阿久根和牛拉麵屋

Open Now

Now Closed

同朋友睇完戲係附近搵食, 隨意入咗呢間日本麵食小店, 餐廳面積不大, 全吧檯座位, 雖然唔算坐得舒服闊落, 反而感覺很有日本地道拉麵小店嘅和風感覺, 食物水準至上, 而且全日免加一, 搶返唔少分數。呢度主打湯拉麵同沾麵, 另有數款小食選擇。沾麵隨餐奉上一張咭牌展示建議正確食用方法, 夠哂貼心!【人氣慢煮安格斯牛小排沾麵】HK$148自選: 濃厚味噌蝦湯味噌蝦湯以石鍋上, 如果可以再熱得滾下滾下就更好。味噌蝦湯味道如menu上所指嘅偏鹹一點, 味道鹹鮮易掛湯, 麵線QQ彈牙; 而主角安格斯牛小排分別有嫩紅刺身同埋炙燒過嘅熟和牛, 前者係咀嚼時食到和牛本身嘅筋絡, 後者口感比較林, 牛脂較出, 另配有原隻軟滑流心糖心蛋同埋京蔥。【味自慢炙燒豚肉沾麵】HK$115自選: 濃厚雞白湯幾塊表面燒得金黃有焦嘅厚炙燒豚肉, 選自五花腩, 肥瘦相間, 肥油層比例較少, 食落唔會感覺太油太膩, 肉質軟林有肉香。雞白湯同樣易掛湯, 濃郁鮮味。享用完沾麵後, 可以示意店員協助加清湯, 品嚐餘下湯汁精華, 因應個人喜歡嘅濃度而免費添加, 將整份沾麵餐盡吃, 滿足又飽肚。

又出廣華醫院，Lunch同朋友們嚟食拉麵主要食湯拉麵同沾麵湯底配料款式多，啱晒啲鍾意選擇嘅人 (me haha)▶️ 慢煮雞肉沾麵 Slow Cooked Chicken Tuskemen ($112)濃厚味噌蝦湯超濃郁🤩龍蝦味max唔算好咸，仲有好多櫻花蝦乾杰到有啲半啫喱狀，好掛麵👍🏻三片慢煮雞肉正常，帶有少少黑椒味糖心蛋正，蛋黃巨型，晶瑩剔透入味🥚加咗灸燒豚肉 (+$15) 🐷半肥瘦，脂肪入口即融，瘦肉鬆散沾麵粗身，咬落煙煙韌韌🍜好飽肚以大量香蔥同脆紫菜作點綴▶️ 牛舌芯柚子湯拉麵 ($108)期間限定🍋湯底的確重柚子味，甜甜地▶️ 招牌三色拉麵 ($138)配香濃海老湯三色包括雞肉、和牛、豚肉，真係一次滿足三個願望✨▶️ 慢煮安格斯牛小排沾麵 ($148)同樣配濃厚味噌蝦湯慢煮安格斯牛小排份量慷慨，油脂分布平均🥩▶️ 慢煮A4和牛叉燒拉麵 SlowCooked A4 Wagyu Ramen ($158)揀配黑蒜濃湯▶️ 烏龍茶 500ml ($20)-大愛佢個沾麵香濃味噌蝦湯🦐真材實料如果大家想飲晒個湯，可以叫廚師加高湯落去溝淡再飲用豚肉、牛肉、配料都做得好好每個麵用心製作，擺盤精緻，影相都

今日嚟到阿久根和牛拉麵屋，位於油麻地站附近，係一間拉麵小店，平日夜晚去到都要等一陣。人氣慢煮安格斯牛配黑蒜濃湯沾麵🍜呢款沾麵以慢煮安格斯牛為主角，面頭鋪滿咗安格斯牛，牛肉口感滑嫩，搭配黑蒜濃湯，湯底香濃，啱晒鍾意濃郁口味嘅人。麵質用咗粗麵，略嫌麪質有啲太硬，唔係好吸到湯招牌三色沾麵（豚肉雞肉及A4和牛）配濃厚味噌蝦湯🍜呢個三色沾麵包含豚肉、雞肉同A4和牛，啱晒鍾意食肉嘅朋友。豚肉同雞肉口感豐富，而和牛則有滑嫩感。味噌蝦湯湯底杰身，蝦味比味噌蓋過咗，鍾意味噌湯嘅可以揀呢個🤓

