Kin's Kitchen

同學回港，大家約出來聚聚，有人提議到灣仔留家廚房，雖然已經有一段日子沒有來過，但這裏烹調食物的高水準仍然保持不變，冰鎮醉鮑魚、留園叉燒、留園煙燻雞和太史戈渣仍然係必吃之食，另外鹹蛋黃配涼瓜，梅菜配芥菜膽和沖繩黑糖咕嚕肉都係特別又好吃嘅組合，就連普通嘅蒸牛肉餅都十分美味，八個人八個餸，再加煎馬蹄糕和懷舊芝麻卷兩款甜品，由黃昏6點食到晚上10點幾，一面欣賞美食，一面暢談各自嘅近況，食咗一個開心又滿足嘅一餐！…查看更多

窩夫與閨蜜的生日飯聚，壽星女想吃中菜，一行四人光顧灣仔的「留家廚房」。點了兩個前菜，太史戈渣(每件$25，四件起)原是北京街頭小食，以上湯和雞蛋製作，上桌時賣相似甜品，口感很特別，蘸砂糖吃更加滋味。另一前菜苔條九肚魚($128)的九肚魚比例較少，脆漿偏厚。薑蔥焗廣島蠔($198)的薑蔥總是比蠔受歡迎。留家煙燻雞(半隻$218)是招牌菜，將雞以鹵汁浸熟後以乾玫瑰花蕾、片糖和甘蔗煙燻成，煙燻味香，雞肉入味，不愧為招牌菜。魚湯雜菜煲($188)的賣相不錯，蔬菜種類頗多，有芥菜、白菜、菜心和金菇等。提早一天預訂的壽桃(半打$72)叫人失望，上桌時六個包散落在蒸籠中，因為想捧著來拍合照，只好自行將包擺好，但差不多個個包都裂開，實在無辦法補救。請經理過來看看壽桃的賣相，他說因為天氣太熱………查看更多

之前一家人去咗試位於灣仔的留家廚房，試吓佢哋嘅傳統菜。我哋叫咗江南百花雞，呢度菜嘅樣子係🐓白切雞，但實情雞皮下嗰層肉，係用蝦漿🦐而及雞湯製成，絕對係考功夫的手工菜。👍🏻另外叫咗招牌嘅留家叉燒🐖，只於晚市供應，肉嫰香口，值得一吃🤤。還有點了煎鯪🐟魚肉餅，十分香口，附上的硯芥醬汁不是死鹹，明顯自家調製，特別開胃😋！差點忘記咗個前菜，我哋叫咗太史戈渣，本身原為北京街頭小吃，用上湯和🥚雞蛋製作而成，感覺精緻，口感香酥軟糯，十分特別。留家餸菜每碟份量也不少，價格也不是便宜，所以最好一家人一起吃，這樣就可以試多啲唔同款式的食品。…查看更多

