份油膩感…Read More

好耐無食拉麵🍜，去開旺角記得有朋友推介過呢間決左試下，等左一陣就入得去，裝修都好有日本居酒屋感覺燒牛肩胛濃蝦湯拉麵 🌟🌟🌟🌟第一款人氣麵，濃蝦湯濃而不咸，拉麵係幼身，彈牙，燒牛肩有牛味又唔會燒到好硬身，配料都好足，有流心蛋、荀片、木耳慢煮安格斯牛小排濃蝦湯沾麵 🌟🌟🌟🌟第二款人氣麵，一上枱～嘩～用石窩碗上，熱辣辣既濃蝦湯，薄切安格斯牛小排，燒到半生熟，但無咩牛味，但都好嫩，而拉麵係粗身彈牙，沾落熱辣辣既湯墨魚海膽戀 🌟🌟🌟個名好吸引其實係墨魚餅包住海膽餡，海膽餡都唔少，但唔重海膽味，墨魚餅唔彈牙，普通啦鹿兒島流心芝士薯餅 🌟🌟🌟🌟做會員送既，推介脆卜卜，一咬超多芝士，流心流哂出黎最後值得一讚就係店員服務態度好，埋單後總送coupon俾我地下次食…Read More

好耐冇食沾麵，係網上得知呢到有和牛沾麵仲要係薄切就覺得好吸引，本人係好鍾意食牛所以就book mark了。我係星期日嘅一點去到，等左大約25分鐘就可以入座，入坐後當然立刻點了慢煮安格斯牛小排濃蝦湯沾麵價錢係$138，兩個人去食點左兩碗，除後仲點左芝士薯餅同唐揚雞件，不過呢兩樣就冇影到相，味道亦都係普通。等左10分鐘左右，麵就到了，當然相機食先，影完相之後就開始張d沾麵放落湯底到浸一浸，第一啖食落去d麵已經好熱，湯底亦都好濃，蝦味夠出，跟住再食多幾啖略嫌少濃味，可以淡返少少就比較好。而麵質方面就較為普通，麵唔夠硬身。牛肉就不過不失，沒有太大驚喜。內部嘅裝修都好有日本風格，感覺似係日本食緊拉麵咁。整體來說都不錯的，特別要稱讚一下個湯底好夠熱，即使慢慢食食到最後d面浸落個湯時都仲係好熱。…Read More

近排突然好想食沾麵，就搵旺角邊到有得食，呢間拉麵店裝潢好有日式風格，整體質素都幾好，餐廳主打慢煮和牛配沾麵，同埋多款自家熬製湯底，例如用日本材料而成嘅雞白湯底🥰。-🤍人氣🔥慢煮安格斯牛小排濃蝦湯沾麵$138🤍人氣🔥燒牛肩胛拉麵$98🤍阿波美雞皮餃子$48✨Open Rice有現金卷優惠-🤍慢煮安格斯牛小排濃蝦湯沾麵［滿星］⭐⭐⭐⭐⭐‼一黎到已經驚艷左我😍安格斯牛小排色澤呈粉紅色😍 肉質鮮美滑嫩、油花分布均勻。鮮嫩多汁的肉質，入口即化😍😍而且有成7塊咁多😨，除此之外，沾麵口感緊實彈牙加麵條滑順潤喉，麵條粗度也剛好！濃蝦湯方面，我覺得可以改名做「龍蝦湯」🤣，我個人唔中意櫻花蝦既湯底，所以叫個陣都驚驚地，但岀到黎個味道偏似龍蝦湯多啲😳，湯底質感濃稠、啖啖充滿龍蝦味🤣🤣，再加上沾麵，口感豐富🥰必食❗️.🤍燒牛肩胛拉麵⭐⭐⭐⭐拉麵未黎嘅時候，透過窗直接望到師傅用火槍即場燒牛😍，睇到都留哂口水。呢個拉麵湯底可以揀濃蝦湯/雞白湯/香蔥醬油湯，我就揀咗香蔥醬油湯，醬油味偏淡，可以加上餐廳提供嘅三種不同程度既辣粉或者七味粉，就變得不一樣了🤪，牛肩胛肉肉質比較結實、細嫩、極具彈性，而糖心蛋都做到滿滿醬油味同流心效果，係一隻完美嘅糖心蛋🥰🥰。.🤍阿波美雞皮餃子［滿星］⭐⭐⭐⭐⭐‼原來阿波美雞係日本研究所花了十年所研發出的雞種，餃子炸得好酥脆，肉質彈性濃郁。-環境：8/10服務：9/10好味指數：8.5/10回頭率：8.5/10…Read More

很久前睇雜誌得知廣華街開設了一間拉麵小店, 老闆就係鼎爺個仔李泳豪。直覺覺得以藝人名氣開店, 價錢都係非一般便宜, 所以開業一段時間都未有幫襯過。直至今日同友人真正經過呢間拉麵店, 門外看看menu, 價錢跟坊間拉麵店差不多, 於是就入去試試。店內面質不大, 所有均為吧檯, 有如日本地道拉麵店嘅格局。呢度除了提供拉麵, 還有沾麵、小食等等...我地揀咗一款沾麵、一款拉麵、一個小食。【慢煮安格斯牛小排濃蝦湯沾麵】HK$138湯汁熱辣辣滾下滾下上檯, 味道鹹香濃郁, 質地偏杰, 容易掛汁。常溫麵條彈牙, 份量多, 配上京蔥絲、雲耳絲、筍片, 夾集一齊食, 既香口又有層次。糖心蛋好軟滑, 兼有流心蛋黃;牛小排只有邊邊位被火灸過, 中心位依然keep至嫩紅新鮮刺身口感, 脂肪唔多, 刺身口感入口鮮嫩, 食到原本肉質彈性同鮮肉味。附餐有一小卡提示食完沾麵, 可通知店員協助加入清湯至餘下沾麵汁中再當湯咁飲, 但食完整個沾麵已經飽到吃不下了。【香煎虎蝦拉麵】HK$98 另 +$15 追加糖心蛋鮮蝦湯底味道同樣濃郁, 夾集了少少櫻花蝦, 鮮中帶鹹香。拉麵軟硬適中, 口感有彈性, 份量岩岩好。本身已有半隻糖心蛋, 太好味當然要追加多隻。焦點嘅虎蝦大大隻, 鮮味爽口。【章魚小丸子】HK$48即叫即整, 小丸子外層烤至金黃香脆而不油, 入面有兩粒爽口嘅章魚細粒, 表面加咗沙律醬、木魚絲, 口感同味道都不錯!…Read More