估唔到旺角都有一間咁有高質素嘅拉麵店，主打和牛拉麵！雖然鋪頭細細，但誠意十足，門面充滿日式風格，入到去全部bar枱特式，都好適合一個人去食碗拉麵！而且職員有禮貌之餘，仲免收+1😳！1️⃣ 味自慢灸燒豚肉拉麵 (濃厚雞白湯) $85豚肉好嫩滑，肥肉均勻，香氣濃郁，仲大大舊肉！😋 雞白湯味道好香濃，拉麵份量亦都夠多，紫菜仲印上小店嘅名稱，幾得意！2️⃣ 人氣慢煮安格斯牛小排沾麵 (黑蒜濃湯) $145嚟到和牛主打嘅拉麵屋點可以唔叫一款牛？今次試吓人氣慢煮安格斯牛小排，慢煮嘅牛肉果然係好嫩，半生熟狀態適中，唔會有血水，配上黑蒜濃湯沾麵，牛小排份量都好多，一啖牛一啖麵非常好味😍，黑蒜濃湯都好滋味🤤。3️⃣ 唐揚雞件 $38 雞件即叫即炸，熱辣辣超香脆，雞肉冇雪藏味，而且好嫩滑！配上肥肥嘅沙律醬一流，值得一叫‼️😋

回港目標每一個星期都要試一間正宗嘅日本拉麵店，今次係旺角廣華街找到這間「阿久根和牛拉麵屋）相當有驚喜！慢煮A4和牛叉燒拉麵 （濃厚雞白湯）極尚之選～拉麵配A4和牛，湯底可以自選👍🏻夠晒自由度。秘製濃厚雞白湯，集合雞骨牛乳香氣，搭配任何材料都合適。三片和牛油香感極重，配以蔥白極香，全隻醬油糖心蛋軟滑入味，紅卜卜嘅蛋王又靚又美味！直身拉麵也是我的摯愛❣️味自慢灸燒豚肉沾麵 （濃厚味噌蝦湯）這個濃厚味增湯實在太吸引了吧！熱辣辣的以石鍋盛載（留意店家餐牌已提醒屬偏鹹）。濃稠的蝦湯放入粗麵條，可以任意沾滿，同一時間仲有櫻花蝦的鹹香味，超級大滿足！差啲忘記主角燒豚肉，又厚又肥美，超大塊，都好啱食肉獸。冰凍支裝汽水配拉麵🍜炎炎夏日點少得😍小店都以吧枱位為主，讓你可以專心品嚐拉麵😋

食店地點優越，位處旺角，交通便利，食品種類多元化，人山人海，性價比高，經過旺角便入內品嘗招牌三色拉麵 (豚肉，雞肉及A4和牛) 配濃厚味噌蝦湯 $138拉麵一上枱，香氣噗鼻，櫻花蝦的濃湯底已經另人急不及待先品嚐一口，足料的櫻花蝦掛滿麵上，品嚐湯後，更發現湯底的蝦味濃郁，喜歡重口味的必定要試。拉麵的配料包括豚肉，雞肉及A4和牛都十分美味。其中和牛更是牛味濃厚，加上麵質爽口彈牙。另人回味無窮味自慢灸燒豚肉沾麵 (濃厚雞白湯) $115雞白湯清甜冇比，可帶出豚肉的香味，豚肉燒得恰到好處，入口嫩滑，沾麵麵質偏硬。加配熱湯，將湯輕輕沾上麵上。一方面可將麵身變成軟身。另一方面將清湯的甜味溶入麵中，另整碗麵提升一個層次雞軟骨餃子 $48餃子煎得金黃加配雞軟骨，另餃子有咬口，口感獨特阿久根和牛拉麵屋廣華街13號廣輝大廈地下1號舖

喺旺角街頭發現呢間主打創意拉麵嘅小店，無論湯底定配料都誠意滿滿，仲有超邪惡小食！ 🍖 味自馒灸燒豚肉沾麵配濃厚雞白湯沾麵湯底超濃郁，雞白湯口感綿密，掛滿每條彈牙麵條。灸燒豚肉外脆內嫩，油脂香濃，蘸湯後更惹味。重點係跟咗隻完美流心蛋🥚，蛋黃濃郁滑溜，同濃湯超夾！ 🌈 招牌三色拉麵（豚肉、雞肉及A4和牛）配黑蒜濃湯A4和牛雪花紋靚到唔捨得食，入口即溶；慢煮雞胸竟然出奇地嫩滑；叉燒厚切得嚟入味。黑蒜湯底濃郁得嚟帶甜香，飲完唔會口渴。流心蛋🥚蛋汁撈勻湯底更昇華！ 🧀 鹿兒島流心芝士薯餅（必點小食） 即叫即炸熱辣辣，咬開脆皮後澎湃嘅芝士🧀好似熔岩咁湧出！薯蓉打得細滑，混合半溶芝士鹹香惹味，食完即刻想encore多件～