話說老友 “安妮亞” 相約潮州菜二人飯聚, 世事如棋, 最後演變成八人中菜飯局, 選址 “留家廚房”, 最驚喜係 “長介母后” 俾面出席 🥰.📖 “留家廚房” 由劉健威劉晉父子打理, 主攻冇味精傳統粵菜, 於2004年喺天后清風街開業, 2012年於灣仔設分店.🤗 今晚老友 “意大利長介” 負責訂位點菜, “長介” 堅持安排廂房, 座位闊落, 環境舒適, 服務殷勤到位, 十個讚. 食物方面, 初嗜太史戈渣, 菊花魚雲羹, 臭豆腐雲吞, 大開眼界! 整體食物質素Ok, 用餐愉快.🥢 "長介" 預早點咗三個頭盤, 七道主菜, 兩款甜品, $6,080+茶芥+10%. “長介母后” 即場追加兩個頭盤, 一道主菜, 覇氣盡現.🐚 頭盤... 醉鮑魚. 正常發揮.🤗 太史戈渣, 點砂糖食. 鎮店名菜之一. 聽講成份有雞子, 蛋白質香味濃郁. 我覺得唔點砂糖仲好食. “長介母后” 聽到我話好食, 即埸追加多一碟 😂. 📖 翻查資料: “戈渣” 源於北方叫鍋炸嘅甜點, 傳至南方後, 江太史改良變成鹹點. 江太史又係乜水? 晚淸時期, 最後一屆科舉進士江孔殷, 身居要職, 更是有名食家. 由於他曾進翰林院為官, 翰林院又被稱為太史院, 因此他有江太史嘅別名. 其廣州大宅被稱為太史第, 經常用嚟宴客, 餐單食譜有 “太史食譜” 之稱, 名菜包括太史蛇羹同埋太史戈渣.🐖 頭抽豬蹄筋. 夠腍, 點頭抽豉油, 不俗!🥟 “長介母后” 追加推介: 留家香雲吞, 即係臭豆腐雲吞, 臭豆腐味道配上炸雲吞脆皮, 點埋辣醬甜醬, 一流!🐟 主菜... 菊花魚雲羹. 口感豐富, 魚雲唔算腥, 當然落埋古乙粉效果更理想.🦐 鴛鴦蝦. 蝦肉新鮮爽口, 味道Ok. 另外, 蝦頭蝦尾釀咗葡汁磨菇肉碎嚟炸, 帶香料味道, 我麻麻地.🤗 “長介母后” 追加推介: 鳳凰焗魚腸. 非常出色!🐥 古法鹽焗雞. 皮脆肉嫩, 可惜略鹹. 另外, 食咗一舊雞潤, 有驚喜喎.🐖 沖繩黑糖咕嚕肉. 肉質嫩滑, 味道唔錯.🐂 慢煮牛肋條配芝士腐乳汁. 肉質粉嫩, 脂肪比例均勻, 入口溶化, 神級之作!🥬 梅菜蒸芥膽. 梅菜味道唔突出, 我唔鍾意蒸菜囉, 哈.🍜 蔥油拌竹昇麵. 麵質爽口, 夠鑊氣, 掂!🍯 甜品... 炖香梨杏仁茶. 杏仁茶夠熱, 味道夾到香梨, 掂!🍡 懷舊芝麻卷. 唔夠實淨, 一般.🍪 合桃酥. 鬆脆, 好食.🍷紅白葡萄酒由 “意大利長介” 安排, 十個讚!…查看更多

2月嘅時候曾經黎過留家廚房食午市，當時人唔多，2個人都可以安排到4人枱。果陣覺得留家廚房樓底夠高，透光度不錯，食物質素又可以，所以一直都想再試。今次專登約埋男朋友媽媽星期六下午黎食生日飯，可惜當時book枱時無特別要求，去到時職員就帶左我地去一間細房，同出面相比就會陰暗d，旁邊仲放滿雜物箱。至於食物質素，燻雞的雞皮夠入味，亦都食到淡淡的煙燻味，而雞肉都嫩滑。其他點心的味道就不過不失，不過有樣好就係唔一定要叫一籠，可按喜好點唔同的數量，最少2件起。點心大約$40-$55一籠。總括黎講，呢道都係唔錯，職員態度都好友善，但如果係想要有好的環境，一定要book枱時講明坐出面，唔坐房。…查看更多

慶祝生日約咗朋友嚟食留家廚房，本身約夜晚，但又停晚市堂食，唯有改食午市變咗飲茶。餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。炸到金黃色嘅蝦多士賣相好靚，食落多士酥脆唔油膩，蝦肉鮮味有彈性星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。火鴨絲腸粉皮厚薄適中，中間夾住好多火鴨絲，好足料芋角比起一般無咁油膩，內餡芋泥綿密，好好味鳳凰煎米雞係煎嘅糯米雞，表面煎到微燶，口感同煲仔飯飯焦相似，鍾意食飯焦嘅會好鍾意呢個！炒飯粒粒分明有鑊氣炒貴刁都同樣有鑊氣，而且唔會過份油膩。整體嚟講食物有水準質素高，環境亦坐得舒服。唯一係侍應服務好有進步空間！我本身對服務都算無乜要求，喺香港食呢啲幾百蚊一餐都唔會求有咩特別好服務，做到基本嘢就得，但個別侍應連基本都做唔到，希望餐廳可以改善下。…查看更多