最近去咗旺角食拉麵-阿久根和牛拉麵屋，真係一個唔錯嘅小店，雖然細細間，但係就係呢種親切感，令人覺得好舒服1. 六週年限定：慢煮牛舌芯 (3pcs) 配柚子白味噌雞湯 $108呢個湯底真係好特別！柚子的清香配合白味噌雞湯，味道非常豐富。牛舌芯軟滑，與湯底配合得恰到好處。每碗拉麵都有個溏心蛋，蛋黃流心，為整碗拉麵增添咗層次感，真係好好味。2. 慢煮A4和牛叉燒拉麵 $158拉麵上嘅A4和牛叉燒好好味！叉燒肉質鮮嫩，濃厚嘅雞白湯令整碗拉麵更加美味，湯底濃郁但唔會太鹹，配合拉麵嘅口感，忍唔住飲哂成碗湯底。😋 3. 日式餃子（限定優惠）4 pcs $29餃子外皮薄脆，內餡鮮嫩，搭配醬油一齊食。

旺角多嘢食就係人都知，我哋為咗搵好嘢食成日捐窿捐罅咁就俾我哋搵到呢間拉麵店🍜啱啱開門已經差唔多滿晒位😝🍽️ 招牌三色沾麵呢間小店好有日本特色，見到隔籬左右都叫沾麵🍜我都唔執輸叫咗呢個乜都有嘅沾麵，好足料有齊佢哋嘅招牌A和牛、豚肉、雞肉😍而且個麵質感剛剛好，配埋熱辣辣同超濃口味味噌蝦湯😋生🦐湯汁！一沾放入口即大讚個湯汁好有蝦味🤤仲好濃厚🤤🍽️ 香煎大虎蝦拉麵食完沾麵，味道出色嘅拉麵店當然要食返個暖湯嘅拉麵🍜🦐我哋叫咗呢個出名嘅香煎大虎蝦拉麵試吓🦐個湯汁真係好鮮味，一口拉麵配個汁，鮮蝦味極濃真係好正，雖然我個人來講比較鐘意食沾麵🤪但呢個拉麵都有濃濃嘅鮮味！而且呢個香煎大虎蝦🦐燒到好鮮甜勁好味啊😍不得了呀！🍽️ 白桃烏龍茶 & 烏龍茶啲湯頭咁濃😋所以我哋都叫咗兩支烏龍茶味清清喉嚨，真係好好清新解渴🤤冰涼嘅白桃烏龍茶配熱辣辣拉麵🍜絕配～下次一定會嚟！

我真係好鍾意食拉麵，所以成日去試不同嘅拉麵，特別係超濃蝦湯嘅拉麵，絕對會吸引到我幫襯。今次嚟到旺角嘅呢一間餐廳，店面細細，但充滿着日本拉麵小館嘅裝修，好像身處日本去食一碗地地道道舒舒服服嘅拉麵。今次我哋叫咗兩碗唔同嘅拉面！味自慢灸燒豚肉蝦湯拉麵及招牌三色拉麵。兩碗拉麵都係用非常之濃嘅蝦湯做湯底，入口極度濃厚，好像跳咗落海一樣，非常濃郁嘅蝦海鮮鮮甜味。另外A4 和牛入口即溶非常好味。另外亦都叫一碟餃子，煎得非常之香口，非常滿足。

招牌三色沾麵驚豔登場！A4和牛，豚肉，雞肉滿足鬧市中的拉面店，濃郁豚骨香氣撲鼻而來，夾雜著炭火炙燒的焦香。品嚐招牌菜色，令人印象深刻是招牌三色沾面招牌三色沾面 沾面精髓在三種頂級肉料組合，和牛，豚肉和雞肉，經過師傅精心處理。A4和牛油脂豐腴，入口即化，豚肉軟嫩不柴，搭配濃厚沾面湯汁，層次感滿滿，雞肉低溫慢煮，鮮嫩口感。沾湯以大蝦湯熬製，濃郁不膩口，面條用粗麵，吸附湯汁能力一流，棒棒燒牛肩胛拉面 炭香風味，燒牛肩胛拉麵值得一試。牛肩胛肉高溫炙燒，表面微焦，粉嫩多汁，湯頭是雞湯，搭配細直面，味道平衡。將肉蘸辣椒醬，辛香帶出肉甜味 鹿兒島流心芝士薯餅 流心芝士薯餅，外層酥脆，馬鈴薯綿密與芝士濃郁，能拉出長長芝士絲！不油膩之小吃，作為拉面的配角，很合適店內環境簡約，滿滿日式氛圍，上菜速度快

This is one of my favorite ramen shops in Hong Kong. I’m really into strong, rich flavors, and their tsukemen totally hits the spot. It’s got a deep prawn taste, and the soup is super thick, which helps it cling to the noodles perfectly.The amount of protein in the tsukemen is just right. Not too much, not too little, so no complaints there. I’ve tried their ramen on a few different visits, and it’s nice, but I still prefer the tsukemen by far.The queue usually starts around 7 in the evening, so

香港大部分拉麵店都係叉燒做主打，想搵啲唔同主題嘅真係少之又少！不過今次喺旺角附近，竟然俾我哋搵到間以和牛做主題嘅拉麵店🧐 「阿久根」係乜水？間舖頭叫「阿久根」，個名奇奇怪怪又唔係咁易記。不過我八卦一查，原來佢係日本鹿兒島一個地方嘅名，仲係鹿兒島和牛同柚子嘅特產地添！🤯 聽到都覺得間舖頭老闆好認真，唔係求其改個名㗎！✨ 必試推介：柚子白雞湯牛舌拉麵 🐮🍋今次我叫咗個期間限定嘅柚子白雞湯牛舌拉麵，呢個真係今日最大驚喜！🥳 柚子果然冇負「特產」之名，個湯底帶住陣陣清新嘅柚子香，飲落去又清爽又解膩，超正！而拉麵上面嘅厚切牛舌，肉質爽口彈牙，咬落去口感好豐富，同個清新嘅柚子湯底配埋一齊，嗰種對比真係好特別，好值得試吓！👍✨ 朋友之選：慢煮安格斯沾麵 ⚫️🍜朋友就揀咗慢煮安格斯沾麵。佢個湯底有好濃嘅黑蒜味，嗰種獨特嘅風味，相信好多「黑蒜控」都會好鍾意！麵條煮得都啱啱好，點埋個黑蒜湯汁，味道好夠！😋✨ 小總結雖然我哋去食嗰陣係晚市尖峰時間，但樓面啲店員都好有耐性，服務好好！由帶位、落單、加水到埋單都好流暢，俾人感覺好遊刃有餘總括嚟講，「阿久根」係一間有自己獨特主題同堅持嘅拉麵店。個柚子湯底真係令我印象

店舖細細，可以坐12-15人左右，好有地道日式feel～招牌三色拉麵🍜三色指天竺肉、雞肉及A4和牛，採用了細麵，煮嘅時候應該有過冰河，所以口感比一般麵更彈牙，蝦湯濃郁，重口味人士必試，拉麵好掛汁，我欣賞有完整成粒溏心蛋，調味醬汁甜甜地，入面好軟心😍我尤其鍾意個雞肉，好軟嫩，完全無乾柴一絲絲嘅感覺，和牛都好深刻，個油花超多，分佈好平均，牛脂香好重，一啖拉麵一啖和牛好爽！無辣不歡的我另加了辣味肉醬(+12hkd)夠辣，增加拉麵湯的層次～

味自慢灸燒豚肉拉麵 - 湯底就選擇濃厚味噌蝦湯雖然店員話呢款湯底會偏咸，但我完全唔覺，仲覺得非常濃厚，味道啱啱好，拉麵吸收晒d湯汁，勁正，灸燒豚肉非常厚切，食落好淋滑，一d都唔柴，燒到外面焦焦地，好香口。招牌三色拉麵- 湯底就選擇濃厚味噌蝦湯呢款最啱貪心嘅我，因為有齊3款我最鍾意嘅餸，包括豚肉，雞肉同A4和牛，豚肉同雞肉質地好淋滑，完全唔柴，而A4和牛就好重牛味，肥瘦適中，呢款麵非常抵食。支裝可樂，好少地方有得飲，支裝特別夠汽，爽