響點心界當中，其中有一款我好鍾意食但係又冇乜地方做到嘅就係灌湯餃，我講緊嘅唔係一盅盅用湯浸住嘅浸湯餃，而係肯點心籠蒸出，皮薄，篤穿左入邊就有湯汁流出黎嘅正宗灌湯餃。之前飲食男女有一個灌湯餃特輯，但由於俾人接埋咗都已經睇唔到，反正其中一間就係留家廚房。灌湯餃嘅皮做得好薄，湯汁味道好好，餡料亦都好足，一人一隻，好有滿足感。蝦多士除咗黑膠仲有蝦肉，雖然唔係好大隻，但查完之後一啲都唔油膩，喜歡食香口野嘅朋友一定好鍾意。劉家廚房老闆劉翁師承江太史一系，其中一道特色菜係太史戈渣，係用雞湯蒸做底左一個糕點，然後再拎去炸，最後點少少糖食，喺呢度嘅其中一款招牌菜。另一道有名嘅小菜係苔條九肚魚，香口而入邊嘅魚肉好滑身，不過我就覺得個燒汁多咗少少。蝦子百花釀豆腐嘅蝦子味道好充足，多口味龍嘅嘢，食少少清淡嘅菜式中和一下。蔥油撈麵睇落好簡單，但越簡單嘅菜式月考功夫，面唔可以太乾唔可以太濕，蔥油要夠味之餘又不能太濃烈，平衡需要做得好好，而呢個絕對做得到。甜品蛋散都好夠鬆軟，有蜜糖同椰絲，不過個人就認為蜜糖唔係好夠啦。呢度嘅環境坐得舒服，侍應服務都唔錯，食物水準更加係一流。但如果要食灌湯餃記得記得記得一定要預訂，唔係係唔會有得食嘅。…查看更多

唔知莎士比亞定愛因斯坦講過…「要留住男人個心，先要留住佢個胃」【留家飯店】老闆係劉健威，佢偏偏棄「劉」而取名「留家」，又會唔會有少少咁嘅意思……意思還意思，主角始終係餸菜，究竟又留唔留到我呢位顧客呢？四個人，普普通通一餐，冇海鮮，冇貴價嘢，魚蝦蟹金錢葫蘆通通欠奉，不過味道一啲都唔普通，每一味，都食得出心思，而且服務貼心，價錢又合理，加埋甜品，一人三百都唔使！又點會「留」唔住我個心？…查看更多

🏠㽞家·留家廚房🏠推介指數 ❤️❤️❤️🤍🤍㽞家、留家廚房、劉家廚房，都係講緊同一間食肆。店鋪由父子檔藝評人兼美食家劉健威和兒子劉晉，有睇數目字電視飲食節目「煮」角就會馬上認得佢啦！㽞家一改中菜做法，不以味精、雞粉、鬆肉粉等添加劑去做菜；對食材講究，務求用烹調而突出真味，係難得嘅「從農地到餐桌」中菜館。疫情下限聚令，一行7人需要分開2張檯，為咗食多啲唔同菜式，餸菜都係一齊叫店鋪幫忙分開碟上，所以相中大部分係半碟。🌀花膠螺頭燉雞湯需要預訂，材料豐富，份量十足，推介❣️🌀太史戈渣：北京街頭小食，以上湯雞蛋製作，外脆內軟，食落都幾特別。🌀留家香雲吞：雲吞皮包臭豆腐，香脆。🌀留家叉燒 ：以稀有嘅脢頭咀即「第一刀」製作，一隻豬只有一舊第一刀。蜜汁惹味，質地軟滑。🌀酥香大腸🌀梅菜蒸芥膽🌀素煮生根炆豆腐🌀欖菜牛肉鬆炒飯🌀蔥油竹昇炒麵總結：-食物 ❤️❤️❤️🤍🤍環境 ❤️❤️❤️❤️❣️服務 ❤️❤️❤️❤️❣️.··餐廳：留家廚房 (灣仔)地址：灣仔軒尼詩道314-324號 W Square 5樓…查看更多

留家廚房係一間以傳統天然粵菜打出名堂既中菜廳，仲係2011年榮獲米芝蓮1星殊榮，bookmark左好耐，終於有機會試留家叉燒選用豬既稀有部位「梅頭嘴」，唔用鬆肉粉&人造色素，以廖孖記醬料醃製，即叫即燒，燒至燶邊，叉燒好腍帶少少肥，蜜汁一d都唔吝嗇，好好味留家煙燻雞以鹵汁浸熟後以乾玫瑰花蕾，片糖、甘庶煙燻而成，隻雞真係好滑，淡淡既煙燻味芬香撲鼻，好出色太史戈渣以上湯同雞蛋製成，係北京既街頭小食，食落係有d似玉子，但質地係更加軟滑，幾得意鳳凰焗魚腸面頭放左d油炸鬼，魚腸份量都唔少，真材實料，平時真係好少機會食到呢道菜，可惜原來我不太喜歡魚腸既腥味蝦子柚皮柚皮製作工序繁多，需要花好多時間既一道傳統粵菜，柚皮一d苦澀味都無，個茨汁用上金華火腿雞湯熬製而成，再撒上蝦籽，濃郁好味懷舊芝麻卷唔太削亦都唔太爽，煙韌度岩岩好，甜度適中，芝麻味可以再香d就更好了蛋白杏仁茶杏仁味唔算好香，甜度則岩岩好芒果雪葩用上當造印度芒果新鮮製成，真係好似食緊啖啖芒果肉咁，清甜好食每一道菜都係心機菜，而且食完一d都唔會覺得口渴，價錢都合理抵食，CP值高既一間粵菜餐廳…查看更多

又到左一年一度大事慶祝嘅家庭聚會嚟呢度嘅時候仲係四人限聚好彩book枱時有講，幫我哋安排咗兩張好近嘅枱千挑萬選揀左留家廚房上網睇以為係好舊式嘅茶樓咁但係上到去都幾光猛都幾多西裝人喺度食飯飲酒呢個係另加嘅京酥鴨主角話食嘅我哋見到呢隻鴨全部嘩嘩聲因為真係好大隻同埋我哋嗌左兩個四人餐隻鴨嚟嘅時候我哋已經食到一半，已經飽咗一大半另外仲嗌咗呢個太史戈渣睇咗食評話係推介，果然好好味好似食梗一粒雞湯咁🙈🙈不過其實功夫嘢 (google話我知)套餐包湯、冷盤、主菜、飯麵其實4個人真係唔使食一個四人餐八個人食咗兩個四人餐仲要加多隻鴨個個都食到投曬降仲包咗三四盒外賣確實價錢我唔知道，因為冇份點餐夾錢比例仲要人人唔同😅😅最緊要係大家食得開心主角們一路食一路讚☺️☺️…查看更多

最近同屋企人嚟慶祝生日，估唔到原來依間餐廳咁好食！由於我哋想食到自己想食嘅餸，所以我哋五個人無叫套餐，而係散叫。一共叫咗七個餸。雖然地方有啲隔涉，唔近地鐵站，但嗰晚都好多客人，但店員都好好服務，唔會話好難先叫到佢哋落單或添茶。個涼拌醉鮑魚好重酒味，但鮑魚整得好夠林，用刀叉一切就食得。另外個雞好新鮮，好有雞味同埋肉質好滑。個五花腩唔會太肥，因為有好多時肥到油淋淋嗰種好難入口，但依個唔會，攞嚟送飯一流！之後到太史戈渣，我都真係未試過，原來咁好味，外脆內軟。最最最好味係個鳳凰焗魚腸，我都真係唔知佢點整，但入口即溶，好好味啊！價錢唔算平，都真係中上，但食完之後都會覺得佢係有原因收咁貴。我覺得同老人家食生日飯真係唔錯，但如果平日嚟嘅話就可能略嫌少貴喇。…查看更多

二訪呢間良心中餐，今次一篇過介紹。第一次午市黎有啲菜式試唔到，趁娘親生日就預早留定餸，今次老闆仲喺度監場呢。呢度有唔少功夫多，所以市面上鮮有嘅菜式，例如太史戈渣，而且以私房菜黎講價錢算係幾實惠，同長輩慶祝可以考慮下。🍽留家叉燒叉燒即叫即燒，呢個部位嘅肉特別鬆化，燶邊加蜜汁無得輸，留意只有晚市供應。🍽慢煮牛肋肉腐乳芝士汁一款中西合璧嘅菜式，低溫慢煮24小時嘅嘅加拿大牛肋配廖媽記腐乳同藍芝士醬，牛肋肉入口即化，腐乳芝士汁重口味得黎又幾夾，配埋煮到淋又無渣嘅蘆筍非常好食，唯一要挑剔嘅係有一兩客膏嘅比例較多。🍽太史戈渣原材料只有雞蛋、粟米粉、上湯，但聽講控制火候好考功夫，食落似炸玉子豆腐，但個上湯雞蛋餡當然香滑得多，點砂糖食梗有風味。🍽留家煙燻雞呢度嘅招牌菜之一，用玫瑰花蕾、片糖同甘蔗煙燻而成，滷汁甜甜地，雞肉嫩滑入味，必點。🍽薑蔥廣島蠔雖然蠔仔當然比唔上海鮮檔嘅大蠔咁嫩滑，但做到邊脆多汁已經好難得，薑蔥爆香可蓋過腥味，唔錯。🍽鮮拆蟹肉菜茸羹用大大隻碟上好似飲西湯咁，但其實份量唔多，個湯都幾濃稠，蟹肉鮮甜，食到蔬菜嘅原味。🍽艇曬蝦醬蒸玻璃肉半肥瘦豬肉切薄片後落蝦醬蒸，我唔鍾意肥膏所以難以評價，只能講蝦醬無太鹹同埋好入味。🍽瑤柱扒時蔬白菜仔每棵都煮到好淋，瑤柱汁唔太杰，好食。🍽豬膶燒賣蝦餃肉丸上鋪左兩大件嘅豬潤，醬汁帶點酒味，朋友幾欣賞，我少食嗰舊就韌左啲。🍽芝麻卷芝麻卷好有彈性，唔會一團粉咁，芝麻味都夠濃，仲有啲芝麻碎沙沙地嘅口感，非常出眾嘅飯後甜品。…查看更多

聽身邊嘅人講咗呢間中菜好耐，主要係食傳統考功夫嘅中菜。始終中菜都係多啲人先嗌得多啲試得多啲，今次就約埋另外三個朋友過嚟試。果然冇失望，絕對可以encore! 👯‍♀️👯‍♀️▫️涼拌醉鮑魚 - 鮑魚柔軟爽口，滲透著玫瑰香同酒香，夠晒入味☺️▫️太史戈渣 - 留家廚房出名嘅一道菜，玉子豆腐嘅質感，不過味道係鹹的。要知道真正嘅食材同煮法，當然要問google達人啦。其實佢係用金華火腿同老雞熬成上湯，將上湯混入雞蛋、生粉、加少少豬油，再加雞子蒸熟，蒸熟後揉爛煮成漿。然後冷藏凝固，切成菱形，沾上生粉再炸。就咁睇已經知步驟唔少，再諗下當中嘅過程例如混成嘅漿液要過篩隔渣、生粉炸漿嘅厚薄調節、火候嘅控制，太史戈渣絕對係一道考功夫嘅心機菜🙇🏻‍♀️▫️蝦子柚皮 - 另一道考功夫菜，自己一定煮唔到，當然要試吓。柚皮一啲苦澀味都無，炆得夠入味，上湯茨汁厚薄適中，蝦子帶出鮮味，食落甘甜👍🏻▫️留家义燒 - 半肥瘦嘅豬肉，肉質軟熟，邊位燒到有啲燶夠晒脆口，再加埋個醬汁，送飯一流👍🏻▫️留家煙燻雞 - 另一道招牌菜，雞肉嫩滑不油膩，好有煙燻香味，仲有少少雞汁，送飯又係一流👍🏻▫️鳳凰焗魚腸 - 魚腸粗身肥美，雞蛋係焗至全熟乾身，但唔會鞋口☺️…查看更多

若友人不介意，4人以上的生日飯局，我多半會選中菜館，可以多嘗不同菜式，價錢亦不會太昂貴。今天來到期待已久的留家廚房，雖然是平日的午飯時間，仍然全場爆滿。圖1/留家煙燻雞—上菜當刻已經聞到濃濃的煙燻味，雞肉嫩滑無比，肥瘦適中，後來留意到餐牌提及用足100日生雞醃製，難怪如此滋味，而且滷汁味道剛剛好，好吃！圖2/太史戈渣（伴糖）—軟滑棉棉，吃下去，是雞蛋？是豆腐？唔～還帶點蘿白糕的質感，帶有兒時在家中常聞到踏單車賣豆腐花的伯伯經過時的煙燻味。翻看餐牌，是上湯與雞蛋的結合，江太史之物，好吃圖3/菠蘿咕嚕肉—最近在尋找好吃的咕嚕肉，這個也不錯，還想試試跑馬地的富多來、天后的食得好及中環星記。圖4/柚子蝦球—酸酸甜甜爽爽脆脆，一流！圖5/酥炸豬大腸及蝦子薑蔥撈麵—前四道菜太出色，可以先試圖1-4😂下次encore要點干巴菌鹽焗雞、頭抽豬蹄筋、虎掌菌五花腩、焗魚腸、留家叉燒（看了攻略，即叫即燒，要第一時間order)臨走時，看到老闆劉健威先生獨自吃午餐，吃得津津有味，有間合自己胃口又如此滋味的餐廳，實在令人羨慕！又想起前陣子石原里美飾演的日劇《天堂餐廳》，女主角為了滿足自己每天享用優質法菜的慾望，經營法國餐館並每晚留枱給自己，這個也算是我的超現實夢想😂P.S對啊，難怪餐牌對菜餚的描述如此詳細。#留家廚房 …查看更多